جــــــــــــــــرف روكــــــــــــــــة

تذكير بمساهمة فاتح الموضوع :

لأني أتهوب فتح بوست جديد ويبقالي زي الزول الماسك المويه...مويه شنو؟؟ المويه ممكن الواحد يقرنها ويزوغ..أو زي الواحد الشرك جباتو وكل مره دا يشوفها قبضت واللا لا..
لذلك نستأذن ريسنا الرايع بأن يكون هذا البوست (جرف روكه) حق الناس كلها وكل زول تخطر بباله خاطرة يجي يدق سلوكتو في الجرف دا وما ملزمين بالرد..وتانياً في خواطر صغويري ما تستحق يفتحوا ليها بوست براها أها دي محلها جرفنا ده.
الخاطره الأولى من أخوكم..
لو إنت منصوري ..تقرأ هنا وتمرق وتتمتع بوظيفه عاليه أو مقاماً رفيعاً وحاسي إنك أكبر من أن الدخول هنا والمشاركة معنا ..فمعليش نقولك يا صاحبنا غلطان..فنحن أهل وكلنا في الهم و الآمال شرق.
خاطرة تانية/:
لاقيت صاحباً لي منصوري جايي عمره من السودان ...قال لي والله نحنا المعرسين من برا المناصير ديل تعبانين خلاص..قلت ليهو:ويعني نحنا المرتاحين؟؟؟ نحنا بس فايتنكم باربعه حاجات:
1ـالصبر
2:عشان عين تكرم ألف عين.
3:مرتاحين من قصة(أهل الراجل وأهل المرا) لأنهم واحد.
4:لما الباب يدق ويجوا الضيفان ... نحنا مرتاحين من تعارف الضيوف الجداد مع القاعدين جوه
ما طوالي تقع المقالده وبعدها الخزان واللجنة والبحر شرد وأزيار بغجور و البقوعي مرق وموقع خالد ونضم سلمان البعجب وجارو ابو حنه السردو جميل وحازم ده منو؟ ولو إنت مرهق ممكن تديها نومه وهم براهم بجيبوا أكلن وشرابن
.ونواصل

[ندعوك للتسجيل في المنتدى أو التعريف بنفسك لمعاينة هذه الصورة]


خيرات الجرف .................. تراها دى كلها معروضة فى السوق ..............وكل القصة بكامل تفاصيلها عارفها الفقير .............. اوع من الفقراء .............؟؟؟؟


تحياتى
ابو مصطفى

سيد الجرف ده مالو غاتس الغتسه دى ، كان يمر يشوف
البحر ماشى وللا شارد ، فى طين دايرلو زرع وللا زرع
دايرلو حش ... لعل المانع خير ...

وينو يا ناس سيد الجرف

ولوبا هملان كشنف نشف

وحدجو الكبار حالاً تلف

وبدل الجرم قام الطرف

وحالو يا ناس بقى مختلف

بقى مستباح زى الوقف

وينو يا ناس سيد الجرف

ـــــــــــــ
الكمريق ما انتها شى ؟

[ندعوك للتسجيل في المنتدى أو التعريف بنفسك لمعاينة هذه الصورة]

ياسعادتو سامى ..................... يا سامى عوووك ...............عووك ؟؟ قلت ليك ؟؟؟ اصلو سيد الجرف دا ماهو براهو مى شبع ؟؟؟؟ قابض الريال ابو طارة .؟؟؟ نحن ماشين نطلق حميرنا هنا نخليهن يتعشن
فى جرف ودبروى  سمعت الكلام دا والله ما سمعت ؟؟؟؟ اوع من اللوم ؟؟؟؟؟ ودبروى كان داير بلدو مشى خلاها ؟؟؟؟ دا كان زمان انا مشيت خلاص ؟؟؟؟ عر ...... عر ؟؟؟؟؟؟؟؟

تحياتى
ابومصطفى

سلام ياناس الجرف

ياود بروى  حصل العمدة زاتو وارد بى بهايمو وحميرو على الجرف
قال ودبروى شبع وخلى الجرف طلقيته ، تعال حصلو مافى زولا
يقدر عليو بلاك ...

عيديه هاديه  للغالين الباشمهندس الراقي الفكي والأستاذه الفاضله
وكل سنة وانتم باألف خير

عزف كمان صديقي صلاح عبدالنبي يشارك فناننا الظريف محمد جباره

سلامات شاعرنا وناس جرفك العامر
الواتساب  شغلك من جرفك قرنتها وبقيت بي غادي

سلامات شاعرنا ونسيبنا  وناس جرفك العامر
عيد يتبارك عليك وسلام يغشاك  ويســـــامر

سلام خاص جدا لشاعرنا ود البروى وسلام لى جرفك العامر تملى مخدر ونوارو مفتح
والله ما عارف ما كنت قاعد اجئ بي جاي لكن هسي ياا داب عرفت انو ود البروي قادر على الغربه دى كيفن؟؟؟
جنس سماحى وكيغائئ وعدم تقييد
الناس متفكى سااااكت تمرح وتونس
وبعدين قدر ما جريناك على الواتساب ما حا نقدر وانا حا اكلم ود ااطرشان يخليك لى جروفك
تعظبم سلام وكل الناس تباه لشاعر البلد والسلام الجمهورى اامنصورى

العيد مبارك عليكم وكل سنة إنت والأسرة بألف خير ، ياسيد الجرف مالك بقيت تطول الغتسة
لعل المانع خير ... مع خالص تحايانا ...

الرحمة والمغفرة لشاعر الشمال الأستاذ عبد الله عبد الله محمد خير .

الـغـيـاب مـاهـــو جـفــا
والحضور ما هــو وفــا
الأهــم شــوق الـقـلــوب
حتى لو الشخص أختفى

وينك ياود بروى جرفك لا يهضلم ، هيا أسرع وليهو نظم ...

الفكى احمد كتب:وينك ياود بروى جرفك لا يهضلم ، هيا أسرع وليهو نظم ...

الباشمهندس الفكى تحياتى لك وللأسره الكريمة وأنا سمعت قالوا صاحبنا وشاعرنا مشغول مع تمر الهبوب المصدر الخال مصباح .

لك الود والتحية سفيرنا الهادى والغالى ودايما فوق فى العلالى هو داك النور اليلالىء .
يبدو ان صاحبنا مشغول فى تمر الهبوب جد جد ، أكيد راس البيت إتملأ مشارير ...

سلام حبايب الجرف
والله الجرف ده من فات الطيب
انا بقيت مطمن ما في زول بيسرق جرمو وقرونو
عشان كده ما بجي ماري بيهو
تسلوا ايها الرائعون

م بروي كتب:سلام حبايب الجرف
والله الجرف ده من فات الطيب
انا بقيت مطمن ما في زول بيسرق جرمو وقرونو
عشان كده ما بجي ماري بيهو
تسلوا ايها الرائعون

والله الجرف ده من فات الطيب ؟؟؟؟؟؟؟؟؟؟؟

انا موجود فى داخل الجرف وفى بطن اللوبيا مندسى ؟؟؟؟؟؟؟؟؟؟؟؟؟

تحياتى
ابو مصطفى

ابو مصطفى كتب:

م بروي كتب:سلام حبايب الجرف
والله الجرف ده من فات الطيب
انا بقيت مطمن ما في زول بيسرق جرمو وقرونو
عشان كده ما بجي ماري بيهو
تسلوا ايها الرائعون

والله الجرف ده من فات الطيب ؟؟؟؟؟؟؟؟؟؟؟

انا موجود فى داخل الجرف وفى بطن اللوبيا مندسى ؟؟؟؟؟؟؟؟؟؟؟؟؟

تحياتى
ابو مصطفى

امك
الجرف حراميتو ظهروا

ألف حمدا لله  على سلامتك ياطيبنا

ياجماعة البحر شرد والنز بقى على الزرع هيا جيبوا تواريبكم وطواريكم وسلاليكم .
حتى سيد الجرف ليهو مدة ماطله إن شاء الله المانع خير .
حد نتلفت ننظر نعاين
وينو ودبروى ماهو باين
لافى جرف ولافى جناين
إن شاء الله خير والمولى صاين
شوفو ياسفيان ليهو عاين ...

اليوم إندليت على الجرف لقيت دار الكلاب {بلقع}
براى زرعت النز جُرم وبتيخ ...

عارف يا الفكي
ود بروي داير ليهو قفر
الزول ده ماهو براهو!!!!!!؟؟؟؟؟؟

ياجرفنا الروكه مالن ناس فلان خلوكَ ؟

السلام لى سيد الجرف ؟؟؟ وللعمدة فنان ؟؟؟ ولى كل زول شايل التحنان ؟؟ ولى ابحمد شايل خبر كبير ؟؟ يحدث زول زول ؟؟؟؟ البلد عاوزة تضوى حتى الجروف ؟؟؟ خلى بالك اذا جاءت الكهرباء ودبروى رايح يعمل كشافات لى جرف بت كبجون ؟؟ ورايح يعمل غفارة ؟؟؟ والله حكاية ورواية ؟؟؟
اصلوا زمان الناس تغنى الله يجيبوا دا الخزان ؟................. ؟؟؟ 
غايتو لكل زمن رجال ولكل حكاية رواية ؟؟؟ اسع انا لى ثمان شهور خالى محمد مبرفع لى التلفون ؟؟؟ ياربى يكون طرش وكبر خلاص ؟؟؟؟ والله الزهايمر حصل ؟؟؟؟

تحياتى
ابو مصطفى