المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

انضم إلى المنتدى ، فالأمر سريع وسهل

المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك
المناصير بلدي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

يديعوت حريموت

+14
انتصار حجازي
amira ali
عطاالله
علي الحمود
عباس محمد
مصباح محمد مصباح
الرشيد طه
نداء
إبراهيم حجازى
عبد الواحد جبريل
سامى احمد محمد
صديق عبدالله علي أبوحنة
نصرالدين ابوزيد حامد كرار
ود عون الله
18 مشترك

صفحة 2 من اصل 3 الصفحة السابقة  1, 2, 3  الصفحة التالية

اذهب الى الأسفل

يديعوت حريموت - صفحة 2 Empty يديعوت حريموت

مُساهمة من طرف ود عون الله الخميس 01 نوفمبر 2012, 5:25 am

تذكير بمساهمة فاتح الموضوع :

أنا قررت أنشئ حزب جديد

الحزب يضم تاء التأنيث أياً كانت---معاهن براي---ما داير أي شنب بي هني ---كمان ما يقروا

السبب

صديق الحنوني--هاشم الجزولي---والمشكلة إنضم ليهم شيخ مصباح

سنعلن الحرب وبكل الأسلحة ---سنضرب بقوة---راداراتكم خلوها من النوع الحديث

والأسلحة إنتو قايلنها مفاريك وكمش ---دي أسلحة قديييمة وتقليدية ---

بس يا صديق صلعتك مسحا كويس وأستعد

الأعداء هم الجماعة الأربعة ديل ومعاهم آخرين

مخابراتنا رصدتهم بدقة---جمعت المعلومات من عملائنا المنتشرين في جميع البقاع

صديق أبوحنة --عميل مزدوج ---وكمان غاشينا ---قال نصير المرأة قال---قدر ما تجي سيرة العرس يجي ناطي

يشرع زيين وبعدين يقول أنا رافع البيرق---دي قديمي --ألعب غيره---وكمان يقول أنا والكاشف أخوي

يا صديق هاشم ما يغشك ---صاح الجماعة اليومين ديل ما هم موجودين ---بعد يجو تمش وين

قاعد براك في الإمارات---لا خالة لاعمة---لا حبوبة لا أخت---تندس عندها وكت يكرشوك

نجي لى هاشم

يدق في الزار---أها الزار تراه جاب ليك ---هندية بي بنياته---خم وصر

وكت الجماعة يجوا من البلد ---الهنديات ديل تودهن وييييين

نكيره مابتنفعك ---ماتقول ديل تبع عبد الواحد----أصلو نكرن الضحى العالي---وإبراهيم حجازي يزوغ ويربط---الحيرني منوفلي مالو

شيل شيلتك يا هاشم ---أنت مستهدف

شيخ مصباح ----كان زول عِديّل ---ماسك دربو--وعارف مجهادو----لكن إنسخت---بقت البخرات والحجاب تمشي محل ما البياض غليييد

شيخ مصباح فك الدرب---كتب الحريم وخلا الرجال

*******

سنحدد الزمان والمكان للضربة

أكيد ما حا تعرفو المصدر

بس ما تصرحو تصريحات عشوائية

بعد الضربة وفي الزمن الذي نحدده---سيدلي الناطق الرسمي بتاعنا ---اللى هي تماضر ---وفي مؤتمر صحفي --بالبيان المهم

يمكنكم أيضاً متابعة يديعوت حريموت--للكاتبات أميرة الحومري--إنتصار--نجلاء--عازة -----نداء --محاسن وبقية العقد الفريد

نحن مش خايفين ---كل المسائل القانونية ---ستتبناها أميرة علي

ود عون الله
V.i.P
V.i.P

احترام قوانين المنتدى : 100

عدد المساهمات : 611
نقاط : 23466
تاريخ التسجيل : 29/02/2012

الرجوع الى أعلى الصفحة اذهب الى الأسفل


يديعوت حريموت - صفحة 2 Empty رد: يديعوت حريموت

مُساهمة من طرف ود عون الله الجمعة 09 نوفمبر 2012, 3:14 am

ياصديق لازم تكون حصيف

ظهور المستشار يعني إضفاء الناحية الأخلاقية للضربة---

النواحي القانونية مأمنة---سنرمي قدام

تمشوا مجلس الأمن---تمشوا تجيبوا الأجاويد---تشتكوا للحبوبات والأجداد ---ماب ينفع

ظهور المستشار يعني قرب ساعة الصفر

أركزوا

**********

يا صديق قدر ما قلبنا يدور يحن شوية تجي تطينها

قال سرق وأربعة

الإتهامات البالباطل دى خليها ---نحن في بلد تطبق شرع الله زي ما نزل

إنت نويت تقطع إيدي---يا خي الناس دي ماب تاخد بالشبهات

دا سلاح ميت

أما الأربعة دي قبضتك بالثابتي

شيل شيلتك--إنت وجماعتك

*********

نحن نجلس في آخر الصف---وما قاعدين نسف صعوط---نقف علي أمشاط الأصابع ---لأن المكان في أول الصف مزدحم----لنستمع ونقرأ --لعالم بلادي صديق

إنت ماب تنسرق

*********

تسلم يا ملك

ود عون الله
V.i.P
V.i.P

عدد المساهمات : 611
تاريخ التسجيل : 29/02/2012

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف ود عون الله الجمعة 09 نوفمبر 2012, 3:41 am

شيخ مصباح ---سلام ---سلام إحترام

********

شيخ مصباح دايماً يكتب صباحاً

المرة دي صبر لامن حكوتو تنوم---وكتب نصاص الليالي

خطوة في الطريق الصحيح

فبين المباصرة --والمناورة--والمداراة ---مش الملاواة والمكاجرة----نعيش

وبين المفاهمة--والمشاركة---والمشاورة---والمحاورة---تستقيم الحياة

وبين العطف--والرأفة ---والمحنة ---والمحبة----نسعد

أمسك في الدفي قوي

********

حيلكم كشفها العميل ---الجاسوس الذي قبضنا عليه

خاتم---خاتم---خاتم ---شريحة----دي بخرات ومحايات حديثة ---أبطلنا مفعولها --وأخدنا الضهب غنيمة

صاحبك هاشم ---قائد الدفاع الجوي ---حايم بي ثاني وجوراء

إشترى مجموعة من الجمال---سريعة الحركة---وكم ناقة---للشيل

أصلوا إكتشف أنوا الطيارات بتاعتكم بقت توقع زي اللبودي---والناس الماتوا فيها أكتر من الناس الماتوا من الملاريا---حتى سموها الأنتن-وفيات

عميلنا ود حاج ---شيخ العرب جاب خبرو

الجمال والنياق بقت غنائم لنا

********

تشكر عالمنا على المرور الرائع

ود عون الله
V.i.P
V.i.P

احترام قوانين المنتدى : 100

عدد المساهمات : 611
نقاط : 23466
تاريخ التسجيل : 29/02/2012

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف ود عون الله الجمعة 09 نوفمبر 2012, 4:04 am

سعادتو نصر الدين--قائد سلاح الأسلحة

نضع الأيدي حذو الأذنين ---نؤدي التحية

الكتف--الجيب--اللياقة ---ما شاء الله ملياني نياشين ---تلصف وتبرق وتراري

بطل معركة القناويت---عيد الثاني---وهذا هو الإسم الحركي----

أسلحتكم أثبتت فعاليه منقطعة النظير

واحد من جنودنا ---قبل بدء المعركة ---قابل أحد الأعداء

أداهو هبشة صغوووويري بحلة الفلاتة ديك

زولك وقع رب--داش--شاف النجوم عز الضهر--غمر

ودوه المستشفي

الآن في العناية المركزة

والعمدان تقوم وتقعد

أسع إنعدمت الحلل نوع الصاقعة دا من السوق--وسعرها بقى زي سعر الدهب وواحد--ودخلت السوق السوداء

والبنات ختنها شرط لازم تكون في الشيلة

المصيبة يا نصر الدين جيت البيت اليوم لقيت خمسة حلل من النوع الفقري دا

يا ناس دا شنو

قالوا دي هدية من صديق---مصباح--وهاشم الجزولي

*********

تسلم قائدنا الهمام

والنصر أكيد ما دام إنت معانا

****

تشكر يا رائع

ود عون الله
V.i.P
V.i.P

احترام قوانين المنتدى : 100

عدد المساهمات : 611
نقاط : 23466
تاريخ التسجيل : 29/02/2012

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف ود عون الله الجمعة 09 نوفمبر 2012, 4:09 am

صديق---سلام

يا خي التجنيد دا خليه

الأرباب مشغول بعمل عظيم---يكتل في الدعت ---وماهو فاضي

والأرباب زول نظرو بعيد وعينو راكزي وماها زايغي

********

الهتك دي وقفت حالنا ---ترجمة

لكن ياخوي إنت إتهتكتبك الهبركي

********

تسلم يا ملك الروائع

ود عون الله
V.i.P
V.i.P

احترام قوانين المنتدى : 100

عدد المساهمات : 611
نقاط : 23466
تاريخ التسجيل : 29/02/2012

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف ود عون الله الجمعة 09 نوفمبر 2012, 4:20 am

يا صديق الحاولات الفاشلة دي خليها

أولاً -----سامي إنضم للحزب في لإتفاقية بالإمارات مع قائد سلاح الأسلحة

والكلمات دى الإنت مغطيها بى بطانية ---زاتا ماب تجي علي اللسان---سامي قال غيرها

سامي زول راقي واب يعرف في البهائم --والدنيا ضحية

الراجل كان بيسأل عن خروف الضحية

تني---جضع---رباع --أيها أحسن

ياصديق---يا متمرد---إختراق الحزب من الداخل مستحيل ---ما تضيع فيه زمنك

حزب متماسك---متراصي---جااااااااامد

*********

تسلم حبيبنا صديق

ود عون الله
V.i.P
V.i.P

احترام قوانين المنتدى : 100

عدد المساهمات : 611
نقاط : 23466
تاريخ التسجيل : 29/02/2012

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف ود عون الله الجمعة 09 نوفمبر 2012, 4:25 am

سامي----سلام

شكراً علي هذا الإخلاص للحزب

والعلومات دي تواردت إلى القيادة من أعضاء كتر

الإغراءات البدوك ياها ختها في جيبك ---دي تعد من الغنائم---حلالاً بلالاً---أصلو الفي قلبك عارفنو

ورأس التمرد دا أصلو بوصلتو إتعطلت وضاقت به الوسيعي

***********

تسلم المناضل سامي

ود عون الله
V.i.P
V.i.P

احترام قوانين المنتدى : 100

عدد المساهمات : 611
نقاط : 23466
تاريخ التسجيل : 29/02/2012

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف صديق عبدالله علي أبوحنة السبت 10 نوفمبر 2012, 5:32 am

المغيرات صبحا
جاياكم!
وبعدو
العاديات ضبحا
صديق عبدالله علي أبوحنة
صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 44985
تاريخ التسجيل : 14/07/2010

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف سامى احمد محمد السبت 10 نوفمبر 2012, 5:38 pm

أفادت مصادرنا

حركة شراء نشطة بعدد من الأسواق الشعبية و فى عدد من المدن والقرى فى السودان

المشتروات تشمل :

* مفاريك من النوع الغليظ

* كمش وكنش وكناتيش

*كوارى معتقة

* حلل محلية الصنع

* كمية من المقاشيش ذات الأيدى الخشبية والحديدية

* أيادى فنادك متنوعة

خلف هذه المشترورت حكومة إحدى الدول الموقرة لم نتمكن من تحديدها بالضبط

* أشياء أخرى لم تتمكن مصادرنا من معرفتها

هذه المشتروات وضعت فى عدة مقاطف وجهزت للشحن لعدة دول من دول البترول

سنتابع ونفيدكم بكل جديد

*****

تسلموا يا رائعين
سامى احمد محمد
سامى احمد محمد
V.i.P
V.i.P

احترام قوانين المنتدى : 100

عدد المساهمات : 1075
نقاط : 24113
تاريخ التسجيل : 04/07/2012

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف amira ali السبت 10 نوفمبر 2012, 6:10 pm

عبر بديعوت حريموت
اسال اين تاء التانيث بالمنتدى؟
اللهم اجعلو خير
هل هو الاستعداد للحرب والمكيدة ام هناك امر اخر
اين حاجة نجلا وعازة وانتصار نعرف الشاغلها الله يشفي لها والدها زوبة عروس اين تماضر محاسن وبت الماحي ووووو
يا ناس اختفت التاء من المنتدى واللله شنو طمنونا
amira ali
amira ali
عضو فضي
عضو فضي

الأوسمة عضو فضي

احترام قوانين المنتدى : 100

عدد المساهمات : 945
نقاط : 25793
تاريخ التسجيل : 29/04/2011

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف صديق عبدالله علي أبوحنة السبت 10 نوفمبر 2012, 7:47 pm

أميرة علي قالت .. اسال اين تاء التانيث بالمنتدى؟
..............
الكلام ده معناه شنو؟
مولانا أميرة علي... لمن لايعرفها هنا.. هي نصبها ود عون الله المستشار القانوني لحزبه الجديد..
ونحن قدرنا نقسم ونشتت مجهودات ود عون الله في بوستيهو هذا..
كذلك قدرنا نشتت أفكار المستشار القانوني هنا وبي عضمة لسانو تاه في البوست.. ويفترض المستشار القانوني يتقمص القضية تماما.. ويعيش أحداثها.. ويشعر بها كأنها هي قضيته الخاصة، ويعيش بيئة القضية، وإن دعت الحالة يضرب خط لغاية رئيس الحزب ، يعيش القضية على أرض الواقع..
وهذا باب عند زملائنا في كليات القانون، باب قائم بذاته.. وفيه حوالي 35 صفحة في باب ( القانون المقارن ).. يا حليل زمان نلتقى كلنا كطلبة.. في عشاء . في غداء.. في السوق .. في سفر.. نتناقش. بتاع الآداب يدينا من فيوضات الآداب. وبتاع البيطرة يدينا من علوم البيطرة. وبتاع الطب يدينا من أحشاء علوم الطب.. وبتاع الهندسة يقيم ورشاً للنقاش ونحن على ظهر بوكس .. وبتاع القانون يدخلنا معه في قفص الاتهام في قضية قتل عاشها في الفاشر وقرأها في جامعته.. وبتاع الرياضيات كلية الرياضيات والعلوم يشرحوا ويشرّحِوا ويورونا كيف نحل مسألة جبر عويصة، وماهو مفتاح حلها..
عشان كدة فينا صار المهندس قانوني وصار الطبيب إقتصادي وصار بتاع العلوم السياسية مهندس.. وهكذا..
.............
ود عون الله قدرنا نتوهو..
وقدرنا نتوه محاميو
.........
البرهان بالعمل1
أميرة علي المستشار القانوني ذاتا تسأل
2 ود عون الله موضوعه الأساسي في البوست قال Sad حزب نون النسوة.. هو معاهن برااااهو.. ما عايز أي شنب حايم هنا )
بالرغم من ذلك تاه ود عون الله في طرح الموضوع في خضم البوست وبقا مرة يشرق ومرة يغرب.. وبقا زي ( ريس المركب الإتقلعت دفة مركبو في نص البحر ) المركب بدل تركز من كبنة في الكراع.. شايف عدايينو يعدوا على بوني. ونفسن قايم ومركبن بلا دفي
3 ود عون الله هاجم الفقرا والصالحين.. وقال بخراتن ومحاياتن وحجباتن وعزيمتن صارت موية! وتحدى الفقير لله تعالى مصباح.. ولى بدنك ولى زمانك الفقير ما تتحداهو.. ممكن تبين وجهة النظر الشرعية.. ممكن تقول رايك بوضوح...
خلى موضوع البخرات صحتو من عدمو..
بس إنت ما تتحدا فقير.. لأنو جايز يكون فيهو سر.. صاح!
جايز يكون دعوتو مستجابة صاح!
.........
ود عون الله قال عايز نون النسوة ومعاهن براي بي جاي
لكن بوستيهو كلو بقا ( شونوبا ) اتملت ترعة البوست بالشنوبا زي شنوبة الدقا شيق.. ( دقشوق ).. ونون النسوة بدأت تتملص من بوستيهو ده!
............
المهم ما تستهين بضعيف.. لأن بخرات وحجبات.. ومحاية دكتور مصباح نفعت.. وشتت مجهود ود عون الله في هاذ البوست.. ( الزي عيش الحلب)مشحود من كل مكان..
أما حضرة مولانا محامي ود عون الله القدير مولانا أميرة على. على الإطلاق لانشك في مقدرته القانونية والاستشارية.. فهو رائد دفعته في جامعته.. ولكنه كمحامي ومستشار غلّب المصلحة والعلاقة الاجتماعية على الشغل. حسب أخوته وصداقته مع حرم صاحب البوست. فتبني مولانا المستشار قضية فاشلة وخاسرة بجميع المقاييس..
..........
لأهمية هذا الفشل القانوني فبدون إذن صاحب البوست.. سوف أقتطع هذا الطرح ليكون فقرة رقم187 في القانون المدنى. ليضاف للطبعة الجديدة من كتاب( مستجدات على القانون المدنى، والدستور الغائب ) ليدرس لكليات القانون في الوطن العربي.. ويترجم للانجليزية ( بتصرف )
لأن هذه القضية الفاشلة تستحق تدرس في كليات القانون.. فهى نموذج وتستحق أن تدرس لطلبة القانون..كذلك نرسل صورة من هذه القضية لمحاكم ( الأحوال الشخصية ) لأن صاحب البوست ذكر نون النسوة.. لتضاف هنالك كقضية فاشلة وترسل لقسم مجمع البحوث بالقاهرة للدكتور القانوني الضليع الكاتب الفقيه. معوض محمد مصطفى سرحان. لتضاف الى كتابه في الأحوال الشخصية ( الفقه على المذاهب الأربعة )


عدل سابقا من قبل صديق عبدالله علي أبوحنة في السبت 10 نوفمبر 2012, 8:15 pm عدل 2 مرات
صديق عبدالله علي أبوحنة
صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 44985
تاريخ التسجيل : 14/07/2010

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف صديق عبدالله علي أبوحنة السبت 10 نوفمبر 2012, 7:53 pm

هذه أول ( دانة )
الفتح المبين
........
وزي ما قاعدة تخوف الناس أميرة علي وتقول ( ولنا رجعة )
كمان لينا رجعة
وبعد كدة حا ننزل قوات ( المغيرات صبحا )والمغيرات صبحا. دي بتغير على أعداء البوست هنا في الصباح الباكر في غرف النوم قبل صلاة الصبح ، وتختطفهم الى جهة مجهولة وأمكنة غير معلومة.. تحت تهديد السلاح ( مفاريك وكمش ) ود عون الله قلتا سلاحي ماهو مفاريك وكمش.ز يبدو إنك ما جربتا ليك صقعة كمشة فوق النافوخ. صقعة الكمشة.. بي راسا القدام داك وبي الجزو المقعر داك فيها حرارة صقعة ممكن تكتل.. كدي مرة بس ساكت العلم بالشي ولا الجهل به.ز براك بي زول يعملا ليك.ز شيل الكمشة بتاع الألمونيوم من درج المطبخ وأعكسها كدا كأنك عايز تشيل بيها عضم.. واضرب بيها على خفيف في نص راسك. شوف تشعر بيها وين!!!
..
اول زمان 2 جنوبيين يتناقشو . بي مناسبة تشعر بيها وين دي!
قال ليهو : ( والله أنا مستكرب.. إذاعااا بتاع أم درمان دا..
كلام هنا مذيييي....ع... يتكلم فيهو في أم درمان. هنا في رادي بتاع عرب دا.... ناس يسموووهو في جوبا.. كيف ما نااارف...
قال ليهو التاني : هيييييييييييييي
والله أما إنك حيوان!
بسييييييييييييتا.. بسيطة جدا... لو نفرد..ض... عندك كديس طويييييييييييييييييييييييييييييييييييييييييييييييييييييييييييييييييييييييييييييل
راس بتااااو ... ع... في جوبا..
ودنب بتاعو في أم درمان
إنت قرستو في دنب بتاعو في أم درمان
يقول واااااي وين!
قال ليهو : يقول وااااي في جوبا
قال ليهو.. وتيب؟ طيب..
صديق عبدالله علي أبوحنة
صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 44985
تاريخ التسجيل : 14/07/2010

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف انتصار حجازي الأحد 11 نوفمبر 2012, 3:58 am

بما ان تاء التأنيث تتابع عن كثب وبترقب هذا البوست الذي يتم فيه الدفاع عنها
ومساندتها فى قضيتها

وبالرغم من بعض المشغوليات
الا ان تكتياتنا ومكائد تاء التانيث تعمل فى الخفاء ومن خلف الكواليس
ونتابع هذه المعركة التى يقودها ود عون الله


وبما ان صديق ابو حنه اراد ان يصطاد ... فالنخبرك بان تاء التانيث تتابع وبيننا تلفونات وخطط
والان اتيت لاخبرك بان تاء التانيث متااااابعه يا خوي [ندعوك للتسجيل في المنتدى أو التعريف بنفسك لمعاينة هذه الصورة]



فتاء التانيث قااااااادمه

تخريمة : منقطعين بسبب المشغوليات ولكن بينى وبين مستشارنا القانونى تلفونات وتكتيكات ... وبشكر كل من اتصل ليسالنى عن صحه الوالد


والصراحه البوست دمو خفيف وملئ بالمداخلات الخفيفة
وعجبنى كمان تعليق عطا الله
عطاالله كتب:
انتي يانداء البحومك بي هني شنو
انتي ماسمعتي ود عون الله قال ماداير لي اي شنب بي هني!!!!!!!!!!!
ههههههههههههههههههه


عاد يا عطا الله نداء دى مدير المخابرات بتاعنا
هسة بتجيب لينا خبرك كلوووووو


انتصار حجازي
انتصار حجازي
مشرف
مشرف

الأوسمة مشرف منتدى المرأة والأسرة

احترام قوانين المنتدى : 100

عدد المساهمات : 1668
نقاط : 28177
تاريخ التسجيل : 19/01/2011

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف عطاالله الأحد 11 نوفمبر 2012, 4:24 am

التحيه للجميع
بالجد بوست ظريف ودمو خفيف
بس دا ماااابيعفيكم
الحكايه جابت ليها جاسوسيه واتهامات
علي وعلى اعدائي وانا حا اهد المعبد بالفيهو
اول حاجه ياحريموت جاني مدير مخابراتكم
ونا جيتو دي نيتي ابتا وقلت ليها دايره شنو
قالت لي انا ما عندي اييييييييييي مانع ختني في اي خانه
انشا الله الرابعه
وقلت ليها يابت هيييييييييييييييي انا موحد وامشي العبي بعيد بعيد
تاني قلت دي فرصه اشوف وراها شنو
ولمن طغت عليها قرت واعترفت انها مدسوسه علي
وايره تطلع مني بي حاجه بس كان غيرا اشطر
وانا كنت ساكت لكن طالما الحكايه جابت ليها اتهامات
فانا حا اطر اكشف السر
وانتن يا حرموت مصدقات ود عون الله دا وما شات وراه
ود عون الله دا اصلا عامل الحكايه دي تغطيه بس
معاكن معاكن وبي وراكن................
عشان كدي ياود عون الله ماااااااتخلني اكشف باقي ورقك
والدايره تتأكد تتصل على رقمي الوطني وهو
**************
وكمان محيرني ود اب حنه دا
شايفو يخوجل بي بهني كتير
مره هني ومره هناك الحكايه دي
فتشن وراها

شكرا للجميع
وشكرا لصاحب البوست


عطاالله
عطاالله
عضو جديد
عضو جديد

احترام قوانين المنتدى : 100

عدد المساهمات : 46
نقاط : 21414
تاريخ التسجيل : 19/07/2012

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف صديق عبدالله علي أبوحنة الأحد 11 نوفمبر 2012, 5:08 am

تسلموا عطا الله وانتصار على المرور
.........
أنا جيت بي جاي عشان معروف عنى
أننى نصير المرأة في السراء والضراء.. ولا أتزوج غير واحدة.. كما ود عون الله صاحب البوست لايتزوج غير واحدة.. وكما هاشم علي الجزولي لايتزوج غير واحدة.. وكما دكتور مصباح لايتزوج غير واحدة.. وكما سامي لايتزوج غير واحدة.. وكما سلمان عقيد لايتزوج غير واحدة...
لكن ود الحمود أبوه تزوج أربعة من نون النسوة
.....
أنا هنا دخلت البوست ده بطلب من المستشار القانوني وبإذن منه.. عشان أعرف ماذا يجري للمرأة في الخفاء وأتصدى له..
صديق عبدالله علي أبوحنة
صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 44985
تاريخ التسجيل : 14/07/2010

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف مصباح محمد مصباح الأحد 11 نوفمبر 2012, 6:13 am

لكم التحية المتداخلين ولصاحب البوست الرائع شعارنا الواحد الأحد الذي لا شريك له ولا ولد نرفعها ونرددها. وجودي في المنتدى في نصايص الليل له مبررات وهذا هو وقت عمل المحايات وكمان بعدين تجيكم المغيرات صبحا وهذا ذكرني بقصيدة للشاعر الكبير استاذنا إبراهيم الشاعر رحمه الله قالها في أصحابه استاذنا محمد محمد صالح المنصوري وحسن علي صديق رحمه الله حينما قاموا برحلة خاصة ولم يعزموه معهم وقد كان المنصوري يمتطي حمارة جدنا مصباح رحمه الله وصورهم الشاعر أنهم تاهوا في العراء (ضهبوا) وقد كشف ذلك جدنا في قومته نصايص الليل وخاف على حمارته وليس على راكبها فقال :
المصباح علي المنصور
خايف من حمارتو تغور
قام بالليل طلقله بخور
والشاعر بدأها ببيت يقول فيه نسيب عباس ونسيب طيفور
وعلى هذه القافية جرت القصيدة والقصيدة تطول ولكن فيها خصوصيات
عشان كده يادكتور نحن قايمين على شغل جدنا وربنا يمرقك سليم .والتحية لك ثانية ولمن يقف معنا في خندق واحد يعجبني ذكاءك وأسلوبك دكتور

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 29546
تاريخ التسجيل : 14/08/2010

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف خالد عابدين الأحد 11 نوفمبر 2012, 5:19 pm

سلامووووووت
كل سنة طيبين رايقين زينين مقرقرين

بوست بديعوووت
خالد عابدين
خالد عابدين
Admin
Admin

احترام قوانين المنتدى : 100

عدد المساهمات : 2564
نقاط : 32337
تاريخ التسجيل : 22/03/2010

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف amira ali الأحد 11 نوفمبر 2012, 5:54 pm

ياصديق ود عون الله اخوي عارف انو تخصصي قضايا دستورية وسيادية يعني بالواضح القضايا بتاعة لاهاي
ده بحبها واليوم على استعدد لاتهام فلان وعلان ديييك العايثين فسادا هناااك
اما قضايا الطلاق والرجعة والنفقة والتعدد دي حولينا ولا علينا
ولان الطلب من ود عون الله قبلناهو
بس القانون والمادة كم ده ماب يجيب حقو وحقو اي مراة تعرف الكلام ده
مافي مراة تنتظر محكمة حقها تاخدوا بايدها وبالاساليب الذكرناها سابقا وكمان تكون محظوظة لو كبروا العيال
لان في الحالة دي الابو يروح فيها
اي حركة كدة واللا كدي كرعيهو ما يمرقنو
وفي الحالة ده اول الضايعين هو ود اب حنة عشان كدة غير بدل شوية وخلي الخرابيط والشخابيط والشريك والمحاحاة
وانوه حضرة الستات انو توجد لدينا اسلحة لكشف الجريمة قبل وقوعها وهي الكامرات
ممكن توضع في المنزل ولاها صغيرة الحجم لا يتم اكتشافها من المجني عليه وبرضو الكامرات الخفية
والباديء اظلم
وللحديث بقية
amira ali
amira ali
عضو فضي
عضو فضي

الأوسمة عضو فضي

احترام قوانين المنتدى : 100

عدد المساهمات : 945
نقاط : 25793
تاريخ التسجيل : 29/04/2011

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف صديق عبدالله علي أبوحنة الأحد 11 نوفمبر 2012, 8:02 pm

للحديث بقية!!!!
في ياتو إتجاه بقية، يا مستشار ود عون الله؟
خوفتنا ياخي
ما قلنا للحديث بقية ولنا رجعة دي خلوها
.........
بالمناسبة يا مستشار
حكاية ( بيت الطاعة ) لازالت سارية في قوانين الأحوال الشخصية في السودان والله وقفوها..
وللما عارفات..
بيت الطاعة هو يجيبوك لى بيت زوجك بالشرطة والبوليس.. بعد ما يثبت للمحكمة إنو عندو معيشة.. والمعيشة هي.. أبجديات الحياة.. بصلة.. شوية زيت.. عنقريبين.. ملوة دقيق..
وإلا كان شردتي.. تعتبر قانون ( جنحة ) جنحة يعني تسقط النفقة عليكي منه.. وتطيري محل ما عايزة.. بس حبلو عليكي.. لكن يطبق عليكي قانون ( معلقة ) وقانون معلقة، لايحق لك الزواج.. لأنو حبلو عليكي.. وورقتك عندو.. وكان عايزة تتطلقي يطبق عليكي قانون ( لاضرر ولاضرار) ويطبق جبر الكسر ..وهو تعوضيهو على خساراتو من عرسك.. بعد كدة ممكن تتطلقى منو..
.......
في بعض الدول الإسلامية عدلت الحاجات دي!
لكن هل محاكمنا لسه كدة والله عدلوها يا أميرة!
صديق عبدالله علي أبوحنة
صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 44985
تاريخ التسجيل : 14/07/2010

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف سامى احمد محمد الأحد 11 نوفمبر 2012, 8:06 pm

الحرب خدعة

قديييييييييييمة

فلم ده خاشششنو فى قدارف
سامى احمد محمد
سامى احمد محمد
V.i.P
V.i.P

احترام قوانين المنتدى : 100

عدد المساهمات : 1075
نقاط : 24113
تاريخ التسجيل : 04/07/2012

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف صديق عبدالله علي أبوحنة الأحد 11 نوفمبر 2012, 8:14 pm

أفادت مصادرنا

حركة شراء نشطة بعدد من الأسواق الشعبية و فى عدد من المدن والقرى فى السودان

المشتروات تشمل :

* مفاريك من النوع الغليظ

* كمش وكنش وكناتيش

*كوارى معتقة

* حلل محلية الصنع

سامي..
أنت عااارف دي حكومة منو!
والجماعة كلموك!!! أنا عااارف
صديق عبدالله علي أبوحنة
صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 44985
تاريخ التسجيل : 14/07/2010

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف نداء الأحد 11 نوفمبر 2012, 9:04 pm

عطاالله سلامتك

الزهايمر جاك متين بقيت تطربق دى الحاله مااجريت الازم يادوب ضميناك للمندسين والعملاء عملت كدي

وانت وين يادكتور اعلن حاله الطوارى مدير مخابراتك بى حالو اتهبش

سامى غلبك البى تسوييه خوف شديد

ود اب حنه لنا رجعه

امانه ماوقع راجل

نداء
عضو مشارك
عضو مشارك

احترام قوانين المنتدى : 100

عدد المساهمات : 74
نقاط : 21045
تاريخ التسجيل : 13/10/2012

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف صديق عبدالله علي أبوحنة الأحد 11 نوفمبر 2012, 9:12 pm

نداء شايف بقيتي تتكلمي زي كلام مولانا المستشار القانوني بتاع ود عون الله ( لنا رجعة) دي ساكت بي أيديكي راجعة ! والله معاكي كمشة. والله مفراك!
أنا والكاشف أخوى نقدر المرأة ونعتبرها مخلوق سماوي يستحق التقديس..ورافعين البيرق وكدا..
صديق عبدالله علي أبوحنة
صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 44985
تاريخ التسجيل : 14/07/2010

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف نداء الأحد 11 نوفمبر 2012, 9:27 pm

ود ابحنه لنا رجعه بكل مايستخدم فى المطبخ من ادوات

ماتقول لى بقدس واحترم المرأه واعتبرها شنو

ده مابيعفيك عاد باقيلك مدير المخابرات بى يقبل الرشوه

لنا رجعه

نداء
عضو مشارك
عضو مشارك

احترام قوانين المنتدى : 100

عدد المساهمات : 74
نقاط : 21045
تاريخ التسجيل : 13/10/2012

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف صديق عبدالله علي أبوحنة الأحد 11 نوفمبر 2012, 9:59 pm

والله ده مدير مخابرات أصعب من المستشار القانوني بتاع ود عون الله.. والمستشار القانوني اصعب من ود عون الله.. وحرم ود عون الله أصعب من ود عون الله
..
وعشان بقى مدير المخابرات بتاع ود عون الله أصعب من المستشار القانوني بتاع ود عون الله يكون عندك واحد من إتنين
يا إما تنضم لفئة الرافعين البيرق!! وكدة تكون سلمت لعرضك ودينك ودنياك
........
يا إما تكون من أصحاب الفئة المناوئة
........
وكان بقيت من أصحاب الفئة المناوئة
بيكون عند واحد من أثنين
يا إما تستعد للكمش والمفاريك الغليظة المغلظة..
يا إما تهرب
وإذا هربتا لازم يكون عندك واحد من أثنين
يا بيت في المحلي بعيد تلجأ اليه
يا بيت في الفداء أو المكابراب يحميك!
وكا لجأت لبيت في المكابراب يحميك أو الفداء
راح يكون عندك واحد من إتنين!
تستعد للعداوة مع ناس المحلي
أو تنقطع عن عترتك..
وإذا انقطعت عن عترتك
راح يكون عندك واحد من أثنين
ياتتزوج من المحلي
أو تتزوج من قرى التهجير
وكان تزوجت من قرى التهجير راح يكون عندك واحد من اتنين
ديل بجيهن راجع.ز عشان صعبات شوية
صديق عبدالله علي أبوحنة
صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 44985
تاريخ التسجيل : 14/07/2010

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف صديق عبدالله علي أبوحنة الأحد 11 نوفمبر 2012, 10:03 pm

خالد عابدين قال : بوست بديعوت
ونحن نقول : شربوت
عشان الناس سابت الشربوت كم يوم وبقى حاجة تانية
صديق عبدالله علي أبوحنة
صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 44985
تاريخ التسجيل : 14/07/2010

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف amira ali الأحد 11 نوفمبر 2012, 11:39 pm

[center]وانا عندي سؤال باقيلك حريموت ميشيل اوباما دي كان بقت سودانية كيف حايكون مصيرها؟؟؟؟؟؟؟؟؟؟بعد فوز زوجها ورفيق دربها؟

منتظرة الرد
علما باني من المعجبين جدا بهذه العائلة واتمني ان ينتمي مثل هؤلاء الى الاسلام ومتاسفة جدا لحال عوائل مسئوليننا البدلوا الاخرة بالدنيا وشوهوا الاسلام السمح
هناك الشفافية والصدق وعندنا الكذب والتزوير والخداع
هناك العمل لرفعة البلد وهنا السعي لتدميرها
هناك السعي لراحة المواطن وهنا تشريده
هناك الرئاسة براتب وسيارة وسكن مؤقت وهنا السكن بانواعه مؤقت ودائم من فلل وقصور ومزارع وووالمرتب خم وشيل ومن معك واهلك واصحابك
هناك الرئاسة والوزارة مؤقتة وعندنا دائمة والدائم الله
هناك مسئولين رشاقة ورياضة وهنا كروش مليانة وجيوب منتفخة
هناك الحرية وهنا الاستعباد
والمقارنة تطول وتوجع القلب
amira ali
amira ali
عضو فضي
عضو فضي

الأوسمة عضو فضي

احترام قوانين المنتدى : 100

عدد المساهمات : 945
نقاط : 25793
تاريخ التسجيل : 29/04/2011

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف amira ali الأحد 11 نوفمبر 2012, 11:40 pm

[سؤال بسؤال
amira ali
amira ali
عضو فضي
عضو فضي

الأوسمة عضو فضي

احترام قوانين المنتدى : 100

عدد المساهمات : 945
نقاط : 25793
تاريخ التسجيل : 29/04/2011

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف amira ali الإثنين 12 نوفمبر 2012, 1:28 pm

e]uote="صديق عبدالله علي أبوحنة"]للحديث بقية
.........
بالمناسبة يا مستشار
حكاية ( بيت الطاعة ) لازالت سارية في قوانين الأحوال الشخصية في السودان والله وقفوها..
وللما عارفات..
بيت الطاعة هو يجيبوك لى بيت زوجك بالشرطة والبوليس.. بعد ما يثبت للمحكمة إنو عندو معيشة.. والمعيشة هي.. أبجديات الحياة.. بصلة.. شوية زيت.. عنقريبين.. ملوة دقيق..
وإلا كان شردتي.. تعتبر قانون ( جنحة ) جنحة يعني تسقط النفقة عليكي منه.. وتطيري محل ما عايزة.. بس حبلو عليكي.. لكن يطبق عليكي قانون ( معلقة ) وقانون معلقة، لايحق لك الزواج.. لأنو حبلو عليكي.. وورقتك عندو.. وكان عايزة تتطلقي يطبق عليكي قانون ( لاضرر ولاضرار) ويطبق جبر الكسر ..وهو تعوضيهو على خساراتو من عرسك.. بعد كدة ممكن تتطلقى منو..
.......
في بعض الدول الإسلامية عدلت الحاجات دي!
لكن هل محاكمنا لسه كدة والله عدلوها يا أميرة!
[/quote]


لا يا اخوي لا تتطمن وتتكل علي على البوليس يجيبلك مرتك بالقوة - اي ر جريمة ارتكبت؟
تنص المادة94/1: لايجوز تنفيذ حكم الطاعة جبرا على الزوجة.
ليس كحال اهلنا بشمال الوادي وليس كما يحدث في المسلسلات زمان
م 94/2ينفذ حكم الطاعة بالطرق السليمةحسبما يرى القاضي تطبيقا لروح الشريعة الاسلامية
لا يزال هذا القانون يواجه انتقادات باعتبار ان به بعض المواد تجحف المراة
ولا زالت المراة بالمجتمع الشرقي تعاني من سيطرة الرجل وسيادة الذكورية
حتى الفقهاء لم يهتموا الا بما يتعلق بالمراة وجعلها فقط لراحة الرجل ولم يهتموا كثيرابعقلها وما يمكن ان تقدمه من علم وعمل ووووو
وانا ان وجدت فراغا سوف اثقف المراة قانونيا حتى لا تخاف مما سيحدث لها من قبل الرجل( قال بوليس قال... وبصلة وملح
ده كان زمان
دحين يا ابحنة شوف ليك مخرج ثاني
ما جاوبت على سؤالي
التحية لموكلي
amira ali
amira ali
عضو فضي
عضو فضي

الأوسمة عضو فضي

احترام قوانين المنتدى : 100

عدد المساهمات : 945
نقاط : 25793
تاريخ التسجيل : 29/04/2011

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف صديق عبدالله علي أبوحنة الإثنين 12 نوفمبر 2012, 1:36 pm

سؤالك أهو.. لو فاز زوجها في السودان مثلا مرة أوباما راح تكون هي ( سيدة السودان الأولى) وبعدين تعمل ما يحلو لها زي ما عايزة، من كل ما لذ وطاب.
صديق عبدالله علي أبوحنة
صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 44985
تاريخ التسجيل : 14/07/2010

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف صديق عبدالله علي أبوحنة الإثنين 12 نوفمبر 2012, 1:43 pm

أنا أفتكر دي مادة جيدة منك يا أميرة أن تنزلي مواد تثقفي بها المرأة قانونياً.. وخاصة المعمول به.. في المحاكم السودانية الآن
وماهي المخارج وماهي العقبات.. وماهي الثقرات.. وماهو مكان التحايل على القانون مثلا
أفتكر أنسب مكان ممكن يكون في باب الأسرة بي هناك..
وممكن تبدي لينا مثلا.. ب ( حكم المعلقة ) في قانون ( الأحوال الشخصية ) الساري الآن..
ممكن أنا وأنت نمشي بي هناك وتنزلى مواد قانونية وأسئلة.. أو بوست بعنوان سؤال وجواب من مستشار قانوني.. وكدة تكوني نزلتي علمك الدرستيهو في كلية القانون جامعة الخرطوم .. تكوني نزلتيهو الى أرض الواقع.. ممكن يكون عنوان البوست ( سؤال لمستشارك القانوني) وكدة بنكون دخلنا في مرحلة جديدة في المنتدى.. ورفعنا المنتدى سمتاً فوق سمت.. من أجل مصلحة أهلنا.. وكدة بيكون يرجع ليك الفضل في أنك أدخلتى هدف جديد في المنتدى.. وغاية كبيرة شريفة ، يرجع ليك فيها الفضل.. رايك شنو؟
وحكاية سؤال لمستشارك القانوني دي راح يكون بوست مفتوح مستمر زي حكاية ( قاموس المناصير ) لاينتهي.. رايك شنو في الاقتراح ده!
صديق عبدالله علي أبوحنة
صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 44985
تاريخ التسجيل : 14/07/2010

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف سامى احمد محمد الإثنين 12 نوفمبر 2012, 8:24 pm

شوفو ناس يديعوت حريموت

دكتورنا قام سوالو شربوت

خلا اسبوع يعجن ويصوت

لما فار واصبح ليهو سوط

والشرب ضاقو صبح يجوط

كان غشيت ما بتقدر تفوت

بالضحك لمان دار اموت

ابو حنة راقى إلا مظبوط

مرة كمشة ومرة نبوت

والمحامى لسانو مربوط

ومدير مخابراتو كلامو مظبوط

ما بيهدد فى الراس يشوت

والمظلات نازلة برشوت

و للسلام خاتين الشروط

الحريم ستات للبيوت

والرجل يدوهو شلوت

وطردو من البيت تب يفوت

*********

jتسلموا يا رائعين
سامى احمد محمد
سامى احمد محمد
V.i.P
V.i.P

احترام قوانين المنتدى : 100

عدد المساهمات : 1075
نقاط : 24113
تاريخ التسجيل : 04/07/2012

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف صديق عبدالله علي أبوحنة الإثنين 12 نوفمبر 2012, 11:47 pm

هههههههههههههه
والله سامي عجيب
مشيت على نهج أبراهيم الشاعر..
خلى ود عون الله يجي يشوف الشعر الراقي ده
صديق عبدالله علي أبوحنة
صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 44985
تاريخ التسجيل : 14/07/2010

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف ود عون الله الثلاثاء 13 نوفمبر 2012, 2:21 am

صديق---سلام

***

المغيرات صبحاً---العاديات ضبحاً

لا بالله

هاشم الجزولي الكهوف والمغارات والأبيار البي يحفر فيها في ثاني ---ديك لى شنو---ما عشان تندسو فيها

ضبح شنو يازول----بالله يا صديق خروف الضحية الضبحو ليك منو

إنتو شعاركم الشاردات صبحا---اللابدات ردحا---المندسات جحرا

*********

تسلم ياراقي

ود عون الله
V.i.P
V.i.P

احترام قوانين المنتدى : 100

عدد المساهمات : 611
نقاط : 23466
تاريخ التسجيل : 29/02/2012

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف هاشم علي الجزولي الثلاثاء 13 نوفمبر 2012, 2:25 am

ود عو ن اللة وود اب حنة وشيخنا مصباح غايتو انا قبل فترة كدي حلمت لي حلم وشفت نفسي فارقتكم تب ودربي بقي غير دربكم واتكرر الحلم اكثر من مرة وهذا يوحي بان الموضوع بقي جد واصبحت اترنم باغنية خلاص فارقت دربكم ومشيت في درب اخضر تحيط بة الورود والزهور ياسلام حاجة تمام
لكن فجأة ..............
هاشم علي الجزولي
هاشم علي الجزولي
V.i.P
V.i.P

احترام قوانين المنتدى : 100

عدد المساهمات : 1704
نقاط : 30748
تاريخ التسجيل : 19/04/2010

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف ود عون الله الثلاثاء 13 نوفمبر 2012, 2:57 am

سامي --السمو والرفعة---سلام

********

يطيب لنا أن نزودكم بأسماء تلك الدول

دولة إسمها عكس الكضيضيب

دولة إسمها حأبصم ---ثم حأبصم---وبالعشرة كمان

حكومات هذه الدول إستلمت العتاد كاملاً---وبما أن حكومات هذه الدول أعضاء اصيلين في الحزب فقد وعدوا بأن يستصلحوا هذه الأراضي---حتي تنمو زرعا أخضرا---وإلا----

*******

دايما يا سامي خليك مفتح عينك

********

تسلم درة المنتدى

ود عون الله
V.i.P
V.i.P

احترام قوانين المنتدى : 100

عدد المساهمات : 611
نقاط : 23466
تاريخ التسجيل : 29/02/2012

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف ود عون الله الثلاثاء 13 نوفمبر 2012, 3:13 am

مستشارنا القانوني---سلام

تشكري علي النشاط والحماس ---تمشين بين الناس --تحفزيهم ---تشجعيهم---تستنفريهم---تجنديهم

فقد وصلت للقيادة مجندات بعدد الرمل والحصي

أعلم أن الأعداء يتربصون بك---لذلك زدنا عدد حراسك الخاصين وزودناهم بأجهزة حديثة

لا تلتفتي إليهم

وراء مأمن --أرمي قدام

*********

ترقبي الترقية الجديدة

******

تسلمي يا ملكة

ود عون الله
V.i.P
V.i.P

احترام قوانين المنتدى : 100

عدد المساهمات : 611
نقاط : 23466
تاريخ التسجيل : 29/02/2012

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف ود عون الله الثلاثاء 13 نوفمبر 2012, 3:42 am

صديق ---سلام

*********

بعد الهبيشة الصغووووويري ديك ---حكايتك إتلخبطت---والشوف بقي طشاش ---والذاكرة ضربا فايروس

نون النسوة دي جبتها من وين ---الشئ تاء التأنيث ---نون النسوة دي بتاعتكم إنتوا

أنت داير نون النسوة لأنها تحمل صيغة الجمع----تاء التأنيث واحد بس----

كل الجمال --كل الألق---كل الأخلاق---كل المحاسن----في تاء التأنيث----واحدة مبدءأً

نون النسوة---نكتر ---نلملم---نعاين جاي وجاي----دى من المحرمات في حزبنا ----لذلك أعلنا عليكم الحرب

يا صديق الشوية التعلمتها فوق ضهر البوكسي ماب تكل عيش ---مستشارنا --دي يعرفا قبل ما يدخل معاينة الكلية

قال مستشهد بمعوض سرحان

معوضنو في شنو --

وسرحان في إيه

لا لا ياصديق

*********

تسلم معلمنا من زمن التاتاي

ود عون الله
V.i.P
V.i.P

احترام قوانين المنتدى : 100

عدد المساهمات : 611
نقاط : 23466
تاريخ التسجيل : 29/02/2012

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف ود عون الله الثلاثاء 13 نوفمبر 2012, 3:54 am

صديق ---سلام

********

صديق مرات تجيهو حالة صفوة ---يقول الحقيقة

المغيرات صبحا---غارات على أعداء البوست----الفضل ما شهدت به الأعداء

ولا يا يصديق الكلام دا تحت تهديد السلاح

أصلي شايف الصورة مربطة بالعمة---والرقبة ملفوفة بالشال----ماها قاعد تفارقه

أنا زمان قايل الحكاية صلعة ---لام براك قلت ماها صلعة ---صدقنا

أتاري ياخوي الحكاية---فليح بالكمش والحلل---والرقبة مخربشة بالضفرين الطوال ---إنت قايل الحريم بطولن الضفرين لي شنو---ما سلاح

الحمد لله ماجات في الوش عاد كنت تغطوا كيفن

جنودنا برضوا عندهم أخلاق

********

تسلم روعة النيل الزلال

ود عون الله
V.i.P
V.i.P

احترام قوانين المنتدى : 100

عدد المساهمات : 611
نقاط : 23466
تاريخ التسجيل : 29/02/2012

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف ود عون الله الثلاثاء 13 نوفمبر 2012, 4:12 am

أنتصار---سلام

وزير التخطيط الإستراتيجي

********

نشكر لكم متابعتكم اللصيقة---رغم ظروفكم التي نعلم

خططكم العسكرية--وتكتيكاتكم---تم دراستها بعناية فائقة---كانت محل إشادة من القيادة بالإجماع

قف ---جاري التنفيذ

********

تحياتنا من خلالكم لصديقي أبو ساريا

*******

تسلمي تحفة المنتدي

ود عون الله
V.i.P
V.i.P

احترام قوانين المنتدى : 100

عدد المساهمات : 611
نقاط : 23466
تاريخ التسجيل : 29/02/2012

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف صديق عبدالله علي أبوحنة الخميس 15 نوفمبر 2012, 3:27 pm

ود عون الله قال مستشار تخطيط استراتيجي... بالله
ده كلام زول تحت تهديد السلاح.. وكلام زول رافع البيرق..
وزير التخطيط الإستراتيجي

********

نشكر لكم متابعتكم اللصيقة---رغم ظروفكم التي نعلم
صديق عبدالله علي أبوحنة
صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 44985
تاريخ التسجيل : 14/07/2010

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف ود عون الله الجمعة 16 نوفمبر 2012, 2:49 am

الأخ عطا الله---سلام

*********

الجاسوس المحتار

لازم تقول علي وعلي أعدائي---لازم تخطرف وتطربق----جاسوس واتقبض---والمصير مجهول

ناسك ديل مابقدروا يخلصوك

كان نيتنا نجندك لصالحنا ---ونديك تدريب عالي ---لكن الجماعة بدؤوا يتساقطوا

لذلك إنتظر مصيرك المجهول----واركز وخلي الخطرفة

الصقر كان وقع كترة البتابت عيب

******

تسلم شفيف الروح

ود عون الله
V.i.P
V.i.P

احترام قوانين المنتدى : 100

عدد المساهمات : 611
نقاط : 23466
تاريخ التسجيل : 29/02/2012

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف ود عون الله الجمعة 16 نوفمبر 2012, 3:05 am

شيخ مصباح ---سلام

*********

ما شاء الله مكروب كربة جد

متحزم ومتلزم---سبحة وتقروقة ---وتلت الليل سجود وركوع ---تقبل الله صالح الأعمال

لكن شيتاً سهرك دا مو شيتاً هين

إنت سو الصفقة دنقير في التحصينات----أصلو الهجوم ما بجيب فايدة

********

جدي وجد الجماعة هو حجازي أبو قرن

وفي يوم الزواج كانت هنالك عادة يسقوا العريس والعروس لبن ---ليه مش عارف---يبدو أنه تفاؤل

جابوا لينا اللبن وشربناه

كان خالي موجود

يا ود أختي شيل شيلتك---وقعت في الفقرة---كان مازحاً مداعباً ---دي جدها أبو قرن

قطع البحر بالفروة --قادر الله

يا خال إنت ناسي أبو قرن دا أبوأمي

يا خال العقارب ماب تلدغ بعض

*******

تسلم عمدتنا مصباح

ود عون الله
V.i.P
V.i.P

احترام قوانين المنتدى : 100

عدد المساهمات : 611
نقاط : 23466
تاريخ التسجيل : 29/02/2012

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف ود عون الله الجمعة 16 نوفمبر 2012, 3:27 am

الأخ خالد عابدين-----كل سنة وانت طيب

ـــــــــــــــــــــــــــــــــــــ

اكلت كل الخرفان وحوت

ماكرمت عتود أو رقوت

وللهضم أديتا شربوت

وللجزاير حمت كيوت

زرت كل الناس في البيوت

بس كلامك ماهو مظبوت

عجنتوا وزدتو لخبوت

وللتعدد أيدتو موت

نحن نرفع ليك الكروت

ولا تطرد بره البيوت

*********

خايفين يا خوي من مقصك الحايم---وإلا في مداخلة بي هناك تضعك في خانة الأعداء---صديق ---هاشم --وشيخ مصباح

سنضعك تحت --تحت ---هدف

*******

رجل رائع روعة بحيرتنا---يكفيك فخراً هذا المنتدى

تسلم ياريس

يا عظيم

ود عون الله
V.i.P
V.i.P

احترام قوانين المنتدى : 100

عدد المساهمات : 611
نقاط : 23466
تاريخ التسجيل : 29/02/2012

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف ود عون الله الجمعة 16 نوفمبر 2012, 3:38 am

الصدوق---ومستشارنا القانوني ----سلام

********

مساجلاتكم---مجادعاتكم---أثلجت صدري

واصلوا واتحفونا

ود عون الله
V.i.P
V.i.P

احترام قوانين المنتدى : 100

عدد المساهمات : 611
نقاط : 23466
تاريخ التسجيل : 29/02/2012

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف ود عون الله الجمعة 16 نوفمبر 2012, 3:45 am

مستشارنا القانوني

نثني إقتراح صديق أبو حنة ---بعمل الإستشارات

ود عون الله
V.i.P
V.i.P

احترام قوانين المنتدى : 100

عدد المساهمات : 611
نقاط : 23466
تاريخ التسجيل : 29/02/2012

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف صديق عبدالله علي أبوحنة الجمعة 16 نوفمبر 2012, 4:02 am

د عون الله... جدي وجد الجماعة هو حجازي أبو قرن

وفي يوم الزواج كانت هنالك عادة يسقوا العريس والعروس لبن ---ليه مش عارف---يبدو أنه تفاؤل

جابوا لينا اللبن وشربناه

كان خالي موجود
سؤال.. تقصد بالجماعة.. الحكومة يعني!!!
سؤال تاني : ليه خالفت عادة جدكم أب قرن.. وشربتوا اللبن! كان تبخوا بيهو بعض..
سؤال ثالث : رايك شنو في أسكيرت أحمر غاني.. وبلوزة تركوازي. ماشات مع بعض!
سؤال رابع : أنت كان جدك قطع البحر بالفروة أنت عارف دكتور مصباح ده جدو بي يريب الموية!!!
صديق عبدالله علي أبوحنة
صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 44985
تاريخ التسجيل : 14/07/2010

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف ود عون الله الجمعة 16 نوفمبر 2012, 4:30 am

الأخ هاشم الجزولي---سلام وأشواق حارة

******

تسربت إلينا ورقة بحث أعدها هاشم الجزولي

وهاشم رجل باحث ---عالم وواقعي

ونحن نقدر هذه الصفات حتى لو كانت عند أعدائنا

وهاشم علم علم اليقين أن معركته ضدنا خاسرة لامحالة ---رغم الإجتهاد المفرط والإستعدادات

وهاشم ليس كصديق ابو حنه لا يكابر--لا يعاند---لا يدخل معركة خاسرة

لم يضيع وقت

نقب في كل المكتبات والمعامل --وكمان أرسل إلي حليفنا نصر الدين

سهر الليالي ---بحث

أتم البحث

كنا متابعين عن كثب

إنتهي هاشم --وفي التو كانت نتيجة البحث بين أيدينا

تناول هاشم بالفحص والتدقيق والمتابعة ---الزواج في السودان

الشعب السوداني مذهل

والشعب السوداني ---صبور---محنك في حتة الزواج

قال هاشم أن الشاب والشاب كانو يشلخو الخدود---تلاتة مطارق---تي ---111---شنب كديس

والشلوخ تتم بالسكين شخخخخ والدم ينزل ---ومافي واحد بقول بغم

ودي عشان الجماعة كان إتشكلوا --أي واحد ممكن يخربش وش التاني ---عادييي

الشابة زمان تدق الشفة ---الشفة السفلي فقط--إنتو قايلنها زينة ---والكلام من البحث---لا لا

دي عشان الواحدي كان عرست ليها واحد قرفا فى عيشتا ----تعض شفتها أحييي عليك قبل ما تديه مفراك

وفي البحث أيضا ---البطان

والواحد يتمولص--يركز على عكازو ---يحدر طاقيتو ----والسوط يسوي الجب

والبنوت يزغردن

ودي عشان الواحد يكون متعود علي الضرب بعدين

والبنوت يزغردن إذا ركز --ودي معناها إنو بعدين سيركز للمفاريك والكمش وما يكب الزوغة

ذيل هاشم البحث بكلمة مفاهمة وهي إسم الدلع لرفع الراية

********

هاشم ما مشلخ ---والبطان ماهو متعود عليه

قال رفع الراية أحسن

برافو يا هاشم

جدع يا هاشم

*********

رجل بقامة أمة هاشم

واحد ما منو إتنين هاشم

********

تسلم صديقي

ود عون الله
V.i.P
V.i.P

احترام قوانين المنتدى : 100

عدد المساهمات : 611
نقاط : 23466
تاريخ التسجيل : 29/02/2012

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف صديق عبدالله علي أبوحنة الجمعة 16 نوفمبر 2012, 4:39 am

عايزين نوري المستشار القانوني بتاع ود عون الله الشغل في كلمة ( حريموت ) بتاعة ود عون الله.. زي ما المستشار القانوني جاب ( الكف.. والكع ) رئيس الحزب ود عون الله جاب ( حريموت ) على وزن الحكاية ديك..
ونجي نستخرج عبارات مفهومة من كلمة ( حريموت )
1 حـُـرْ
2 حـَــرْ
3 رُحْ
4 ريح
5 رَي
6 حـَـرِيّ ُ ُ
7 حي
8 تـَـحْ
9
10 ريم
11 مي
12حـَـمـِـير
13 حـُـمـَـيـْـر
14 يمحي
15 يحم
16 مرح
17 يموت
18 توم
19موت
20 حريم
21 حرم
22 يم
23 ريموت
24 يحرم
25تور
26 ورم
27رمّ
28مـِـرْ
29رمَّ
30مـَـرَّ
31متر
32 تمر
33موت
34يمر
35 مر
36يـَـتـُـرْ
37 وتر
38يمرح
39 مرح
40 رمح
41 حـَــمـَرْ
42موتر
43ترمي
.................
شايف ( حريموت ) ولادات كيف!!! يا ود عون الله !!!!؟؟؟؟
نخلى عاد المعلمات يجن بي جاي..
ويضعن إمتحان لى تلميذاتن.. ويدنهن في الصف.....
كل واحدي تطلع ورقة وقلم يا بنات.. وتشتق لى من كلمة ( حريموت أكبر عدد من الكلمات ) وحذاري أن تبص وتشف واحدة من جارتها.. عشان نختبر ذكاءكم يا بنات؟
والفايزة الأولى والتانية ليهن جوائز من ود عون الله.. العندها ضرس مسوس ود عون الله راح يقلعوا ليها مجان.. أو يحشيهو ليها مجان بحشوة بورسين، ويعمل تلميع للحشوة مجان.. والحكومة بتاعتو تناولو مادة الحشوة معجونة.. والعايزة كتل عصب ضرس برضو بيعملوا ليها مجان.. ما حا نقول العايزة طقم... لأنو الطقم ده ما للبنات السغمبتوتيات.. برضو العايزة بسـّامة ممكن ود عون الله يعملا ليها.. والعايزة يقرقر ليها ضرسا ويعمل ليها fillingممكن برضو
......
لكن نحنا راح نرسل للفائزة الأولى 10 دراهم أماراتية والثانية خمسة دراهم أماراتية. بالجد والله وقابلة للزيادة..
يلا كدة معلماتنا هنا في المنتدى بيكون طلعن من بوست ود عون الله طلعن من المولد بحمص..
وكدة بيكون المنتدى قدم خدمة وتنويع في وظائف منتدى المناصير بلدي..وأرتقى نحو غاياته المنشودة....
............
أها كدة قصرنا مع حريموت!!
يا حريموت.. أنا شايف ود عون الله ده! عايز يجرمنى ساكت! وأنا زول مسكين.. زول الله في بلد الله... الغنمايي تاكل عشاي..
أنا دايما أساعد في صف حريموت بي فكري وبي راي.. ومعاي دكتور مصباح بي بخراتو وتخاريجو.. ( أوع يسمعنا المستشار القانوني.. اصلو عندو راى في الحكايات دي!.. وزمان اشتغلني فيها شغل شديد.. ما خلى لى صفحة إتقلب عليها ) وبقية اصحابي .. هاشم على الجزولى بي بيرقو الرافعو.. وخالد عابدين ذاتو.. والحاج شرف الدين معانا.. ومعانا ناس كتاااار لسه..
...........
صديق عبدالله علي أبوحنة
صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 44985
تاريخ التسجيل : 14/07/2010

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف صديق عبدالله علي أبوحنة الجمعة 16 نوفمبر 2012, 4:53 am

ود عون الله قال : الشابة زمان تدق الشفة ---الشفة السفلي فقط
جبت ليك دق شفة وجيت!!!
يا أخوانا بت أسد اب سباع مافي والله شنو؟
تجي تشوف هوايل وهتك ود عون الله ده!
صديق عبدالله علي أبوحنة
صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 44985
تاريخ التسجيل : 14/07/2010

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف ود عون الله الجمعة 16 نوفمبر 2012, 5:05 am

صديق الحنوني--

إبداعك يكسر الجداول ويهدم السبلوق ----مجاراتك تتور النفس

سأرد علي أسئلتك

ما فهمته يا صديق جله صحيح

فنحن لا نقول الحكومة لأن الحكومة تعني السيطرة--السطوة--السلطة

يعني هي الحكومة ونحن المعارضة ولا كيف

الحكاية ليست هكذا ولكن مشاركة مساواة--عدل--إحترام متبادل

يا صديق الله خلقك شفت حكومة مرضي عنها---

ولكن شفنا أزواج سعداء

هذا لايعني عدم وجود مشاكل

وليست هنالك حياة زوجية تسير هكذا---يا أخي حتي كدة تبقي الحياة رتيبة مملة

الخناقات الخفيفة التي لا تعصف بالحياة الزوجية----هي بهارات الحياة ---تزيدها رونقا

********

أما بخصوص اللبن فعلاً هو أولاً يبخ ثم يشرب الجزء الباقي

***********

جد شيخ مصباح هو جدي أيضا---فنحن في الأصل من شري ---وهذه قصة أخري

أما أهلي لامي فيسمون الفقرة

ود عون الله
V.i.P
V.i.P

احترام قوانين المنتدى : 100

عدد المساهمات : 611
نقاط : 23466
تاريخ التسجيل : 29/02/2012

الرجوع الى أعلى الصفحة اذهب الى الأسفل

يديعوت حريموت - صفحة 2 Empty رد: يديعوت حريموت

مُساهمة من طرف ود عون الله الجمعة 16 نوفمبر 2012, 5:15 am

يا صديق لن أجاريك في الإشتقاقات الكتيري دي

ولكن سأتناول كلمة مرأة أو إمرأة---وكلمة نساء

وهنا سأتناولها لغة وليس شرعا---وما يجيني شيخ مصباح بي هني

يا صديق ما هو جمع كلمة إمرأة----

ما هو مفرد كلمة نساء أو نسوة

فالمرأة هي واحدة ويا صديق خليك كدي--خليك مع المفرد---فالإفراد هو الأصل

ولا تلولح علي النساء أو النسوة---فهي جمع من غير مفرد---وهي ليست الأصل

توكر في الجمع وما تقدر تمرق---والمفرد بعدين ما تلم فيه

ود عون الله
V.i.P
V.i.P

احترام قوانين المنتدى : 100

عدد المساهمات : 611
نقاط : 23466
تاريخ التسجيل : 29/02/2012

الرجوع الى أعلى الصفحة اذهب الى الأسفل

صفحة 2 من اصل 3 الصفحة السابقة  1, 2, 3  الصفحة التالية

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى