ياناس المنتدي ودالقبائل دايركم ترحبوا معاه بي العضو الجديد سامي المنصوري

مسعول كبير في أذاعه طيبه

وتلفزيون طيبه

وهو زاتو من تربه طيبه

من والد جبل ابناؤه علي حب القرآن والضيفان

سامي

بواصل .....................

بس داير ترحيبكم

القذافي خليتوهو ؟؟؟ ( خارج النص )

يا جنا جيب الكلام السمح ’’’’ ما نحن فترنا من الكع ’’ لع ’’’ ايي اي
كدي افصح ونحن معاك لآخر مدى ,,,
وشيخ سامي أكيد حا يجيب الأكيد ’’’’
ونرحب جدا بكل إبداعات وإشراقات بلادي
وحاجة من ود القبايل وسامي ’’’’ اكيد سامية وراقية

ود القبائل سلام

كنت نائم وين
وحمد الله علي الصحيان
والعاقبه لصحيان البقيه الباقيه
العضو سامي موجود في المنتدي منذ فتره ...ولا سامي واحد تاني<ولا طلع معرفه خاصه>

و علي العموم الف مرحب بضيف ود القبائل والدار دارك والبلد بلدك واخوان ود الفبا ئل اخوانك وانشاءالله تا تينا بالجديد المفيد
وفعلا يا ود القبائل سامي دائما مداخلاته طيبه ومفيده

الاخ الشيخ/ سامي محمد بابكر موجود من زمان

ولكن مرحبا ابن الشيخ محمد بابكر وسليل العوناب فعلا اضافة نوعية للمنتدي

الف مرحب به

-حقيقة يمكن الاستفادة من الاخ سامي نسبة لعلاقاته الواسعه

_عفوا الاخ سامي ان افصحت عنك بتفاصيل لا تود ابرازها

سامى الموجود بيننا ولا واحد تانى

عموم مرحب بهم الاتنين

والدار دارهم

اضافة بسيطة

انا في تقديري ود القبائل عارف ان سامي موجود من زمان ولكنه حاول تقديم الرجل الينا

ما مشكله سامى جديد سامى قديم
الزول زول ود القبايل وعارف امكناتوا ونحنا اى زول جديد نرحب بيهوا وحبابوا الف
والدار دارك وسع صدرك ودخل لاداخل

حياك الله أخى ود القبايل وحيا الله ضيفك الكريم الشيخ سامى والذى نتطلع لمشاركاته والتى حتما ًستثرى منتدانا الرائع بأهله _

مرحبا بالاخ سامى مرة ثانية فى منتداه

(بعد دا كان الواحد عنده سؤال فى مسألة فقهية يعنى مايشيل هم بالرسالة تصله الاجابة ).

مشكورين الاخوان

وحقيقه لم اتأكد من انه ذلك الفتي

الذي يذكرني بالاصاله

فقد رأيته ايام الخلوه والحيران

وقت النفوس تتشابا للضيفان

والطلبه جلين القبيله زمان

زمن سليمان سلمان

والعبق الاصيل منشور في اي مكان

جاء مع قافله ابناء المناصير بالجامعات والمعاهد العليا يجبون البلد ويحثون الولد

يحمل بين جوانحه حب التراب واصالة الانساب

قابلته كألاف ابناء بلدي الطلاب

ويفتخرون بأخوانهم القادمون ومايقدمونه من ثقافه وعلم وصحه

رقم ضآلة المعروض لكنهم غرسوا فينا حب الانتماء للبلد

كان سامي بين اولائك الرسل تلك الكوكبه النيره

حظيت بزياره منهم في منزلي ولصلاه المغرب قدمه اخوانه ونحن نري فيهم الصوره الملائكيه زادها

سامي بصوته الشجي وهويرتل القرآن بصوت الشيخ احمد محمد طاهر

تلك كوكبه نكن لها شلالات من التقدير وللراحلين شأبيب الرحمه

انا جايييك يابوحمد ولكن بلطف فعندي الكثير من التخريمات والمجادعات والتخريفات

فأني ترعرعت كماترعرعت انت بين الحجر والمدر

وازد الرواقه والفاقه

نجلاء زمراوي كتب:ود القبائل سلام

كنت نائم وين
وحمد الله علي الصحيان
والعاقبه لصحيان البقيه الباقيه
العضو سامي موجود في المنتدي منذ فتره ...ولا سامي واحد تاني<ولا طلع معرفه خاصه>

و علي العموم الف مرحب بضيف ود القبائل والدار دارك والبلد بلدك واخوان ود الفبا ئل اخوانك وانشاءالله تا تينا بالجديد المفيد
وفعلا يا ود القبائل سامي دائما مداخلاته طيبه ومفيده

سلام الاستاذه نجلاء زمراوي

ومشكوره علي الترحيب

الاخ سامي فعلا موجود ولكني لم اكن اعرفه انه هو

ودالقبايل لابنوم لابخلي خلق الله تنوم

بعدين اهلنا العرب بيقولو الزول اول شئ تكرمو وبعدين من مقلب حديثو تعرف عقابو وجنسو

لك تحيه الاستاذه نجلاء وانا ممتن لترحيبك بسامي والذي هو ولد بقامه بلد

الف مرحب بيك الشيخ سامى --
تقريبا انا بعرفك وانت صغير واعرف الاسرة باركويت -
والف مرحب بيك فى المنتدى ونورت -
ثانيا- طالما لفت نظرنا وقدمك رجل فى قامة ود القبائل يبقى الموضوع انتهى --وما بجيب الا النجيض-
ود القبائل قال:-

فقد رأيته ايام الخلوه والحيران

وقت النفوس تتشابا للضيفان
ونقول:
مرحب سامى والكل بقدومك اكيد فرحان
ما تتضارى طوالى ميس الديوان
اقرأ واكتب واتبسط وفرح الحبان
لى ديار منصور دايرين نعلى الشأن
نصفح ونسامح وما بنحمل حقد لاى انسان
دايرين زى ود القبائل للضيف يتب حفيان
نعيد للمناصير ماضيها وتراثا الكان
معروفة المناصير من البطل نعمان
تنمو وتزدهر وتبقى القبلة للسودان
---للجميع احترامى وتقديرى--

كنت داير اسوي شغلة الرشيد الافندي اقص وألزق وابدها من ابواحمد واتواتاهم واحد واحد لكن عجبني كلام أخونا سليمان العقيد وحات الله انت تعجبني بلا كتابه
لك ودي يارائع وادري انك فلته للزمن المغبر
ربنا يحفظك ياجنا
حتما سيلتقي الاحباب والخلان
وحتما سيعود ودالقبائل زمان
زمن القومه مع الفجراوي ومكابسه الخلوه بالبراد
برادا مطفق يحمل التراث والميراث
وانسانا مملوء عزه واخلاص
اخلاصا مجزر في النفوس والناس

عبد الواحد جبريل كتب:اضافة بسيطة انا في تقديري ود القبائل عارف ان سامي موجود من زمان ولكنه حاول تقديم الرجل الينا

بالزبط كدي يادكتور
وازد لم أكن متأكد من انه هو ؟
انت رائع
تعجبني فيك لمة الاطراف
ولعب الناس الحراف
وكتابة الاحرف الرهاف

تخريمه
كلمه الاحرف الرهاف دي ماتودها بعيد يادكتور فقصدي اللين من العربيه
التي توجب العطف

أهلا وسهلا الشيخ سامي ...والدار دارك

الف مرحب بيك الاخ سامى
نزلت اهلا وحللت سهلا الدار دارك

السلام عليكم
مرحب مرحب
نعود والتحية والتجلة للجميع من أم سفاية الي كير شميم ( بحسب سنة 85 )
نعود وقد عادت هجليج وتلودي
نعود وقد غاض الماء في انهار بلادي وزاد الكيد من الأعادي والبي جاي وبي غادي
واسف للتأخير
وبعون الله نسعى للخير وبالخير
دمتم

مراحب الاخ سامى محمد بابكر ودالعوناب
وسط اهلك ولقد عرفتكم من قبل واخر مقابلة لى
بجنابكم فى مناسبة العمرابى بالثورة
فرحبا بك من جديد

العوناب فيها عمي طه له التحيات
و ( الدخفلي ) كان أبي يحبها ومنها أخواله )
والمناصير دياري وأهلي
تحياتي