سجمكن.... المنتدى ظهروا فيهو نشالين

من طرف **م بروي** الإثنين 11 يونيو 2012, 10:04 pm

تذكير بمساهمة فاتح الموضوع :

كل زول هنا يتحسس محفظتو
لو لابس جلابية يحشر جيبو بي جزلانو تحت وركو
ويبقى عشرة على قروشو هي قاعد تتلقي بي هيني؟؟؟
جانا عضو جديد
زمان سارقلو عتوداً لي عاشه بت ابراهيم
وكمان مشابو حوش المريسي(حروره) وجبا
جاء ام درمان سرق بنبر من سوق العناقريب
إلا رجعو أخوه موسى واعتذر
قبل اسبوع قاطعلو محفظة مرا في سوق بحري
وكمان مرات يربط في خور الدروشاب بي عكازو المضبب
مرة وقفلو واحد في الخور لقاهو منصوري
قالو منو الزول قالو أنا الشيخ ياحسن( زميل)
الشيخ منو؟؟
الشيخ بروي.
دحين قد أعزر من أنذر
ما يجي باكر واحد يقول دخلت الاجتماعي
أشيل الفاتحي في فلان ونشلوني
كدبو في المحفظات قوي
حتى البدخل المنتدى وقدامو
في الطربيزه شاي يعمل حسابو
هسع خايف أرحب بالتليب ده تقولوا
أكيد أنا زميلو.نسوي كيفن[center]

من طرف **م بروي** الإثنين 25 يونيو 2012, 6:06 am

نصرالدين ابوزيد حامد كرار كتب:الزعيم ودبروى سلام.
قول مرحب بالهنباتى مرحب بالرباط نشال شنو الرابطلو فى خور وشايلو عكاز مضبب وعتان وبنابر وعناقريب. النشال دا بتاع زحمة مواصلات , زحمة سوق,يعنى موس وشريط جيوب وحاجات زى دى.
مرحبتين حباب ضيفك وانشاءالله العكاز المضبب دا يكون بوست مثبت باسمو,والعتود انشاء يكون نشيط ينطط فى المنتدى دا زى العتيد والبنبر يكون قاعدبو مع ناس ونسه ساكت فى ظلال ودالمناصير.
وتقبل مرورى.

ظلال ود المناصير داك محل الناس الراقيين
محل قلنا (محط المبدعين)
لكن زولنا ده حيعمل بوست( المضبب) كما تفضلت
المظاهرات مناخ عمل جميل عشان كده ما حيظهر اليومين ديل
مرورك بهي يسعد ويفرح...شكراًيابن الزعيم

من طرف **م بروي** الإثنين 25 يونيو 2012, 6:15 am

بلسم كتب:مرحب بضيفك شاعرنا القدير رغم التاخير فمرحب بقدومه
وانشاءالله العتود شحمان

عتود مدغوج(بج)
زمان يابلسم في عزابه في الكلاكله
كانوا مفلسين وجعانين وجاء عتود يرعى
جنب الباب فتحوا الباب
دخل السيد العتود قادلاً
اتشاوروا الجماعه وواحد قال بيعرف يضبح
اتاريهو ما بيعرف يضبح
ضبح العتود و فكاهو ..العتود قام جاري وطلع برا
والدم يسيل منه وهو يجري
وصل العتود لدكان في الزاويه وكان صاحبو هناك
تابع اثر الدم الى ان وصل بيت المناصير العزابه
وفضيحه بجلاجل.
تشكري يابلسم المنتدى رائعه الحديث كثيرة الغياب.

من طرف **م بروي** الثلاثاء 26 يونيو 2012, 5:01 am

علي الحمود كتب:مرحب يا حسن يا أروع زول..نحن هسع متكربين دايرين نلم فى الناس السمحين ديل برضنا شادين حيلنا.أصلو أسمح من الديوان ما فى..وبابورك ده ظبتلو البساتم والزيت اول باول.أسع أنا إشتريت طنبور عشان النا س السمحين ديل إتمنى اللمة قريب ويتلاقى الحبايب .بالرغم من أننا قاعدين فوق طرف العنقريب لكن حاسين بصدق إنو البيت ده بيتنا وعندنا حق الترحيب الخجول..

فنانا الحمود متعدد المواهب والقدرات
اسعدنا ترحيبك بصاحبك

سجمكن.... المنتدى ظهروا فيهو نشالين

سجمكن.... المنتدى ظهروا فيهو نشالين

رد: سجمكن.... المنتدى ظهروا فيهو نشالين

رد: سجمكن.... المنتدى ظهروا فيهو نشالين

رد: سجمكن.... المنتدى ظهروا فيهو نشالين