إحساس كلام

من طرف **خالد عابدين** الأربعاء 09 مايو 2012, 6:16 pm

بصرك إذا لمح الظلام واحتج حولك ثورة الناس اللئام
كوم الحرامية الخبيث يظهر بعد ماالناس نيام
فيامن تهبش فينا احساس الكلام
تدي الكلام لغة العيون وتخضر صفقات الغرام
الناس تضج وتحتج فيس قولة سلام وانا ملام
مانفسي راحلي رحول هوى يكتح محل ماقالو قام
رمزالدمار لغة الفقر حتحت الوهم الحرام
الشم يكون عود الطلح والكلمة تبقى فهم حرام
ياناس اذا الليل انطوى فرد الجناحين بي وئام
هل يبقى درويش الغرام تايه مع سبل السلام
أو نبقى في ايميل غرام نسكن جدار الروح مسام
ويبقى الكلام الفينا تذكار الشعر
نطراهو كل ما الليل يشر
تنبض حروف الريد سكات ومرات تعاود تنتحر
ومرات تقول ان شاء الله خير نسكن على نص الشبر
والليل مخيف وصوت الغرام الفينا صاح
يعني الكلام القلنا ماسمعوبو ناس
أو يبقى فينا الريد صراع نتلاوى نص الليل دواس
مادام فرحنا الاتهزم واتبدلت لغة الحواس
صوت الحزن اصبح هزيز في كل راس
والريد بيتقاس بالحواس يحبس هوى الروح انحباس
ويفضل كلامنا القلنا عش غرام ويصبح سلام

من طرف **عباس محمد** الأربعاء 16 مايو 2012, 8:31 pm

والله كلام باحساس جميل
ندعم هذا الشاعر بكلمات الثناء والمدح
حتى يخضر عوده ويكون من الفطاحلة مستقبلا

اكرر شكرى اخى خالد

إحساس كلام

إحساس كلام

رد: إحساس كلام