اكلتك المفضلة ... تحت المجهر
+7
yousif
صديق عبدالله علي أبوحنة
ود عون الله
ود المناصير
اميره الحومرى
نجلاء زمراوي
انتصار حجازي
11 مشترك
صفحة 1 من اصل 1
اكلتك المفضلة ... تحت المجهر
هي فقط دعوة للكل
للمساهمة فى هذا البوست
يعنى كل عضو او عضوه يأتي ويذكر لنا اكلته المفضلة
ويا حبذا لو ارفق صورة لها ..اما اذا لم يجد صورة فليست مشكله
المهم هو ان تذكر لنا ماهي اكلتك المفضلة
وبما اننا اصبحنا اسرة واحدة فالنتعرف اكثر على ماهي اكلاتكم المفضلة
انتصار حجازي- مشرف
- مشرف منتدى المرأة والأسرة
احترام قوانين المنتدى :
عدد المساهمات : 1668
نقاط : 28367
تاريخ التسجيل : 19/01/2011
رد: اكلتك المفضلة ... تحت المجهر
سأبدأ انا
اكلتي المفضلة هي
قراصة بدمعة دجاج ويكون بجانبها صحن شطة او سلطة << شكلى بكتب فى البوست وانا جعااانه
طبعا بفضل عملها يوم الجمعه لان يوم الجمعه يوم مميز فلازم يكون طبقي المميز موجود
اكلتي المفضلة هي
قراصة بدمعة دجاج ويكون بجانبها صحن شطة او سلطة << شكلى بكتب فى البوست وانا جعااانه
طبعا بفضل عملها يوم الجمعه لان يوم الجمعه يوم مميز فلازم يكون طبقي المميز موجود
انتصار حجازي- مشرف
- مشرف منتدى المرأة والأسرة
احترام قوانين المنتدى :
عدد المساهمات : 1668
نقاط : 28367
تاريخ التسجيل : 19/01/2011
رد: اكلتك المفضلة ... تحت المجهر
شكرا انتصار علي هذه اللفته ..
اكلتي المفضله قراصه بويكه حمراء...واعني بالويكه الحمراء دمعه ضاني جامده وعليها ويكه وطبعا اهم حاجه الشطه الحمراء وصحن السلطه,,والويكه لازم تكون منشفه في البيت ومدقوقه بالفندق لا بالسحانه,
وايضا الملوخيه المفروكه بالكسره...
اكلتي المفضله قراصه بويكه حمراء...واعني بالويكه الحمراء دمعه ضاني جامده وعليها ويكه وطبعا اهم حاجه الشطه الحمراء وصحن السلطه,,والويكه لازم تكون منشفه في البيت ومدقوقه بالفندق لا بالسحانه,
وايضا الملوخيه المفروكه بالكسره...
نجلاء زمراوي- عضو ماسي
- عضو ماسي
احترام قوانين المنتدى :
عدد المساهمات : 2265
نقاط : 29394
تاريخ التسجيل : 10/03/2011
رد: اكلتك المفضلة ... تحت المجهر
انتصار ونجلاء والله انتن مريحات خلاص اتخيلتا انوا جتونى فى البيت ...
يعنى ما حاتعب معاكم الا ويكه نجلاء البفندك دى
صدقوا اراجع فى نفسى انا اكلتى المفضله شنو؟ ما لقيت حاجه معينه
بس الحلويات امممممممم يا سلام
بس عندى بت عمى اخت العضو د\ عبد الواحد لو عملت ليكم باميه فرك بالقراصه اكيد حا تاكلوا اصابعيكم وراها
انتصار الله يجازيك جوعتينا
يعنى ما حاتعب معاكم الا ويكه نجلاء البفندك دى
صدقوا اراجع فى نفسى انا اكلتى المفضله شنو؟ ما لقيت حاجه معينه
بس الحلويات امممممممم يا سلام
بس عندى بت عمى اخت العضو د\ عبد الواحد لو عملت ليكم باميه فرك بالقراصه اكيد حا تاكلوا اصابعيكم وراها
انتصار الله يجازيك جوعتينا
اميره الحومرى- عضو فضي
- احترام قوانين المنتدى :
عدد المساهمات : 717
نقاط : 25436
تاريخ التسجيل : 24/05/2011
رد: اكلتك المفضلة ... تحت المجهر
سلام .. ناس الأكلة الهنية الشهية ..والأفكار السوية ..
وجبتي : قراصة قمح بلد 4 بوصة .. بي دمعة مسبكة .. بي لحم ضاني تكون حارة من نارا بوخا حدو السما
ومعاها .. بصل أخضر .. وشطة حمرا بي ليمون
وكم نفر كدي .. عشان الاكل مع الجماعة دايما لذيذ
** وكمان بحب الملوحة المسبكة .. بي قراصة كاربي وبصل وشطة حاارة
**
وجبتي : قراصة قمح بلد 4 بوصة .. بي دمعة مسبكة .. بي لحم ضاني تكون حارة من نارا بوخا حدو السما
ومعاها .. بصل أخضر .. وشطة حمرا بي ليمون
وكم نفر كدي .. عشان الاكل مع الجماعة دايما لذيذ
** وكمان بحب الملوحة المسبكة .. بي قراصة كاربي وبصل وشطة حاارة
**
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34327
تاريخ التسجيل : 06/04/2010
رد: اكلتك المفضلة ... تحت المجهر
شكراً لصاحبة البوست----ويا ناس القراريص سلام
البوست دا عجبني جداً واتمنيت كل الناس يجوا بى جاي---يعني الواحد وكت يعزم الجماعة يكون عارفهم بيحبوا شنو وما يبدأ يحك في راسو
القراصة وفي ناس يسموها العصارة وناس يقولولا السنبوسة
وإبراهيم الشاعر زمان قال
شوف النفس كيف أمارة
وكتين تضرب العصارة
الكباية دايري خبارة
والكباية هني كباية شاي---ماها ببسي ولا ميرندا أو عصاير----وما ها حاجات تاني حامياني
يا أميرة الحلويات مقدور عليها
ويا إنتصار---نجلاء ---ود المناصير
المخزن مليان قمح--قمح بلد أصلي إنتاج صمد ساقي قديم الله يديه العافية --والباميه والويكة ساهلي---الشطة ساهلي---
المساطر كمان راقدي---وكمان معاها متر----عشان يقيسو القراصة كم بوصة---واحد---إثنين ---ثلاثة --أربعة ---وعيك
االبصل الأخضر ----أها المشكلة هني----التلفونات شغالة من البارح--نستشير فى المهندسين الزراعيين عشان يشوفوا لينا تيراب بصل يقوم علي مدار العام
واحد قال البصل الأخضر خزنوه من الموسم في ثلاجات---المشكلة في الكهرباء البي تقطع --ناس قالوا --علبوه --مالقينا مصنع
نرجع لموضوع البوست
اكلتي المفضلة هي : دمعة جداد بلدي مزركش ماهو الجداد الفطيس داك الموجود فى التلاجات جداد بي علاعيلو وسارح في الحيشان وماهو عجوز
الدمعة ماتكون حمراء بلحيل--لونه أغبش شوي--يعني الصلصة ماها كتيري---الدمعة لازم تكون تقيلي بصلا كتير ومهرود
الدمعة تكون في صحن أبيض كبير لا ألمونيم ولا زجاج----اللحم لازم يكون كتير محل ما تنزل يدك تعتر
الدمعة لازم يكون معاها فطير قمح بلدي رهييييييييييف
الجماعة البياكلو معاك لازم يكونوا كاباسين وهدافين أكثر من ميسي العين في الكورة والمرمى على طول والعجب لو قالوا ك فيها في النهاية
ويا جماعة إتفضلو
تخريمة أولى
الواحد لو جاء بي جماعتو يأكلوه على مزاج مين فيهم
تخريمة ثانية
الواحد تلقاه عازم الجماعة وخسران وجايب خيرات الدنيا تلقى الناس تفتش في الفول---جينات بأأه ---وأهلنا الجعليين يا ود الطرشان أم رقيقة لازم -----
أصلو الشعب السوداني لو غزيتو في جروفنا ونزلت عليه مطر طوالي يقوم فول وويكة
تحياتي
البوست دا عجبني جداً واتمنيت كل الناس يجوا بى جاي---يعني الواحد وكت يعزم الجماعة يكون عارفهم بيحبوا شنو وما يبدأ يحك في راسو
القراصة وفي ناس يسموها العصارة وناس يقولولا السنبوسة
وإبراهيم الشاعر زمان قال
شوف النفس كيف أمارة
وكتين تضرب العصارة
الكباية دايري خبارة
والكباية هني كباية شاي---ماها ببسي ولا ميرندا أو عصاير----وما ها حاجات تاني حامياني
يا أميرة الحلويات مقدور عليها
ويا إنتصار---نجلاء ---ود المناصير
المخزن مليان قمح--قمح بلد أصلي إنتاج صمد ساقي قديم الله يديه العافية --والباميه والويكة ساهلي---الشطة ساهلي---
المساطر كمان راقدي---وكمان معاها متر----عشان يقيسو القراصة كم بوصة---واحد---إثنين ---ثلاثة --أربعة ---وعيك
االبصل الأخضر ----أها المشكلة هني----التلفونات شغالة من البارح--نستشير فى المهندسين الزراعيين عشان يشوفوا لينا تيراب بصل يقوم علي مدار العام
واحد قال البصل الأخضر خزنوه من الموسم في ثلاجات---المشكلة في الكهرباء البي تقطع --ناس قالوا --علبوه --مالقينا مصنع
نرجع لموضوع البوست
اكلتي المفضلة هي : دمعة جداد بلدي مزركش ماهو الجداد الفطيس داك الموجود فى التلاجات جداد بي علاعيلو وسارح في الحيشان وماهو عجوز
الدمعة ماتكون حمراء بلحيل--لونه أغبش شوي--يعني الصلصة ماها كتيري---الدمعة لازم تكون تقيلي بصلا كتير ومهرود
الدمعة تكون في صحن أبيض كبير لا ألمونيم ولا زجاج----اللحم لازم يكون كتير محل ما تنزل يدك تعتر
الدمعة لازم يكون معاها فطير قمح بلدي رهييييييييييف
الجماعة البياكلو معاك لازم يكونوا كاباسين وهدافين أكثر من ميسي العين في الكورة والمرمى على طول والعجب لو قالوا ك فيها في النهاية
ويا جماعة إتفضلو
تخريمة أولى
الواحد لو جاء بي جماعتو يأكلوه على مزاج مين فيهم
تخريمة ثانية
الواحد تلقاه عازم الجماعة وخسران وجايب خيرات الدنيا تلقى الناس تفتش في الفول---جينات بأأه ---وأهلنا الجعليين يا ود الطرشان أم رقيقة لازم -----
أصلو الشعب السوداني لو غزيتو في جروفنا ونزلت عليه مطر طوالي يقوم فول وويكة
تحياتي
ود عون الله- V.i.P
- احترام قوانين المنتدى :
عدد المساهمات : 611
نقاط : 23656
تاريخ التسجيل : 29/02/2012
رد: اكلتك المفضلة ... تحت المجهر
اهلا نجلاء
ليك وحشة
وتصدقي كمان القراصة بالويكة رهيييبة
لكن يا بت امى ماصعبتى الحكاية بالفندك دا
شكلى اذا عزمتك يوم بقول ليك جيبي لي ويكة ناشفة معاك
ومشكوووورة
ليك وحشة
وتصدقي كمان القراصة بالويكة رهيييبة
لكن يا بت امى ماصعبتى الحكاية بالفندك دا
شكلى اذا عزمتك يوم بقول ليك جيبي لي ويكة ناشفة معاك
ومشكوووورة
انتصار حجازي- مشرف
- مشرف منتدى المرأة والأسرة
احترام قوانين المنتدى :
عدد المساهمات : 1668
نقاط : 28367
تاريخ التسجيل : 19/01/2011
رد: اكلتك المفضلة ... تحت المجهر
اهلا اميرتنا بت الحومري
تصدقي اتخليتنا نحن الثلاثة انا وانتى ونجلاء
لمة حلووووة وبيننا صحن قررراصة كااارب
بس كمان شوقتينا لبامية فرك من ايدين اخت عبد الواحد
وبالنسبة للحلويات عندى وصفة لتحلية اتعلمتها من السعوديات رهييييبة
تصدقي اتخليتنا نحن الثلاثة انا وانتى ونجلاء
لمة حلووووة وبيننا صحن قررراصة كااارب
بس كمان شوقتينا لبامية فرك من ايدين اخت عبد الواحد
وبالنسبة للحلويات عندى وصفة لتحلية اتعلمتها من السعوديات رهييييبة
انتصار حجازي- مشرف
- مشرف منتدى المرأة والأسرة
احترام قوانين المنتدى :
عدد المساهمات : 1668
نقاط : 28367
تاريخ التسجيل : 19/01/2011
رد: اكلتك المفضلة ... تحت المجهر
ود المناصير كتب:سلام .. ناس الأكلة الهنية الشهية ..والأفكار السوية ..
وجبتي : قراصة قمح بلد 4 بوصة .. بي دمعة مسبكة .. بي لحم ضاني تكون حارة من نارا بوخا حدو السما
ومعاها .. بصل أخضر .. وشطة حمرا بي ليمون
وكم نفر كدي .. عشان الاكل مع الجماعة دايما لذيذ
** وكمان بحب الملوحة المسبكة .. بي قراصة كاربي وبصل وشطة حاارة
**
اهلا بود بلدى ود المناصير
تصدق جوعتنا
وانا وود عون الله لمن بنقرا فى مداخلاتكم دى لاحظنا انو نحن المناصير شكلنا ناس قرااااصة ساى
لكن الحق يقال القراصة ملكة بمطبخنا المنصوري
كدا يا ود المناصير عرفنا اكلاتك المفضلة يعنى اذا قدر لنا الزمان نعزمك ... تلقى القراصة بدمعة ما تديك الدرب وبوخا في السما نجيبا ليك ببوتجازا
انتصار حجازي- مشرف
- مشرف منتدى المرأة والأسرة
احترام قوانين المنتدى :
عدد المساهمات : 1668
نقاط : 28367
تاريخ التسجيل : 19/01/2011
رد: اكلتك المفضلة ... تحت المجهر
ود عون الله كتب:يعني الواحد وكت يعزم الجماعة يكون عارفهم بيحبوا شنو وما يبدأ يحك في راسو
هلا وغلا بود عون الله
وفعلا دا الغرض من البوست طالما الناس اصبحوا بيعرفوا بعض اكثر فلا باس من معرفة اطباقهم المفضلة
وعقبال كل اصحابك يكونوا معزومين عندك قراااصة بدمعة
ود عون الله كتب:
اكلتي المفضلة هي : دمعة جداد بلدي مزركش ماهو الجداد الفطيس داك الموجود فى التلاجات جداد بي علاعيلو وسارح في الحيشان وماهو عجوز
الدمعة ماتكون حمراء بلحيل--لونه أغبش شوي--يعني الصلصة ماها كتيري---الدمعة لازم تكون تقيلي بصلا كتير ومهرود
الدمعة تكون في صحن أبيض كبير لا ألمونيم ولا زجاج----اللحم لازم يكون كتير محل ما تنزل يدك تعتر
الدمعة لازم يكون معاها فطير قمح بلدي رهييييييييييف
شايفاك صعبت الحكاية زى نجلاء ...جداد ومزركش
وعجبنى مقطع اللحم البعتر دا ... اريتو عتير السرور
وفعلا دمعة الجداد كمان بالفطير رهييبة
بس تعرف ملاحظ معاى انكم بتوصفوا الاكلة بناءا على البيئة التى اتربيتوا فيها
ودا معناها كبييير
الاصالة والحنين دوما للاكلات التى تربينا عليها
انتصار حجازي- مشرف
- مشرف منتدى المرأة والأسرة
احترام قوانين المنتدى :
عدد المساهمات : 1668
نقاط : 28367
تاريخ التسجيل : 19/01/2011
رد: اكلتك المفضلة ... تحت المجهر
قراصة ضهرا أحمر ضهر غزال..معمولة بي قمح بلد..موش قمح صعيد.مرشوشة بي دمعة خروف ولحم مكوم من فوق... وجنبها بصل أخدر مقلوع من الحوض هسه دي بي عروقو وغسل في جدول بابور مويتو ماشي موش موية حبس.. وجنبو صحن شطة ممصور عليهو ليمون أخدر.. الشطة نفسها خلطة من الدكوة والشطة وشوية ملح معجونة بي موية الليمون فقط. بدون إضافة موية عليها.. وجنبها شوية جرجيرات أو عيفنونة
...............................
الأكلة التانية( فاصوليا.. الحبة الدقاقة موش حبتها كبيرة.. مهرودة على نار جمر فحم شديد شديد.على لحم خروف... صلصتها موزونة موش الصلصة الكثيرة.. يظهر فيها بياض الفاصلوليا أكثر مما يظهر حمار الصلصة
أكلات مفضلة في الغربة( بييتزا هوط.... كنتاكي) وكدة
...............................
الأكلة التانية( فاصوليا.. الحبة الدقاقة موش حبتها كبيرة.. مهرودة على نار جمر فحم شديد شديد.على لحم خروف... صلصتها موزونة موش الصلصة الكثيرة.. يظهر فيها بياض الفاصلوليا أكثر مما يظهر حمار الصلصة
أكلات مفضلة في الغربة( بييتزا هوط.... كنتاكي) وكدة
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45175
تاريخ التسجيل : 14/07/2010
رد: اكلتك المفضلة ... تحت المجهر
بعد التحيه أهلي : دمعه ضان بي فطير ول سخيني بي فطير برضو .....
yousif- عضو متميز
- عضو مبدع
احترام قوانين المنتدى :
عدد المساهمات : 424
نقاط : 26640
تاريخ التسجيل : 02/04/2010
رد: اكلتك المفضلة ... تحت المجهر
طبعا انا بقيت المنتدي ما بلحيل عليه
لكن الاكل دا ما منه مفر
طيب انا بحب الاكلات البلديه جدا جدا
كسره مريق بلد تكون عايساه امي ماهن البنات
ماتكون معيوسه بكوز ماهي قرقريبه
تجيك الطرقه او السنسنه ذيترعه المويه اكت يرمواالحجر حلقات حلقات
من كتر الدوار تقول قعرقفه سعف
بعدين تكون ماه رهافه شديد
يكون الملاح خضره (ملوخيه)وتكون معاه شوية قرون
باميه يعني غلط ناس زمان يسموه ابو حبيبه
ماعارف هسع اسمه شنو
بعدين الملاح علي شرط يكون بايت
ويكون شط خضره ماهي مدقوق مدروشه درش علي خفييييييييييف
ومخلوط معاه ملح بسيط ومويه ليمون
تجيب الطبق جنبك حله ىالملاح بجوارك
تغسل ايدك وتمشي تنوم
الباقي اتمه بكره
لكن الاكل دا ما منه مفر
طيب انا بحب الاكلات البلديه جدا جدا
كسره مريق بلد تكون عايساه امي ماهن البنات
ماتكون معيوسه بكوز ماهي قرقريبه
تجيك الطرقه او السنسنه ذيترعه المويه اكت يرمواالحجر حلقات حلقات
من كتر الدوار تقول قعرقفه سعف
بعدين تكون ماه رهافه شديد
يكون الملاح خضره (ملوخيه)وتكون معاه شوية قرون
باميه يعني غلط ناس زمان يسموه ابو حبيبه
ماعارف هسع اسمه شنو
بعدين الملاح علي شرط يكون بايت
ويكون شط خضره ماهي مدقوق مدروشه درش علي خفييييييييييف
ومخلوط معاه ملح بسيط ومويه ليمون
تجيب الطبق جنبك حله ىالملاح بجوارك
تغسل ايدك وتمشي تنوم
الباقي اتمه بكره
أبوسفيان خلف الله- ملـــــكي
- احترام قوانين المنتدى :
عدد المساهمات : 2122
نقاط : 29886
تاريخ التسجيل : 17/07/2010
العمر : 51
رد: اكلتك المفضلة ... تحت المجهر
أبوسفيان خلف الله كتب:طبعا انا بقيت المنتدي ما بلحيل عليه
لييييه ؟؟
تقول لينا ما تمشوا .. وتجي تقول كلامك دا ؟
ود المناصير- مشرف
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 34327
تاريخ التسجيل : 06/04/2010
رد: اكلتك المفضلة ... تحت المجهر
قراصه قمح بلدي 4 بوصه وملاح قرون وشطه وليمون مبااااالغه
محمد حسن- عضو فعال
- احترام قوانين المنتدى :
عدد المساهمات : 125
نقاط : 22800
تاريخ التسجيل : 10/12/2011
رد: اكلتك المفضلة ... تحت المجهر
عصيده بملاح روب (معمول بروب موش ذبادى) ,شيه ضان (لحمه سمينه )على الجمرمع كسره مررره , الحلو كل الحلويات المعموله بالسمنه البلديه.
هويدا ابوشعر- عضو فضي
- احترام قوانين المنتدى :
عدد المساهمات : 949
نقاط : 25937
تاريخ التسجيل : 21/04/2011
رد: اكلتك المفضلة ... تحت المجهر
فاصوليا بايته ورغيفه بلديه
ساري الليل- ملـــــكي
- احترام قوانين المنتدى :
عدد المساهمات : 2091
نقاط : 30296
تاريخ التسجيل : 16/09/2010
رد: اكلتك المفضلة ... تحت المجهر
الشكر لكل من مر هنا واضاف لينا وجبته المفضلة
انا كمان بقول كدا
بوست يجووووع
اميره الحومرى كتب:
انتصار الله يجازيك جوعتينا
انا كمان بقول كدا
بوست يجووووع
انتصار حجازي- مشرف
- مشرف منتدى المرأة والأسرة
احترام قوانين المنتدى :
عدد المساهمات : 1668
نقاط : 28367
تاريخ التسجيل : 19/01/2011
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى