المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

يا ناس كبنة دلوني على الجماعة ديل مغروض فيهم

استعرض الموضوع السابق استعرض الموضوع التالي اذهب الى الأسفل

يا ناس كبنة دلوني على الجماعة ديل مغروض فيهم

مُساهمة من طرف صديق عبدالله علي أبوحنة في الخميس 19 يناير 2012, 5:51 pm

يا ناس كبنة.. أنا زول تراث، ومحتاج للمعلومة دي.. دلوني على الجماعة ديل وعترتهم وين ، وهسي دي وين هم!
..........
لما كانت مهنة ميكانيكي بوابير نادرة في الخمسينات في المناصير.. استوعب سوق النعوفاب في أول طاحونة في المناصير1954 أسسها القامة بك شاويش في الجيش المصري السوداني وقتها، عمنا أحمد نعمان بدر وكان شخصين من ناس كبنة اشتغلوا فيها سواق وميكانيكي طاحونة..
1 علي اللبوني مكث معنا بعائلته وترك كبنة. مكث بحلة الضقولة زهاء10 سنوات واسرتو معاهو. وعندو كم ولد كدة وستة بنات.. واحدة فيهم اكبر مننا كانت تدقنا لما نعلب سواا ونلقط الدفيق سواا.. إسمها خادم الله. علي اللبوني ده اصفر كدة ومشلخ ثلاثة شلخات طولية وراجل راقي خلاص ومهذب وصبور كل الناس البي يدققوا في الطاحونة يثنوا عليه.. وقتها كان عمرو حوالي 35 سنة
السواق التاني الجاء بعدو يقولوا ليهو( أب شـَبـَنـَة) كان راجل كبير وقتها حوالي 60 سنة وعندو شنب كدة زي الصعايدة وراجل طويييل. ولكنه زهجي شوية كان يشاكل الناس في الطاحونة.. وعندو كدوس يدخن طوالي.. وزول بتاع مزاج كدة..
أها مين يعرف الناس ديل ، ومين يعرف عترته وهسي دي وين عترتهم ، ووين خادم الله دي بت علي اللبوني الكانت بي تدقنا في اللعب ولقيط الدفيق..!!.

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31675
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: يا ناس كبنة دلوني على الجماعة ديل مغروض فيهم

مُساهمة من طرف صديق عبدالله علي أبوحنة في الأربعاء 25 يناير 2012, 6:01 pm

والطاحونة بعد كدة إشتغلوا فيها كسواقين وميكانيكية
1 نعمان عبد الرحيم. يسكن الآن الكلاكلة
2 محمد صديق عريف من ناس الجزاير وعرسنا ليهو عندنا في النعوفاب فاطني بت سليمان ود الربع وعاش معانا سنين طويلة ورجل كان ممتاز جدا وطيب. وعندو خبرة كبيرة في الميكانيكا.. شافوه الشايقية وأغروه بعد أن مكث في النعوفاب قرابة العشرين سنة.ز شافوه واغروه وساقوه مروي أب دوم وهناك بقا فني وخبير ومهندس للموتورات وبوابيرهم يصلحها باتقان شديد والآن عايش في مروي اب دوم بي زوجتو بت النعوفاب اخت على اللسيدي بت آمني الزرقاء رحمها الله خالة الشاعر خلف الله علي محمد كباشي من برتي
3 تاني ثالثت سواق للطاحونة زهاء عشرة سنوات هو عثمان ود شيخ الحيران عليه الرحمة توفي بالمكابراب قبل شهرين
4 رابع سواق للطاحونة كان حبيب الله من شرري مكث بها زهاء خمسة سنوات..
وبعد كدة الطاحونة شارك فيها عمنا احمد نعمان بدر شارك فيها سلمان محمد الخليفة خال سلمان عقيد ونسيبو.. وبعد كدة الطاحونة كلها تكاملت على.ز سلمان محمد الخليفة بعد وفاة عمنا أحمد نعمان بدر بزمن..
بس ناس كبنة لسه ما ردوا عليا معقول ما عندهم معلومات؟
عجيبة

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31675
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: يا ناس كبنة دلوني على الجماعة ديل مغروض فيهم

مُساهمة من طرف ابوفاطنة مصطفى في الخميس 02 فبراير 2012, 12:15 am

خادم الله دي الان بقرية الحمداب بكبنة وقد توفى زوجها قبل عيد الاضحى وترك ذرية من البنين وابنات
رحمه الله رحمة واسعه ويدعى حامد محمد حامد

ابوفاطنة مصطفى
عضو جديد
عضو جديد

احترام قوانين المنتدى : 100

عدد المساهمات : 10
نقاط : 9171
تاريخ التسجيل : 03/12/2011

الرجوع الى أعلى الصفحة اذهب الى الأسفل

رد: يا ناس كبنة دلوني على الجماعة ديل مغروض فيهم

مُساهمة من طرف صديق عبدالله علي أبوحنة في الخميس 02 فبراير 2012, 3:23 am

والله فعلاً أبوفاطمة.. ظاهر عليك زول حارة
ياخي البوست ده ليهو كم يوم.. زول قال لى عينك في راسك مافي.. معقول ناس كبنة ما بيعرفوهم!
دخلوا على البوست كم وسبعين واحد زول قال حاجة مافي.
تشكر ابو فاطنة مصطفى. والله يخلي ليك فاطنة. وكان ماعندك فاطنة الله يديك ليها
وإنه من فاطم.. وخيرهن فاطم
ومن يتيم خاتم منه اليتيم الخاتم

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31675
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: يا ناس كبنة دلوني على الجماعة ديل مغروض فيهم

مُساهمة من طرف محمدالحسن طيفور في الخميس 02 فبراير 2012, 3:56 pm

تحياتى ابو حنه اما بخصوص على اللبونى توفى منذ عامين فى حلتة النواوير وله من الابناء زاكى الدين وهو صاحب كفتيريا فى كبنه اسمها العبير وده كان قبل الطوفان وعلى فكره هو صاحب صوت جميل وكان فنانا فى يوم من الايام ولكنها المعايش قتلت كل الاحاسبس هذا بشان الزاكى او ابليس كما يسمونه اما ابنه الاخر واصغرهم يدعى زكريا وهو متزوج وله ابناء

محمدالحسن طيفور
عضو رائع
عضو رائع

احترام قوانين المنتدى : 100

عدد المساهمات : 204
نقاط : 9607
تاريخ التسجيل : 22/11/2011

الرجوع الى أعلى الصفحة اذهب الى الأسفل

رد: يا ناس كبنة دلوني على الجماعة ديل مغروض فيهم

مُساهمة من طرف صديق عبدالله علي أبوحنة في الخميس 02 فبراير 2012, 4:15 pm

شكرا محمد الحسن على هذه المعلومات التى أحتاجها. ديل ناس ممتازين وخاصة والدهم علي اللبوني، كانوا عايشين معانا واكلنا الملح والملاح، وصاروا اسرة منا ونالوا رضاء الناس كلهم عندنا.. باخلاقهم الحسنة ومعاملتهم الكريمة.. بالرغم من أن وقتها كنا اطفالاً دون العاشرة.. لكن هذه الذكريات الطيبة لاتنمحي من ذاكرتين ولا اريد لها ان تنمحي

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31675
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: يا ناس كبنة دلوني على الجماعة ديل مغروض فيهم

مُساهمة من طرف نصرالدين ابوزيد حامد كرار في السبت 18 فبراير 2012, 1:46 am

الاخ العزيز صديق ابوحنه تحياتى لك وللاسره الكريمه

بالنسبه لابوشبنه فاسمه الحقبقى بابكر وهو من الساده قريب محمد على محمدخير والكحوله وتوفى من زمن طويل.
له بنت واحدة من زوجته الاولى نورا خالة خضرالنجيض, كما له ولدان وبنت من زوجته الثانيه الجنه بنت الطاهر شقبفة الشاعر عتمان الطاهر وهى منزوجه جنبكم فى الصفيحه. واولاده سيف الدين وفتح الرحمن وشامه وهى متزوجه من ابن عمى على سليمان حامد

نصرالدين ابوزيد حامد كرار
عضو ذهبي
عضو ذهبي

احترام قوانين المنتدى : 100

عدد المساهمات : 1455
نقاط : 12939
تاريخ التسجيل : 01/12/2011

الرجوع الى أعلى الصفحة اذهب الى الأسفل

رد: يا ناس كبنة دلوني على الجماعة ديل مغروض فيهم

مُساهمة من طرف صديق عبدالله علي أبوحنة في السبت 18 فبراير 2012, 2:51 am

أووووه
باشمهندس نصر الدين. كيفك يا قريبنا
إنت عارف لمان ناس كبنة ردوا على( علي اللبوني) بس ! وما ردوا على ( أب شبنة)
بعد داك تذكرت أن أب شبنة موش من كبنة.. وإنما من جيهتكم ديك لى فوق..
لكن ما تخيلتو يكون من السادي..
لأنو السادي دي طوالي أنا فيها
مرات براي ومرات مع ابوى ومرات مع زملاء دراسة
طوالي في السادي زمان
واكاد اعرف السادي بيت بيت
أب شبنة ده عاش معانا هناك بالسنين.. ومعه زوجته الأولى نوره
أما بنتهم الفي الصفيحة دي بعرفا جنبنا..
الزمن كان عديل والناس كلهم اهل..
ايوه بيكون مات زمان أب شبنة.. لأنو هو راجل في الستينات ونحن اطفال لسه.
زمن
زول ما بيحب الكلام الكتير. بس يشتغل في طاحونتو دي! طوالي يرجاك ملان دقيق وينقش في حجر الطاحونة.
بس هو زول ميكانيكي من طراز فريد خالص
تسلم يا نصر الدين
إتوقع نسجل ليك زيارة
قول يايمين

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31675
تاريخ التسجيل : 14/07/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى