كانت فنـّة من الدهر زيارة عملنا في السودان

تسلم سلمان..
سعدت كثيرا بأعمال الطريق شغالين فيها في محلية البحيرة.. والناس استقرت تقريباً.. والناس هنالك عرفت معايشا.. من السمك والزراعة.. قضيت سبعة ايام بالعاصمة وسافرت كسلا ومدني والقرير.. وأنا في طريقي للبلد كنت ناوي أزورها شبرا شبرا.. واصورها شبرا شبرا.. لكن الظروف لم تمكنني من ذلك، حيث في أول وصولي لها صلاة العشاء.. وجدت بالبلد أن شقيقتي عاشة أخذوها في عربة خاصة بعماد حسن الفكي.. ود طيوبة بت الفكي أخذوها للخرطوم للعلاج.. كانت مصابة بملاريا وحمى.. لترتيب علاجها، طوالي سافرت بسرعة مقتفيا أثرها للخرطوم.. رجعت طوالي..ولكن يكفيني أني شميت ريحة طين البلد.. على العموم النية جاهزة في أن نذهب مرة أخرى شهر ستة.. ربنا يمد في الأيام..

سبحان الله ..الله قادر.. في منطقتنا بمحلية البحيرة.. فوق للحنانين والنعوفاب والضقولة والسلمات.. الناس جرفت الوش الأولاني للتربة الحجرية بالجرافات.. وظهرت تحتها تربة طينية منتهى الروعة، تمهيدا لزراعتها بمساحات <script src='http://img217.imageshack.us/shareable/?i=0083i.jpg&p=tl' type='text/javascript'></script><noscript>[ندعوك للتسجيل في المنتدى أو التعريف بنفسك لمعاينة هذه الصورة]</noscript>كبيرة..

لاخظت أن المناصير في العاصمة في اجتماعياتهم في الفرح والكرح أكثر توحداً.. يمكن صلينا المغرب في عرس نادر حوالي 700 منصوري، فيهم ناس جايين من البحيرة عربات سمكهم بي تلاجاتا واقفة، وناس من أطراف العاصمة.. كلهم يتكلمون ويتونسون ويتمازحون في سماحة ويسر، فيهم جميع ألوان طيف القضية.. زول جاب سيرة القضية والله خلافات مافي.. بس محصورين في المناسبة والكشف والسلام وملاقاة الناس وفيهم الكبار
مثل
عثمان صحن
وعبد العاطي
وهاشم الحسن
وعلي الكليس
وسليمان البرجوب
هاشم علي الجزولي
وغيرهم من الكبار
وأعضاء المنتدى
وغيرهم
شعرت بأن المناصير حسهم وذوقهم السياسي والاجتماعي قد ارتفع..
ويعرف تماما أن لكل مقام مقال..

سلامات صديق.والله نحن مامحظوظين ماقدرنا نلاقيك لاننا ناس اقاليم.لكن نمنى النفس باللقاء انشاء الله.ااعجبنى جدا الاحتفاء الكبير الذى وجدته من الاهل .نسال الله ان يحفظك والاسره من كل سوء.

محمد عمرود البركل.. سألت عنك.. أنا لاتفوت عني شاردة والله واردة. سألت عنك قالوا متواجد بمدني
نسأل الله أن ييسر لنا فرصة لقاء..

[ندعوك للتسجيل في المنتدى أو التعريف بنفسك لمعاينة هذه الصورة]

<script src='http://img341.imageshack.us/shareable/?i=note1.jpg&p=tl' type='text/javascript'></script><noscript>[ندعوك للتسجيل في المنتدى أو التعريف بنفسك لمعاينة هذه الصورة]</noscript>أبي أبي معجب بمنظر النعجة في المحلي

تسلم يا الفكي أحمد
إنت زول بيت.. بس كنت منزعج من موضوع تنزيل الصور.. في البداية الرابط الرافع للمنتدى كان فيه مشكلة في رفع الصور..
أقول ليك يا الفكي
برضو أنا رسلت ليك رسالة خاصة ومنتظر الرد.. وهي أن قابلتني واحدة من أخواتك وبكل اسف نسيت إسمها وهي عرفتني.. وسلمت عليا بحرارة..وهي تسلم عليكم سلام شديد

مصطفى عمر الحسن
وعلي عبد الله حدوري
اتصلوا من الدمازين
مباركين قدومنا للسودان.
ومن عصمة ومن سليمان ومن محمد ومن نفر خارج المنتدى، لسانهم يلهج بالشكر عما أبثه من تراث أهلهم..

حازم..
بادر بالإتصال.. وقال سيارته رهن الإشارة.. رجل حبوب جزاه الله خير.. هو ذخر للمناصير
علمت أنه قاد تصالحات كبيرة وكثيرة من أجل أهله، بعضها تكلل بالنجاح، وبعضها لم يصل الى غاياته، وبعضها لم يرى النور..

وكانت ساعدتي بلقاء المهندس ود جيب الله

سوف أنشر لقائي بإدارة المنتدى
ولقائي بدعوة كريمة من الأخ أحمد عبد الفتاح
في منزله العامر
ولقائي بدعوة كريمة من اللواء عثمان خليفه صحن في منزله
ولقائي بالأخ الفريق هاشم الحسن

ولقائي تلفونيا بالمعتمد العقيد عبد الرحمن محمد الخير جيب الله
ولقائي بالأخ علي الكليس
والأخ سليمان البرجوب

واصل نحن في الانتظار.....متعك الله بالصحه والعافيه

مساء الخيرهندسة
متابعين بلهفة وشوق
نرجو الغوص في التفاصيل أكثر
....تحياتي...........

باشمهندس صديق حمدا الله على سلامة العودة
قابلناك فى زواج نادر وانت تمثل المنصورى الاصيل والقامة الرفيعة
ولكن ذهابنا من المناسبة قبل المغرب لبعد مسكننا بامدرمان افقدنا الكثيرفى حضرة جنابك
ولك تحياتى وودى

واصلا زول سأل منى ما فى وجودى وعدم وجودى زى بعضه

,]لا والله يا ود حاج وجودك مؤثر جدا ومكانك فارغ ولكن نعزي الغياب احيانا للمشغوليات وكلنا كنا غياب في الفتره السابقه وبما ان في العمر بقيه مواصلين باذن الله فلك العتبي اخي ودحاج

تسلم ود حاج.. يا زول أنت عضو مؤثر..غيابك مشعور به..
أما بخصوص خالك محوماااد ود علي! ما أظنك أنت بي هناك، واللاب توب بقالك بيشتغل في ساني!
........................
أستاذة نجلاء تسلمي على المرور
.....................
عباس موحوماااد ود حسب الله.. فعلا فتشتك بعد صلاة المغرب ما عثرت ليك على أثر.. وكنت عايز أفضفض معاك حاجات كثيرة.. غابت عني بسبب الاغتراب

الف حمدا لله على السلامة الاستاذ صديق والاسرة الكريمة

كم تمنينا ان نحظى بشرف اللقاء بك ولكن الافدار حالت دون ذالك

الف حمدا علي الوصول
وقد قضيتم اجازة ممتعة بين الاهل
وتشرفنا بلقائكم
ولم اتصورك بهذه الرشاقة وخاصة عندما ذهبت معك للمايكرفون وقدمت اغنيتين
سعدنا بهما كثيرا
وماشاء الله عليك
تسلم ياهندسة
من الملاحظات في زيارة ابوحنة للحبوبة التومة بت ام قزاز
جلس بجوارها واصبحت تحكي له في الزمن القديم وكان متأثرا جدا جدا ولم يستطيع ان يفارقها حتي سمع اذان المغرب بعد ان اخذ سبحتها وسبح بها
تسلم ياهندسة
نرجو تنزيل الصورة مع الحبوبة التومة

تسلم عادل. فعلا كانت لحظات جميلة دخولي المسرح، وتهليل الجمهور ، ساعتها التف حولي شاب المناصير داخل المسرح، والفرحة هللت على الناس.صورة حاجة التومة، إن شاء الله ألقاها في خضم الصور الكثيرة التي أخذتها في السودان

قلنا أن الغاية كلنا متفقون عليها، وفي التفاصيل والوسائل تظهر بعض الملاحظات، وبعض خيوط التداخل، وقد حضر الأخ علي الكليس في وفد إدارة منتدى المناصير بلدي، لزيارتنا، وقد وجدت عندهم إحتراماً كبيراً له، في عرض وجهة نظره، المتفق على جملة مداخلاتها،وتفاصيلها طبعاً قابلة للأخذ والرد من السادة القراء في المنتدى والسادة الأعضاء،والمناصير عامة، وهي تفاصيل عند أستاذ علي في مجملها، تصب على الضيم في التفريط في مجمل القضية منذ بداياتها، وهي تصب في النهاية في إسعاد إنسان الخيار المحلى، أسوة بغيره من الخيارات الأخرى، ثم بعد الوداع، اتفق لى وقت كافي زهاء الساعة والنصف وأنا جلوس في سيارة الأخ على، يحدثني عن كل خيوط القضية منذ بداياتها، وجميع الخطوط المتاشبكة، وقد توافقت هذه المعلومات عندي منذ أمد بعيد لما وجدته من سرد للقضية مع جهات أخرى كثيرة متعددة،
شعرت خلال ذلك بنوايا أستاذ علي الكليس الحسنة في خدمة أهله، شعرت برضو أن المرارة الكبيرة في نفس الأخ علي قد زال بعضها، بفضل الطرح في المنتدى وبفضل النقاش وبفضل تلاقح الأفكار وتشميسها.
كما شعرت في كل اللقاءات مع أبناء المناصير في القيادة، شعرت بأنهم جميعاً ملك للمناصير وهم حاضرون لتنفيذ الكلمة النهائية التى تأتي من القاعدة، لكن في هذه المرحلة بالذات، يجب التركيز على متابعة تنفيذ التعمير في المحلي، حتى يشتم الناس رائحة التنفيذ، وليس تشتيت الجهود، إنما المجهود الأساسي يجب أن يصب في خانة إسعاد إنسان البحيرة.. بلجان يرتضيها إنسان صاحب الخيار المحلى..
شعرت بأن لارغبة أبدية للقيادات في الجلوس على دست القضية، وإنما لكل مرحلة ناسها، ويجب أن يبني الناس على مجهودات بعض، ويجب أن لايعزل فرد، ويجب مد يد التصافح والتسامح للجميع
خلاصة الخلاصة:-
شعرت بأن الأخ علي الكليس، جوفة محروق على أهله، بأن يرى لهم خيارا جاذباً، مريحاَ، وإن اختلف في بعض التفاصيل اي الوسائل نحو الغاية الواحدة التى نؤمن بها جميعاً، وهي الحفاظ على بؤرة القبيلة في مكمنها وفي منشأها وفي أرضها. [/size]

كم انت كبيريا باشمهندس صديق
كلام وافى وصادق من الاعماق يبرىء الجروح
ولك التحيات الحارة مرسولة بى طيبة العبق

تسلم عباس
وقبله تسلم إقبال..

مع ابن أخي محمود<script src='http://img401.imageshack.us/shareable/?i=siddiq2052.jpg&p=tl' type='text/javascript'></script><noscript>[ندعوك للتسجيل في المنتدى أو التعريف بنفسك لمعاينة هذه الصورة]</noscript>

الناس بنوا وسكنوا ومستمتعين والأطفال صحتهم كويسة <script src='http://img818.imageshack.us/shareable/?i=note1234.jpg&p=tl' type='text/javascript'></script><noscript>[ندعوك للتسجيل في المنتدى أو التعريف بنفسك لمعاينة هذه الصورة]</noscript>

استاذنا ابو حنه سلام

ياخوى مالو جيت من السودان فهمك كملان

وييين كتاباتك الكثيرة

سحروك ولا أدوك عين

الواقع أكبر من الكتابة يا أستاذة انتصار.. أنا في أول البوست قلتا.. ما حا أقدر أكتب.. لأني عشت الحدث في معايشة الناس.. استغراق كامل.. عشت مع الناس ونسيت الكتابة..
برضو سحروني دي واردة يا انتصار
لأنو محل ما أمشي بنات أولاد كبار شباب يسالوني كيف تقدر تكتب كدة!
وين تلقى الزمن..
قلت ليهم أنا ما عندي زمن
وبستثمر الزمن القليل... وبطبع بسرعة فائقة، حتى ما قاعد أعاين للكي بورد
ما صدقوا
جابوا لى كمبيوتر وكي بورد وقالوا لى يلا ورينا!
ووريتهم!
برضو سحروني بتاعتك دي واردة يا أستاذة
وخاصة حواء السودان!
طقتني عين!
بامانة أحاطوني بهالة من التوقير أكبر من الكتابة
ربي يقدرني أكون قدر ذلك
من حسن الخلق
وحسن الدين
وحسن الأخوة
وحسن الزمالة

ياخوى مالو جيت من السودان فهمك كملان

ها ها ها
جيت مفلس! من السودان وحق المامورية البسيييط لسه ما استلمتو..
بالجد جيت فهمي كملان
السودان محتاج لقروش كتيرة تشيب الراس

برضو جيت مرهق من السفر الكتييير في زمن محدود18 يوم

شاي المغرب الكارب في السودان لايقاوم، السودان سمح بفرحة أهلو وحنين لحظات التلاقي.. خاصة شاي مغرب لى بيت يكون ساعي نعجات وغنم.. والشاي لبن فقط على حب شاي.. كان هذا هكذا.. دبلت منو كبايتين.. والحكومة كل مرة تقول لى( أعمل حسابك.. بطنك مغلباك! وتجي تتعب فينا، وتجامل الناس في الأكل والشراب..<script src='http://img192.imageshack.us/shareable/?i=noteaaaaaa.jpg&p=tl' type='text/javascript'></script><noscript>[ندعوك للتسجيل في المنتدى أو التعريف بنفسك لمعاينة هذه الصورة]</noscript>

انتصار حجازي كتب:استاذنا ابو حنه سلام

ياخوى مالو جيت من السودان فهمك كملان

وييين كتاباتك الكثيرة

سحروك ولا أدوك عين

هو فهمو ما بيكمل ... لكن ممكن يتشتت .. وأي رحلة زي دي .. عندها تداعيات كتيرة .. بدنية .. وذهنية .. ونفسية ..وغيرها

لكن الليلي يا إنتصار ود ابو حنة بقى .. يشلخ ويقلع من الشجرة الكبيرة ويزرع .. شايفو قبل على مقال مدرسة شيري وسوالو شتلي البصل

تسلمي إنتصار

تسلم ود ابو حنة وواصل بلا فواصل

ها هاها.. ضحكتني بي شتل البصل دي يا ود المناصير..
............................
هنا إبننا أبي بين عمكات الأهل..العمات والخالات في محلية البحيرة.. يظهر في الصورة ابننا الكبير أحمد<script src='http://img685.imageshack.us/shareable/?i=notessssssss.jpg&p=tl' type='text/javascript'></script><noscript>[ندعوك للتسجيل في المنتدى أو التعريف بنفسك لمعاينة هذه الصورة]</noscript>

لقاء العقيد معتمد البحيرة( تلفونياً)
أخ كريم.. شال التلفون.. ضرب للمعتمد وقال ليهو.. معاك صديق أب حنة..تعرفوا!
ردا قال: بسم الله الرحمن الرحيم.. هو صديق في زول ما بيعرفوا!
قال: اول حاجة ياخي تعازينا الحارة في فقيدنا عمر أب حنة، الرجل القمة والقامة.. ثانياً هل محتاج لينا في أي حاجة، نحن حاضرين..
صديق: تسلم تسلم سعادة العقيد والله كل حاجة تمام التمام.. نحن نشكر لكم مجهوداتكم مع أهلنا، ومع أهلكم وهو شئ غير مشحودين عليهو.. نحن نعلم أنكم تعملون لإسعاد اهلكم، وتطرقون جميع الجبهات، لترسية الخيار المحلي وتعميره ما استطعتم. ولو كان لنا رجاء عندكم! هو أن لا يثنيكم الرزاز والكلام الذي قد لايرضيكم ويصدكم عن خدمة أهلكم المساكين الغلابة.نحن نعلم أنكم تهدئون اللعبة للصالح العام، ومن أجل الناس الغلابة وتعملون في ظروف قاسية وصعبة في صمت.. نعول عليكم كثيراً في إسعاد اهلكم..
المعتمد: والله يا ود أب حنة كلماتك دي وحدها تشفي الجراح، وتعطينا طاقة الدفع للعمل من أجل إسعاد أهلنا، وتصبرنا على ما وجدنا من مناكفات، لكن والله نحن دائماً مع إسعاد اهلنا، ومرحب بكم في اي إقتراحات ترونها لإسعاد أهلكم..نحن نحافظ على بؤرة القبيلة، والحمد لله أتينا في ظرف ومنعطف أهلنا محتاجين لينا..
صديق: الحمد لله.. ياها المحرية فيكم.. وياخي في هذه السانحة أحب أن اشكر لكم رعايتكم الكريمة لفقيدنا عمر، وقتما كان نزيلاً معكم في داركم بالقاهرة، وقتما كنت بالسفارة وياها المحرية فيكم، وعمر صديقك قبلنا،عرفته في مجالات شتى كانت بينكم.. ونحن اهل واقارب قبل كل شئ..
المعتمد: لا يارجل لاشكر بين الأهل، وعمر صديقي وصاحبي، عرفته رجل أخو أخوان في مجالات شتى كانت بيننا..لاشكر بين الأهل، المهم يا رجل عايزين نشوفك، ونكرم مثواك
صديق: والله أتمنى ذلك.. ولكن ظروف مأموريتي قصيرة، وانا اسعد بلقائكم أيما سعادة، كان في الدهر فنة سوف نتواصل، من أجل إسعاد اهلنا، ومن أجل تضميد الجراح، ومن أجل تقديم النصيحة والمشورة في المنعطفات الصعبة..
المعتمد: تسلم تسلم يا رجل، ونحن حاضرين، سوف تجدنا عند حسن ظنك.. وربنا يقدرنا نقدر نقدم شئ يحسن السكوت عليه لأهلنا..
صديق: في امان الله.. نسأل الله أن يوفق ما بين اهلنا فيما يرضى الله والوطن والمناصير عامة
المعتمد: والله كلماتك هذه أسعدتني أيما إسعاد.. جعلك الله ذخراً لأهلك.. تصبح على خير.. وسوف نلتقي أكيد.
صديق: مع السلامة

لاحظت في زيارتي للسودان،أن الإنسان ممكن أن يقود أعمال بيزنس في مجالات شتى، بغير مجهود كبير، خاصة لإنسان جاي من برة السودان، ينظر بمنظار مختلف، ويعرف الشعوب البرة دي التى إختلطنا معها كيف تستثمر الوقت والزمن والمال المعقول، زمن كتييير ضائع عند الناس في السودان في الفارغة والمقدودة، طاقات مهدرة ومعطلة كبيييرة، شاب خرييج عاطل عن العمل يبحث عن وظائف باهتة، مردودها قليل.لاتفي بإحتياجات الأسرة..
لاحظت أن إنسان محلية البحيرة بدأ يتحدى الواقع، وينتج من الزراعة والاسماك، وبعض أنواع التجارة الأخرى، شوية شوية المناخ ماشي يتحسن في محلية البحيرة، الإعلام الذي حصل للقضية خارج السودان، جذب ناس متعاطفين مع المناصير في تقديم بعض المعونات فى حفر آبار شرب.. في تمهيد التربة.. في فتح مجالات للعمل في أرض البحيرة، تعاطف فقط على أن هنالك إسم مناصير في السودان يتشبسون بأرضهم من أجل حياة كريمة..يبدو أن السياحة سوف يكون لها مستقبل مشرف حول البحيرة، شعوب الدنيا الأخرى خاصة العربية، شاهدت على قنوات العالم، أن هنالك أناس ذوي سحنة عربية، ولحى عربية في هذه البقعة يطالبون بحقوقهم المشروعة في البقاء في ارضهم.. هذا التعاطف بدأ يجذب بعض الباحثين عن الأجر في إرتياد مثل هذه الأعمال، قد تظهر هذه النوايا من هؤلاء في دفق ما لديهم من مساعدات للناس، بقصد الربح، بقصد الأجر، بقصد الشهامة..
الحياة صارت ممكنة حول البحيرة.

كنتا متمني في إجازتي الفاتت دي! أشوف وأزور اي عضو هنا في المنتدى، لكن الظروف لم تمكنني. كنت أتشوق لذلك..

الاخ ابوحنة

سلام

اسعدني ما قمت به وسعدت كثيرا بمقترحاتك لتطوير المنطقة ونامل ان تري النور قريبا

يكون جميلا لو تم تنسيق جهودك مع الاخوة في المهجر حتي تتضاعف الجهود

تسلم

سس<script src='http://img853.imageshack.us/shareable/?i=siddiq2003.jpg&p=tl' type='text/javascript'></script><noscript>[ندعوك للتسجيل في المنتدى أو التعريف بنفسك لمعاينة هذه الصورة]</noscript>
سلمان عقيد وود الطرشان ( بخاري)في ونسة جاذبة... أثناء زيارتهم لنا بالرياض مع المجموعة...

والله يا صديق ... سلمان دا من جنبتو دي انا قايلو عمر البشير

أيوة بقا يشبه عمر البشير وايضاً يشبه جدو موحوماااد ود الخليفة

إنت يا سلمان لسه بي تشك في ولاية أب حنة!!!
..........................

[size=24] بما أني ملك عام لكل المناصير بدون فرز أينما وجدوا وأينما حلوا وأينما رحلوا.. مع إحترام خياراتهم . فقد زرت المناصير الجديدة وزيارة خاطفة جداً للفداء ثم محلية البحيرة.. وحضرت عرس في القرية خمسة.. وزرت القرية ثلاثة والقرية أربعة والقرية إثنين والقرية خمسة.. وزرت اكثر من 80 بيت في هذه القرى.. وهدينا للأهل وقدمنا للمحتاج بدون تفصيل.. هنا..لأن كل هذه الأسر نصفها في المحلي ونصفها في المناصير الجديدة والفداء.. ووجهنا لورينا بنقل القمح بأسعار معقولة الى إنسان محلية البحيرة..خاصة أن حصاد القمح قد تم في المناصير الجديدة..[ووجهت ابن أخي بأن كل شخص يحب أن يرسل الى أسرته المتبقية في المحلي شوال قمح أو شوالين يجب تجميع ذلك في سوق القرية أربعة..وبالفعل تم ذلك خلال يومين فقط من الإعلان عن ذلك، حتى فاضت شحنة اللوري وتبقيت لشحنة أخرى..وقد استقبل الناس هذا النبأ بفرحة عارمة، خاصة أنهم كانوا محتارين يوصلوا كيف لذويهم هذه الهدايا.... هذا وقد قامت شحنة اللوري الأولى الى سوق النعوفاب قبل اسبوع من الآن.. ناس المحلي موش محتاجين.. لكن وسيلة من الترابط الأسري الذي بدا من ذي قبل.. وزيادة في ربط صلة التواصل.. وقد قال رسول الله صلى الله عليه وسلم( تهادوا.. تحاببوا) كذلك قال رسول الله صلى الله عليه وسلم( الرحم معلق بعرش الرحمن الى يوم القيامة، ينادي ويقول، اللهم صل من وصلنى ، واقطع من قطعني)../size]

هاهاها
ذكرتني! يا سلمان( الضهبي) وهذا تمجيدا، لعش الزوجية من أمهاتنا وحبوباتنا زمان..
لكن يا سلمان كانت الحاجة... ضهيبي أم ناس النعيم ود سعد وزينب بت سعد عندها كلام تاني ما بقدر أقولو.. لمان الواحد بعد يعرس ويتهجك مع مرتو وينسى أمو ويسوق مرتو ويسافر..
كانت طوالي تقول الكلام ده للزول البي ينسى والديه ويميل جيهة الضهبي!

طبعاً زرت الأخ الفنان عيسى بروي ومعاي ( الضهبي) يا سلمان عقيد.. واتعشينا في دارهم العامرة.. وكان لزاماً علينا. بل وواجب ، بل حق عيسى علينا أن نهديه.. وقد بادلونا الهدايا أيضاً.. أدتنا عاشة حرجل.. وتيراب حرجل.عايز أزرعو هنا قدام فلتي في المشروع... وكركدي.. أكياس وكلو زارعاه في حوشا..
كانت فرحة عيسى كبييييرة للغاية لاتوصف.وقد نادى الأخ عيسى جميع جيرانه جميعهم، ليسلموا علينا.. ومن شدة فرحة الإستقبال قعد عيسى في الواطة جنب خشم الحوش وظل يبكي لامن رفعتو بي إيدي.. شفافية من عيسى كحالتها دائماً... لاتوصف
وسحرني سلمان عقيد. صورت عشرين صورة ما ظهرت منهم غير واحدة فقط. وغارني الريس خالد عابدين

وافر الشكر لك باشمهندس صديق
زيارتك نسيبنا عيسى بروى هذا من اصلك الطيب
جعلها الله فى ميزان حسناتك
اتحفنا بمزيد من الصور والمشاهد
فنحن متابعين بشغف

الاخ صديق حمد لله على سلامة الوصول لابوظبى وسلامات ابنك ابى ونشكرك على الكلمات فى حق الوالدة التومى كما نشكرك لزيارتنا لنا فى المنزل وناس للرد المتاخر لاننى كنت فى البلد لعزاء ابنت خالنا ابراهيم وهى زوجة عيسى حامد لها الرحمه