عثمان احمد حسين المقدوم يقود عملا اجتماعيا كبيرا للمناصير في عام1964

يا ريت يحاضر الناس في ميدان الاعتصام ويكلمهم عن هذا العمل الرائع وقتها.. قبل ما يعرفوا الناس التعليم وقبل ما يعرفوا الناس الروابط..( رابطة ابناء المناصير) بالصحافة.. هو كان راس الرمح في هذا المشروع الناجح وقتها، وكان لهذا المشروع إسهاماته في تقديم خدمة لابناء المناصير بالعاصمة..
نحن أطفال صغار.. وهو طالب جامعي. يجي شايل الكراس للمساهمات ولافي في سوق النعوفاب.. يدخل دكان.. دكان.. ونحن شفع نجري وراه. نستغرب في الزول اب جلابية ده ونضيف كدي وحالق حلاقة الصعيد ومسرح شعروا السبيب الاسود بي دهان.. نتفرج فيهو..
عاينت للكشف الشايلو.. عثمان العباس رحمو الله. كان اكبر تاجر في سوق النعوفاب ساهم لوجه الله في هذا العمل..وعلي الحسن العديرقاوي.. ونصر الدين احمد نصر الدين.. وغيرهم. كانوا فرحانين التجار ويساهموا طوالي بدون ما يسألوا..
كانت معه كوكبة من أبناء المناصير الذين لايشق لهم غبار في الصدق والامانة والنزاهة والإخلاص ومحبة المناصير اللجنة كانت مكونة من
1 عثمان احمد المقدوم
2 احمد الحسين الحسن
3 سليمان حسن أب شعر
4 صديق حسن اب شعر
وآخرون طبعاً
...............
فرصة طيبة وكل مرة عثمان يحضر لميدان الإعتصام
يا ريت اللجنة تفرد له مساحة ليحدث المعتصمين عن أول عمل اجتماعي ناجح، أفاد المناصير كثيرا في العاصمة.. زمن الشعوب التانية ما بتعرف الروابط ذاتو.. راح تكون مساحة تنويع للمعتصمين.. التعليم مفروض يكون مربوط بقضايا المجتمع وإلا مافي فائدة، وقتها يصبح التعليم علم شيطنة وتباهي.
............
يا ترى هل مراجع ودستور وما كتب عن هذه الرابطة موجود في مراجعنا؟
يا ريت عثمان يكلم المعتصمين في ذلك.. سوف يكون حديث يشد الهمم ويدعو الناس للصبر . وتقدير جهود المخلصين من ابناء المناصير في السابق. وكت كان الناس ما بيعرفوا العمل التعاوني ذاتو.. وكل اقاليم السودان ترزح تحت الجهل المطبق، وقتها كان المناصير بفضل أولادهم الجامعيين وبفضل الله ، كانوا في المقدمة..

هو كفكرة كانت 1964 لكن بدا العمل الفعلي بعد سنة سنتين من هذا التأريخ

عثمان احمد حسين المقدوم يقود عملا اجتماعيا كبيرا للمناصير في عام1964

عثمان احمد حسين المقدوم يقود عملا اجتماعيا كبيرا للمناصير في عام1964

رد: عثمان احمد حسين المقدوم يقود عملا اجتماعيا كبيرا للمناصير في عام1964