عاوز العمودية رايكم شنو ؟؟؟؟؟؟؟؟؟؟؟؟

من طرف **ابو مصطفى** السبت 16 مارس 2013, 5:51 pm

تذكير بمساهمة فاتح الموضوع :

احبائى الكرام الاخوة والاخوات رواد المنتدى .............
السلام عليكم ورحمة الله ..................
الحقيقة الواضح ماهو فاضح ؟؟؟؟؟؟؟؟؟؟ والصلاة فيها السر والجهر ..................
وعندى موضوع طول معشعش فى راسى .................
اللهو............ اناخو الساترى بالى ؟؟؟؟؟؟ ........... ايوه ايوه ........ اخير تسمعوا منى
مالى الكلام يجيكم من طرف الناس ؟................. ؟...............
موضوع العمودية ؟؟؟ ايوه عاوز ابقى عمدة ............... لكن مانى عارف ابداء من وين وينتهى بى المطاف وين ؟؟؟؟
كدى بسم الله ... داير كل الناس عدو وصليح يورينى ابقى عمدة كيف ؟؟؟؟؟ .............. خلاص انا تعبان كان ما بقيت عمدة
يبقى لى سوف اصاب بى حاجات كبيرة ................
لكن انا عارف فى بعض الجماعة مابرضو ..... وفى بعض الجماعة دايرين ابو مصطفى دا يبقى عمدة ؟؟؟؟؟؟ لكن انا برضو فى عيب كبير .....
بخاف من المسئولية ؟؟؟؟؟ يعنى داير عمودية .......... بس الناس كان فى عقد ......... يقولوا لى تعال ياعمدة فلان داير يعرس ويعقد لى جناه
تشرف يا عمدة ........ واجى احضر المراسيم ويكون عندى جلابية اضانها كبيرى وتوب يجرجر اقل حاجة 20 ضراع من البوبلين اليابانى ؟؟؟؟؟؟
وجزمة جلد نمر كبيرى ؟؟ صوفها اقل حاجة يوزن كيلو ؟؟؟ وعندى ركابة عودها من التك ؟؟؟؟؟؟ او من الابنوس .......... وعندما اجى مافى زول يكون لابس زى ؟ لانه عمدة لازم يكون مميز ؟؟؟؟؟؟؟؟؟ واسمع الناس والخدام فى المناسبة يقولوا صينية دا لى عمدة ؟؟؟؟ .............. بعدين مانى عاوز اى قرش يدخل فى جلابيتى كلو كلو ...........او تكون فى واحدة عاملة شكلة مع راجلها ......... وتجينى تقول لى ياعمدة تعال شوف كلام الراجل دا ............ واجيب المجلس واجى اقعد حليقة ونسمع كلام الطرف الاول والطرف الثانى ................ او تكون فى اطيان عاوزة قسيم برضو اجى اقسمها ......... او تكون فى طالب او طالبة عجز عن دفع الرسوم ويقولوا ليهو جيب ولى امرك ........... ويقوم يقول ليهم نحن عندنا عمدة دا كل شى واى شى ........... ؟؟؟؟
فكل العاوزه من الاخوة رواد المنتدى ................. يصوتوا لى بان اكون عمدة على الهواء وفى البر وفى البحر وهذه حاجة والحاجة الثانية عاوز عدد خمسة رجال وثلاثة نسوان يكونوا لى مجلس العمودية .............. الرجال بى مواصفاات معينة اقل حاجة الواحد يكون سريع النهمة ومطيع لى كلام العمدة ويكون
زول يعتمد عليه ........... ويكون ذو همة ودموا خفيف ويفهمها طايرى ؟؟؟ راجل بليد مع العمدة ماينفع ............. وراجل ياكل كثير برضو مع العمدة ما بنفع .................. اما النسوان .......... الثلاثة المعيار الوحيد لى دخول مجلس العمدة هو ان تكون عندها املاك واطيان وقادرة على راجلها ........ يعنى كان وقفت كده وقذت يديها فى نصها ونهرت ....... الراجل دا جسمو يقوم شوك شوك ...............ويجى جارى فردة لابسة وفردة حفيانه ...........
اسع قلت اشوف ناس منتدى المناصير ديل فى المشروع بتاعى دا واشوف رايهم شنو ؟؟؟؟؟ ........... وما تدخلوا لى عوام الناس فى هذا المشروع عاوز الناس تبعد من الحسادى والمرازيه وتقول رايها فى هذا المشروع الكبير ؟؟؟؟؟؟؟؟؟؟

تحياتى
ابو مصطفى
ولى عودة

من طرف **ابو مصطفى** الثلاثاء 25 يونيو 2013, 6:08 pm

على اليمين ياعباس ؟؟؟؟؟؟؟؟؟؟ فى ناس واحدين ضارباهم جنس حسادى ؟؟؟؟ اول شى انا قايل قبيل وقت البحر جانا وكنس البلد من حدها لى حدها ؟؟؟؟؟ قلت خلاص الحسادى حقة المناصير غرقت فى الخزان ؟؟؟ لكن خلى بالك الناس من الكاب وانت ماشى لافوق الحسادى حفتهم لسع قاعدة ؟؟؟؟ اسع عليك الله ود اللفندى دا ؟؟ شايلها معاى تقيلى خلاص ؟؟؟؟ اى والله شايلها معاى تقيلى ؟؟؟؟ التقول انا اكلت مرتبو ؟؟؟؟؟
بعدين ود اللفندى دا ماهو من الليلى ؟؟؟؟؟ شايلها مع العمدة تقيلى خلاص ؟؟؟ الولد دا يسوى فى البف ؟؟؟ بف ؟؟؟؟ لكن انا بادبو ؟؟؟
اول حاجة بشكيه على اهلو ؟؟؟ كان قلبو على خلاص كان ما قلبو على برضو ؟؟ لازم يقعد فى مواعينو ؟؟؟؟؟ وبرضو معاهو واحد من ناس الجزائر لكن طيرتو ؟؟؟ طار الطيرة البى عدلها ؟؟؟؟؟ يقولوا ليهو احمد عبد الوهاب ؟؟؟؟؟ لكن ياعباس ؟؟؟؟ حرم ود اللفندى دا صحتو عاجباهو ؟؟؟؟ عصا ما بتجيب منو شى ؟؟؟؟ انا شفتو امس القريبة دى المغرب عند الدكتور حسن عثمان الحسن ؟؟؟؟ عاد دابو جاء من السعودية هو وزوجته بت اسد ابسباع البقولوا ليها انتصار ؟؟؟ كدى اصبر لى شوية خلناالنعدى الملم القدامنا دا بتاع يوم الجمعة وبعد داك اشوف حكاية الزول دا معاى شنو ؟؟؟؟

تحياتى
ابو مصطفى

ابو مصطفى كتب:يا عزة انا خلاص ؟؟؟؟ العمودية تانى مانى زولا ليها ؟؟؟؟؟ سسببت لى الحسادى والمشاكل ؟؟؟؟؟ دحين شدى حيلك ؟؟؟؟
بجيك راجع ؟؟؟؟؟؟ عندى راكوبة خمسة عشر عود ولمينى فى النص عاوز انصبها ؟؟؟؟ وخمسة ازيار كبار عاوز اربطهم ؟؟؟
وبعدين العصر بقدر اكون فضيت شوية ؟؟؟ سوى الغداء يمكن نجى عليكم ؟ الدوكى اوقديها بى بعر الحمير او البقر ؟؟؟؟
خلى الكسرى تبقى طاعمى والملاح كارب لاتسوى الشى الشويى ؟؟ الناس كتار جاين عليكم ؟؟؟؟

تحياتى
ابو مصطفى

تعالوا يا ناس شوفوا العجب

قالوا عمدتكم إنسحب

وخلا دارو الواسعى أم عتب

يا خسارة الشال والشنب

والوجاهة الزوق والأدب

عربة فارهة عطية الرب

والصغيرات لابسات دهب

والعمارة وسقفة الصب

ما مروشنة زنكى وحطب

شاشة عيرى تبث الطرب

والجميع قدامة قنب

وبالرموت للقنوات قلب

مرة تشجيع ومرات شغب

ومرة أخبار سوريا وحلب

والشغل مظبوط مكرب

منو البزعلو خلا اكتأب

خيرنا ماك دايرو وما حدب

ليه تضايق العمدة أب شنب

ربى يا وهاب لى طلب

بكرة يرجع تانى يا رب

من طرف **ابو مصطفى** الخميس 27 يونيو 2013, 1:15 pm

الله الله ......... يا جماعة ؟؟ يا جماعة صلوا على النبى ؟؟؟؟؟؟؟؟؟ تانى صلو على النبى ؟؟؟؟ اللهم اصلى واسلم عليك يا حبيب الله ؟؟؟
البلد عامرى ؟؟؟ البلد بى خيرها ؟؟؟؟؟ البلد بى رجالها ؟؟؟ اسع شوفوا جنس النضم والدرر المنثورة دى ؟؟؟؟ جنابو سامى ؟؟؟؟
حرم على اليمين تعرفوا بقارة وزغاوة وحلب وعرب ؟؟؟؟؟ ترك وترجم فلانا وفولانا ؟؟؟ نان هو شنو ؟؟؟؟؟ دا البخش دخانا ولع ؟؟ الضحى العالى ؟؟؟
ود اللفندى مع شانو ؟؟؟ شايل القفلة خلا ؟؟؟؟ على اليمين ؟؟ كيسو فاضى ؟؟؟؟ وعاوز يتكلم فى العمدة ؟؟؟ انا اخوك يا فرحين ؟؟؟؟؟
ود اللفندى الرشيد ؟؟؟؟ حرم مى طير الرهو ؟؟؟
اسع تانى بى يقدر ينضم فى العمدة ؟؟؟؟؟ اذاكان فى قامات كبيرة زى دى ؟؟؟ نزلت بالعيار التقيل ؟؟ ود اللفندى يشوفوا ليهو حفرة يدخل فيها راسو ؟؟؟؟؟

تحياتى
ولى عودة
عمدة موجود
ابو مصطفى

من طرف **ابو مصطفى** السبت 29 يونيو 2013, 6:26 pm

امس مناصير كتيرة فى باسقات حريم ورجال وعوين ؟؟؟ لكن ياعزة مالى ما شفتك ؟؟؟ انت وين ؟؟؟

تحياتى
ابو مصطفى

من طرف **الرشيد طه** الأحد 30 يونيو 2013, 9:11 pm

عليكم الله يا اخوانا ده شكل عمدة

عاوز العمودية رايكم شنو ؟؟؟؟؟؟؟؟؟؟؟؟ - صفحة 4 636238351

قال عمدة قال

الرشيد طه كتب:عليكم الله يا اخوانا ده شكل عمدة
الكمرة الخفية))
؟؟؟؟؟ يارشيد الاولاد نصبوا الشرك ؟؟؟؟
   ــــــــــــــــــــــــــــــــــــــــــــــــ
يارشيد كدي النشوف راي العمدة
   ؟؟؟؟الكلام دا ماهو ساهيل ؟؟؟؟



قال عمدة قال

من طرف **ابو مصطفى** الإثنين 01 يوليو 2013, 4:00 pm

على الحلف ؟؟؟ دى ضربة قوية ؟؟ خلاص دا عيار من ابعشرة انتهى من العمدة ؟؟؟ ومشروع العمدة بالوثائق ؟؟؟
انا زمان قلت ليكم مزازنى عمدة عمدة عمدة واخيرا تسوا لى المفراك ضنب ؟؟؟؟؟ انا عارف وحاسى بان الحكاية سوف تكون اليمة ؟؟
لكن ان بعض الظن اسم ؟؟ القصة والحكاية فيها ايادى كبيرة ؟؟؟ اول زول متهم :-----------+
محمد بروى .................... لانو يوم اجتماع الحلفاية فوق الكبرى .... قال لى انت ليك يوم ؟؟؟ وانا قلت ياجماعة المسامح كريم والناس اهل وعندنا احتفال وما داير اخرب المناسبة ؟؟؟؟ هو زول غربة وضيف عندنا ؟؟؟
المتهم الثانى والعدو الاول .......... الرشيد افندى ..... ودا اصلو ماهو ساعل فى زول .... مى الطيرة المبارى السيرة ... زول صحتو عاجباهو ؟؟؟؟ لكن ليهو يوم ؟؟؟ عمرها ام دلدوم ما بتحل مشكلة ؟؟؟؟ انا مصبرلوا هو قاعد فى السودان انا قاعد بلقاه فى غفلة ؟؟
المتهم الثالث ............ الولد الاسمو نادر نور الهادى .......... الولد دا من انا شفتو وعرفتو اصلوا رافع نخرتو فوق ... الولد دا ماهو مقنب فى الواطة ؟؟؟؟ رافع نخرتو فوق ؟؟؟ ودا بلقاهو مى جارى فى سور ؟؟ حالف اقطع لى سلمية من السلم اللخضر واجودوا جويد ؟؟؟ دا بقدر عليهو ؟؟؟؟
المتهم الرابع ........... الشمات ..... ومنهم ود جيب الله ؟؟ اى ود جيب الله من الشمات ؟؟؟؟
فى النهاية ياناس المنتدى .............. ويا شعراء المنتدى ......... ويا الناس العاقلين .. ايوه العقال فى المنتدى
دحين شوفوا الحكاية دى .... يا انا عندى كلام ........... وبعدين زول لايلومنى ؟؟؟؟

تستحق العموديه بجداره..رغم كيد الحاسدين..

تسلم ابو ماب

تستحق العموديه بجداره..رغم كيد الحاسدين..

تسلم ابو ماب

تستحق العموديه بجداره..رغم كيد الحاسدين..

تسلم ابو ماب

نجلاء زمراوي كتب:تستحق العموديه بجداره..رغم كيد الحاسدين..

تسلم ابو ماب

العمدة يابت الاجواد وقع رب ياسلمان الحقنا قول كب بابعاشمة عود الحطب والونش ابجنزيرا مكرب؟؟؟؟؟
؟؟؟؟ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ؟؟؟؟؟
راجع ليك
الشبكة

صلو ماسرانا الخبر
لم بين الناس تمدد
ماعجبنا يمن الحديث
خاصاه كان في حق ناس عمد
الكمين العملو الرجال
منو زول الجن مانفد
في الجريمة اتلبس الزول
شافو ناس ماليهم عدد
ياخسارة ضياع الطموح
كون زول فوق الكل صعد
مالو يجي ضارب الواطة بذ
التقول نط من اب قرد
انشاء الله عاد دا هو عمدة الجن الحلل بيناتن لبد
خاتي في الفاخور بالو فارش المنديل مورد
هل دي افعال عمدة يالناس
السوال عايزين ليهو رد
داير الرد يوصل سريع
قبل ما انا صبري ينفد

من طرف **ابو مصطفى** الإثنين 01 يوليو 2013, 11:54 pm

نشاء الله عاد دا هو عمدة الجن الحلل بيناتن لبد
خاتي في الفاخور بالو فارش المنديل مورد
هل دي افعال عمدة يالناس
السوال عايزين ليهو رد
داير الرد يوصل سريع
قبل ما انا صبري ينفد

اه اه شفتو يا جماعة -------------- والله ضحكت جنس ضحك ؟؟
وقبيل انا قلت ليكم ود جيب الله من الشمات ؟؟؟؟؟ ومافى شى ضحكنى الا العمدة لابد بين الحلل ؟؟؟
المعنى العمدة جعان ؟؟؟؟؟؟؟؟؟؟؟؟؟؟؟؟؟؟ عمدة جعان ؟؟؟؟؟ معنى كلامو كده ؟؟؟؟؟
ياناس المنتدى مافيه عقال ................. ياناس المنتدى دا مافيه زول عاقل يتدخل ؟؟؟؟
تحياتى
ابو مصطفى

من طرف **نداء** الثلاثاء 02 يوليو 2013, 4:24 pm

نبايع ونصر على عموديتك يا عمدة رغم كيد الكايدين

شوفوا العمدة يا خلا
مقبوض فاتح الحلة
وبى سببو اللحم قلا
وتعالوا وشوفوا يا شلة
سلمان بالزعل ملة
والحاج قلل الطلة
والكل بى السبب كلا
وات قايل دى كلا
كمان فى الدارة تتملا
والناس روحا تتسلا
وات بى جوعنا تتسلا
تهيج وتزعل الشلة
خالد قالى قوم يلا
و بالجوع ما قدر صلا
والشوق ما قدر بلا
حليل زمن العمد ولى
والزى ود قمر قلا

من طرف **abuahmed** الثلاثاء 02 يوليو 2013, 5:43 pm

والله حرام عليكم ياسامى وودجيب الله
البسوى فيهو ود علويي دائما بيعملوهاو مشايخ الخلاوي يختو يديهم فوق الطعام عشان البركة تنزل دون ان يفتحوا الاناء.
انت براكم شايفين العمدة في الصورة بيعمل في شنو, العمدة عاوز يتاكد انو الطعام يكفي الرعية
ود علوية افعالو بتاعة عمد بس هو زول ظربون

من طرف **ابو مصطفى** الثلاثاء 02 يوليو 2013, 5:45 pm

ياناس ؟؟؟ يا عالم ........... يا خلائق ؟؟؟؟ حرم ؟؟؟ واقع منى حلف ؟؟ الا اخلى عاليها سافلها ؟؟؟؟ كمان جابت شعراء ؟؟؟؟
زى جنابوا سامى ...... انا كنت فاكروا من العقال ؟؟؟؟؟؟؟؟؟؟؟؟؟؟ والله فاكروا من العقال ؟؟؟؟؟ يجى يقول العمدة اكل اللحم ؟؟؟
حرم واقع منى حلف ؟؟؟ القبيلة التى اتلمت فى الباسقات تانى تجى تتلم قدام بيتى وتسمع وتشوف ؟؟؟؟ كان عاوزة عشرة خرفان وخمسة تيران ؟؟؟؟؟ انا جاهز ؟؟؟ ابوك يا مصطفى ؟؟؟
وبرضو بشكى للعقال فى المنتدى ؟؟؟؟؟؟؟ لكن الدنيا بى خيرها يبقى يكون فى عقال ؟؟؟؟؟
بسم الله ........... انت عمدة جن هم عقال الزمن دا كلهم سارحين فى وادى والناس فى وادى ؟؟؟؟؟ الزمن دا تقول النصيحة انت مجنون ؟؟
تدخل ايدك فى جبيبك اى زول يدورك ؟؟؟ توقف الحكاية اخوك ود امك وابوك السلام الليل الله دا ما يديك اياهو ؟؟؟؟؟؟
بسم الله ............ عازة عووووووووووووووووووك ؟؟ انت وين ياعزة ؟؟؟؟؟؟؟؟؟؟ الحقى العمدة دركان ؟؟؟؟؟؟؟؟
عمدة غرقان ؟؟ وبالتهم مليان ؟؟؟؟؟؟؟؟؟؟؟؟؟
تحياتى
ابو مصطفى

من طرف **ابو مصطفى** الثلاثاء 02 يوليو 2013, 5:55 pm

abuahmed كتب:والله حرام عليكم ياسامى وودجيب الله
البسوى فيهو ود علويي دائما بيعملوهاو مشايخ الخلاوي يختو يديهم فوق الطعام عشان البركة تنزل دون ان يفتحوا الاناء.
انت براكم شايفين العمدة في الصورة بيعمل في شنو, العمدة عاوز يتاكد انو الطعام يكفي الرعية
ود علوية افعالو بتاعة عمد بس هو زول ظربون

اول مرة فى تاريخ الحكاية ابحمد يكون من لزوم العقال ؟؟؟ ويقول كلام مليان ؟؟؟؟؟؟
ابحمد معروف زول من كارزيما اسمها شخبط لخبط ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لكن والله يا جماعة ابحمد دا ماهو مضمون ؟؟؟ زى البحر مرة يبقى اصفر ومرة يبقى ابيض ؟؟؟؟؟؟
اول حاجة ابحمد اصلوا ما جاء قال لى عمدة مبروك عليك ؟؟؟؟؟؟ حتى ان بقى قالها ماها من قلبوا من جوة ؟؟؟؟ لانو انتو شفتو ؟؟؟ بقول العمدة ظربون ؟؟؟؟؟
انا داير اعرف معنى كلمة ظربون دى شنو ؟؟؟؟؟ يعنى كيف العمدة يكون ظربون ؟؟؟؟؟ وهى كلمة كويسة ام كلمة كعبة ؟؟؟؟ المصيبة ؟؟؟؟ يكون ابحمد بى ييحفر للعمدة ؟؟؟
عاوز يرميه فى غياهب الجب ؟؟؟ الله ......... الله ... الله يهون عليك ياعمدة ؟؟؟؟
تحياتى
ابو مصطفى

منو القال العمدة أكل اللحمة
أنا قاصد أقول عمدتنا ضاق اللحمة
بس غلطان أكيد ودا كلو من اللخمة
وماكان أكتب حرف والناس على مزحمة
لكن العمد مليان قلوبن رحمة
وبى يعرف الصديق من البدور الوهمة
آسفين يا زعيم من الكلام القبيح زى فحمة
إت نوارة الجرف أب خداراً قمحة
وإت قدح الكرم وإنت ياك الصحفة
مليان بالثريد وديك كم نياق منضبحة
وإت أهل القيم والخصال السمحة
بس ساكت قصدنا نفوز ولو بى لمحة

من طرف **عازه** الثلاثاء 02 يوليو 2013, 6:16 pm

معقوله بس الصوره الشفتها دي العمده ابو مصطفي بي حالو وبي جلالة قدره منحيا امام الحلل المفترض تكون رافع راسك فوق افووووووووو وحاقب عصاتك وماك خائف غير من الله في صلاتك واخيبتاه لكن برضو ارجع تاني واقول العمده لازم يكون كريم ويكرم ضيفو بي نفسو وينزل بركاته علي الطعام ذي ماقال ابو احمد والصوره دي ممكن تعالج اتناول ليك كم جمره في ايدك واتصور بيهم عشان تاكد انك مازوووووول حلل عمده بتاكل النار ههههههههههههه

من طرف **ابو مصطفى** الثلاثاء 02 يوليو 2013, 6:39 pm

عزة ............... على اليمين .. انتى وكت تدخلى فى الصراية دى .... انا قلبى قاعد يرقد شوية واحس بى درجة من الطمانينة ؟؟؟؟
ابشرى بالخير ............... ابشرى بالخير ...... اصلوا انا غلطان ؟؟؟؟ مشيت لى مقام ما مقامى ..... واتلملموا الحساد والشمات
وقعدوا يصوروا ؟؟؟؟؟؟
على اليمين اى دعوة تانى تجى ..... اى جمهور ..... او تجمع او ملم للعمدة انشاء الله سماية ؟؟؟؟؟ لازم تاتى بى مكتوب وتمر على السكرتارية الخاصة بالعمدة ؟؟؟ وينظر ويفاد فى امرها ؟؟؟؟؟؟
بت ياعزة بت ياعزة ............. جيبى لى الملف الاوربى ؟؟؟؟؟؟؟ بت ياعزة ... عاوز حسابات ختامية وميزانية لكل الاعمال ؟؟؟؟
فورا ... بت ياعزة ............ الحسانية ديل يوم عشرة فى الشهر دا عندهم ملم كبير ......... رسلى وفد مكون من عشرين راجل ومجهز بكامل عتاده ولازم يكون فيه ثلاثة نسوان يجيدن الزغاريت ؟؟؟؟؟ فورا ؟؟؟؟ اى واحدة ما بتعرف تزغرد ... تشرب 2 رطل زيت سمسم صافى من عصارة العمدة الان وفورا ؟؟؟؟؟
ماعاوز اى فوضى نامت اشوف اهلك المناصير ديل فيهم زول عاقل ام لا ؟؟؟؟؟
تحياتى
ابو مصطفى

سند الهاكعه عمدتنا وركيزة المايل
فرتاك الصفوف امات غبارا جايل
ماقفل البيوت وطرطش كلام السائل
ده الفوق القبائل يا اخوانا واضح وخايل

عازه كتب:معقوله بس الصوره الشفتها دي العمده ابو مصطفي بي حالو وبي جلالة قدره منحيا امام الحلل المفترض تكون رافع راسك فوق افووووووووو وحاقب عصاتك وماك خائف غير من الله في صلاتك واخيبتاه لكن برضو ارجع تاني واقول العمده لازم يكون كريم ويكرم ضيفو بي نفسو وينزل بركاته علي الطعام ذي ماقال ابو احمد والصوره دي ممكن تعالج اتناول ليك كم جمره في ايدك واتصور بيهم عشان تاكد انك مازوووووول حلل عمده بتاكل النار ههههههههههههه

كلام ؟؟؟؟؟؟؟ نفس الكامرة وانا المصور؟؟؟؟؟

من طرف **ابو مصطفى** الأربعاء 03 يوليو 2013, 2:16 pm

ودجيب الله دا ياجماعة من جزيرة دربى ........... وناس الجزيرة دربى ... معروفين ناس اصيلين ........... لكن مشكلتو الغربة الطويلة زغلتو ؟؟؟؟؟؟؟؟؟؟ بقى مزغول .. الغربة اخذت كل او معظم ايامه وسنينيه فى صيانة الاجهزة ؟؟؟؟؟ والان جاء السودان وما قادر يفهم الحاصل فى المجتمع السودانى .... وابسط حاجة ما عارف جماعتو ...... عشان كده بقى من جماعة الشمات .... ود البروى والرشيد
والحمد لله الولد نادر رجع الى صوابه ؟؟؟؟ لكن انا متوقع فى لبيبب كبير سوف يرد عليهم بى مدفع اربعين ماسورة وينفى كل الاشاعات والهرج والمرج الحاصل حول العمدة المزعوم ؟؟؟
تحياتى
ابو مصطفى

من طرف **عازه** الأربعاء 03 يوليو 2013, 3:51 pm

ابو مصطفى كتب:[
فورا ... بت ياعزة ............ الحسانية ديل يوم عشرة فى الشهر دا عندهم ملم كبير ......... رسلى وفد مكون من عشرين راجل ومجهز بكامل عتاده ولازم يكون فيه ثلاثة نسوان يجيدن الزغاريت ؟؟؟؟؟ فورا ؟؟؟؟ اى واحدة ما بتعرف تزغرد ... تشرب 2 رطل زيت سمسم صافى من عصارة العمدة الان وفورا ؟؟؟؟؟
ماعاوز اى فوضى نامت اشوف اهلك المناصير ديل فيهم زول عاقل ام لا ؟؟؟؟؟
تحياتى
ابو مصطفى

[/size]

النسوان البزغردتو وصلو يالعمده لكن ابعد شويه من الحلل وماتبقينا في حكاية الجعلي النسوان نادوهو ينزل ليهم الحله من النار وهي كبيره شديد لما شاله لي فوق زغردتو كباها في راسو الحله راحت وبقو في دور مستشفي لكن انا متاكده عمدانا نجيض الحله الحايم جنبها دي بي يكون فضاها زمان في بطنو ولما نزغردت حايكفيها في راسو ذي الطاقيه ويقول حلتكم اتدفقت والعمده ماشاءلله عليهو النار ماتعمل ليهو حاجه

من طرف **abuahmed** الأربعاء 03 يوليو 2013, 4:08 pm

عازه كتب:
ابو مصطفى كتب:[
فورا ... بت ياعزة ............ الحسانية ديل يوم عشرة فى الشهر دا عندهم ملم كبير ......... رسلى وفد مكون من عشرين راجل ومجهز بكامل عتاده ولازم يكون فيه ثلاثة نسوان يجيدن الزغاريت ؟؟؟؟؟ فورا ؟؟؟؟ اى واحدة ما بتعرف تزغرد ... تشرب 2 رطل زيت سمسم صافى من عصارة العمدة الان وفورا ؟؟؟؟؟
ماعاوز اى فوضى نامت اشوف اهلك المناصير ديل فيهم زول عاقل ام لا ؟؟؟؟؟
تحياتى
ابو مصطفى

[/size]

النسوان البزغردتو وصلو يالعمده لكن ابعد شويه من الحلل وماتبقينا في حكاية الجعلي النسوان نادوهو ينزل ليهم الحله من النار وهي كبيره شديد لما شاله لي فوق زغردتو كباها في راسو الحله راحت وبقو في دور مستشفي لكن انا متاكده عمدانا نجيض الحله الحايم جنبها دي بي يكون فضاها زمان في بطنو ولما نزغردت حايكفيها في راسو ذي الطاقيه ويقول حلتكم اتدفقت والعمده ماشاءلله عليهو النار ماتعمل ليهو حاجه

يا عمده
البت المطموسة دي اعمل حسابك منها!!!!!؟؟؟؟؟؟؟

من طرف **ابو مصطفى** الأربعاء 03 يوليو 2013, 4:51 pm

هوى .......... هوى .. انت جيت من وين ؟؟؟؟ انا ماقلت ليكم ابحمد ؟؟؟؟ ان بقى ما جاب لنار يجيب العسكار ؟؟؟
اسع داير يخش بين العصا وقرفايتها ؟؟ العصا الفوق راسك بركة الله ؟؟؟
انت ماك عارف عزة دى قاعدة تنوب العمدة فى سفره وكل الملفات الحساسة ماسكاها البت دى ؟؟؟؟ عاوز ايه انت يا لخبات ؟؟
خليها تقول اى حاجة ؟؟؟؟

تحياتى
ابو مصطفى

من طرف **عازه** الأربعاء 03 يوليو 2013, 5:07 pm

ابو مصطفى كتب:[size=24]
هوى .......... هوى .. انت جيت من وين ؟؟؟؟ انا ماقلت ليكم ابحمد ؟؟؟؟ ان بقى ما جاب لنار يجيب العسكار ؟؟؟
اسع داير يخش بين العصا وقرفايتها ؟؟ العصا الفوق راسك بركة الله ؟؟؟
انت ماك عارف عزة دى قاعدة تنوب العمدة فى سفره وكل الملفات الحساسة ماسكاها البت دى ؟؟؟؟ عاوز ايه انت يا لخبات ؟؟
خليها تقول اى حاجة ؟؟؟؟

تحياتى
ابو مصطف
عفيت منك يالعمده فوته الفرصه ابو احمد عايز يفتنا ويفوز بالعموديه ههههههههههههه قول ليهو بعدك نحن الاثنين نجاض ومابندقس

دا صمد الساقية وفوقو لقب العمدة خايل

دا السيل التطفر موتو لى طرف النتايل

اصلو شاف الناس كثيرة وعددا هايل

وبى حرة قلب داير يعدل المايل

ان بقى مابيكفن الزول دا لى سكينو شايل

حرم فى ثوانى يكفيهم مرارة وفوق صحانة الشية كايل

من طرف **ابو مصطفى** الأربعاء 03 يوليو 2013, 5:13 pm

العب غيرها ؟؟؟ يا ابحمد ؟؟÷÷÷÷÷÷÷÷÷÷÷÷÷÷÷÷÷هههههههههههههه:::::::::::::: هههههههههههههههههههه
العب غيرها عامل فيها تفتيحة وشايل مفاتيحها ؟؟؟؟
لكن المفاتيح عند العمدة عاوز تدخل بى وين ؟؟؟

تحياتى
ابو مصطفى

انتو ابومصطفي العموديه الدايرها عموديه شنو؟
اصلها عمودية لندن انا لي زمن اسمعه لكن ماخاتي باله
لكن ساعه فبل علي الخال هله هله علي الجد
اصبري لي ي العوضابي
لازم تروق في علبك لم يجيك طلبك

من طرف **ابو مصطفى** السبت 06 يوليو 2013, 2:17 pm

يا ابو سفيان .............. الناس دى كلها مشت بعيد ............. وانا ما شغال بيها كتير ............
اسكن مدينة الجرافة احد احياء ام درمان الشمالى ........... حيث لايوجد فيه اثر كبير للبصمة المنصورية وقدمت طلبى بان اكون عمدة
فى هذه المدنية المتواضعة والتى تشبه الى حد كبير قرى المناصير ؟؟ لكن الناس شايلاها تقيلة معاى ؟؟ وبالذات الرشيد افندى وجماعتو ؟؟؟

تحياتى
ابو مصطفى

من طرف **ابو مصطفى** السبت 06 يوليو 2013, 2:27 pm

سلمان عقيد النعوفابى كتب:دا صمد الساقية وفوقو لقب العمدة خايل

دا السيل التطفر موتو لى طرف النتايل

اصلو شاف الناس كثيرة وعددا هايل

وبى حرة قلب داير يعدل المايل

ان بقى مابيكفن الزول دا لى سكينو شايل

حرم فى ثوانى يكفيهم مرارة وفوق صحانة الشية كايل

الشمات ............. ناس ود الفندى تانو تقولوا شنو ؟؟؟؟؟؟؟؟؟؟؟؟؟؟؟؟؟؟؟؟؟
كسرة :---------------------
فى امسرح والناس متلمة يوم الجمعة (الاجتماع5/2013/7 ) ويعجبوك المناصير ... لاحظت ان العمدة فنان واقف على جنبه ومعاه الرشيد افندى ؟؟؟؟ وسلمت على عمدة البلد الحقيقى ... سلامات طيبين .. وقام الرشيد ما اصلوا بتاع لخبطة
قام قال للعمدة الحقيقى للبلد ( فنان ) الزول دا رافع بوست طالب فيه العمودية ؟؟؟؟ فقام العمدة الحقيقى فنان رد عليه بكل حكمة وقال له .. هذا ارجل متزوج من قبيلة الرباطاب والرباطاب عندهم سبعة عمد
يمشى يعمل العمودية الثامنة فى الشريك ؟؟؟ محل زوجته واهله ؟؟ شفتو اللخبتة دى كيف ؟؟؟ على اليمين انا كان ما القبيلة متلمى والملم ملم قبيلة كنت عاوز افلق الرشيد افندى بى عكاز .. وكمان جماعتى متلمين من ود البت فى هذه اللحظة ؟؟؟؟
لكن واحد نصحنى وورانى قال لى انت عارف الرشيد دا يلم فى العمد بى لحمى من امه ؟؟ اتارى زولى زعلان ؟؟؟
تحياتى
ابو مصطفى

من طرف **ابو مصطفى** الخميس 18 يوليو 2013, 5:01 am

يا جماعة سلام وتانى سلام ؟؟؟؟؟؟؟؟؟؟؟؟؟؟ حكاية العمودية دى ؟ انا خليتها تب وسلمتها لى دكتورة عزة ؟؟؟
تانى لا اسمع لى زول يقول لى يا عمدة ؟ فاهمين والله ما فاهمين ؟؟؟؟؟
انا عمدة بتاع جرافة بس ؟؟؟؟؟ اى زول ما ساكن فى الجرافة العمودية دى حقتنا ماشاملاه خلاص ارتحتو ؟؟؟؟

تحياتى
ابو مصطفى

ابو مصطفى كتب:
يا جماعة سلام وتانى سلام ؟؟؟؟؟؟؟؟؟؟؟؟؟؟ حكاية العمودية دى ؟ انا خليتها تب وسلمتها لى دكتورة عزة ؟؟؟
تانى لا اسمع لى زول يقول لى يا عمدة ؟ فاهمين والله ما فاهمين ؟؟؟؟؟
انا عمدة بتاع جرافة بس ؟؟؟؟؟ اى زول ما ساكن فى الجرافة العمودية دى حقتنا ماشاملاه خلاص ارتحتو ؟؟؟؟

تحياتى
ابو مصطفى

مالك الجاك شنو؟؟؟؟؟؟؟؟؟؟
جاتك ضعوط خارجيه ولاشنو؟

من طرف **عازه** الخميس 18 يوليو 2013, 4:35 pm

عمدانا اللضيوف كفاي
عمدانا البالالوف عطاي
عمدانا اللرقاب فداي
عمدانا اللسمح سواي
عمدانا النجم الفي سمانا ضواي
سيب الجرسه ياعمده وماتزوغ من المسؤوليه البلد وعدتها بي شوارع اسفلت وكهرباء قوميه ومياه شرب نقيه وجامعه عالميه والناس فرحت وعشمت فيك خير تجي تقول لا انا عمدة جرافه بس وليه عشان الجرافه جاهزه بي كهربتها ومويتها ومدارسه وماناقصاها حاجه ههههههههههه
طريقة زوووووووغه مافي عشمنا كبير وحملنا تقيل مابيقدرلوا الا العمده ابو مصطفي

من طرف **اقبال** الخميس 18 يوليو 2013, 6:46 pm

رائع وجميل هذا البوست ...
يا( عازة) تعالي و لمّي من كل البيوت
عدة السفر الطويل
زخرفي الفجر النهار
شخبطي الضحي و الاصيل
المغرب
الفجر
النجوم،
في صرة و ارميها البحر
خلّينا فوق الشك نعوم
و العمدة فاض
و العمدة صار مليون عُمَد
و العمدة فيل
جبلا تقيل
لبوة و أسد
حسنة و غصب
جمعة و أحد
هذة الكلمات اقتباس من اغنية الكابلى (سعاد)

من طرف **الرشيد طه** الخميس 18 يوليو 2013, 7:03 pm

abuahmed كتب:يا عمده
البت المطموسة دي اعمل حسابك منها!!!!!؟؟؟؟؟؟؟

والله يا ابو احمد فعلا البت دي مطموسة لكن يا عمدة قصة ابو حمد ده معاك شنو يقول ليك انت ظربون

من طرف **الرشيد طه** الخميس 18 يوليو 2013, 7:07 pm

اقبال كتب:رائع وجميل هذا البوست ...
يا( عازة) تعالي و لمّي من كل البيوت
عدة السفر الطويل
زخرفي الفجر النهار
شخبطي الضحي و الاصيل
المغرب
الفجر
النجوم،
في صرة و ارميها البحر
خلّينا فوق الشك نعوم
و العمدة فاض
و العمدة صار مليون عُمَد
و العمدة فيل
جبلا تقيل
لبوة و أسد
حسنة و غصب
جمعة و أحد
هذة الكلمات اقتباس من اغنية الكابلى (سعاد)

يا سلام الله الله يا اقبال علي هذا الاقتباس الرائع جدا ده الكلام بلا عمدة بلا بطيخ
يا اقبال زخرفي الفجر النهار شخبطي الضحي والاصيل

العمدة مالوا يا اخوانا ـ ما هو براهو القال داير العمودية ـ
ـــــــــــــ
يا عمدتنا أركز وخلى دا الجقلييب
والصقر إن وقع كتر البتابت عيب

يالطيف الطف عاد بعد بوست ود بروى عاوز تغادر اركز ياعمده افو....افو,,,,,افو.....عمده صندل والصندل

بقى غالى غلا مابتهبش اركز عشان اكسرلى منك فد فرع والا للجرافه الم عفشى وارتحل

من طرف **ابو مصطفى** الإثنين 12 أغسطس 2013, 6:32 pm

سلام سلام ............. سلام
والله مشتاقين يا جماعة لكن فى رمضان الكتابة صعبة ...............

تحياتى
ابو مصطفى

من طرف **عازه** الإثنين 12 أغسطس 2013, 6:56 pm

كل سنه وانت طيب عمدانا انشاءلله السنه الجايه تترقي وتبقي ناظر قبيله كبيره جيت يوم العيد بي صينيتي فيها حلاوه وزلابيه وفتيل ريحه وصحن شعيريه وحفاظتين شاي مع دستتن كبابي شاي الا مالقيتك قالو لي العمده لابد جنب الزير اصلوا ماسكاهو عطشه شهر ماتفكوا لملمت عدتي وجيت راجعه .

من طرف **الرشيد طه** الإثنين 12 أغسطس 2013, 8:24 pm

عازه كتب:كل سنه وانت طيب عمدانا انشاءلله السنه الجايه تترقي وتبقي ناظر قبيله كبيره جيت يوم العيد بي صينيتي فيها حلاوه وزلابيه وفتيل ريحه وصحن شعيريه وحفاظتين شاي مع دستتن كبابي شاي الا مالقيتك قالو لي العمده لابد جنب الزير اصلوا ماسكاهو عطشه شهر ماتفكوا لملمت عدتي وجيت راجعه .

يا عزة كل عام وانت بالف خير
عليك الله عمدة شنو قايمة وقاعدة وحلاوة وزلابية وريحة و......... وبعد تعبك ده ما تلقي العمدة ولا زول وتشيلي حاجاتك وترجعي العمدة الجد بيتو ما بفضي
لكن عمداك ده نفرو برا

من طرف **عازه** الإثنين 12 أغسطس 2013, 8:57 pm

ههه يالرشيد بس اعمل شنو انا السكرتير لازم اكسر ليهو ثلج لكن بيني وبينك انا ماجيت لاني عارفاهو مافاضي مع العصائر والحلويات وهاك يادفسي ماصدق رمضان انتهي بمشي ليهو بعد شهر كدا يمكن يفضي وكلامي ليهو كشكره ساي عارفاهو مافاضي ومافارز جيت ولا ماجيت

من طرف **abuahmed** الثلاثاء 13 أغسطس 2013, 4:07 pm

اصبروا يا ابو مصطفي وعازه
انتو ما عارفين الرشيد وابو سفيان بلدهم فيها النصب التذكاري للكرنوق
اعملوا حسابكم من ناس ام دويمة

من طرف **عازه** الثلاثاء 13 أغسطس 2013, 4:29 pm

ههه ياابوحمد نحن خوف مابنخاف عيونه مكحله بالشطه والعموديه مكنكشين فيها قوي ومابنفكها ذي قصة العميان الشال الضلعه كلها في مناسبه وقال ياربي انا العميان لقيت قدر دا امال المفتحين كيف هسع ابوسفيان والرشيد يشوفوا ليهم ضلعه ثانيه.

من طرف **عازه** الأربعاء 14 أغسطس 2013, 12:41 pm

بالمناسبه يالرشيد وابو سفيان ماتزعلوا مننا نحن العموديه الاصل دي مصدر فخرنا ويستحيل نفكر فيها وعمودية المنتدي برضو شايفاها محجوزه انا وود علوي غايتو شاطرين في الحساب بي نلقي مكان لي عموديتنا دي هو قال الجرافه لكن المجلس استبعدها نسبه لقلة المناصير بها ومازال البحث مستمر لايجاد موقع للعموديه نسأل الله التوفيق وبرضو انتو يااخواني واخواتي باركتو العموديه لي ودعلوي ساعدوه بافكاركم عشان يلقي مكان لايسكنها انس ولاجان ههه البلد محجوزه كلها

من طرف **ابو مصطفى** الخميس 15 أغسطس 2013, 2:48 pm

وحات الله ............... الرشيد دا حاسد حسادى ................................. ...
العمودية دى زاتها خليتها ليك ؟؟؟؟؟؟؟؟؟؟؟؟؟؟؟؟؟؟؟؟؟؟
ياعوذ بالله من الحسادى ؟؟؟؟؟؟؟؟؟؟؟؟؟؟؟؟؟؟؟ قلنا المناصير غرقوا وغرقت معاهم الحسادى ؟؟؟؟؟؟؟؟؟؟ لكن الحسادى جاءت قعدت فى الحاج يوسف ؟؟؟؟؟؟؟؟؟؟

تحياتى
ابو مصطفى

من طرف **عازه** الخميس 15 أغسطس 2013, 4:54 pm

انا غايتوا يالعمده فكرت وقلت الرشيدا دا مابيسيبنا في حالنا احسن نمشي نبارك ليهو السمايه ونشيل معانا شوية قريشات كدي نسكتوا بيها وشايفه دا الوقت المناسب لو فاتت السمايه بي كتير ثاني مابيرضي بي سهوله وعندنا زول ثاني كل مره قادي السلك وناطي شكلوا برضوا ماعاجباهو قصة العموديه دا بس الا نمشي فقير كارب يسكتوا مننا

من طرف **ابو مصطفى** الأربعاء 28 أغسطس 2013, 2:48 am

عازه كتب:انا غايتوا يالعمده فكرت وقلت الرشيدا دا مابيسيبنا في حالنا احسن نمشي نبارك ليهو السمايه ونشيل معانا شوية قريشات كدي نسكتوا بيها وشايفه دا الوقت المناسب لو فاتت السمايه بي كتير ثاني مابيرضي بي سهوله وعندنا زول ثاني كل مره قادي السلك وناطي شكلوا برضوا ماعاجباهو قصة العموديه دا بس الا نمشي فقير كارب يسكتوا مننا

دقسنا والحكاية فاتت علينا ياعزة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ كيف يتم الصلح مع الرشيد ؟؟؟؟؟؟؟

تحياتى
ابو مصطفى