محمد ويييين .. ليك يا خالد عابدين

ود المناصير كتب:شكرا أيها الرائع دوما محمد بروي
وأنا عندي مجموعة من أغاني عيسى حا افتش ليك طلبك ولو ما لقيتو أنا ماشي البلد وحا أفتش في كل محل في البلد وفي كريمة وعند ناس الكمالي بالرغم من أنهم قللوا عملهم شوية ولكن عندهم الكثير لعيسى بروي المهم يا رائع ما حا اخيب ظنك ابدا وبجيبا بجيبا

هاشم علي الجزولي كتب:هو يا محمد كلام الريد ده تاني ما تجيبوا في خشمك كمان تسأل عن امكانيه وجوده ده مات ماظنو حي حتي لو حي يكون في ركن الزكريات انا خائف عليك من الجماعه ( أنا مره بسمع في برنامج اسمه اغنيات يقدمه المبدع قدور في التلفزيون وبعدين مندمج وبردد في كلمات الاغنيه مع الفنان قامت بتي قالت لي والله يا ابوي الظاهر عليك كنت من الصيع ) اها انت يقولوا عليك شنو انت شاعر ماتنسي تعرف يقولوا شنو اقل حاجه يقولوا ابونا ده تاوروا من جديد والاولاد هينين المشكله في امهم
عشان كدي في تعبير بقولوه الخواجات ترجمته بتفسد المعني
watch your language
طبعا باالمنصوري او اللهجه المنصوريه سوف تفقد الناحيه الجماليه وتكون اميل الي العنف والشده او اقرب الي مجتمع الطيانه وسف تكون ( يازول حسن ملافظك )
(واحده قريبه من الموضوع انت عارف اهلنا صعبيين وعشان اوريك الفرق واقارن بين مجتمع ام درمان ومجتمع المناصير اتخيل وجودك في باشي في الجزائر والسوط مدور والعيون محمره والشكله قاب قوسين او ادني واول ما تدور العكاز في ضيق الله مجتمع امدرمان كان المرحوم الفنان الجابري الله يرحمه دخل في مشاده مع واحد باالقرب من السينما مما جعل الشخص الاخر يسدد له لكمه قويه اسقطته ارضا قام اتنفض من التراب وقال ليه شنو شكله ولله موت
دحين يامحمد اخوي اعمل حسابك من كلامك الكلام الزي ده ناس خالد عابدين ونادر العزاب او المتزوجين الشباب وقادرين يزبطوا الايقاع وكلمتهم تنزل كا السيف وزي ود الاخت ود دماج ابو مصطفي اما نحن طيب انا عشان ما تزعل وانت قريب مني وتقراني واقراءك
والله يامحمد بين وبينك الحاجات الزي دي مهمه انا مرات اشوف الجمال اتعجب واسرح في الخيال خاصه في الفتره العصير الي المغيب اتفكر في هذا الخضار والطول عندما يمر النسيم ويداعب الاغصان اقول ياربي اليله الشجره دي انا سقيتها ( دي شجره في البيت)

حجازي كتب:اجبرتني أن ارد في هذا البوست يا زعيم محمد بروي
انا عارف إنو ناس فقاعة عندهم الخرف لكن الظاهر انو عندهم كمان مراهقة الخمسين
انا طبعا ما دخلت للبوست ده إلا لاني معجب جدا بقصيدة محمد ويين رغم جهلي بالفن وانا مرة كان تذكر طلبت منك تقولا لي لكنك ما قلتها طيب اكتبها لينا خلينا نقراها منك على الأقل
ونحنا في إنتظار ابدلعات الخمسين