المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

ضـِـبـَـيـْـتـُـوْ باللهْ

استعرض الموضوع السابق استعرض الموضوع التالي اذهب الى الأسفل

ضـِـبـَـيـْـتـُـوْ باللهْ

مُساهمة من طرف صديق عبدالله علي أبوحنة في السبت 17 نوفمبر 2012, 1:06 am

ضـِـبـَـيـْـتـُـوْ باللهْ : أي لعنة الله عليه... الباء في ضبيتو فتحة مائلة تنطق ولاتكتب..
....... بالله هنا مفخمة وليس ترقيق.. والهاء عليها سكون ضروري. غير التفخيم والسكون في آخر إسم الجلالة . الكلمة تختل ولاتعطي معنى....
ما تستهينوا بي لغتكم.. هي اشرف اللهجات وأقربها للعربية.. التفخيم والترقيق يؤثر فيها

............
قطعناها من القاموس هنا ضهرا مكشوف زي الحوتي العايمي في البحيرة عشان الناس يشوفوها .. لأنها كلمي طاعمي وناقعي وناجمي.. في تراثنا..
قلنا أصلو القاموس ده. النا س قليلا ما يشوفوهو.. خاصة الأعضاء القدامى..
اللهم إلا الفكي ود زينب بت الفكي. لأنو مغموس في تراث أهلو.. ومنقوع على سباليق محبة جداول مياه البلد ومسبوك بمحبة الناس الغبش..
أو
عضو جديد زول شرقان لسه بالمنتدى.. ما لحق جابدنا في إنو يقول يا جماعة التطوير يا جماعة التثوير. المنتدى بقى ممل.. عوووك وهكذا..
أو زول يرد مورد القاموس يكون زول بحث..ريسيرشنق ، والله مشروع تخرج والله رسالة والله كدة حتى يدني من جيهة القاموس..
برضو في أعضاء أنا بعرفهم تحت تحت ما قاعدين يطولوا من القاموس

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31690
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ضـِـبـَـيـْـتـُـوْ باللهْ

مُساهمة من طرف صديق عبدالله علي أبوحنة في السبت 17 نوفمبر 2012, 1:09 am

نداء
العضو الجديد
قالت : أنت والفكي أحمد ..الكلام ده قاعدين تجيبوهو من وين؟
الكلام ده يا أستاذة أسألي منو أبوكي.. زين بي يعرفو

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31690
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ضـِـبـَـيـْـتـُـوْ باللهْ

مُساهمة من طرف علي الحمود في السبت 17 نوفمبر 2012, 8:29 pm

أنا فى بحور الشوق غرق..
أنا داير أعوم أنا داير أشق ..
يا سمحه شايلنى العرق..
............
أنا دافر الموجات أشق
شاققت من تالاك غرق.
...................
ده زول غرقان فى حب المناصير زى سلمان عقيد.
يسوى الهق هق!!!!!!!!هق.
..............
زول معتق من المناصير عندو تمانيه 8بنات كلهن عرسن وولدن بق جد لى 100 أقل حاجه..
كره النسابه زاتو يروح ده يجى ده!!!!!!!!
واحدين يغمتو ويظارفو ..وواحدين كج مفلسين وزابطاهم الحياه ومليانين شفع لمن يجو البيت عمك يخبرلو بلد!!!!!!!!
يستبشر ببعضهم وتعرض إبتسامته..
قال مقوله مشهورة:
البنوت ديل زى الكير (الكير)زى كير الكريتى مثلا
البنوت ديل زى الكير يقبض الوغش والرمى بتشديد الراء والميم ويقبض المرق..
سبحان الله!!!!!!!!!!
عمك ده زمان جاب الطوف من أتبرا ويعرف يعزل المروق الجيده البى تعرش الدواوين الكبيره..
البمرق فيها القدح الكبير
ماعونو فد يوم ما نضب!!!!!!!!!!
محمول بالبنوت بلحيل..
البنات مشاكلن كتيره صاح ولا لا؟!

علي الحمود
عضو متميز
عضو متميز

احترام قوانين المنتدى : 100

عدد المساهمات : 664
نقاط : 9760
تاريخ التسجيل : 17/05/2012

الرجوع الى أعلى الصفحة اذهب الى الأسفل

رد: ضـِـبـَـيـْـتـُـوْ باللهْ

مُساهمة من طرف سلمان عقيد النعوفابى في الأحد 18 نوفمبر 2012, 3:24 am

صاحب البوست سلام
وفعلا اختيارموفقك—شكرا على الحمود وانت تسبقنا
فى الغيرة والانتماء للمناصير ارضا وشعبا—

ذكرتنى (ضبيتو بالله)
الدعا---

يداعى او يدعو على
شخص ويتمنى او يسأل الله ان يحدث له

مكروه حسب دعوته –واحيانا تقولها الوالدة لولدها او بنتها ولكن هنا التمنى ليس من القلب
ولكن لانفعال فى لحظة معينة—ويمكن ان يقولها شخص لحيوان او لاى شئ-وقد يكون الدعى
فى نثر او وزن معيناو حسب رد او كلمة يقولها الشخص المداعا –ونأخذ امثلة—

الله يصرفك—او الله
يقلعك –الله يضرك--الله يديرك وهكذا

عطش الكريتى –سلم
العرقوبى الينقطع فوقك—

ومثلا للحمار-عندما
يريد صاحبه ان يسقيه يقول ليه شك تشكك الحربة—او حاو العلوق--






وطنى وهبتك مهجتى درعا
لنعلك من نجاسات الخيانة

سلمان عقيد النعوفابى
اداري
اداري

الأوسمة مشرف المنتدى الاجتماعي


احترام قوانين المنتدى : 100

عدد المساهمات : 2615
نقاط : 19639
تاريخ التسجيل : 01/04/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى