والي نهر النيل يستقبل قافلة التراحم المتجهه للمناصير الجديدة بالدامر

خبر سار جدا ياخالد
ونقولهم تصوموا وتفطروا على خير
والعقبة الي اهلنا في المحلي.

يا خالد ده قافله حق يراد بها باطل .

خبر مؤلم ياسيد خالد
عندما تتجهه قوافل الزكاه الى منطقه ما هذا يعنى انها تستحق الزكاه
اللهم اصرفهم عن مناطق المناصير الاصل
اللهم اكفينا بحقوقنا عن زكاتهم
اللهم اجعلنا من دافعى الزكاه ولا تجعلنا من الفقراء والمساكين والغارمين وابناء السبيل
ضحينا بارضنا وجرفنا ونخلنا وزرعنا وضرعنا
اللهم لاتجعلنا نضحى بكبرياؤتا

(الحاج شرف) كتب:خبر مؤلم ياسيد خالد
عندما تتجهه قوافل الزكاه الى منطقه ما هذا يعنى انها تستحق الزكاه
اللهم اصرفهم عن مناطق المناصير الاصل
اللهم اكفينا بحقوقنا عن زكاتهم
اللهم اجعلنا من دافعى الزكاه ولا تجعلنا من الفقراء والمساكين والغارمين وابناء السبيل
ضحينا بارضنا وجرفنا ونخلنا وزرعنا وضرعنا
اللهم لاتجعلنا نضحى بكبرياؤتا

سلمت يداك وقلمك الاخ الحاج

نحن في المحلي نفتش علي درب الزكاة
لانها من مال اغنياء الوطن
ولو في درب زي دة نحن جايبين لينا الاغاثة ليه !!!!!
ياحازم ايهما افضل اكل الزكاة ام الاغاثة ؟؟؟؟؟؟؟

ياشيخ منوفلى
جمعه مباركه
الزكاه للفقراء والمساكين والاغاثه للمنكوبين والنازحين
ارفع يدك معى لله
ان لانكون منهم ناصرى المحلى والمهاجرين
وتكون انت وانا
وكل منصورى فى كل الدنيا من اغنياء الوطن
قل اميييييييييييييييييين

آآآآآآآآآآآآآآآآمين يا رب العالمين
بس نحن الاغاثة شحدناهه شحدة وديل جابوها ليهم في محلهم
والزكاة اكلة مضمون والاغاثة ما مضمونه
والله انا كنت خايف من الجماعة يلحقوا اهلنا ناس ام مراحيك
وخلوا الرشيد يحكيلكم بي قصة ام مراحيك .
وشكرا

المانحين ديل شنو يامنوفلي.اذا كان رب البيت بالدف ضارب فشيمه اهل البيت الرقص.لكن بين وبينك الزكاة عيب.ماتقوم به الدوله تجاه اهلنا بشقيهم يعتبر ازلال.كيف تقدم لي الذكاة وتحرمني من حقوقي وتتماطل في دفعها؟

اخوتى الكرام سلام عليكم
المناصير كانوا بطلعوا الزكاة قبل ما تعرفها وتعمل بيها الحكومة وكانوا اصحاب نفس ابية وعفيفين ولم يكن يتخيل واحد ان ياتى اليوم الذى ينتظرون فيه الزكاة والاغاثات ولكنها احكام القدر وتصاريف رب العالمين والله يلعن الكان السبب ويرجعهم زى ما كانوا عفيفين وشريفين ومانحى زكاة انه قادر على كل شئ .
ام مراحيك دى منطقة رسلوا ليها اغاثة ادخلت المنطقة كلها فى هستريا ونوبة ضحك متواصلة لكن يا منوفلى ما عارف الموضوع ده عالجو كيف الا يكونوا غطسو حجرو زى حاجات كتيرة وربنا سلم وعافا اهلنا من الاغاثة المسمومة .

بقينا ناكل في الاغاثه والزكاه وكمان يصوروها ويصورنا
وحقوقنا راااحت ياناس . والله دي رجاااله عديل وكمان واحدين يقولولك الناس ديل نقيف معاهم لسع زي ماوقفنا معاهم في الانتخابات
انا بعد دا بقترح ان نترك الاسماء التي تدل علي الشهامه والرجوله مثلا زي ود القبايل والحبوب والجدروب نخليها ونعمل اسامي تواكب المهذله التي بدتها الولايتنا الفتيه . ولارايكم شنو؟

الأخوه المتداخلين
رمضان كريم... وكل سنة وأنتم والمناصير عامه بألف خير
اللهم اخفظ أهلنا وأحفظنا من مال الزكاة والإغاثة
ياجماعه.. نحن كأعضاء بالمنتدى عايزين إنشاء الله من اليوم ما تدخل إغاثة أو زكاة للخيار المحلي، لأنو مال الزكاة الإغاثة تعود الناس على الكسل، ودي عادات نحن المناصير في غنى عنها... مليش لو في جه عايزه تدعم المناصير يجب أن تكون مثلاً لاب توبات - كمبيوترات، منح تعليمية - دورات تدريبية.
لكن حاجات أكل وشراب أبعدوها من المناصير
وربنا يحفظنا من مال الصدقه[b]