ضـِـبـَـيـْـتـُـوْ باللهْ

ضـِـبـَـيـْـتـُـوْ باللهْ : أي لعنة الله عليه... الباء في ضبيتو فتحة مائلة تنطق ولاتكتب..
....... بالله هنا مفخمة وليس ترقيق.. والهاء عليها سكون ضروري. غير التفخيم والسكون في آخر إسم الجلالة . الكلمة تختل ولاتعطي معنى....
ما تستهينوا بي لغتكم.. هي اشرف اللهجات وأقربها للعربية.. التفخيم والترقيق يؤثر فيها
............
قطعناها من القاموس هنا ضهرا مكشوف زي الحوتي العايمي في البحيرة عشان الناس يشوفوها .. لأنها كلمي طاعمي وناقعي وناجمي.. في تراثنا..
قلنا أصلو القاموس ده. النا س قليلا ما يشوفوهو.. خاصة الأعضاء القدامى..
اللهم إلا الفكي ود زينب بت الفكي. لأنو مغموس في تراث أهلو.. ومنقوع على سباليق محبة جداول مياه البلد ومسبوك بمحبة الناس الغبش..
أو
عضو جديد زول شرقان لسه بالمنتدى.. ما لحق جابدنا في إنو يقول يا جماعة التطوير يا جماعة التثوير. المنتدى بقى ممل.. عوووك وهكذا..
أو زول يرد مورد القاموس يكون زول بحث..ريسيرشنق ، والله مشروع تخرج والله رسالة والله كدة حتى يدني من جيهة القاموس..
برضو في أعضاء أنا بعرفهم تحت تحت ما قاعدين يطولوا من القاموس

نداء
العضو الجديد
قالت : أنت والفكي أحمد ..الكلام ده قاعدين تجيبوهو من وين؟
الكلام ده يا أستاذة أسألي منو أبوكي.. زين بي يعرفو

من طرف **علي الحمود** السبت 17 نوفمبر 2012, 8:29 pm

أنا فى بحور الشوق غرق..
أنا داير أعوم أنا داير أشق ..
يا سمحه شايلنى العرق..
............
أنا دافر الموجات أشق
شاققت من تالاك غرق.
...................
ده زول غرقان فى حب المناصير زى سلمان عقيد.
يسوى الهق هق!!!!!!!!هق.
..............
زول معتق من المناصير عندو تمانيه 8بنات كلهن عرسن وولدن بق جد لى 100 أقل حاجه..
كره النسابه زاتو يروح ده يجى ده!!!!!!!!
واحدين يغمتو ويظارفو ..وواحدين كج مفلسين وزابطاهم الحياه ومليانين شفع لمن يجو البيت عمك يخبرلو بلد!!!!!!!!
يستبشر ببعضهم وتعرض إبتسامته..
قال مقوله مشهورة:
البنوت ديل زى الكير (الكير)زى كير الكريتى مثلا
البنوت ديل زى الكير يقبض الوغش والرمى بتشديد الراء والميم ويقبض المرق..
سبحان الله!!!!!!!!!!
عمك ده زمان جاب الطوف من أتبرا ويعرف يعزل المروق الجيده البى تعرش الدواوين الكبيره..
البمرق فيها القدح الكبير
ماعونو فد يوم ما نضب!!!!!!!!!!
محمول بالبنوت بلحيل..
البنات مشاكلن كتيره صاح ولا لا؟!

صاحب البوست سلام
وفعلا اختيارموفقك—شكرا على الحمود وانت تسبقنا
فى الغيرة والانتماء للمناصير ارضا وشعبا—
ذكرتنى (ضبيتو بالله)
الدعا---
يداعى او يدعو على
شخص ويتمنى او يسأل الله ان يحدث له
مكروه حسب دعوته –واحيانا تقولها الوالدة لولدها او بنتها ولكن هنا التمنى ليس من القلب
ولكن لانفعال فى لحظة معينة—ويمكن ان يقولها شخص لحيوان او لاى شئ-وقد يكون الدعى
فى نثر او وزن معيناو حسب رد او كلمة يقولها الشخص المداعا –ونأخذ امثلة—
الله يصرفك—او الله
يقلعك –الله يضرك--الله يديرك وهكذا
عطش الكريتى –سلم
العرقوبى الينقطع فوقك—
ومثلا للحمار-عندما
يريد صاحبه ان يسقيه يقول ليه شك تشكك الحربة—او حاو العلوق--

ضـِـبـَـيـْـتـُـوْ باللهْ

ضـِـبـَـيـْـتـُـوْ باللهْ

رد: ضـِـبـَـيـْـتـُـوْ باللهْ

رد: ضـِـبـَـيـْـتـُـوْ باللهْ

رد: ضـِـبـَـيـْـتـُـوْ باللهْ