قضية المناصير .. حجوة أم ضبيبينة (2)

تذكير بمساهمة فاتح الموضوع :

اولا استاذن ابو الكراي لاستعارت العنوان
_قصة غربية جدا ..قصيرة جدا ..ما نختم به
اجتمع المتسابقون هذه المرة بحماس الكل يريد الفوز الكل يريد الجائزة الكل يريد ان يشترك الكل ذهب الي مضمار لا يعرف حوافه وحتي نهايته لكنه ذهب لانه يؤمن بالفكرة ,ومن اشترك اشترك بفهم وتفرج تفرج بفهم ايضا ,ليس من اشترك هو الفائز حتما وليس من تفرج هو الخاسر ايضا.
وعلي حافة الميدان اتلملمنا كم منصوري ومنصورية...قلنا نناقش لقضيتنا...قمنا مشينا هناك جلسنا ... محل الموت بالعين ينشاف يومي طعيم المر ينضاق ... لكننا ما اتزحزحنا ...اتاججنا واتلاججنا وزين كوركنا ...وفي الختام علي اسم شئ ما اتفقنا .

الحدوري في بيتنا

محمد ابني الايام دي كلنا في البيت اصبحنا نطلق عليه لقب الحدوري (اخي الحدوري جهز الخروف )

محمد في كل شئ عندوا راي وتنظير مختلف عن الاخرين

لا يشاهد الكرتون مثل الاطفال عندو قناة تقول صانعها من راسه اسمها ,Gear one<هذه القنا تعرض السيارات الغريبة والجديدة والسباقات والتفحيط و مصر لما يكبر سوف يذهب الي ابوظبي للاشتراك في السباق

من طرف **الرشيد طه** الجمعة 02 مارس 2012, 3:27 am

الخرطوم:

وجّه الرئيس عمر البشير أمس، بمد خطوط السكة الحديد من ميناء بورتسودان لتربط السودان مع جيرانه في أفريقيا الوسطى وأثيوبيا ودولة الجنوب، ولفت إلى أن ذلك يمكِّن أواصر التعاون وتبادل المنافع بين شعوب المنطقة، وقال لدى مخاطبته احتفالاً بتدشين مصنع (الفلنكات الخرسانية) بمدينة الخرطوم بحري أمس، إن السكة الحديد تلعب دوراً مهماً في تهيئة المناخ لدخول رؤوس الأموال للسودان وتسهيل الاستثمار المحلي والأجنبي، وأشار إلى التحديات التي يمر بها الاقتصاد السوداني حالياً، وكشف عن خطة للنهوض بالسكة الحديد تشارك فيها الوزارات والجهات ذات الصلة كافة، وقال إن السكة الحديد ستسهم خلال المرحلة المقبلة في نقل الحجيج من دول غرب وشرق أفريقيا بجانب النقل الجوي، وشدد على اهتمام الحكومة بتنفيذ الطريق القاري للسكة الحديد الذي يبدأ من بورتسودان وينتهي في العاصمة السنغالية داكار. وفي السياق، وجَّه البشير بتجديد خطوط السكة الحديد وإحلال (الفلنكات الخرسانية) وبناء خطوط جديدة لتواكب النقل الداخلي والقاري ذات السرعة العالية والجودة المطلوبة في نقل البضائع والركاب، وأمّن على ضرورة تجسيد شعار: (لا بديل للسكة الحديد إلاّ السكة الحديد) على أرض الواقع، وحيا الشريك الإستراتيجي لبلاده دولة الصين، وكل الدول الصديقة التي تدعم الاقتصاد والاستثمار في السودان.

الرأي العام

دكتور عبد الواحد اردت ان اسجل حضوري بعد غيبة قصيرة (غصبا عني) حضور لكن علي طريقتك

مرحبا بك الاخ الرشيد في خيمة ام ضبيبينة وهذة خيمة لامة خيمة سياسية ,اجتماعية ,ثقافية

الخيمة خيمتك اكتب فيها ما تريد

نرحب باي موضوع حتي لو كان خارم بارم

من طرف **ود الطرشان** الجمعة 02 مارس 2012, 8:21 pm

فتح باب الخارم بارم

نقول ..!!

توقيع
عاشق الخارم بارم

اوه ود الطرشان الليله زارنا لنا عظيم الشرف

اصلا انت من الناس المستهدفهم عاوز اجرهم الي داخل الخيمة

سؤال : ما هو اصل كلمة خارم بارم ؟

عارفين بقولها متين لكن اصلها شنو؟

لعدم وجود التعديل

الخارم : من الخرم

البارم : من البرم

برضو الاصل شنو؟

من طرف **ود الطرشان** الجمعة 02 مارس 2012, 8:55 pm

ترحيبك لما شعرت جلدي كلبت فرحاً

نبدأ
اول ؛ خارم بارم

الاستاذ : يا ولد تعال امسح السبورة
الولد : انا قصير يا أستاذ
الاستاذ : تعال انا بشيلك
منظر
الاستاذ شايل الولد وبمسح في السبورة والولد بضحك ضحك شديد
الاستاذ : تضحك ليه ياولد .. ومعاها صره
الولد : أصلو أمي الصباح داعتني قالت (انشالله يشيلك قرد)

لا تقبل التأويل فقط خارم بارم

وبدر كتب البلد وآمل ما كتبت ...

حاتم منتظرين ومش مستعجلين,,

اليوم وانا راجع علي الدامر ركبت في الحافلة جوار اثنين يبدو من اهل الدامر

سمعتهم جابوا سيرة المناصير ,رخيت سمعي اليهم

قالوا كلام ماسمعته عديل ,,وقالوا كلام اخاف مابقدر اقوله,,

واحد قال للاخر :والله المناصير ديل حيرونا

يوم تسمع تلاوة القران والاذكار والمديح تقول انت في خلوة الشيخ الجعلي

ويوم تسمع الطنبور والغناء والرقيص تقول انت في العشش.

_وصلت الدامر

توجهت الي زولي العارفنوا داك

السلام عليكم كيف الاعتصام معاك

_قال ده اعتصام ولا معسكر دفاع شعبي

قلت مالك

-قال صحونا من الاذان قوموا الصلاة وبعدها التلاوة, بعدها الشاي ,بعدها الرياضة,المهم تقول مجندين

اظن كلام الحدوري صحيح!!

درس
الثعلب: علمني كيف اعيش في هذه الحياة
الذئب : اذهب واقفز من تلك التلة
الثعلب : لكن سوف تنكسر قدمي
الذئب : لا تقلق ساامسك بك
وعندما قفز الثعلب لم يساعده الذئب
الثعلب : لماذا لا تمسك بي
الذئب : هذا هو الدرس الاول لا تثق بأحد

من طرف **ود الطرشان** السبت 03 مارس 2012, 12:12 am

قلوبيتك هبّرت

شركه تاني

انا المنتظر اجابة السؤال يا دكتور

من طرف **خال ابرار** السبت 03 مارس 2012, 6:24 am

والله الدكتور دا كتاب كتابة الجن....

تشبيه المدح بما يشبه الذم ...عشان ماتزعل يا دكتور سلامتك من الجن

من طرف **ALIHADOWRY** السبت 03 مارس 2012, 1:28 pm

دكتورتا العزيز يعجبنى حدورى الصغير فى تكوينة لافكارة الخاصة وهو نوع من النضوج الذهنى وانا جاهز للعجل الحنيذ وجعلة اللة من ابناء المناصير الباهرين ولم نقل ابناء الوطن لخوفى ان يكبر الحدورى ولايجد السودان الذى عرفناة

الدكتور محمد خال ابرار لك التحية ومرحبا بك في الخيمة والخيمة مرفوع فيها الكلفة والحواجز والعقد

الاخ الحدوري اعتمدنا ولا تنط

الاخ حاتم جايك ,,ولكن بعد خبر الخطاب هذا,,

واحد من سماكة اللديرمية جاهو خطاب امس من البلد,,

فية

طال الغياب يا ناس خلاص نسوتونا

بدلتوا ريدنا بناس ولا بقيتوا ما بتعرفونا

_اليوم رد علي الخطاب قال

سمكتي الرايقة يا السمحة

سمكة وديعة متسامحة وديمة مع العرق سابحة

شوقي بحر خيول جامحة

انساك كيف يا لمحة

سمكتي السمحة ام زعفات

انسي مكة وعرفات

انسي الحاضر وانسي الفات

محال انساك ات بالذات

سمكتي السمحة يا زيني

حبك يملأ شراييني

اشيلك جوة في العين

انساك كيف يا ....زيني

من طرف **نجلاء زمراوي** السبت 03 مارس 2012, 4:54 pm

دكتورنا سلام
اصبحت من مدمني هذا البوست....يلا واصل القصص الرمزيه الممتعه متعك الله بالصحه والعافيه
تحياتي الي احمد ....

ام وضاح لنا عظيم الشرف ان تزورينا في خيمة ام ضبيبينة

كنت عاوز ارسل لك صوت لوم قلت ام وضاح ده شايفة نفسها اكبر من خيمتنا دي ولا شنو

من طرف **نجلاء زمراوي** السبت 03 مارس 2012, 5:21 pm

كنت عاوز ارسل لك صوت لوم قلت ام وضاح ده شايفة نفسها اكبر من خيمتنا دي ولا شنوم
نحن اصغر من ان يلومونا امثالكم
وبين العظماء لا وجود لنا
ولومكم فخر لنا
لكن ما حبينا نعرقل سير البوست وانت سيد الفاهمين؟؟؟؟؟

من طرف **(الحاج شرف)** السبت 03 مارس 2012, 5:48 pm

ويوم تسمع الطنبور والغناء والرقيص تقول انت في العشش.

معقوله دى

دى مافينا

شكرا شكرا ام وضاح

_صاحبي المجنون ليهو يومين في الاعتصام

يسمع في الثالوث ...الثالوث ,ما فهم هذه الكلمة

دنا مني قال لي في خجل انت الثالوث ده شنو

قلت له ليس المسئول اعلم من السائل ولكن علي ما اعتقد هم ثلاث اشخاص صفاتهم اقرب الي الشيطان

_قال طيب يتفلفسوا ليه ما يقولوا فلان وفلان وفلان

قلت له هم محددين

-قال لي هم منو

قلت الامام حقكم ,والرئيس حقكم ,وفلان

قال اذا ديل الثالوث اللهم اجعلني من الثواليث

بالمناسبة يادكتور الثالوث عقيدة نصرانية

الزعيم الحاج لك التحية وتتشرف الخيمة بك

&&الدامر هذا الصباح&&

*الاخ حاتم شكرا لك ولكن اظن الجوطة القائمة يعنوا بها الثلاثي حسب فهمي

قصة حقيقية قد تعجبك عبدالواحد
كان هناك ندوة كبرى في الميدان الشرقي بجامعة الخرطوم عن القضية الفلسطينية ايام استشهاد الطفل محمد الدرة
امتلأ الميدان بالحضور رجال ونساء والرجال في جانب والنساء في جانب
تحدثت مجموعة كبيرة من الاساتذة والشيوخ والدكاترة والهبوا حماس الحضور
وبعد كل دقيقة او دقيقتين يضج الحضور بالتكبير
بعد ان يسكتوا هناك معتوه كان من ضمن الحضور
يتجه ذاك المعتوه ناحية النساء ويهتف يسقط يسقط اتحاد المراة
يكرر هتافاته بعد ان يسكت الناس من التكبير
كان معي صديق واخ كريم فاصبح هتاف المعتوه مصطلح بيننا

نحن هنا داخل المنتدي نقول يسقط يسقط كل رجل يكتب باسم امراة

من طرف **نجلاء زمراوي** الأحد 04 مارس 2012, 3:17 pm

عبد الواحد جبريل كتب:نحن هنا داخل المنتدي نقول يسقط يسقط كل رجل يكتب باسم امراة

لكن يا دكتورنا بذلك يصبح المنتدي من غير كع ولا كف.
لك تحياتي

من طرف **انتصار حجازي** الأحد 04 مارس 2012, 3:34 pm

عبد الواحد جبريل كتب:
نحن هنا داخل المنتدي نقول يسقط يسقط كل رجل يكتب باسم امراة

يا عبد الواحد الله يعطيك العافية

بس لمن يكتب باسم امراة نقول له زيارة بوست ... عذرا لست اراك رجلاااااااااااااااااااا

اما غريبة حلة
الحلة جاطت من الصباح
عكازي وعكازك انا واخوي علي اخوي ,رجالة فايتة الحد ,العدو يغازك بناتنا حتي ,لا احد يرفع في وجهه ريشة, الناس تتقاتل في حمارة بت حسين هل قتلها المحل ام ماتت مسمومة.
الناس الحلة بعكس خلق الله
كل يبحث عن بطولة زائفة بطريقته الخاصة

اثارة الفتنة عندهم تعني كشف اسرار
الشتيمة تعني الشجاعة
الثورة علي الماضي وانتقاصه تعني التقدم
العاقل عندهم مؤخر الجاهل مقدم
الحلة ان خربت سوف يخربها بنوها
الناس مازالوا في شجار من الذي قتل حمار بت حسين!!!!!!!

حمار بت حسين قتله الوهم!!

قصة اخرى

علي باتات كان دفعة في المعسكر الذي دخلناه بعد امتحانات الشهادة السودانية

وللاسم قصة

كان هناك في المعسكر نقيب رجل فاضل لايشبه الجيش

المهم كان هناك محاضرة مع النقيب وتحدث عن الجهاد

وعن السيرة ايضا وابحر بالناس في عالم اخر

كلامه جميل ومليان يجبرك علي الاستماع

وان كان المجندين لا يحبون المحاضرات لاحساسهم بانها

غسيل للمخ

وانتهي النقيب من كلامه وكعادة الجيش سأل : في سؤال

فاختبر علي زميلنا سعادتك

فاحتار المجندين معقولة علي ذلك المطوفش

داير يسأل في المحاضرة وفي الدين كمان !!!

النقيب بكل ادب وتواضع : ايوه

علي : الباتات بتجي متين ؟؟؟

جزمتي اتقطعت !!

تعتع النقيب لم يجد اجابة ولم يستطع الرد

فسمي علي باتات

انتهت

في سؤال

في سؤال ؟؟

الاعتصام يتفك متين؟

عبد الواحد جبريل كتب:في سؤال ؟؟

الاعتصام يتفك متين؟

قلت شنو؟

ما سمعتك كويس

من طرف **ود الطرشان** الأحد 04 مارس 2012, 11:28 pm

ثاني : خارم بارم

الخطب بدون رتب
يسمع ولا يرى
يكتب سطر مايل ولا يقرا
قال انا عبدالله قالوا سوف نضيف لك سلول

فقط خارم بدون بارم

من طرف **عازه** الإثنين 05 مارس 2012, 1:17 am

خيمتكم ماشاءلله باردي ومرشوشه ومكنسه وسمحي فيها عناقريب هبابيه وقربة مويه ضارب فيها الهواء وطربيزة جبنه في النص. خيمه تحفه حتي السمك فيها بتكلم .أشكر صاحب البوست الدكتور الرائع والمتداخلين الذين قد قد ساهمو في اضفاء هذا الجو اللطيف والمرح علي الخيمه.

اللييييييييييييييييييلة الخيمة ازدادت عزة بزيارة عازة

*ربي الكريم ليك منا

جاب الاعتصام لي بلدنا

حققنا ما نتمنا

صرف الحقوق وسكنا

كذا مرة اتمسكنا

قربنا نضيع ارضنا

+ابوضاح صحابو كم كم جهجهوا الكذاب

سكوا حتي الباب

الاخ حاتم سوف اكرر الكلام غدا انشاء الله

من طرف **abuahmed** الإثنين 05 مارس 2012, 3:27 pm

عبد الواحد جبريل كتب:في سؤال ؟؟

الاعتصام يتفك متين؟

بكرة يتفك الاعتصام يا دكتور

الليلة الخيمة تشرفت بزعيم كبير مرحبا بابو احمد

*نكرر عشان حاتم يسمع

-القصة ما فك اعتصام

القصة قصة شعب عاش في شتات عايز يشوف عيشة الزحام

-عايز يشوف ايه الفرق بين الاسود وسرب النعام

-عايز يشوف منو السرق حق الحريم وحق الايتام

-عايز يشوف من السرق عرق المساكين الكرام

-عايز يشوف منو اللئيم ابن اللئام

-غدا يتوصل للحقيقة وغدا يفك الاعتصام!!

عبد الواحد جبريل كتب:الليلة الخيمة تشرفت بزعيم كبير مرحبا بابو احمد

*نكرر عشان حاتم يسمع

-القصة ما فك اعتصام

القصة قصة شعب عاش في شتات عايز يشوف عيشة الزحام

-عايز يشوف ايه الفرق بين الاسود وسرب النعام

-عايز يشوف منو السرق حق الحريم وحق الايتام

-عايز يشوف من السرق عرق المساكين الكرام

-عايز يشوف منو اللئيم ابن اللئام

-غدا يتوصل للحقيقة وغدا يفك الاعتصام!!

مشكور يا دكتور

سمعت بس احترت في الجواب

كان الله في عون الشعب المغلوب علي امره

اعتصام وظلم حكام

صراع قيادات وناس تتصارع علي الفتات

</li>
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]
يا الناسي اللبقة المفتوحة

دي بلاك طوريتك ما بتقرع
عجبني تعبير اخونا حاتم قلت انقله الي الخيمة
كتار النسين اللقبة مفتوحة زلكن غير دارين

يا اخونا الحدوري وينو عساه شديد

لم اري له اثر في كل البوستات

يكون استنفروه ناس الدفاع الشعبي!!

من طرف **ود المناصير** الثلاثاء 06 مارس 2012, 4:31 pm

الدكتور عبد الواحد .... سلام

يا أخي خوتك مالا كعبة كدا ...

اخوك فاتح موية في بار ... السبلوقة وقعت ... الحوض كرنك ... اللبقة اتماصت

مساعدة ما في ؟ كونشبر ما في ؟

بالغت عديل

سلام يا راقي

الرائع ود المناصير الخيمة ترحب بك

-كلامكم بي هناك كلام كبار كلام جادي ما فيه ظهار ونحن كلامنا يغلب عليه الجانب الاخر

-لكني جاييك بعدما افهم الحاصل لاني بصراحة اصبحت ما فاهم

من طرف **عباس محمد** الثلاثاء 06 مارس 2012, 5:04 pm

ماشاء الله تبارك الله
والله ونستونا وفكيتوا مننا التنشنة حبة
دكتورنا عبدالواحد ماشاء الله تقول
قاعد فى برندة الجعل انت حضرت الى البلد
ونحن ماعارفنك والله شنو
واصل
ونحن
مستمتعين

تسلم صديقي عباس وربنا يروق المزاج

+الناس تفتش في الرايحة

نحكيها لاحقا

الاستنفار ذكرني قصة

ايام قصة قانون التوالي ومفاوضات والسلام

احتجت مجموعة من الشباب المجاهدين في ذاك الوقت

وطلعوا بيان باسم المرابطين وضحوا فيه رفضهم للوضع الحاصل

وبينوا ان في ذلك خيانة لدم الشهداء وتضحياتهم

المهم كثرت تحركاتهم

تم جمع هؤلاء الشباب في معسكر المرخيات بلقاء مع علي عثمان

اسف شيخ علي

قال ليهم يا شباب نفترض انه عندنا مناسبة زواج وجايبين ترباس فنان للحفلة

قبل الحفلة الناس بتتعشى العشاء قطع

اها في الحالة دي لوطلعنا ترباس يغني الحا يحصل

انه الناس تنشغل بترباس يا نسوا العشى ولا دبرنا ليهم في الفترة دي

اها دا المقصود من التوالي نشغل بيهو الناس

لحدي ما ننظم صفوفنا ونجهز

حاشية : دي نظريات الحكومة

الناس لقوها زمان

-الناس مشت تفتش في الرايحة والناس براها صبحت رايحة

-واحدين قالوا شفنا الشافة

-واحدين ما عارفين شنو الرايحة وجارين مع الناس

+اخري

-دن بولائك للسادن دن

غدا تترمل زوجتك ان لم تنحن ...دن بولاءك دن

الخفض .. الرفض مفض ...

الطاعة ترفع صاحبها فوق رماح العز...

فلا غض الرفض الغمض...اذا اغمض من حولك عينيه روض عينيك علي الغمض

من طرف **ود الطرشان** الأربعاء 07 مارس 2012, 3:53 am

ثالث : خارم بارم

شاب في مطعم سأل واحد

ممكن اقعد جنبك ؟!

رد الواحد بصوت مرتفع

قلت شنووووووووو ؟!!!

داير خمرااااا ؟!!

كل من بالمطعم التفتوا للشاب وهو مصدوم ومحرج

ثم بعد دقائق معدودة

مشى الواحد باتجاه طاولة الشاب بهدؤ

ثم قال له

انا بدرس علم نفس

وكنت بعمل اختبار عن الانسان وقت يكون محرج

ثم صرخ الشاب

لا حولاااااااااااااا ... حقنة الهروين بــ 200 الف

ليه شنو ..!!

وكل من بالمطعم نظر للواحد بأستغراب شديد !!

ثم همس الشاب للواحد

وانا محامي وعارف كويس كيف أقلب القضية عليكـــــــــ

خبر عاجل

افادت مصادرنا بان صاحبنا صاحب السمكة وصله خطاب امس من السمكة ردا علي خطابه

-العيون قالت سوف نخططف هذا الخطاب ونرسله الي الشاعر محمد بروي

مصادرنا شافت فوق الظرف مكتوب الاتي

السواقي النايحة عز الليل ...حنين الدنيا مأخوذ من بكاها
زي طيورا في الفروع قاعدة تفتش جناها

والدعاش والغيم رزازن بالفرح بلل كتوفنا

والنسيمات البهبن ديمة راقصات في قلوبنا

....اوع ليل الدامر ينسيك ريحة الطين في جروفنا

نحنا راجعين في المغيرب ...في الديار لاحد يشوفك ولا يشوفنا

يعني انسرق براحة وتعال!

عبد الواحد جبريل كتب:مصادرنا شافت فوق الظرف مكتوب الاتي

السواقي النايحة عز الليل ...حنين الدنيا مأخوذ من بكاها
زي طيورا في الفروع قاعدة تفتش جناها

والدعاش والغيم رزازن بالفرح بلل كتوفنا

والنسيمات البهبن ديمة راقصات في قلوبنا

....اوع ليل الدامر ينسيك ريحة الطين في جروفنا

نحنا راجعين في المغيرب ...في الديار لاحد يشوفك ولا يشوفنا

يعني انسرق براحة وتعال!

الدكتور يرفع شعار جديد