العام الثانى للمنتدى ---واللقـــــــاء الاســــــرى الرابع

الاخوة الاعضاء الكرام

ســــــــــــــــــــــلام

تمر علينا بعد ايام الذكرى الثانية او مرور عامان على تأسيس وانشاء المنتدى وذلك يوافق يوم 22مارس الجارى --

سنتان من الابداع والتطوروالسمعة الطيبة -والدور الكبير الذى لعبه المنتدى فى النواحى الثقافية والاجتماعية وربط ابناء المنطقة داخل وخارج السودان بالاخبار المتنوعة فضلا عن دوره الاجتماعى والذى نجح فيه بدرجة امتياز -اضافة دوره فى قضية المناصير بكل تفاصيلها ومجرياتها واخيرا الاعتصام --وقدم مختلف الاراء المؤيدة والناقدة وكان نافذة وعين على السلبيات والايجابيات --

قدم عدت برامج --

--كانت البداية زيارة الاخ النائب كأول شخصية تقابلها وتسجل لها زيارة ادارة المنتدى --

--ثم زيارة الاخ احمد عبد الفتاح--

والمناضل عثمان المقدوم--

والفنان عيسى بروى والراحل الاستاذ كركاب-

--ثم كان الافطار الجماعى الاول والثانى--

ثم اللقاء الاسرى الاول والثانى بحدائق الحلفايا ثم اللقاء الاسرى الثالث بمنتزه الباسقات--وغيرها من البرامج الثقافية والاجتماعية

وبما ان المنتدى درج على اقامة لقاء اسرى او رحلة بتلك المناسبة --وبما اننا فى شوق للقاء بعض الاعضاء الجدد ولدينا العديد من الشخصيات التى نريد تكريمها ولدينا العديد من القضايا التى نود ان نناقشها ولايراد الكثير من الخطط والاراء والتى من شأنها تطوير المنتدى- فاقترح ان نقيم اللقاء الاسرى الرابع ---فى نهاية هذا الشهر --والفكرة تحت المناقشة ---

التحية للاخ الريس والاخوة فى الادارة والاخوة الاعضاء-

ومع الاعتذار للاخ ود بروى-اقتبس:

حدايق الحلفايا الجنب الكبرى الجديد

فى نهاية مارس جاييها عيد

يملاها حس طمبور شديد

ان بقيت جيت الفرح يادوب بى يزيد

ونتبسط بالقادم من بعيد

وللسلام الجمهورى نردد نعيد

ولى من منتدانا نريد المزيد

--وللجميع احترامى وتقديرى---

كل الشكر للأخوة في إدارة هذا المنتدى الرائع والشكر الخاص لربان هذا المنتدى الابن خالد عابدين مدير المنتدى الذي له الفضل في جمع هذه الكوكبة وعرفنا بزملاء وأصحاب انقطعت بيننا السبل وشغلتنا عنهم الحياة والمعايش نتمنى لهذا المنتدى التقدم والازدهار ونسأل الله أن يكون هذا العمل في ميزان حسناتكم ونرى ألا تمر هذه الذكرى بدون عمل مراجعة للفترة الماضية نقترح الآتي :-
1-عمل نموذج استبيان يوضع من قبل لجنة لتقييم وضع المنتدى في الفترة الماضية ويوزع لجميع الأعضاء لأخذ آراؤهم في تطوير المنتدى 0
2-أقترح تعديل مسمى ليصبح منتدى المناصير الخيري وتفعيل بند التبرعات وتكون إلزامية على الجميع ويتم وضع اشتراك يكون في استطاعت الجميع 0
3-تفعيل الجانب الاجتماعي 0
4-وضع شروط وأهداف للصندوق الخيري 0

اقتراح رايع جدا وفي وقتو لانو طولنا ما شفناكم ودايرين نقابل الناس الجدد
وليكن اللقاء احتفالا بالنصر ونهاية ازمة المناصير وليكن كذلك وقفة لمراجعة
اداء المنتدى والانطلاق لدور اكبر واكثر فعالية في كل النواحي العملية.
ولتكن البداية بلملمة شمل وشتات جميع المناصير.
ولانو الزمن ضيق جدا ارجو من الاخوة يكونو عمليين وانا حا ابدا اقترح
انو القاء يكون في جبل اولياء او العقليين لانو اللقاءات الفاتت كلها كانت في
بحري .

شكرا الاخ فتحى --واقتراح جميل--

شكرا الاخ عبد الحليم واقتراح مقبول والراى عند بقية الاعضاء--

من طرف **ساري الليل** الأحد 11 مارس 2012, 5:06 am

في البدء شكري وتقديري لادارة هذا المنتدي العملاق ,أويد كل ماقيل سابقا فقط أحب أن أوجه سير الحديث والنقاش في هذا الاحتفال أن صح التعبير:

أولا: تحديد زمان ومكان الاحتفال اواللقاء الاسري الرابع ( اقتراحي اول جمعة تصادف يوم 22 مارس والمكان أثني وأويد راي الكباشي واقترح خزان جبل اولياء )1

ثانيا : اللجنة المنظمة للقاء واقترح ادارة المنتدي تشرف عليها بصوره مباشرة مع تفعيل بعض الاعضاء الفاعلين .

ثالثا : أجنده ومواضيع اللقاء وأقترح المواضيع التاليه

1-الاحتفال بمرور عامين من عمر المنتدي

2- أن يكون يوما مفتوحا لكل المناصيراجتماعيا تعارفيا (اعضاء وغير الاعضاء )1

3- الاستفاده من وصيه عمنا فتح الرحمن في دعم الايجابيات وتجاوز السلبيات

4 -تحديد بعض المواضيع الهامه التي تهم امر المناصير وحسمها في هذا اللقاء

نساله التوفيق لكم

عووووووووووووووك

من طرف **نجلاء زمراوي** السبت 17 مارس 2012, 2:59 am

الاستاذ سلمان
لك التحيه والاحترام
جعل ما تقوم به من رتق النسيج الاجتماعي في ميزان حسناتك
ونحن رهن الاشاره فيما يطلب مننا
لك الف شكر

من طرف **ود المناصير** السبت 17 مارس 2012, 4:57 am

سلام يا أرباب

كلام ما بعده كلام

المقترحات اعلاه جيدة جدا ..سيروا وعين الله ترعاكم

من طرف **النفر** السبت 17 مارس 2012, 1:15 pm

كل عام ومنتدانا متألق وعقبال المليون عام ونتمنى أن نرى ونلمس فى مقبل الأيام مزيداً من التميز والإبداع والتواصل والتآلف _ كما تعلمون فقد أصبح هذا المنتدى وعاء جامع ومنبر للجميع نعكس فيه همومنا ونناقش فيه قضايانا ويلتئم فيه شملنا ونوثق فيه لتراثنا وعاداتنا وتقاليدنا _ الشكر والعرفان والإمتنان للقائميين على أمر هذا المنتدى الرائع وعلى رأسهم الريس خالد عابدين والكوكبة النيرة من الإداريين والمشرفيين والأعضاء الكرام _ المنتدى قدم الكثير ومازلنا نتطلع للمزيد _نأمل أن يكون اللقاء الأسرى الرابع محط للتدارس والتفاكر والتلاحم والترابط من أجل مناصير شامخة أبية ...ودمتم بألف خير يا عيـــــــــــــــــــــــال منصور وكل عام ومنتدانا متألق وشامخ _

للجميع تحياتى وودى ،،،

من طرف **الرشيد طه** السبت 17 مارس 2012, 6:19 pm

فاقترح ان نقيم اللقاء الاسرى الرابع ---فى نهاية هذا الشهر --والفكرة تحت المناقشة ---

استاذ سلمان عوافي

علي قول النكتة اللقاء الاسري ما بنابهو الا .................. كلكم عارفين

من طرف **خال ابرار** السبت 17 مارس 2012, 6:54 pm

ود المناصير كتب:سلام يا أرباب

كلام ما بعده كلام

المقترحات اعلاه جيدة جدا ..سيروا وعين الله ترعاكم

سلام يا ريس...انت برضو ح تقعد تعاين من بعيد بعيد المرة دى...وين اقتراحاتك وين الحضور؟؟؟؟؟؟

من طرف **خال ابرار** السبت 17 مارس 2012, 7:01 pm

..فرصة اخرى للتواصل والتالف والتكاتف...نتمنى التقدم لمنتدانا وتوصيل رسالته على اكمل وجة

شكرا لجميع الاخوة
المتداخلين—

اما المكان فأقترح ان
يكون بالخرطوم –الغابة –برى---لان الجبل بعيد جدا-

واما التاريخ اثنى
مقترح الرشيد—وان تكون الجمعة الموافق 30 مارس –

ايضا هنالك عامل مهم
فى الموضوع واصبحنا من التجارب ان نضعه فى الاعتبار وهو كيفية تدبير الاشتراكات--

نأمل نرجو ابداء
الاراء والمقترحات -

من طرف **ابو مصطفى** الأحد 18 مارس 2012, 1:48 am

سلام ياناس القبة سلام وسلام لى المسعول الاجتماعى بادارة المنتدى ؟ وسلام للمدير وسلام للغفير برضو نديهو حقو

الزول وقت يبقى ركن زى سلمان اخوى والركن عند ثمنو ؟؟؟؟؟؟؟؟؟؟؟؟؟؟؟؟؟؟؟؟؟؟

ماعندى كلام اقولوا غير انى ارحب بهذه الدعوة فى الزمان والمكان المتفق عليه وياريت تبقى بوم 30 مارس وفى حدائق الباسقات لان ابو مصطفى بيتو على مرمى حجر من جنائن الحلفاية ؟؟؟؟ والدعوة عامة وياجماعة اللمة سمحة والله سمحة شديد وتربط الساقية ساقية المناصير ربطة حية لكن عندى كلام والله عندى كلام ؟؟؟؟؟ كلامى مع المدير العام للمنتدى ؟؟؟؟ وان كان دا ما محلو ؟؟؟؟ ياجماعة لمة الناس حاجة ماهينة وتحتاج الى مال ؟؟؟؟ وعلى الرغم من انى وقبل عام ونصف تم تعينى مديرا للمالية فى هذا الصندوق لم اجد المال الذى اديره ولم اجد شيكا واحدا اورده فى حساب الصندوق ولم اجد دعما عينيا حتى اضيفه الى رصيد الخزينة

وعليه ارفع لكم الموق المالى لوحدة الخزينة حتى تاريخ اليوم .-----------\

رصيد الخزينة = 52 جنيه

رصيد البنك = صفر

النقد ومافى حكم النقد والشيكات = صفر

الاصول الثابتة = كاميرا ومكبر صوت طرف المدير

الاشتراكات تفاصيلها مرفقة اليكم والية الدفع اشبه بالتوقف

عليه قرر الاخ ابو مصطفى ان يقدم استقالته يوم الاحتفال بهذا المنتدى بعد مرور عامين من انشاءه لانه لم يجد مالا حتى يذبح به خروف على الرغم من ان سكينه وتلكيه فى مؤخرة العربية والجماعة كل من كيى بورده يعزف ويحلم بان الحلم كاد ان يتحقق وكل يمنى نفسه بليلى وليلى العامرية صعبة المنال

عليه ياعيال منصور ان اردتم الازدهاروالتقدم ومماثلة الاخرين اقطعوا من جلدكم مرة ومن مرتباتكم مرة فى السنة حتى تتحرك عجلة المنتدى ؟؟؟؟؟؟؟؟؟؟؟

تحياتى

ابو مصطفى

المدير المالى القاعد ساكت

شكرا الاخ ابو مصطفى –
حمد الله على السلامة والله افتقدناك---
لكن مالك جيت حامى كدى –جبت حرة اهلك وجيت—
يازعيم انت يا كا اب رأيا سديد---ونحنا نسمع منك فقط—
سكينك عارفنها معاك لكن نسيت تذكر حبل التيل—
اعجبنى فى كلامك ايضا تكرارك بان اللمة سمحى –وياريت—باذن الله القاء سوف يتم –وانت عضو اللجنة المنظمة المال بى يجى --
----للجميع احترامى وتقديرى-----

لو بقت يوم السبت يوم 24 حا أحضرا بحول الله.. أو الجمعة البعدو حا أحضرا بإذن الله..

من طرف **ود حاج** الأحد 18 مارس 2012, 4:35 am

والله كلام سمح تب ونحن جاهزين يا ودعقيد وابن عمى أبومصطفى المرة دى نريحه شوية أنا سكينى أسن من سكينه وود الطرشان قال بيوصلنى اى مكان قبل شوفة العين .

من طرف **ابو مصطفى** الأحد 18 مارس 2012, 2:36 pm

شكرا ودعقيد ودحاج على التعليق لكن الحكاية دايره دفرة ويا سلمان انا عارف نفسى فى اللجنة المنظمة

لكن والله مشغول شغل مبالغ فيه لكن بعد داء كله تلقونى قدامكم بى عيالى وان غبت لى اى سبب تلقوا مصطفى ولدى الصغير فى السن واخواته معاكم فى كل صغيرة وكبيرة والى اخر لحظة والخيل الجيدة تظهر فى اخر اللفة ؟؟؟؟؟؟؟؟؟؟؟؟؟؟؟

تحياتى

ابو مصطفى

من طرف **الرشيد طه** الأحد 18 مارس 2012, 5:17 pm

ياجماعة لمة الناس حاجة ماهينة وتحتاج الى مال

ابو مصطفي زول نصيحة لمة الناس ما هينة وتجاربنا السابقة تؤكد ذلك في اي لقاء دائما تكون المسالة فارقة مع عدم تسديد اشتراكات الرحلة وزيادة العدد هذا الامر ادخلنا في حسابات واحراج تحملها بعض الاخوة من جيوبهم لذلك نحرص علي الاتي

تاكيد الحضور لمعرفة العدد

تسديد الاشتراك قبل وقت كافي

وانشاء نتلما في السعادة

من طرف **عباس محمد** الأحد 18 مارس 2012, 9:03 pm

ربنا يوفق الجميع ونحن جاهزين لكل الاحتمالات
وانشاء نتلمه فى الشى الطيب

شكرا لجميع الاخوة
المتداخلين—

فعلا كلام الاخ
الرشيد صحيح فالتأكيد على الحضور يجنبنا كتير من المشاكل—

ونسبة لظروف الناس
اقترح ان يكون الاشتراك خسمة عشرن جنيها (خمسة وعشرن ألفا)---والمساهمة مفتوحة لمن
اراد-

وايضا تريد المزيد من
الاراء والمقترحات--

من طرف **علي الكليس** الإثنين 19 مارس 2012, 3:01 am

لك التحيه اخي سلمان وجعل الله ماتقوم به من جهد في ميزان حسناتك .ان كان لنا من راي وان كنا نتبع الاغلبيه في رايهم ان يكون اللقاء في جناين الحلفايا كسابقه وان كانت باسقات لاباس ولظروف بعض الاسر لان لديهم ابناء ممتحنين الشهاده السودانيه نرجو مراعاة ظروفهم وليكن اللقاء بعد الامتحانات..وليكن هنالك تفاكر من الجميع لكيفية اخراجه بصوره جميله ..نحن جاهزون انشاء الله واحسبونا

من طرف **نجلاء زمراوي** الإثنين 19 مارس 2012, 1:54 pm

الاخوه الكرام لكم التحيه والاحترام
كل عام منتدانا واهلنا بالف خير
مع راي الاغلبيه في الزمان والمكان
وانا اري ان تبدا جمع الاشتراكات من الان وبناء عليها يتم معرفه العدد
الاستاذ سلمان نرجو ارسال رقم التلفون ليتم تحول الاشتراك او معرفه كيفيه توصيل الاشتراك؟

تخريمه

مالي اري احجام بنات حواء عن هذا الموضوع؟؟؟؟؟؟؟؟؟

من طرف **amira ali** الإثنين 19 مارس 2012, 4:57 pm

يا نجلاء حواء المغتربة متابعة
بس نعتب على اخواننا في المواعيد
كنا نتمنى ان يكون اللقاء في اجازات المغتربين حتى تعم المعرفة

من طرف **م بروي** الإثنين 19 مارس 2012, 7:06 pm

جال بالخاطر
سمح الليالي
وطيب اللقاء
مكان جميل
وأناس جمال يمشي
على الأٌقدام
كما ذكرتم
المكان .. أقرب مكان متاح
الزمان .. السبت صباح
القروش..مستعدون للمساهمة
(دمتم ودام عزكم)

من طرف **tamador alsyed** الثلاثاء 20 مارس 2012, 9:07 pm

من بعدالسلام....اكيداللمه حاجه جميله خصوصآ لماتكون لمت اهل حرمتن الحياة من اللقاء ...اناماكنت محظوظه وماحضرتاقبل كده لمه ذي دي بس بإذن الله المره دي معاكم بس ياريت تفيدونا بعدالاتفاق بالمكان والزمان والشير المالي^_^....لكم جزيل الشكرآ السادة إداري المنتدي

اميره على كتب:
يا نجلاء حواء المغتربة متابعة
بس نعتب على اخواننا في المواعيد
كنا نتمنى ان يكون اللقاء في اجازات المغتربين حتى تعم المعرفة

الاميره سلام والف سلام
لا يا اميره ما حا نقدر نتحمل فرحتين <تجينا سكته>وجودكم واكتمال المنتدي عامه الثاني
لذا اجازه المغتربين دي الاداريين يجهزوا ليها احتفال يليق بمكانتهم

لازم يوم24 مارس أو بعده بأي يوم.. مشتهي لمة.. ومساهمتنا ضعف.. كله من أجل الأهل.ما تفوتونا اللمة

شكرا لجميع المتداخلين—

ملاحظة الاخ على الكليس مهمة –فالامتحانات تنتهى يوم السبت 31 مارس –ويمكن الناس توافق على مقترح ودبروى ويكون اللقاء يوم السبت –

المهم فى الامر –ابداء او تأكيد المشاركات حتى تساعدنا على معرفة العدد ---

ويمكن ان تكون هنالك ظروف للناس بالتأكيد ولكن مهم ان نعرف العدد---وصلا اللقاء قائم قائ وبأى عدد لكن زى ما قال ابومصطفى اللمة سمحى وهى فرصة للتعارف والتفاكر—

ملاحظة اخيرة دايرن نعرف الاخ صديق اجازتو كم يوم --او تنتهى متين--

اب

من طرف **ابو مصطفى** الخميس 22 مارس 2012, 7:22 pm

يا ودعقيد عاوزين زمان ومكان محددين بتواريخ مسبقة والراجل يجيب معاه كم من النقود وكلو عشان اللمى سمحى؟؟؟؟؟؟؟؟؟؟؟؟؟؟

تحياتى

ابو مصطفى

بحول الله لغاية يوم8 أبريل.. وتبدأ في 23 مارس هي ما إجازة.. هي شغل.. ذكرته قبل كدة في بوست.. بس سافرغ نفسي لحضور لمة الأهل..

تمت مناقشة امر اللقاء الاسرى الرابع—ونسبة لعدم معرفة او التأكد من الحضور ولمزيدا من الترتيب فقد تمت الموافقة على الاتى-:

1-ان تكون الجمعة الموافق 6\4 هى اخر يوم لتسديد الاشتراكات والموضح مبلغها فى هذا البوست –

2-تحديد كل من الاخ الريسوالاخ ابومصطفى لمنطقة امدرمان –الاخ الرشيد –الاخ عادل شررى -وشخصى الضعيف لمنطقة الخرطوم –الاخ الحاج شرف الدين لمنطقة بحرى-

3-ويمكن الاتصال باى عضو قريب وتسليمه للاشتراك-

واليوم المحدد للقاء لم نستطع تأكيده حتى معرفة عدد الناس فكان لابد من تمديد الزمن لاكتساب عدد اكبر –وغالبا مايكون الجمعة 13\4---

اما المكان فمتروك للنقاش –التداول –وبالمناسبة الجمعة 6\4 توافق زواج الاخ نادر—

للجميع احترامى وتقديرى-

شكرا للاخ النفر---

تم استلام مبلغ وقدره 500جنيه (خمسية الف) منها 240 اشراك سنوى و260 مساهمة وضرية بداية للقاء الاسرى الرابع---من قبل الاخ النفر --

ا

لاكليمة تحيى البوست لازولا يأكد

لاشاعرا يجيب كلمات لا واحدا يمجد

لا زولا يباصى الكورة لاواحدا يسدد

من طرف **tamador alsyed** الثلاثاء 27 مارس 2012, 5:26 am

مساك عافية استاذ سلمان...بالنسبه للناس الذى حالتى كده ماسمحت ليهم الفرصه قبل كده يحضرو لقاء او يتعرفوا على باقى الاعضاء مفروض اسدد وين الشير المالى ؟؟؟؟؟؟؟؟؟؟؟؟؟عشان بالجد بتمنى اكون حضور وسط اللمه الاكيد تكون رائعه

شكرا الاخت تماضر--
بارك الله فيك
لى كمت ايام زولا اخد خبرى مافى ---
-الناس بقت ماتحب اللمة بقت تحب النقار بس --
بالنسبة للاشتراكات موضحة بالبوست-

الناس دى مشت وين--على قول الزعيم ود المناصير-

الظاهر ساعة التنفيذ
تخر العزائم --

وتختفى معها لغة
النقد—والتى تسود عند المناقشة العادية و(السواى مو حداث ) شعار سارى الليل –

نكرر تأكيد الحضور
ووضوح الميزانية يساعد كثيرا فى التخطيط والترتيب ويشمل ذلك الضيافة البرنامج وحتى
اليوم نفسه---

من طرف **نجلاء زمراوي** الخميس 29 مارس 2012, 2:46 pm

[quote="سلمان عقيد النعوفابى"]الناس دى مشت وين--على قول الزعيم ود المناصير-

الظاهر ساعة التنفيذ
تخر العزائم --

amp;quot]نكرر تأكيد الحضور
ووضوح الميزانية يساعد كثيرا فى التخطيط والترتيب ويشمل ذلك الضيافة البرنامج وحتى
اليوم نفسه---[/font">[/quote

لا يا استاذ سلمان ممكن الحداث يكون سواي وتعم الفائده بس طريقه التوصيل....وبالذات بعض المناطق لا يوجد بها مناديب...علي العموم انشاء الله في اليومين الجايين يحصل خير .فلك الشكر والتقدير

من طرف **بلسم** الأربعاء 11 أبريل 2012, 7:57 pm

سلمان عقيد النعوفابى كتب:
الاخوة الاعضاء الكرام
ســــــــــــــــــــــلام
تمر علينا بعد ايام الذكرى الثانية او مرور عامان على تأسيس وانشاء المنتدى وذلك يوافق يوم 22مارس الجارى --
سنتان من الابداع والتطوروالسمعة الطيبة -والدور الكبير الذى لعبه المنتدى فى النواحى الثقافية والاجتماعية وربط ابناء المنطقة داخل وخارج السودان بالاخبار المتنوعة فضلا عن دوره الاجتماعى والذى نجح فيه بدرجة امتياز -اضافة دوره فى قضية المناصير بكل تفاصيلها ومجرياتها واخيرا الاعتصام --وقدم مختلف الاراء المؤيدة والناقدة وكان نافذة وعين على السلبيات والايجابيات --
قدم عدت برامج --
--كانت البداية زيارة الاخ النائب كأول شخصية تقابلها وتسجل لها زيارة ادارة المنتدى --
--ثم زيارة الاخ احمد عبد الفتاح--
والمناضل عثمان المقدوم--
والفنان عيسى بروى والراحل الاستاذ كركاب-
--ثم كان الافطار الجماعى الاول والثانى--
ثم اللقاء الاسرى الاول والثانى بحدائق الحلفايا ثم اللقاء الاسرى الثالث بمنتزه الباسقات--وغيرها من البرامج الثقافية والاجتماعية
وبما ان المنتدى درج على اقامة لقاء اسرى او رحلة بتلك المناسبة --وبما اننا فى شوق للقاء بعض الاعضاء الجدد ولدينا العديد من الشخصيات التى نريد تكريمها ولدينا العديد من القضايا التى نود ان نناقشها ولايراد الكثير من الخطط والاراء والتى من شأنها تطوير المنتدى- فاقترح ان نقيم اللقاء الاسرى الرابع ---فى نهاية هذا الشهر --والفكرة تحت المناقشة ---
التحية للاخ الريس والاخوة فى الادارة والاخوة الاعضاء-
ومع الاعتذار للاخ ود بروى-اقتبس:
حدايق الحلفايا الجنب الكبرى الجديد
فى نهاية مارس جاييها عيد
يملاها حس طمبور شديد
ان بقيت جيت الفرح يادوب بى يزيد
ونتبسط بالقادم من بعيد
وللسلام الجمهورى نردد نعيد
ولى من منتدانا نريد المزيد
--وللجميع احترامى وتقديرى---

لك التحية استاذنا وناسف للتاخير
وربنا يوفقنا ويمد فى عمرنا ..حضور باذن الواحد الاحد
بس تحديد الزمان والمكان مهم جدا ..

حضور بإذن الله

من طرف **يس مصطفي** الإثنين 16 أبريل 2012, 11:28 am

مشكور الاخ الهميم سلمان والاخوه والاخوات الذين عقبوا في هذا البوست
اقترح ان يكون اليوم الجمعه القادمه 20\4وان تاتي كل اسره ومعها وجبه غداء كل حسب مزاج حكومته اما العذابه عليهم بانفسهم بالنسبه للماء والفرشات اصحاب العربات كل زول فرشه وصباره مويه الشاي ود الطرشان يجيب حبشيتو تاني او نتعصر جم اي واحدي بتاعه شاي المكان عشان ناس الخرطوم مايقولوا بعيد حدائق سته ابريل
وشكرا الموضوع دا طول شديد

من طرف **علي الكليس** الإثنين 16 أبريل 2012, 4:41 pm

يس مصطفي كتب:مشكور الاخ الهميم سلمان والاخوه والاخوات الذين عقبوا في هذا البوست
اقترح ان يكون اليوم الجمعه القادمه 20\4وان تاتي كل اسره ومعها وجبه غداء كل حسب مزاج حكومته اما العذابه عليهم بانفسهم بالنسبه للماء والفرشات اصحاب العربات كل زول فرشه وصباره مويه الشاي ود الطرشان يجيب حبشيتو تاني او نتعصر جم اي واحدي بتاعه شاي المكان عشان ناس الخرطوم مايقولوا بعيد حدائق سته ابريل
وشكرا الموضوع دا طول شديد

شكرا السيد النائب يس وقد سبقتنا بهذه الفكره الرائعه بالنسبه للقاء يوم الجمعه القادم باذن الله والملاحظ دائما ان الاهتمام بموضوع الوجبات كثيرا مايحرم الناس عن هدف المنتدي نفسه واعداد وجبة الغداء بالمنزل واحضارها في عمود غير متعبه وذالك يجعل الجميع يتفرغون للمواضيع الاخري والتي من اجلها كان الاجتماع
فقط لدي اقتراح اخر بخصوص المكان واري ان جناين الحلفايه انسب لاعتبارات كثيره منها رحابة المكان والظل والخصوصيه بعكس حدائق 6 ابريل المفتوحه ..وفي النهايه نحن مع مايري الجميع وحضور باذن الله
مع التحيه لمشرف المنتدي الاجتماعي الاديب سلمان ونثني اقتراح الاخ يس مصطفي

من طرف **خال ابرار** الإثنين 16 أبريل 2012, 4:58 pm

حضور ان شاء الله اى زمان اى مكان والحفاظه والفرشة معاى...

من طرف **يس مصطفي** الأربعاء 18 أبريل 2012, 3:20 am

فرشه +صباره كبيره+حاجه يلعبوها دا التزامي مشكور علي الكليس والخال

من طرف **علي الكليس** الأربعاء 18 أبريل 2012, 4:10 am

الحكاي فتراني كدي ليش يا يس ..لم نعرف حتي الان راي المشرف الاجتماعي الاستاذ سلمان ..والناس مافي زول جايب خبر ...ماباقي الاجتماع دا بيتم وله شنو ..عووووووووك

من طرف **بلسم** الخميس 19 أبريل 2012, 8:53 pm

اكدوا لينا اللقاء الاسرى ياخوانا ....

من طرف **محمد حسن** الخميس 19 أبريل 2012, 9:40 pm

السيد يس
انت عذابي والله شنه
ليش ماذكرت انك تجيب العمود
كان الفرشه والصباره
والكشتينه كلها ساهله نحن العذابه نجيبن
كربو العمدان ياناس والله داتأكلونه نيم

من طرف **يس مصطفي** السبت 21 أبريل 2012, 6:53 pm

محمد حسن كتب:السيد يس
انت عذابي والله شنه
ليش ماذكرت انك تجيب العمود
كان الفرشه والصباره
والكشتينه كلها ساهله نحن العذابه نجيبن
كربو العمدان ياناس والله داتأكلونه نيم

ياخي مععقوله ناكلكم نيم يامحمد حسن دا التزامي مابعد العمود وستجدونا رهن اشارتكم وعلي جناح السرعه في كل حاجه بس الناس تقعد ونشوف مشاريع مجديه نقوم بتنفيذها باسم المنتدي بعدين ياكافي البلاء الناس دي مادايرين يدفعوا المبلغ المقترح ولا دايرين يجيبوا العمود ؟

من طرف **(الحاج شرف)** الأربعاء 25 أبريل 2012, 1:51 pm

بسم الله نبدا

الاشتراكات
اولا الاصول هى مكبر صوت
وعدد ثلاته كاميرات
وهى من خيرات اخونا فارس الزين على من قطر
اما الماليه
متبقى من العام السابق مبلغ 430 متبقى رحله الباسقات
ومبلغ 300 ج متبقى ارساليه الاخ النفر الاولى من السعوديه
ومبلغ 240 ج من الاخت انتصار حجازى من السعوديه
500ج اشتراك +تبرع من الاخ عثمان النفر وصلت اخيرا
300ج وصلت من الاخ محمدالبروى قبل فتره من السعوديه
اذن مايعوق اللقاء لاعلاقه له بالامكانيات ولكن لتجويده وخروجه من التقليديه راينا التريث حتى نستطيع اخراجه بصوره مرضيه تخدم اهداف المنتدى وتلم شمل البلد بعيدا عن التصنيفات التى انتشرت سرطانا فى جسد القبيله
نريده لقاء جامع نلتقى فيه وكاننا كلنا خيار محلى وكاننا كلنا فداء ومكابراب
وكاننا كلنا خلف اللجنه وكاننا كلنا خلف النائب
الان نحن نعد العده لهذا اليوم ومتاكدين تماما باننا سنضعه فى مرتبه اعلى من اللقاءات السابقه
ولانحتاج الا ان تاتوا فرادا وجماعات لهذا اليوم وقد خلعتم ثوب التحزب والخلافات وجئتم مناصير كالرماح المجتمعه
شاركونا الراى وانتظرونا هنا

من طرف **عباس محمد** الأربعاء 25 أبريل 2012, 3:54 pm

نؤيد ونبارك الخطوات اعلاه اخى الحاج بما فيها
من عقلانية وموضوعية وبانتظار يوم الجمع
الارواح جنود مجنده ما تعارف منها ائتلف وماتناكرمنها اختلف
علنا نجد اجتماعا اجتماعيا صرفا تتصافى فيه القلوب