من ذكريلت زمان يا صديق ود الحنونى
+2
م بروي
الفكى احمد
6 مشترك
صفحة 1 من اصل 1
من ذكريلت زمان يا صديق ود الحنونى
بعد السلامات والتحايا العاطرات فقد اثار فينا سردك ثورة الاشجان وذكريات الماضى مع الاهل والحبان ولكل مادار فى فلك ذلك الزمان وفتق الجروح وكوامن الاحزان فيا لها من ذكرى ويالها من ايام 0 ايام كانت للحياة حلاوة الروض النضير 0 والله ذاكرتك ماشاء الله عليها ما خليت زول فى ود عيسى والعبابسى لى عند بت الرييم وقد طفت مع حكا ويك وكا نى اراها امامى راى العين فقد نسيت فى تلك اللحظات كل شى وبقيت مع ذلك الزمان وقت الناس حنان الواحد ما عارف يبدا من وين ويقول شنو فالذكريات والخواطر تتزاحم وخاصة فى مثل هذا الشهر حيث البوش والدميرى ام بحرا ريط وربربو وزمان كانت الاجازه الكبيره فى الصيف مش زى هسع فكنا نتفرغ تماما لاشباع رغباتنا من لعب وسمر وحدريبا وقرو ومزرقى وزلقونيى وفجيك وكيشين وعويم الصريمى والبحث عن الرتيل ودقير الطين والشريك للقمرى والدباس والترنار والعلج والتليسى واللبودى ولقيط التمر والكعاكيل ومعيط الليف لفتل الحبال التميمى والعصايى وكنا نعوم البحر سدارى ونركز فى الغرب ونعود ادراجنا والحدث الكبير كان لما الخوى يكسر وكتل ترعة ام لقاديب
وان نسينا لا ننسى يوم الاثنين يوم سوق النعوفاب حيث كنا نقطع بمركب عبد الله العجمى او عبد الله الحنونى التى كان يمدح فيها الحنونى وصديق مكى سيد الاسم عليهم رحمة الله وكنا نرجع من السوق فى المركب الاولانيه عشان نجيب لحمة الفطور ولنا ايادى فى مساعدة الغيرمن بوغه وحش ونوريق وحروس اللقاديب وهز الحبال امات كشاكيش واصعب موقف لما اللقبه تتماص وماعندك كون شبر مليانه واطه
وفى ايام القطر نقعد فى المشرع نحرس مراكب الكاب وكان اشهرها مركب حموده وعبدالله الحنونى ولما نتعرف من بعيد على من فى المركب نجرى وناخذ البشاره وكانت تترك البضا ئع فى المشارع عدة ايام لا يمسها احد وهنالك مركب قصيرون تجيب العيش للدقيق فى طاحونة سليم
وللذكريات بقيه
ماهي قصة الجرجير بالشاى
الفكى احمد
الفكى احمد- V.i.P
- احترام قوانين المنتدى :
عدد المساهمات : 1979
نقاط : 30283
تاريخ التسجيل : 24/06/2010
رد: من ذكريلت زمان يا صديق ود الحنونى
ياسلام عليك ياهندسه
ذكريات مهندسه للآخر
جرجير شنو يافكي ماتقول العيفنونه
رجعت في هذه الليله لسنوات ما أحلاها رغم القساوة قلع البصل(دي أكتر حاجة أنا بكرها وكمان أفرضوا ليك كلو) واسقي الحمار وديروا في تمرة مديني وجيبلقك قصبه من البريق أكسرها ليهو
وامش ألحق أخوك أقلع معاهو الكفان.
أه جبت ليك جانب الشقاوة والتعب.
قصرت معاك؟؟
وينو صديق الغتيت ده غتس وين؟؟
تحياتي للأستاذه
ذكريات مهندسه للآخر
جرجير شنو يافكي ماتقول العيفنونه
رجعت في هذه الليله لسنوات ما أحلاها رغم القساوة قلع البصل(دي أكتر حاجة أنا بكرها وكمان أفرضوا ليك كلو) واسقي الحمار وديروا في تمرة مديني وجيبلقك قصبه من البريق أكسرها ليهو
وامش ألحق أخوك أقلع معاهو الكفان.
أه جبت ليك جانب الشقاوة والتعب.
قصرت معاك؟؟
وينو صديق الغتيت ده غتس وين؟؟
تحياتي للأستاذه
م بروي- كبار الشخصيات
- احترام قوانين المنتدى :
عدد المساهمات : 2592
نقاط : 32627
تاريخ التسجيل : 24/04/2010
رد: من ذكريلت زمان يا صديق ود الحنونى
سلامات يافنان كيف عامل مع جبال عسير انشاء الله تكون الامور ميسره واضيف ليك من الحاجات المتعبه القراعى الصنهار فى
عيش الصيف الطوال وحش القمح الراقد وطلوع التمره المافيها كمروق
تقبل تحياتنا
الفكى احمد
الفكى احمد- V.i.P
- احترام قوانين المنتدى :
عدد المساهمات : 1979
نقاط : 30283
تاريخ التسجيل : 24/06/2010
رد: من ذكريلت زمان يا صديق ود الحنونى
متابعين ياهندسه ويا شاعرنا محمد بروي ولكن شايف اخونا صديق مشغول ولكن لو رجع بيضع النقط فوق الحروف .
نورالهادى- V.i.P
- احترام قوانين المنتدى :
عدد المساهمات : 4904
نقاط : 40103
تاريخ التسجيل : 11/05/2010
رد: من ذكريلت زمان يا صديق ود الحنونى
حقيقه هذا المنتدى يااخونا ياخالد عابدين ظهر بلاوى
الجماعه ديل بالجد مخزنين زكريات ماعاديه
محمد بروى و ال2 مهندس
مؤهلين لتاليف الاف موسم الهجره الى الشمال
تقول لى الطيب صالح براهو
الجماعه ديل بالجد مخزنين زكريات ماعاديه
محمد بروى و ال2 مهندس
مؤهلين لتاليف الاف موسم الهجره الى الشمال
تقول لى الطيب صالح براهو
(الحاج شرف)- اداري
- مشرف المنتدى العام
احترام قوانين المنتدى :
عدد المساهمات : 1785
نقاط : 30669
تاريخ التسجيل : 22/04/2010
رد: من ذكريلت زمان يا صديق ود الحنونى
ود بروي.. ود شيخنا شرف الدين.. النور الهادي..
أنا عارف من زمان الفكي ما ساهل في تراث المناصير ورجل صاحب نكته هادفة..
أنا عارف من زمان الفكي ما ساهل في تراث المناصير ورجل صاحب نكته هادفة..
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45290
تاريخ التسجيل : 14/07/2010
رد: من ذكريلت زمان يا صديق ود الحنونى
ياسلام ياسلام ياسلام كلام يرد الروح تقراء وتدمع عيييييييك يازمن ؟
الجنا دامن وين الفكي احمد يازول سلام عليك وتاني سلام عليك كلامك والله مادرناه يكمل شدة ماهو سمح ويحكي عن اصالة وبصاره وسماحة ناسا تاكل وتقش في هدومن
كلامك يا الفكي احمد ذكرني قصه الجعلي الجاء الخرطوم زياره لي صاحبو واظنو اكرمو كرم جد والجعلي قال لصاحبو حرم تجيني في البلد انا برضو داير اكرمك الظروف ودت صاحبنا هناك والجعلي قام بالواجب وشاف نفسو مقصر وهو مباريهو عاوز يودعوا قالو وكت ماك عاوز تبيت معاي تاني يوم حرم لازم تسولك شكله في السوق دا وتخلها لي معمري ؟
السلام للاخوان الحاج شرف ونور الهادي والقامه بروي والباشمهندس صديق ودابحنه ..00حازم
الجنا دامن وين الفكي احمد يازول سلام عليك وتاني سلام عليك كلامك والله مادرناه يكمل شدة ماهو سمح ويحكي عن اصالة وبصاره وسماحة ناسا تاكل وتقش في هدومن
كلامك يا الفكي احمد ذكرني قصه الجعلي الجاء الخرطوم زياره لي صاحبو واظنو اكرمو كرم جد والجعلي قال لصاحبو حرم تجيني في البلد انا برضو داير اكرمك الظروف ودت صاحبنا هناك والجعلي قام بالواجب وشاف نفسو مقصر وهو مباريهو عاوز يودعوا قالو وكت ماك عاوز تبيت معاي تاني يوم حرم لازم تسولك شكله في السوق دا وتخلها لي معمري ؟
السلام للاخوان الحاج شرف ونور الهادي والقامه بروي والباشمهندس صديق ودابحنه ..00حازم
حازم- V.i.P
- احترام قوانين المنتدى :
عدد المساهمات : 862
نقاط : 27709
تاريخ التسجيل : 19/07/2010
رد: من ذكريلت زمان يا صديق ود الحنونى
الفكي أخذ من هدوء إحمد الطنبوري... وتسربل بسرابيل جمال وروعة زينب بت الفكي في حب المناصير وأهلها
.................
الفكي إنت شتلة المشرق الغليدي ديك القايمة قصاد بيتكم جنب جدول البابور دي حقت منو؟ حقت ابوك والله حقت حسن الفكي.. ..جنب الجدول طوالي. مقابلة لى خشم باب حشوكم.. من برندتكم تشوفا..
.................
الفكي إنت شتلة المشرق الغليدي ديك القايمة قصاد بيتكم جنب جدول البابور دي حقت منو؟ حقت ابوك والله حقت حسن الفكي.. ..جنب الجدول طوالي. مقابلة لى خشم باب حشوكم.. من برندتكم تشوفا..
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45290
تاريخ التسجيل : 14/07/2010
رد: من ذكريلت زمان يا صديق ود الحنونى
سلامات أخونا الفاضل صديق كل سنه وأنت والأسره الكريمه بألف خير
ياحليل تلك المناظر التى صارت أثرا بعد عين ، والمشرقيى الغليدى ديك
السعلت منها هول ناس عبد الدائم ،أكان تشوف فيها تمرا زى القعُو .
ياحليل تلك المناظر التى صارت أثرا بعد عين ، والمشرقيى الغليدى ديك
السعلت منها هول ناس عبد الدائم ،أكان تشوف فيها تمرا زى القعُو .
الفكى احمد- V.i.P
- احترام قوانين المنتدى :
عدد المساهمات : 1979
نقاط : 30283
تاريخ التسجيل : 24/06/2010
مواضيع مماثلة
» نتمنى الشفاء العاجل للأخ صديق الشيخ محمد - من جزية ميس - ومن فينا لا يعرف صديق الشيخ؟؟؟؟؟
» مطرف صديق يا صديق !!
» قصة زمان وقصة هنا
» اللجان زمان ...
» مقارنة :عمل المراة زمان واسع
» مطرف صديق يا صديق !!
» قصة زمان وقصة هنا
» اللجان زمان ...
» مقارنة :عمل المراة زمان واسع
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى