حبوباتنا والطب

عند الاصابة بحرقان حبوباتنا وامهاتنا يقول ليك اشرب عطرون او جردقة وهو فعلا علاج فعال للحرقان

طبيا ان الحرقان سببه زيادة في حامض الهيدروليك في المعدة والجردقة طبعا هي كربونات صوديوم

ومعروف ان الحمض لما يتفاعل مع قاعدة النتيجة ملح زائد مويه

حياك الله حاتم

في كثير من الاوقات مرجعية العلاج عندهم (العلاج البلدي )افضل بكثير من الطب السوداني

للاسف الشديد!!!1

شكرا الاخ حاتم وايضا نلاحظ اهميه العلاج بالحرجل والمحريب فهو دا فائده لكثير من الامراض ونجد الحبوبات يوصن به دائما

ساري الليل كتب:حياك الله حاتم

في كثير من الاوقات مرجعية العلاج عندهم (العلاج البلدي )افضل بكثير من الطب السوداني

للاسف الشديد!!!1

مشكور اخونا ساري الليل

بالنسبة للطب في بلادي انتهى العزاء بانتهاء مراسم الدفن

نجلاء زمراوي كتب:شكرا الاخ حاتم وايضا نلاحظ اهميه العلاج بالحرجل والمحريب فهو دا فائده لكثير من الامراض ونجد الحبوبات يوصن به دائما

مشكورة اختنا نجلاء

كلامك صحيح الحرجل طارد للغازات ومفيد للمعدة وايضا منظف للمسالك البولية وحبوباتنا ما وصو به ساكت

فتح الرحمن عبدالرحمن وراق كتب:مشكور حاتم

العلاج البلدى وخاصه بتاع زمان

مفيد

بس مفروض الجهات الرسميه

ولا وزارة الصحه يكون ليها كلمه فى الموضوع ده

وانا ما عارف اذا الحاجه دى موجوده ولا لا

تورينا اذا كان فى اى وصفه من هذه الوصفات فى

ضرر من استعمالها ويطورها كمان

مع انو الناس تركتها خالص

تحيتى

مشكور اخونا فتح الرحمن

هناك ادارة الصيدلة تابعة لوزارة الصحة فيها ادارة تعنى بالطب البديل

وهناك فعلا بعض الاعشاب ضارة ودايرة معرفة لكن نحن بنتكلم عن الحاجات البسيطة حقت حبوباتنا وامهاتنا في البيت