سكت الكنار ... ناح الغراب

ناح الغراب

سكت الكنار ناح الغراب

وياريتو لو سكت الغراب

وخلا الجميل البدرى آب

ورجع الهجر لى بلدو غاب

عاد من جديد خلا الغياب

وعادوا الحنان خلوا الجفا والإقتراب

واجتمع شمل البعاد و الفى العقاب

يا ريتو لو سكت الغراب

وخلت البوم النعاب

ما أصلو بى تحب الخراب

يا ريتو لو سكت الغراب

حزنان تعيساً ظنه خاب

ووضعنا وزر الإحتراب

وعادت البسمة الشرود راح السباب

وحلم العزول أصبح سراب

يا ريتو لو سكت الغراب

وغرد كنارنا ونفسو طاب

وفاضت رهود ريدتنا تانى بقت تساب

وسما المحبة الفوقنا أرعد ومطرو صاب

واخضرت الأرض القبيل كانت يباب

والله ابداع
قصيده
اعزب من الشهد
اسلوبك
احلي من الورد

من طرف **عازه** الثلاثاء 18 يونيو 2013, 4:50 pm

ابداع ابداع قصيده اكتر من رائعه ماشاءلله ربنا يحفظك ويسدد خطاك

ده كلماتك والحانك يا سامى

شكراً المرور الكرام :
الأستاذ على ، الدكتورة عازه ، الزعيم محمد الحسن طيفور
شكراً على المرور والتشجيع
غايتو محاولات وقلنا القحة ولا صمة الخشم
هى كذلك إن صحت تسميتك أخى محمد

من طرف **محاسن** الأربعاء 19 يونيو 2013, 5:00 pm

ياريتو لو سكت الغراب
وخلى الجميل البدري آب
وعادو الحنان
وخلو الجفا والاغتراب
تسلم علي الروعه ياسامي

فكرت فى الدايرو الغراب
واحترت لمن راسى شاب
ما عرفت قصدو من السباب
ــــــــــــــ ...ــــــــــــــــ
شكراً أختى محاسن على المرور
واريتو لو عاد الحنان
خلوا الجفا والإقتراب