يا ناس كبنة دلوني على الجماعة ديل مغروض فيهم

خادم الله دي الان بقرية الحمداب بكبنة وقد توفى زوجها قبل عيد الاضحى وترك ذرية من البنين وابنات
رحمه الله رحمة واسعه ويدعى حامد محمد حامد

والله فعلاً أبوفاطمة.. ظاهر عليك زول حارة
ياخي البوست ده ليهو كم يوم.. زول قال لى عينك في راسك مافي.. معقول ناس كبنة ما بيعرفوهم!
دخلوا على البوست كم وسبعين واحد زول قال حاجة مافي.
تشكر ابو فاطنة مصطفى. والله يخلي ليك فاطنة. وكان ماعندك فاطنة الله يديك ليها
وإنه من فاطم.. وخيرهن فاطم
ومن يتيم خاتم منه اليتيم الخاتم

تحياتى ابو حنه اما بخصوص على اللبونى توفى منذ عامين فى حلتة النواوير وله من الابناء زاكى الدين وهو صاحب كفتيريا فى كبنه اسمها العبير وده كان قبل الطوفان وعلى فكره هو صاحب صوت جميل وكان فنانا فى يوم من الايام ولكنها المعايش قتلت كل الاحاسبس هذا بشان الزاكى او ابليس كما يسمونه اما ابنه الاخر واصغرهم يدعى زكريا وهو متزوج وله ابناء

شكرا محمد الحسن على هذه المعلومات التى أحتاجها. ديل ناس ممتازين وخاصة والدهم علي اللبوني، كانوا عايشين معانا واكلنا الملح والملاح، وصاروا اسرة منا ونالوا رضاء الناس كلهم عندنا.. باخلاقهم الحسنة ومعاملتهم الكريمة.. بالرغم من أن وقتها كنا اطفالاً دون العاشرة.. لكن هذه الذكريات الطيبة لاتنمحي من ذاكرتين ولا اريد لها ان تنمحي

الاخ العزيز صديق ابوحنه تحياتى لك وللاسره الكريمه

بالنسبه لابوشبنه فاسمه الحقبقى بابكر وهو من الساده قريب محمد على محمدخير والكحوله وتوفى من زمن طويل.
له بنت واحدة من زوجته الاولى نورا خالة خضرالنجيض, كما له ولدان وبنت من زوجته الثانيه الجنه بنت الطاهر شقبفة الشاعر عتمان الطاهر وهى منزوجه جنبكم فى الصفيحه. واولاده سيف الدين وفتح الرحمن وشامه وهى متزوجه من ابن عمى على سليمان حامد

أووووه
باشمهندس نصر الدين. كيفك يا قريبنا
إنت عارف لمان ناس كبنة ردوا على( علي اللبوني) بس ! وما ردوا على ( أب شبنة)
بعد داك تذكرت أن أب شبنة موش من كبنة.. وإنما من جيهتكم ديك لى فوق..
لكن ما تخيلتو يكون من السادي..
لأنو السادي دي طوالي أنا فيها
مرات براي ومرات مع ابوى ومرات مع زملاء دراسة
طوالي في السادي زمان
واكاد اعرف السادي بيت بيت
أب شبنة ده عاش معانا هناك بالسنين.. ومعه زوجته الأولى نوره
أما بنتهم الفي الصفيحة دي بعرفا جنبنا..
الزمن كان عديل والناس كلهم اهل..
ايوه بيكون مات زمان أب شبنة.. لأنو هو راجل في الستينات ونحن اطفال لسه.
زمن
زول ما بيحب الكلام الكتير. بس يشتغل في طاحونتو دي! طوالي يرجاك ملان دقيق وينقش في حجر الطاحونة.
بس هو زول ميكانيكي من طراز فريد خالص
تسلم يا نصر الدين
إتوقع نسجل ليك زيارة
قول يايمين