بيت البقانه ..... ارقد يا عيش

من طرف **م بروي** الثلاثاء 11 يونيو 2013, 5:05 am

ناس الخرتوم كوووووووووووولكم بدون فريزازايه واحده
معزومين عشاء في أفخر محل في الخرتوم وضيوفكم معاكم
(ولا حدي حوش) يعني هي خسارة في ولاد بلدنا .؟
الزمان مساء السبت مافي اي واحد ينكت كرعيهو من
بدري وينوم اليوم داك ما بنقبل اي عزر هسع يجن اخواتنا
يقولن فرزتونا .هسع انا في زول شافني فرزت ومجتمع ذكوري وكده
اها كووووولكن معزومات حتى سهومه الجديدي.
ده للفقراء وغير الفقراء.
لكن اللحد من الغيبه البيرق مرفوع والبقنيي تبزبز في الجراري
والحروره حاره والجبا راقد وارقد ياعيش دي عزومه خاصه للمراسه
من اعضاء المنتدى
لقبه
في حقه ربع برميل ممطره ولاداعي لأصطحاب الحقق
كما توجد برمنديات و واوتاد لربيط الحمير
وكميه من العلوق
اها هنا الفرز لوفي واحده تحوم بي هنا العكاز ده الا ياباها
(وصولي ليلة الجمعه)

من طرف **نورالهادى** الثلاثاء 11 يونيو 2013, 6:09 am

حبيب الجميع وشاعر المناصير نتمنى لك اجازة طيبة بين الأهل وكم كنا نتمنى أن نكون ضمن الحضور ولكن تبقى المسافات البعيدة حاجز بين هذه اللقاءات الجميلة .وأتمنى أن لا نحرم من الصور .

من طرف **م بروي** الثلاثاء 11 يونيو 2013, 6:30 am

نورالهادى كتب:حبيب الجميع وشاعر المناصير نتمنى لك اجازة طيبة بين الأهل وكم كنا نتمنى أن نكون ضمن الحضور ولكن تبقى المسافات البعيدة حاجز بين هذه اللقاءات الجميلة .وأتمنى أن لا نحرم من الصور .

أقبض
اصحابي ناس الأحد وصلو
جر بنبرك وارفع معاك الصفايه الواقعي ديك
الحمار اوع تكون ربطو جنب حمار سفيان (عضاي)
رغم المسافات خيال صديقنا الجميل يعمر الخاطر ويسعده
آه كم تمنيت أن القاك ياوراق يارايق
الجماعه ديل الظاهر صدقوا وخافو يجوا بي هنا
اقوم اقول جماعه الأحد ظهروا..عالم جبانات
الصور يوم السبت ..الأحد ما تنفعش.الناس محوصه

أنا أصلحا
عشان ما تخوف البنات يا حمود
يا جماعة كلهم معزومين لحضور كرامة وصول محمد بروى.. وبدل خروف خروفين.. البيت واسع ووصفو معروف لعدد كبير.. نسعد بحضوركم. وما تفوتوا الشية الحارة على الجمر.. والشاي والقهوة الكاربة..
الحضور من أعضاء المنتدى من الجنسين بأطفالهم..
لتوثيق العلاقات بالمنتدى فقط ( ممنوع حضور أي أحد غير مسجل بالمنتدى) احتراما لعشرة وأخوة وزمالة وقرابة المنتدى
.......
خلاص كدا فهمتوا كلام شاعرنا..
يعني الراجل عازمكم عشان تحضروا الكرامة..

ناس الاحد ولا ناس الجمعة من عشيي—ناس الجمعة ديل
مايهبشوا الجرارى –وانت ذاتو حقو تمرق ليك اتنين تلاتة كدى على جنب---بعدين ما
دايرين نقول )ياضيوف ود بروى سويتولكم حكايي اللحم خلينا سيبونا الجرارى--)—

ان شاء تصل بالسلامة
يازعيم--

كلنا شوق للقياكم ، تصل بالسلامة يارب

الجرارى ديك نحنا مانى من ناسا لكن حقنا فيها دايرنو شىيى ومرارة

تصل بالسلامة انشاء الله اجازة سعيدة وموفقة
نحن حقنا يادكتور رسلوة الينا بالوتسب
واهم شي بتاع يوم الاحد ههههههههههه
تحياتنا للناس الطيبن اهلنا في كل مكان اينما حل بهم الزمن سواء في الخرطوم او في المناصير (البحيرة)
تصل بالسلامة شاعرنا الهمام الرائع دوما

من طرف **amira ali** الثلاثاء 11 يونيو 2013, 5:00 pm

تصل بالسلامة شاعرنا وقامتنا السامقة ونتمنى ان تقضي احمل الاوقات بين اهلك واحبابك- وتكسر الغربة اللعيني...

اكان ما ابحنة شرح الموضوع انا ما كت بجي هههه -اه ه تذكرت ايضا تلك المسافات الشيني البتفصل بينا و عزومتك الكاربي

نتعاقب ( سنة ود بروي وسنة نحن اهو حظنا كدي

متعك الله بالصحة والعافية وادامك زخرا لكل محبيك

ما شاء أوعك من طائرة جدة وأين اتفاقك معنا تسافر من الرياض عشان الطائرة ما تفوتك لأنو هنا ممكن دكتور عبدالواحد يحرسك ويذكرك.
نتمنى لك محمد إقامة سعيدة بين الأهل.

تصل بالسلامه
من زماااان بدري كنت اتمني ان اري شاعر قصيده منصوري موقد نار.
والبركه في منتدي المناصير بلدي...الله يديم التواصل..
انشاء الله اجازه ممتعه بين الاهل والاصدقاء..
الله يحبس العوارض جايين تب..بس. صديق صعبا حبتين وقال ما دايرين غير الاعضاء..المرافقين كيف...!!!!

جيبوا بشارة يا الجيران

مُحمد شرف السودان

فَرح بحرى وأمدرمان

وعازم كافة الأخوان

كم خرفان كبيرى سمان

شموم والشيى بالكيمان

قلل مردومة فى الديوان

يضحك ويمرح الخلان

والكل منشرح طربان

داك الحاج هناك سلمان

والشيخ ماسك التدان

يكورك منبسط طربان

وللكل شرع البيبان

وعاد الما حضر عقبان

أكيد محروم وأكيد ندمان

من طرف **م بروي** الثلاثاء 11 يونيو 2013, 8:45 pm

صديق عبدالله علي أبوحنة كتب:أنا أصلحا
عشان ما تخوف البنات يا حمود
يا جماعة كلهم معزومين لحضور كرامة وصول محمد بروى.. وبدل خروف خروفين.. البيت واسع ووصفو معروف لعدد كبير.. نسعد بحضوركم. وما تفوتوا الشية الحارة على الجمر.. والشاي والقهوة الكاربة..
الحضور من أعضاء المنتدى من الجنسين بأطفالهم..
لتوثيق العلاقات بالمنتدى فقط ( ممنوع حضور أي أحد غير مسجل بالمنتدى) احتراما لعشرة وأخوة وزمالة وقرابة المنتدى
.......
خلاص كدا فهمتوا كلام شاعرنا..
يعني الراجل عازمكم عشان تحضروا الكرامة..

الزعيم صديق ما قصرت في الشرح
بس عزومة البيت لناس الأحد
باقي الجمعاعه يوم السبت في الفندق(المشاوره جاريه لتحديدو)
وكمان ما مقفول على ناس المنتدى بس
فكل واحد عندو ضيوف عاوز يجيبن معاهو ابشروا
وهذا ما يسعدنا و(مناصيرنا بليدنا وكلنا اكوان)
بس ما شرحت عزومه الأحد كويس وهي عنوان البوست
تسلم

من طرف **م بروي** الثلاثاء 11 يونيو 2013, 8:54 pm

سلمان عقيد النعوفابى كتب:ناس الاحد ولا ناس الجمعة من عشيي—ناس الجمعة ديل
مايهبشوا الجرارى –وانت ذاتو حقو تمرق ليك اتنين تلاتة كدى على جنب---بعدين ما
دايرين نقول )ياضيوف ود بروى سويتولكم حكايي اللحم خلينا سيبونا الجرارى--)—

ان شاء تصل بالسلامة
يازعيم--

ود الذين فركو العدس
دي علي أنا(قال إنت ذاتك تمرق ليك اتنين تلاتي
كدي على جنب) عشان اكوسن بعدين القاهن قطعن الغرب؟
شيطنه ولاد الغرب عارفنها.
اللحم خلينا سيبولنا الجراري؟والله انت حافظ
ليك جنس كلامات هو التراث شنو والله انت خبير تراث
بدون منازع..(جيب معاك شطه وليمون ام فتفت راقدي)

من طرف **م بروي** الثلاثاء 11 يونيو 2013, 8:57 pm

سامى احمد محمد كتب:كلنا شوق للقياكم ، تصل بالسلامة يارب

الجرارى ديك نحنا مانى من ناسا لكن حقنا فيها دايرنو شىيى ومرارة

هنا تقولوا نحنا ماني من ناسها
وبعدين القرعه نشوفها تتمدى بالطاقه
أخير تجي بالباب عديل واللا جبا ليك مافي

من طرف **م بروي** الثلاثاء 11 يونيو 2013, 9:04 pm

عبدالدافع على سليمان كتب:تصل بالسلامة انشاء الله اجازة سعيدة وموفقة
نحن حقنا يادكتور رسلوة الينا بالوتسب
واهم شي بتاع يوم الاحد ههههههههههه
تحياتنا للناس الطيبن اهلنا في كل مكان اينما حل بهم الزمن سواء في الخرطوم او في المناصير (البحيرة)
تصل بالسلامة شاعرنا الهمام الرائع دوما

هههههههه اها ده النضم البعجب.
بالواتس الجبا نرسلوا ليك
لكن القرعه الملاني تدخل السعوديه كيف؟
واحد قبضو سكران يتعتع ويلجق الضابط
قال ليهو انت سكران؟ قالو أفو تتهمني يا جنابو
بام الكباير؟انا الدكتور قال لي لازم
اكل تمر كتير وانا زول سنوني خربانات
يعني ما اتصرف؟
ابشر ياعبد الدافع حا نتصرف حتى لو جففناها حتصلك
(دي روح مناصيرنا الولد ده فقير كبير وبرضو يهظر.)

من طرف **م بروي** الثلاثاء 11 يونيو 2013, 9:09 pm

amira ali كتب:
تصل بالسلامة شاعرنا وقامتنا السامقة ونتمنى ان تقضي احمل الاوقات بين اهلك واحبابك- وتكسر الغربة اللعيني...
اكان ما ابحنة شرح الموضوع انا ما كت بجي هههه -اه ه تذكرت ايضا تلك المسافات الشيني البتفصل بينا و عزومتك الكاربي
نتعاقب ( سنة ود بروي وسنة نحن اهو حظنا كدي
متعك الله بالصحة والعافية وادامك زخرا لكل محبيك

أميرتنا وأستاذتنا سلام
انتي قايله الإجازة الجايه بعيدي
هسع قبل الناس يجوا من سوق النعوفاب تلقيهاجات
خلاس( حا نخلف الجره)ده كلام كشتينه يعني نمشي السنه الجايه
كمان لأن السنه الجايه حانمشي كلنابحول الله
ونحتفل بكم مع اهلنا في الخرتوم والبلد

من طرف **م بروي** الثلاثاء 11 يونيو 2013, 9:16 pm

نجلاء زمراوي كتب:تصل بالسلامه
من زماااان بدري كنت اتمني ان اري شاعر قصيده منصوري موقد نار.
والبركه في منتدي المناصير بلدي...الله يديم التواصل..
انشاء الله اجازه ممتعه بين الاهل والاصدقاء..
الله يحبس العوارض جايين تب..بس. صديق صعبا حبتين وقال ما دايرين غير الاعضاء..المرافقين كيف...!!!!

أعضاء شنو؟ انا قلت الأعضاء والضيوف
ما دي برضو فرصه نعرفهم و ندعوهم ينضموا لينا
رؤيتكم قلاده شرف ممهورة بالماس والتبر والديباج
والحلي والحلل ..وفرح و سعادة وفالاً سمح وأمنية عزيزه وغاليه
لقبه
البوست ده عنوانو البقانه ..انتي واميره الدخلكم هنا شنو؟

من طرف **م بروي** الثلاثاء 11 يونيو 2013, 9:39 pm

مصباح محمد مصباح كتب:ما شاء أوعك من طائرة جدة وأين اتفاقك معنا تسافر من الرياض عشان الطائرة ما تفوتك لأنو هنا ممكن دكتور عبدالواحد يحرسك ويذكرك.
نتمنى لك محمد إقامة سعيدة بين الأهل.

اخوك طيران السعوديه كووووولو خلاهو
بعد ماشبعني جهجه... حتى تذاكر الحيكومه شكنتها
في جحر في الطيني ومشيت اشتريت على طيران دبي كاش
(تحلف تقول من كترت قروشي؟ ههه)
يعني مسافر ابها ـ دبي ـ الخرطوم
لقبه
صاحبي عبد الغني ده يزوغ ويربط عند الباب مالو؟
قول ليهو البوست ده بناتنا دخلوهو وشيخنا مصباح دخل

قول ليهو اربط حمارك في الدشي ديك
وادخل النافعابي حاجز ليك بنبر جنبو

والله ي جماعه ناس لاتحت ديل عندهم كترت محن تخيرالمابحتار
هسع صاحبكم دا قال ليكم جاي قطع شك انه خلاص يصلكم
صاحبه اما شفتو دق كراعه في مطار الخرطوم مابضمنه انه
وصل الاحد قريب زي ماقال تمشي سوق النعوفاب تلقي
السنه تمت اناكنت جايي اشارك في الشيه لكن كين جابت ليه جراري
ومصافي انا بعييد انا اصلوا مع سامي انا حد الشينين الشاي-- والشيه
وي خبر يوم قبل الاحد بفلوس يوم الاحد مجان
ارقد ي عيش ود بروي جرابك

من طرف **م بروي** الثلاثاء 11 يونيو 2013, 9:43 pm

سامى احمد محمد كتب:جيبوا بشارة يا الجيران

مُحمد شرف السودان

فَرح بحرى وأمدرمان

وعازم كافة الأخوان

كم خرفان كبيرى سمان

شموم والشيى بالكيمان

قلل مردومة فى الديوان

يضحك ويمرح الخلان

والكل منشرح طربان

داك الحاج هناك سلمان

والشيخ ماسك التدان

يكورك منبسط طربان

وللكل شرع البيبان

وعاد الما حضر عقبان

أكيد محروم وأكيد ندمان

اها ده النضم المابنعرف نجيب زيو
خليني اروق واجيك بعدين
(ماسك التدان)ياسلام على النضم السمح

من طرف **م بروي** الثلاثاء 11 يونيو 2013, 9:45 pm

أبوسفيان خلف الله كتب:والله ي جماعه ناس لاتحت ديل عندهم كترت محن تخيرالمابحتار
هسع صاحبكم دا قال ليكم جاي قطع شك انه خلاص يصلكم
صاحبه اما شفتو دق كراعه في مطار الخرطوم مابضمنه انه
وصل الاحد قريب زي ماقال تمشي سوق النعوفاب تلقي
السنه تمت اناكنت جايي اشارك في الشيه لكن كين جابت ليه جراري
ومصافي انا بعييد انا اصلوا مع سامي انا حد الشينين الشاي-- والشيه
وي خبر يوم قبل الاحد بفلوس يوم الاحد مجان
ارقد ي عيش ود بروي جرابك

بالله عليكم ده ما شنب مريسه؟

من طرف **م بروي** الثلاثاء 11 يونيو 2013, 9:47 pm

[img][ندعوك للتسجيل في المنتدى أو التعريف بنفسك لمعاينة هذه الصورة][/img]

من طرف **عادل شرري** الثلاثاء 11 يونيو 2013, 10:09 pm

الخال بروي تصل بالسلامة واجازة سعيدة بين الاهل والاحباب
وفي الغرة تقضي اجمل الاوقات
مرحبا بشاعر القبيلة

من طرف **م بروي** الأربعاء 12 يونيو 2013, 1:35 am

عادل شرري كتب:الخال بروي تصل بالسلامة واجازة سعيدة بين الاهل والاحباب
وفي الغرة تقضي اجمل الاوقات
مرحبا بشاعر القبيلة

قول للخاله التومي مُحُمد جاييك
مقيل معاكي وونسه شديدي
تسلم ود اختي ماك مع ناس الأحد؟قرقرقر

الجـَـبـَا.. الجبا... الجبا
الكلمة دي معناها شنو يا نجلاء زمراوي
........
بعدين مرافقين ممكن بشرط واحد!
هو أن يكونوا معجبين بالمنتدى.. كدة ممكن

أنت موش يا حمود الشفخانة القديمة تحت جنب الحرازي ، مع الموية. موش ناس عبدي لاهي.. وناس اللمين ود الحاج.. واللمين ود الحسن ومحمود الملك ونعمان ود الحسن، موش حولوه لى ( بيت بـُقَانة )
والله نحن بالغرب في الخلوة بالليل البحر يجيب لينا صوت الهرفي.. وحس الناس الشبعانين ( أرقد يا عيش ) يجيب لينا الصوت من فقاعة

من طرف **abuahmed** الأربعاء 12 يونيو 2013, 3:15 am

عووووووووك

ياناس هوووووووي

الزعيم حا يشرف البلد

الف مرحب بيك حبيبنا

تشرف

نحن معاك جمعة واحد

وعلي وعدنا

حالفين نضبح التيران
ونردف فوقا من الضان
عشان شاعرديار نعمان
جانا وشرف الاوطان
تكون حفلتنا قدر الشان
داك الحاج وداك سلمان
والنفر البهز طربان
وسامى معلق النيشان
ونسهر وحدنا الاذان
نفش الكاتمنو لى زمان
هبوا اتملوا يالحبان
تعالوا وانسوا للاحزان
والماجانا داك اليوم اكيد ندمان

---اوعه من اللياس

الشي دي
بقنيي
والله بقانة
ماهو الفرق بين البقنيي والبقانة يا حاجة نجلاء زمرواي
........
البقنيي دي كان يجيبوها في البوش لى شيخنا يس ومصباح وحسن الفكي واحمد الحسن.. والجماعة الفقرة والجماعة الأها أها

يخربني اكان عرفت معني عنوان البوست....البقانه دي شنو
بس اتبع في اثر ودبروي..
تصل بالف سلامه

لما تكون في دافنة في الغرب .. ناس شري يجونا لط بالليل
خاصة دافنة في الليل
طبعا زول يموت فجأة.. لازم أي زول يجي الدافنة.. وهم سارحين في غيهم فجأة يموت زول غصبا عنهم يجونا في الغرب.. منظر مختلف. خشوع وموت وشراب وريحة ضاربة
غايتو يا المناصير عندكم جنس محن

يخربني اكان عرفت معني عنوان البوست....
بس اتبع في اثر ودبروي..
تسلم مترجمنا....
تصل بالف سلامه

من طرف **(الحاج شرف)** الأربعاء 12 يونيو 2013, 5:53 am

م بروي كتب:ناس الخرتوم كوووووووووووولكم بدون فريزازايه واحده

(وصولي ليلة الجمعه)

المابجى يوم الجمعه الساعه 12 مساء بمطار الخرطوم مايجينا السبت ولا اللحد
لان الاخ محمد بروي نازل فى قطيه بمحطه السكه حديد حسب الاتفاق مع اداره المراسم
الشيخ بروى وجماعتو مابدوكن فرصه لو مابدرتو
من المطار وللقطيه
عشان تحجز ليك مكان فى العزومه الكبيره دى
انشاء الله كيس الدقيق مايكون كمل

اهلن بيك شيخ الشعره كل منصوري بيك فخور
ترحبيك ديار العزه تفرحبيك ديار منصور
كلماتك تملي قوية تقطع في عدوك ساطور
مشرعك الكبير واردينوللضيف جد تعقر التور
منصوري وعزيز في نسبه تمدح فيها ماك مااجور
كم غنيتا فوق بهواها كم نظمت لي مسطور
دايما في حديثك دخري مابتعرف تلف وتدور
كل بلدنا تفخر بيك برتي كحيلة كبنة وثور
تفرح بيك كل بلدنا لي حد غزة الناطور
مرحب بيك حبابك عشرةعيش بين الاهل مسرور
بنات اشعاره ماها مطايعي اب حفصه اللبيب معزور
اقبل مني نضما جبتوبيهو انا خاطري مامجبور
ـــــــــــــ!!!
حباب القامة زعيم البلد الكبير
يوم الاحد امسك الكاس ودور
تسلم مع الاشواق

(الحاج شرف) كتب:
م بروي كتب:ناس الخرتوم كوووووووووووولكم بدون فريزازايه واحده

(وصولي ليلة الجمعه)
المابجى يوم الجمعه الساعه 12 مساء بمطار الخرطوم مايجينا السبت ولا اللحد
لان الاخ محمد بروي نازل فى قطيه بمحطه السكه حديد حسب الاتفاق مع اداره المراسم
الشيخ بروى وجماعتو مابدوكن فرصه لو مابدرتو
من المطار وللقطيه
عشان تحجز ليك مكان فى العزومه الكبيره دى
انشاء الله كيس الدقيق مايكون كمل

ياربي يغيرو مواعيد الطياره.....
دايرين نجي العزومه....

تصل بالسلامه ونتمنا لك اجازه طيبه مع الاهل والاحباب وايدنا فى قلبنا لمن تصل باقى عوارضك كتيره الله يكفيك شرها

اميره الحومرى كتب:تصل بالسلامه ونتمنا لك اجازه طيبه مع الاهل والاحباب وايدنا فى قلبنا لمن تصل باقى عوارضك كتيره الله يكفيك شرها

انا خايف صاحبنا دا يمشي مطارجده يمشي يكون قاعد في الانتظار فجاه يركب طياره ماشي ماليزيا ولاتايلاند
بعيد قوقل مايجيبك لينا خلي بالك وركز شوي اهم شي التركيز والتدقيق وخلي بالك من طيارتك

اول حاجه انا بس فتحت البوست عرفتا عنوانو والباقى تميتو فى المخزن قبل ناس البيت يشوفو وياريت اقدر اجى لكن ظروفى لا تسمح الان لكن سوف نتقابل فى اقرب لمه تانيه وكوريتى رسلوه لى مع هناء وانا معااااااا ناس الجرارى حتى اكان اديتونى عكاز والله شكلها حاتكون سماحه لمه واهم حاجه خلو بالكم من الجرارى ما يقطعن الغرب وتحياتنا للزوجه المصون والاولاد وزعيمنا الطروب تجوا بالسلامه

دا كلام شنو يا سهام ''=-O

من طرف **م بروي** الأربعاء 12 يونيو 2013, 9:59 pm

سهام يا أميره روحها مرحه وتحب تهظر
هسع تلقيها اكبر فقيريه زي عبد الدافع البقول
رسلو لي كوريتي وهو ماهو مكجن غير المريسه
الله يصرفها..
فقط روح اهلنا الحلوه المرحه هو وهي وانتم كذلك

من طرف **م بروي** الأربعاء 12 يونيو 2013, 10:02 pm

اخواني الكرام كوووولكم
الشرفتوني هنا وخاصة الباشمهندس
ود جيب الله ..بجيكم فردا فردا بس تتحلى عندي مشكلة
الاقتباس دي وارد عليكم وكمان ماشي السوق ساعتين وجايي
تسلموا اهلي الطيبين

من طرف **محاسن** الأربعاء 12 يونيو 2013, 10:34 pm

كلام عجيب البركه في ود ابحنه
بقانه بقنيه
وكمان سامي قال شنو
ماسك التدان
المهم الرساله وصلت إنو فنانا الجميل منور البلد قريب
يوصل بالسلامه انشاالله

لفه
انا جايه من عشيه مع سلمان

محاسن بس ماتنسي الغنماي انشاء الله شوخب واحد
يكفي يوتر الزماره ويصلح الحديث مايبقي ذي رز نجلاء
ماقلب الوتر عرضة وديب ديب وكرباج وفي النهاي عكاز
اللب لب وقع جلد .اماني مااتبهدلنا جنس بهديل.
في الاستعداد ربنا يجيبك بالسلامة ويهون عليك السفروالمتاعب

من طرف **النفر** الخميس 13 يونيو 2013, 3:58 am

عاد بتين تجى الطياره
وتكنتك فى سمانا أنواره
وتاخد من برجنا إشاره
وتتوجه عديل لمساره
قايده الكابتن بمهاره
وتنزل بأمان فى مطاره
ويشرف عاد لبيب الداره
ويجى طالى تكسوه وقاره
ويجد زعمانا جو الصاله
يلاقوه بفرحه وسلاماً حاره
ويتحمدلو ليهو الأسفاره
وبيى بره الحشود أرتاله
وعاد بسراع تجينا بشاره
ونفرح فرحه مافى مثاله
والخرطوم تبق أنواره

********************
تصل بالسلامة يازعيم .... الشوق بحر _______________

من طرف **نورالهادى** الخميس 13 يونيو 2013, 5:58 am

يا سلام لروعة هذا البوست ويا ناس ما تنسوا الغباشة للدرافين والمشك للأطفال وسنترك الشرح للمهندس صديق . وأنا سمعت من الحاج الزعيم حازم جائى مخصوص من أجل هذا اللقاء .فشاعر القبيلة يستحق .والأستاذ الكبير النفر عبر بلسان الجميع للشوق لهذا اللقاء .

من طرف **م بروي** الخميس 13 يونيو 2013, 6:50 am

undefined كتب:

صديق عبدالله علي أبوحنةأنت موش يا حمود الشفخانة القديمة تحت جنب الحرازي ، مع الموية. موش ناس عبدي لاهي.. وناس اللمين ود الحاج.. واللمين ود الحسن ومحمود الملك ونعمان ود الحسن، موش حولوه لى ( بيت بـُقَانة )
والله نحن بالغرب في الخلوة بالليل البحر يجيب لينا صوت الهرفي.. وحس الناس الشبعانين ( أرقد يا عيش ) يجيب لينا الصوت من فقاعة

ياهو زي ما قلت يا زعيم
زمان ماتت (سلامه) يوم اللتنين
والجماعه القلتهم ديل الله يرحمن
طاشين شبكه للطيش ..ختوا الجنازه في المركب
عشان يدفنوها بمقابر الغرب ... يعدوا ويصلوا قريب
شاطي الغرب(بقينا نكتب شاطي عشان مناصير لندن)
بعد يقربو يصلوا المركب تلف وهم ماجايبين خبر يعدو
ساكت لحدي ما يصلو شيري مره تانية:ديل منو.؟ هو ديل
انتو زاتكم؟ الجابكن الغرب شنو؟ جيتو بي شنو؟
ياعمي انت غلطان انتو العديتو الغرب ورجعتو..دب الله يقلعكم
امشوا لافوق مشى صوفكم.. وهكذا يتكرر الحال لامن اصبحت.

من طرف **م بروي** الخميس 13 يونيو 2013, 6:56 am

abuahmed كتب:عووووووووك

ياناس هوووووووي

الزعيم حا يشرف البلد

الف مرحب بيك حبيبنا

تشرف

نحن معاك جمعة واحد

وعلي وعدنا

بس خوفي يا زعيم
اجي وامشي وما اعرف اب احمد ده منو
لكن لو جيت يوم الأحد أكيد حا تطش شبكه
وتقعد تلجق (علي الطلاق أنا اب احمد القدامك
ده الجر القدر ده كنت بقومبو براي عاع)
شكراً لترحيبك بأخوك يا زعيم وربنا يجعل
لقائنا مباركا يزيد من توطيد الصلات الطيبه

من طرف **م بروي** الخميس 13 يونيو 2013, 7:03 am

سلمان عقيد النعوفابى كتب:حالفين نضبح التيران
ونردف فوقا من الضان
عشان شاعرديار نعمان
جانا وشرف الاوطان
تكون حفلتنا قدر الشان
داك الحاج وداك سلمان
والنفر البهز طربان
وسامى معلق النيشان
ونسهر وحدنا الاذان
نفش الكاتمنو لى زمان
هبوا اتملوا يالحبان
تعالوا وانسوا للاحزان
والماجانا داك اليوم اكيد ندمان

---اوعه من اللياس

خوفي اضيع مع الطيران
وخوفي يغيب فلان وفلان
وخوفي غياب أعز انسان
وخوفي يقعدوا كم كيمان
و خوفي ازعل الحبان
وخوفي الحر مع الضبان
وشكرا ليك يا سلمان

بسم الله الرحمن الرحيم والصلاة والسلام على أشرف خلق الله سيدنا وحبيبنا محمد صلى الله عليه وسلم تسليما كثيرا...

التحية للأخ الكريم الأستاذ القامة محمد بروي والتحية لجميع اعضاء المنتدى والمرور الكرام.

السلام عليكم ورحمة الله وبركاته،،

طلب بسيط وغالي عاوزين يا جماعة كلنا ندعو دعوة صادقة (بجد وصدق) من الأعماق للشيخ محمد بروي أن تكون اجازته هذه من امتع واحلى عطلاته في السنين الماضية لتي قضاها في الإغتراب ..

ويجد اهله وأحبابه بخيرعال العال........ يالله يا جماعة قول آمين.

بالسلامة.. عوداً حميداً.. بإذن الله.

من طرف **م بروي** الخميس 13 يونيو 2013, 5:56 pm

نجلاء زمراوي كتب:يخربني اكان عرفت معني عنوان البوست....
بس اتبع في اثر ودبروي..
تسلم مترجمنا....
تصل بالف سلامه

في بدايه التسعينات كنا جالسين انا والبرجوب
وجاء احمد عبد الفتاح وكنا ما بنعرف بعض
فقال لي البرجوب أعرفك بالأخ أحمد عبد الفتاح
قلت ليهو منصوري؟ قال لي أيوه: قلت ليهو والله
من شكلو ده أنا فاكرو من أولاد (نمره اتنين)
هههههه أكيد هو فاكر الكلام ده... تحياتي له
الزعيم المحبوب...
مشكوره الغيوره الطيبه