((( الإنفصال النهائي ... بالثلاثية الأبدية )))

من طرف **ود الطرشان** الأربعاء 28 مارس 2012, 3:11 pm

لقد سأمتها وتوقف الزمن حين قررت الانفصال عنها بطلقة ثلاثية بائنة ..
الي الأبد من دون رجعة ..
ولاكن كم أحببتها .. ملكتني بشعورها .. بكيانها ..
متلهفة ومتعطش لها .. وفي لحظة ينهدم الأمل .. وأي أمل .. وكان وداع من دون رجعه ..
وما تلك الأمل .. سؤال يبحث عن الاجابه.؟
أحبها وتحبني .. ملكتني كيانها وقلبها ..
يا أميرة الحب والإبداع .. يا من أشتقت إليها
أما تذكري كلماتك .. وانتي ترسمي طريق عشقنا.؟
أما تعلمي أنني عشت لحظات فرح .. لحظات أمل .. ومن ثم انكسار ..
كم آه تجرعت .. وكم الألم تألمت .. قلبي يتحطم لأجل بعدك ..
وكلماتك التي زرعت لي الأمل .. وها أنا أسكن الألم .. ولاكن هيهات وتمخض فجر جديد
أحبك بجنونك .....
هيمان بعشقك .. مخذول من كلماتك ..
جريح .. حب جريح عشق حزين .. للأبد فمتى ستبتسم لي الحياة ..
وأنعم بقربك .. الفكر متشتت الحروف تهرّب قلب يبحث عن الأمان يا من ليس لك أمان
اقتربت عاصفة خوف فلا بد من النسيان.. كيف؟...
لاأعلم لماذا؟ ... غلط ... آسف اعتذار كبرياء .. يهيمن عليك اسف الفراق ..
كيف لا أعلم سوف يحين زمن الإختباء ولبس ملابس سوداء فلن تستطيعي لقياي
ولكني ...خائف.. رعشة ارتجاف ....
قلب يأن.....روح تائهة....انفاس مذبذبة..
تلوميني .. فكيف لا أحبك كدت أن تقتليني .. أحبك أكثر..أسكت.. لأجلك
لا لن أسكت.؟

اعلمي أن زمني مضى و رحل ..فأنتي بستان عشقي..

وورود أملي الباقي.....

من قلبي بعثتها لكى .. ومن أيدي كتبتها لكى
حتي تبحثي عن غيري لتبثي سمومك ..
وهذا قرار نهائي .. بان أقولها بملئ فمي طالق .. طالق .. طالق
فلتذهبي للجحيم .. يا (حياة العزوبية)

أحبائي
اجل انها حياة العزوبية ..
نعم لقد قررت اخيراً بعد صراع .. وقتال جبابرة ان اهزم حياة العزوبية ..
ولكن كم احببتك يا حياة العزوبية .. واعشق شعارك الاول (الحرية)
نعم .. أحبائي .. لقد حان زمن (حياة الزوجية) والناس اكلت لحمي ..

وسوف اعلن زمان ومكان (الزفاف) في القريب العاجل جداً جداً .

من طرف **عازه** الأربعاء 28 مارس 2012, 3:24 pm

ودالطرشان توهتنا وخوفتنا أصلو نحن بنات حواء بنخاف من كلمة طالق فمابالك بالثلاثه لكن في النهاية فرحتنا فرح شديد ومليون مبروك وربنا يتم علي خير

من طرف **علي الكليس** الأربعاء 28 مارس 2012, 3:45 pm

مالك ياود الطرشان ماكنت كويس جري لعقلك حاجه الضحك عليك وغشاك منو.هو العمر بعزقه وغيتو الطريفي زول نصيحه ونصحتك بعدين ماتلومني

من طرف **ود المناصير** الأربعاء 28 مارس 2012, 3:47 pm

والله العظيم .. كنت عايز ... اعبر ... خفت تقولوا إتكوزنت ..

ربنا يتمم بخير ...

الفنان علينا .

.. بس دكاكيني.. لا

... دكاي ... لا ..

بطان وبي سوط بقطران .. نعم

تخريمة :

المواسير غلت في البلد اليومين ديل

ربنا يتم علي خير يا طويل و قيافة

نتمني ان نكون حضورا

من طرف **ود الطرشان** الأربعاء 28 مارس 2012, 4:43 pm

عازه كتب:ودالطرشان توهتنا وخوفتنا أصلو نحن بنات حواء بنخاف من كلمة طالق فمابالك بالثلاثه لكن في النهاية فرحتنا فرح شديد ومليون مبروك وربنا يتم علي خير

آمين

لا تسعفني كلمات الشكر عزة الشموخ
واتمني لك حياة طيبة وزرية صالحة

تخريمة:
أخاف من الحنين اليها ..

من طرف **ود الطرشان** الأربعاء 28 مارس 2012, 5:16 pm

علي الكليس كتب:
مالك ياود الطرشان ماكنت كويس جري لعقلك حاجه الضحك عليك وغشاك منو.هو العمر بعزقه وغيتو الطريفي زول نصيحه ونصحتك بعدين ماتلومني

لا تحرشني انا براي داير لي سبب

وانت بديت الحكاية دي زمان لحفظ النوع ولا شنو .. !! ؟؟

ألما رادك ما لامك

من طرف **م بروي** الأربعاء 28 مارس 2012, 6:15 pm

إنت ما طرشان
ناقص طرطشه؟؟

ياسلام ليه تعمل كدا ياود الطرشان
سوف نفقد عضو مهم في رابطه المعرييين
لانقول لك خليت لي منو الله يتم علي خير
وسوف نسجل عضو جديد برابطه المعرييين الفرعيه والمركزيه

ولقد فقدت جمعيه المعرين المركزيه فبل اسبوع اهم الاعضاء
الشاعر حميد ونقد

من طرف **النفر** الأربعاء 28 مارس 2012, 7:01 pm

ربنا يتم على خير ويوفقك أخى ود الطرشان ومبارك مقدما ً _

يا الله خبر تماااام .. وبصراحه سردت طلاق العزوبية بطريقة رهيبة جداااا وعجبتنى

ربنا يهنيك ويسعدك بعش الزوجية وببنت الحلال

تخريمة : اول مرة افهم كلماتك لان دوما رمزيتك عالية جداااا .. وبقول ود المناصير ما شاء الله بيفهم الكلام الكبار دا كيف

وبتعرفوا اختكم فى الله اللى هى انا مرات الشبكة بتاعتي بتاخد ليها طشة

الف مبروك ويا خوى ما كان تخليها فى اجازة المغتربين علشان نحضر زواجك .. عموما خير البر عاجله وربنا يوفقك

من طرف **بلسم** الأربعاء 28 مارس 2012, 8:18 pm

ربنا يتم ليك على خير اخى ود الطرشان

من طرف **ود الطرشان** الأربعاء 28 مارس 2012, 9:54 pm

ود المناصير كتب:والله العظيم .. كنت عايز ... اعبر ... خفت تقولوا إتكوزنت ..

ربنا يتمم بخير ...

الفنان علينا .

.. بس دكاكيني.. لا

... دكاي ... لا ..

بطان وبي سوط بقطران .. نعم

تخريمة :

المواسير غلت في البلد اليومين ديل

آميييييييين

الفنان .. لا تنط
وكان مجراها اليمين .. للشجاعة .. حد النعنشه
حنة كرعين .. لا
توستي .. لا

تخريمة:
افك ليك حرامي القلوب يجهجه باكاتك ..!

تمام ياود الطرشان وربنا يتم على خير

الاعزب اشر الناس ديمة مجالس الخناس

من طرف **اقبال** الأربعاء 28 مارس 2012, 10:21 pm

الف مبروك الاخ ود الطرشان وربنا يتم على خير

من طرف **علي الكليس** الأربعاء 28 مارس 2012, 10:34 pm

أبوسفيان خلف الله كتب:ياسلام ليه تعمل كدا ياود الطرشان
سوف نفقد عضو مهم في رابطه المعرييين
لانقول لك خليت لي منو الله يتم علي خير
وسوف نسجل عضو جديد برابطه المعرييين الفرعيه والمركزيه

ولقد فقدت جمعيه المعرين المركزيه فبل اسبوع اهم الاعضاء
الشاعر حميد ونقد

اها ياودالطرشان قول واحد من ابوسفيان وبالمناسبه ابوسفيان راجل صالح وقاعد يشوف

الف مروك الطريشان (خم وشيل وسود عليك انا في الخدمه اذا طرب دايوت او فيوز

وحابة اضيف عقبال لكل العزاب اللى بالمنتدى

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **الفكى احمد** الخميس 29 مارس 2012, 1:02 am

ألف مبـــــــــــــرووك مقدما وربنا يتم على خيروبركـة

من طرف **هويدا ابوشعر** الخميس 29 مارس 2012, 1:42 am

ربنا يتم على الخير.
نتمنى انها تكون منصوريه.
نتمنى ان تعشق الحياة الجديده كما عشقت الحريه.(تمنيات زوول ضهب)

من طرف **نجلاء زمراوي** الخميس 29 مارس 2012, 3:29 am

الف مبروك وربنا يتم علي الف خير.

من طرف **نورالهادى** الخميس 29 مارس 2012, 4:18 am

أخونا وحبيبنا ود الطرشان ألف مبروك وربنا يتمم لك على خير ان شاء الله .وألف مرحب بيك بين اخوانك الكادحين الصابرين الصامدين , فأنت تعتبر بالنسبة لهم اضافة حقيقية فنحن كنا يا صديقى نحسدك على ما أنت فيه فكلما نفتح الموقع نجدك أونلاين فهذه الميزة ستفقدها من أول يوم لانضمامك لحزب الكادحين , فيجب أن تتمرن على ترك هذه العادة من الآن .فأنت يا صديقى تعشق الحياة الأولى الى النخاع فنتمنى ان تعشق الثانية أكثر من الأولى وربنا يسعدك ويرزقك بالزرية الصالحة .وستبكيك حياة العزابة لانك كنت فلذة كبدها .

من طرف **ود الطرشان** الخميس 29 مارس 2012, 2:13 pm

عبد الواحد جبريل كتب:ربنا يتم علي خير يا طويل و قيافة

نتمني ان نكون حضورا

امييييييين

سوف تكون حضوراً انشالله لننظم ايقاع الفرحة وننضم عقد العز اهل
(( أتمني تناول الدسم بإكثار حتي يكتظ ظهرك بالشحوم ليكون اهل لصياط ود المناصير ))

يا ود الطرشان ياحر
ماكا حر—

سوف تختفى المسلسلات
الطويلة –ويختفى الكلام الفلسفى العميق—اما الاخوة الذين ينادونك بنسيان الموضوع
ويقدمون لك النصائح فلا تسمع كلامهم سير سير------------

اما الباشى يارب فى
الخرطوم –ام البلد—ام كسلا------ام دار جعل بلد الجماعة ---على كل كما قال ود
المناصير دايرنها تراث وجلد صاح وقعيدة كاربى –واختم ليك بابيات الدرويش:

كبرت ومالقيت لى عذب
تغن والدفتر بلاك مليان

حليلنا النحنا عرسنا
ونسينا عرسنا كيف كان

من طرف **بكري المدني** الجمعة 30 مارس 2012, 1:19 am

بخارى -سنين طويلة مرت يا رجل منذ ان التقيتك اول مرة وعرفتك (دون جوان)لا يهدأ له حال -الآن يمر بذاكرتى شريط طوييييييييييييل ملئ بصور الحسناوات من مختلف الأعمار والأجناس والألوان والأحجام مما يجعلنى اسألك بالبلدي (اياتا فيهن يا بخاري الوقعت عليها الكرتلة؟)الشقراء الطويلة وللا البيضاء السمينة -السمراء النحيلة ام السوداء (ووشيها بمبي !) من السودان آبخاري ام من مملكة اكسوم؟!تعرف اننى كنت متحيز للزمان ديك -الكنتوا منتظرني في (خرطوم تك) وانا شتت بحق العشاء! - على كل واي كانت سأرتدى الجلابية والسروال والشال والمركوب الماخمج وامشى معاك للمرة العاشرة!بس اسمعها منى كلمة ح تكون المرة الأخيرة فارجو ان تكون( المرة)الأخيرة !!!!!!!!!

من طرف **عازه** الجمعة 30 مارس 2012, 2:18 am

ود الطرشان غايتو ود المدني عندو ملفات ليك قديمة وأظن بعد التصريح دا ماحاتنط شكلك جديت وربنا يتم علي خير وياود المدني للأحتياط شيل محاية مسج نظام ثبت قلوبهم من د/مصباح فقير المنتدي وكون مطمئن هذه المرة طريقة زوووووغه مافي .

من طرف **ود حاج** الجمعة 30 مارس 2012, 4:47 am

لا لا لا لا لا لا لا لا لا لا ياودالطرشان اتريس شوية ولا تستعجل هذا ما كان اتفاقنا دخلت أخوك فى الدفاع الشعبى وجيت من وراه تدخل القفص الحديدى .سأحكى لكم الحكاية يا جماعة لا تستعجلوا .

كالعادة كل ما أحس بضيق واتخنق أمشى لودالطرشان العصير فى مكتبه أقول يبق لقى لى عروس أو نجح فى تعديل صورتى وفى آخر مرة مشيت له لقيت معاهو واحد أنا أسمح وأوجه منو والحنة فى يدين هذا الشين داخلة فى شقوق اليدين ذى السريحة الفى الضفر ضوالى سألته بدون مقدمات يا زول انت عريس قال لى بلحيل , قلت له كيف لقيت مرأة رضت بيك قال لى مشيت الدفاع الشعبى وبقيت أكورك هى لله لا للسلطة ولا للجاه .نحن للدين فداء . قلت كيف ما ودوك للجهاد قال لى يودوا الزول الزوجتو سمحة والزول الما حرامى وأخوك ما عندوا مرأة وحرامى قلت له كيف لقيت مرأة قال لى سجل فى كشوفات الزواج من أجل نساء الشهداء وقال مرأة الرئيس التانية قربت تقع ليه ولكن الرئيس كان يدو لاحقة , فقام ود الطرشان قال لى طوالى تمشى الدفاع الشعبى لأنه حكاية عملية تجميل مستحيلة وقال لى بالحرف الواحد أنا سأنتظرك نتزوج فى يوم واحد ,والآن أراه لقد نقض العهد والميثاق ولا الظاهر يكون عارف أنا حالة لا يوجد لها علاج .

أخى وصديقى ود الطرشان ألف مبروك ووالله ما عندنا عانة نختها ليك ولكن حرم نبيض وجهك بين الجعليين والضهر قنعانين منو بس أنت قوى السوط واليوم داك ما فى عراقى حرم , ومن الدارة ما بنمرق وسنتحدى الجعليين .

من طرف **ود الطرشان** الجمعة 30 مارس 2012, 3:13 pm

ناسف للخطا

من طرف **ود الطرشان** الجمعة 30 مارس 2012, 3:47 pm

م بروي كتب:إنت ما طرشان
ناقص طرطشه؟؟

شاعرنا الهمام
سعيد بمرورك
هذا القرار سبب لي تسمم في حياتي واصبحت الفكرة دي ناقصه فايتمين ..

وبعدين انا زهجت من تعقيم حياة العزوبية وهي زاتها زهجت من تطهير جروحي
وبقي عندي عسر هضم (العرس وين يازول) عزبوني يابروي
حتي شهيتي للونسه اتفقدت بي سبب وبدون ولحد هنا كفايه مواد حاااااااااافظه

من طرف **م بروي** الجمعة 30 مارس 2012, 7:08 pm

ود الطرشان كتب:
م بروي كتب:إنت ما طرشان
ناقص طرطشه؟؟

شاعرنا الهمام
سعيد بمرورك
هذا القرار سبب لي تسمم في حياتي واصبحت الفكرة دي ناقصه فايتمين ..

وبعدين انا زهجت من تعقيم حياة العزوبية وهي زاتها زهجت من تطهير جروحي
وبقي عندي عسر هضم (العرس وين يازول) عزبوني يابروي
حتي شهيتي للونسه اتفقدت بي سبب وبدون ولحد هنا كفايه مواد حاااااااااافظه

ألف مبروك ياود أخوي
وأولاً أبشرك بقصيدة عصماء
تمجد ود أخوي وتعكس محبة
كل الناس له وما كان ذلك
إلا لقدرات هائلة في كل
كل الجوانب وعلى الأقل
روحه المرحه(الهاظاره)
وإنت عارف عمك زول هظارات
لذلك أحببناك بعنف ولن تكون
القصيدة آخر هدايانا
فرحاً بهذه المناسبة السعيدة
وأبشر شلق شلق شلق
وأبرج وأشهر سيفك في
وجه حياة مضت بكل ما فيها
من منح في حنايا المحن
مبروووووووك

سوف يفقد المنتدى عضو مهم

وديييييييييييك

كان الله في عونها

من طرف **ود المناصير** السبت 31 مارس 2012, 4:29 am

ود الطرشان ... راجل فنان .. وبتاع مقالب ومواسير كمان :

غايتو أنا مجبور .. معاهو معاهو

بس خايف من جنس الهضاريب دي :

بس دايراني اعرس كيف
وانا اهدم كلو يوم وابني
انا العزيييل مجنني
في ديك ما دخلت الكُتاب ،،،
وحتي رمادا ما فا هما ،،
وديك قرايتا الجامعة
وعلي ما اظن بتتلما ،،
وديك فصيحة لجلاجة
وزي المكرفون خشما ،،
ديك لا قالو ولا قلنا
ولا بتنضم ،، تقول بكما ،،
وديك ضعيفة اعد ضلعا
وديك من الشحم وارما ،،
وديك قصيرة وطبعا
فتنة ياحكمة ،،
وديك الطول متل طولي
منو البمشيلا وا سجما ،،

ومرة أقول من الخرتوووم
ايوه عروس من العاصمة ،،
اكان شفتيها يايمة ،،
هي مي زي القمر لما يظهر
بيني وبين غيمة ،،
نورا يفوق كهاربنا
وجبينا ينور الظلما ،،
كان شفتي الشعر يمة ،،
سواد الليل ،، وموج النيل
وزي البان يميل جسما ،،

لما أقول من الخرتوم
اتذكر بنات اهلي ،،
الواردات والنازلات
وما اظني سعيد انا اصلي شقي ،،
لما تلاقي واحدة عصير
ومن تا لاك تجر هدما ،،
تسالمك بي ادب يغريك
وطبعا هيلن الحشما ،،
ديك شايلا صفيحة بشيش
وديك تقدل وراء غنما ،،
ديك خصرا شبيه خاتمك
وديك يا دوب نهيدا رما ،،
ديك شعرا طويل وغزير
غزيرا بالغصب لا ما ،،

مرة اقول بنات اهلي
وارجع اقول من العاصمة ،،
وانا بين ديل وديك حيران
اصلو كبيدتي وا ورما ،،

ولمن جيتا لي عرسي
وعاد خلق الله نتلما ،،
بدأ الطمبور مع البروي
ولي ذغردتي يا يمة ،،
أبشر فوق بنياتنا ،، اكالم داك واضاحك داك
وخشمي انا غالبو ينصما ،،
ورابط فوق جبيني هلال :
ولاوووي مقلووووظ العمة ،،
جلابية سكرووووتا
ومن جلد النمر جزما ،،

اقوم من نومي زي الجن وافتح اتاري كان حلمة

من طرف **ود الطرشان** السبت 31 مارس 2012, 6:37 pm

أبوسفيان خلف الله كتب:ياسلام ليه تعمل كدا ياود الطرشان
سوف نفقد عضو مهم في رابطه المعرييين
لانقول لك خليت لي منو الله يتم علي خير
وسوف نسجل عضو جديد برابطه المعرييين الفرعيه والمركزيه

ولقد فقدت جمعيه المعرين المركزيه فبل اسبوع اهم الاعضاء
الشاعر حميد ونقد

حماد قام بدري سأل امي
قبّال الشاي والناس نايمين
قال ليها آيمه الناس بي كم؟
قالتلو الناس!! الناس غالين

قال ليها الزول لو دار يتباع في السوق
او كان تموين بيكون بي كم
قالتلو آآآود قول بسم الله
انتَ صِبِح محموم الليلي !!
ده كلام الجن والجان والجنبو الما طيبين
قوم صلي صلاتكـ واسأل الله ان شاء الله يعين
:::::::::

يا سفيان قول يا لطيف ....

من طرف **الرشيد طه** السبت 31 مارس 2012, 7:01 pm

مسكين ود الطرشان يتمني في الضهبان لامن ضهب

بس اسمعها منى كلمة ح تكون المرة الأخيرة

والله يا بكري تعيسة الحظ دي لو كانت معانا بجاي كان تفشطت بكلامك ده

تخريمة

ليت لي مزميل فدياس وروح عبقرية لجعلت شعرك الشلالي بعض يلزم الكتف وبعض يتبعثر يا ........

من طرف **ود الطرشان** الأحد 01 أبريل 2012, 3:52 pm

النفر كتب:ربنا يتم على خير ويوفقك أخى ود الطرشان ومبارك مقدما ً _

آمييييييين

دائماً في نفس المكان الكان
بتفتفت فيه كل الهم الان
وتسوق أفراح بدل أحزان
تضرب الكف مع الحبان
اسمع صوتك اصنقر في الأرض وانجم
ولما تكون موجود بكون فرحان
بكون هيمان
بكون خرمان ليك يازووول

من طرف **ابو رزان** الأحد 01 أبريل 2012, 8:31 pm

ود الطرشان ربنا يوفقك فى طلاق العزوبية للابد ويسهل لك الزواج الميسر ويدك بت الحلال التى تسعدك وتسعد الاب و الام وربنا يسهلك الزواج

ود الطرشان الف مبروك مقدما وربنا يتم ليك على خير

ونتمنى ان نكون حضورا

مع انى زعلانه

كنت ناويه ادبسك فى بتى

لكن معليش ندبس غيرك

من طرف **ود الطرشان** الثلاثاء 03 أبريل 2012, 9:32 pm

انتصار حجازي كتب:
يا الله خبر تماااام .. وبصراحه سردت طلاق العزوبية بطريقة رهيبة جداااا وعجبتنى
ربنا يهنيك ويسعدك بعش الزوجية وببنت الحلال
تخريمة : اول مرة افهم كلماتك لان دوما رمزيتك عالية جداااا .. وبقول ود المناصير ما شاء الله بيفهم الكلام الكبار دا كيف
وبتعرفوا اختكم فى الله اللى هى انا مرات الشبكة بتاعتي بتاخد ليها طشة
الف مبروك ويا خوى ما كان تخليها فى اجازة المغتربين علشان نحضر زواجك .. عموما خير البر عاجله وربنا يوفقك

اميييييييين
سوف أؤسس وطناً
يشبه شكل القلب
وشكل الشريان التاجي
وشكل العصفور الدوري
وشكل التفاح الشامي
واعمل سائس تحت أمره ست الدار
:::::::::
ود المناصير جنو وجني تيمان
خيروور وشيروور والأخير ملك له ..
::::::::
من الحاضرين انشالله تقريباً في الاجازه وعقبال نزف ليك الراجل الضكر ويجيني يقول داير بتي وأقول ابيت ويزعل (ودعون)

العريس ود الطرشان----

تباريك عارمة ----مصوبرة في التقي----لا بالهين ولا بالكيل---خم ساااااااااكت

عذراً----ولسنا معذورين----على التأخير----

نشيللك فوق كتوفنا عدييييييل -----ننعنش بيك ----وتتشجع----وكان المجرى دغرياً---نحلق بيك

من طرف **ود الطرشان** الخميس 05 أبريل 2012, 2:34 pm

بلسم كتب:ربنا يتم ليك على خير اخى ود الطرشان

اميييييييين

شكرا جزيلا بلسم بنت الكرام الأفاضل ...

شكرا جزيلا لك وانتي تتعبين وتسعين للرقي في الخفاء ...

شكرا جزيلا لمن أقام هذا الصرح العظيم

الشامخ وجمعنا فيه إخوة
سواسيه رغم إختلاف أفكارنا ...

شكرا ومن أعماق القلب لكم ..

من طرف **ود الطرشان** السبت 07 أبريل 2012, 8:15 pm

المجذوب محمد عبد السيد كتب:تمام ياود الطرشان وربنا يتم على خير

الاعزب اشر الناس ديمة مجالس الخناس

امييييييييييييين

المجذوب يجذبك قطر ..

(ديمة) بالتاء المربوطة المعني يبقي كعب تب
تُكتب (ديما) كما قالها البرعي في المدحة اعلاه

بالمناسبة بحب المديح لكن ممارسته بشوفوا نوع من العطاله .. !!

من طرف **مونتارى** السبت 07 أبريل 2012, 11:03 pm

ودالطرشان مبروك مقدما وكمان العقبة لى خال ابرار..............ربنا يتمم على خير

من طرف **ود الطرشان** الإثنين 09 أبريل 2012, 2:32 pm

اقبال كتب:الف مبروك الاخ ود الطرشان وربنا يتم على خير

امييييييييين

نسال الله لك حسنة في الدنيا والآخرة
وحسنة الدنيا ، زوج حسن، وولد بار ، ورزق واسع ، وعلم نافع ، وعمل صالح .

من طرف **ود الطرشان** الجمعة 13 أبريل 2012, 11:56 pm

علي الكليس كتب:
أبوسفيان خلف الله كتب:ياسلام ليه تعمل كدا ياود الطرشان
سوف نفقد عضو مهم في رابطه المعرييين
لانقول لك خليت لي منو الله يتم علي خير
وسوف نسجل عضو جديد برابطه المعرييين الفرعيه والمركزيه

ولقد فقدت جمعيه المعرين المركزيه فبل اسبوع اهم الاعضاء
الشاعر حميد ونقد

اها ياودالطرشان قول واحد من ابوسفيان وبالمناسبه ابوسفيان راجل صالح وقاعد يشوف

ونحن طلاب "بنشيل" كتب المدرسة ...

و في الجامعة "بنشيل" المواد ...

ولمــا بنشتغل "بنشيل" الشغل علي دماغنا ...

وبعد العرس "بنشيل" الطيـــن ...

ولما بنجيب اولاد "بنشيل" الهم ...

ولو في واحد عمره " ماشال " حاجة من ديل ,,

يبقي أكيد

شايل في نفسه وســــاكت

من طرف **علي الكليس** الأحد 15 أبريل 2012, 4:47 am

ود الطرشان كتب:
علي الكليس كتب:
أبوسفيان خلف الله كتب:ياسلام ليه تعمل كدا ياود الطرشان
سوف نفقد عضو مهم في رابطه المعرييين
لانقول لك خليت لي منو الله يتم علي خير
وسوف نسجل عضو جديد برابطه المعرييين الفرعيه والمركزيه

ولقد فقدت جمعيه المعرين المركزيه فبل اسبوع اهم الاعضاء
الشاعر حميد ونقد

اها ياودالطرشان قول واحد من ابوسفيان وبالمناسبه ابوسفيان راجل صالح وقاعد يشوف

ونحن طلاب "بنشيل" كتب المدرسة ...

و في الجامعة "بنشيل" المواد ...

ولمــا بنشتغل "بنشيل" الشغل علي دماغنا ...

وبعد العرس "بنشيل" الطيـــن ...

ولما بنجيب اولاد "بنشيل" الهم ...

ولو في واحد عمره " ماشال " حاجة من ديل ,,

يبقي أكيد

شايل في نفسه وســــاكت

سلام ياطويل

من طرف **ود الطرشان** الإثنين 16 أبريل 2012, 9:41 pm

الباش مهندس ود جيب الله كتب: الف مروك الطريشان (خم وشيل وسود عليك انا في الخدمه اذا طرب دايوت او فيوز

الله يبارك فيك

يا طمبل .. تعرف التنبل ..! ؟؟

ترانسستراتك ضاربة
وريسستراتك ساحت
وكي بورتيك (لوحة مفاتيحك) شغالة ب ١٨ حرف

من طرف **ود الطرشان** السبت 21 أبريل 2012, 4:44 pm

انتصار حجازي كتب:
وحابة اضيف عقبال لكل العزاب اللى بالمنتدى

[ندعوك للتسجيل في المنتدى أو التعريف بنفسك لمعاينة هذه الصورة]

شكراً انتصار دائماً نجدك حسب الظن

. من بعد ماضاقت الايام بأغلبنا
          أشوف الايام ترسم في بشايرها
(الله يسهل) من التعيين ماخبنا
          والله يتمم بخير(ن) في اواخرها
لحظات مرّة نحسبها وتحسبنا
          ولحظات باقي تزين في مظاهرها

شكراً انتصار مرة آخرى

عالم تصدق اى حاجه
مما مشينا من هنا ولحدى ماجينا كان زرعنا اى حاجه كانت اتحصدت وانشالت من التقا
انفصالك ده بقى منهن الاتنين العزوبيه وبت الناس المنتظره مسلسلك ده ينتهى
صرينا حق العانه كم مرات وكمل
نجيب ليك من وين تانى
نفكر ندخل صندوق ونحجز الصرفه الاخيره
يمكن للزمن داك الموضوع يتم
سلام ود الطرشان
ممكن ترسل لينا تلفون السعودى
ولانمشى ليه برانا

من طرف **ود الطرشان** الجمعة 27 أبريل 2012, 4:30 pm

الفكى احمد كتب:
ألف مبـــــــــــــرووك مقدما وربنا يتم على خيروبركـة

امين
الله يبارك فيك
ويسعدك في الدارين
ويبعد منك كل شر وشين
وتكون معانا وتدبل مرتين
يا الفكي قول امين

من طرف **خال ابرار** السبت 28 أبريل 2012, 4:39 am

سلامااااااااااااااااااااااااااااااااااااات العريس الداير يطلق...
اول شى ربنا يتم الطلقة على خير والعرسة على خير...
غايتو خال ابرار لقى ليهو زول يدى النصيحة تب فى الانتظار رفيق عزوبيتى ومنكم نتعلم...
س سؤال ما علاقة تاخر الانفصال النهائى بالثلاثية وتحرير هجليج؟؟؟؟؟