متابعةلرحلة الامباشى للرباطاب
3 مشترك
صفحة 1 من اصل 1
متابعةلرحلة الامباشى للرباطاب
بدات فصول الرواية بلسان الامباشى جات مواعيد الفطور وانا جعان بلحيل والبكابه والتميرات ماهن فاكات الريقة اه شفت لى ديوانا سمح وقلت خلاص فطورى انضمن وربطت دحشى ونزلت سرجى ودخلت على الديوان وسفه وبعده سفهوزولا جانى مافى قمت مرقت بره شفت لى راجل ومرتين يلقطوا فى ويكى يا اخونا سلام عليكم انا راجلا ضيف وداير خبر الفطور المرتين قالولى نحنا ماجرين ساكت اه انت يا ود اخوى قال شفته الدومى الهناك ديك قتله بلحيل شفتها ماله بس انا من هناك اه طيب يا اخوانا انا اعمل شنو قالولى ارجع لي ديونك مشيت تانى انبطحت وزولا جانى مافى قمت دخلت على البيت لقيت المره تعوس يا مره سلام عليك انا راجلا ضيف وداير الفطور قالت لى اتفضل على الديوان الراجل بجى مشيت تانى انبطحت وبقى يجينى زول زول لامن الديوان اتملا وجا صاحب الديوان وشايل الفطور شلتا لى لقمتين والتالتة لقيت الصحن فاضى الراجل قال يا اخونا خلوها للضيف قتله الضيف ماها نافعه اولاها انت انا من الزعل شديت دحشى ونسيت حبل الدحش والبركة فى بكابتى وده كان اول يوم يدخل فيه حدود الباطاب والغريق جايى قدام
محمدالحسن طيفور- عضو رائع
- احترام قوانين المنتدى :
عدد المساهمات : 204
نقاط : 23112
تاريخ التسجيل : 22/11/2011
رد: متابعةلرحلة الامباشى للرباطاب
نقطة نظام
السيد الادارة
القصة فيها اشانة لسمعة الرباطاب
نرجو المراجعة
السيد الادارة
القصة فيها اشانة لسمعة الرباطاب
نرجو المراجعة
سلمى البحيرى- عضو موقوف
- احترام قوانين المنتدى :
عدد المساهمات : 56
نقاط : 22368
تاريخ التسجيل : 20/02/2012
رد: متابعةلرحلة الامباشى للرباطاب
بأمانة كدا القصه والاسلوب مشوق وهي لا تشبه قبيلة الرباطاب لانهم قوم أجوادين لكن الظاهر علي بطل القصه من النوع الذي في الفشفاش يلقي عظم . وتجارب كهذه يمكن أن يمر بها كل فرد حتي داخل قبيلة المناصير بشرط ان يكون حظه في سفره مثل الأمباشي.
عازه- كبار الشخصيات
- احترام قوانين المنتدى :
عدد المساهمات : 1294
نقاط : 27540
تاريخ التسجيل : 19/12/2010
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى