الماغــــرق مابيعرف يعـــــــــــوم

[qصغير دابو هبهب ريشو قام
uote][/quote]
ظهرت عليها علامات الأنوثة..

النفض جنحينو غلبو يطير وعام

يعني تأويلها( دابو فريخ يعوم.زشال منام عيني احماني أنوم

الماخدم بايدو مابيلقى النفيستو تريدو

يعني لو ما بقيت زول قامة في العلم والمادة البنوت يرفضنك وما بتلقى ليك حتاً سمحي تعرسك..
...........
سلمان إنت في التراث ضليع.. بس حارمنا مالك ومخلى لى صفحة الخرج دي مميلي عليا طوالي؟خايفا تقلب السرج من فوق ضهر الحمار..

أي واحد فينا ضاق ليهوغرقة في العوم..
وكان عمرك وصل ثمانية سنوات وما تعلمت العوم يقولوا خملة..
9 سنوات الواحد فينا يقطع البحر.. بلا طرورة
ياخي كنا لابنخاف من تماسيح ولاحاجة.. لا أدري كانت قوة قلب والله جهل يا سلمان؟
السنطة بتاعة النعوفاب ديك نطينا من فوقا جنس قرو؟
وبعدين لما نجوع.. نكمرق التمر وجنب السنطة الناس يزرعو البصل ويكون حصدوه زمان لكن نفحت الحيضان نلقى البصل الدقاق باقيهو لسه، ونمصر عليهو الليمون من ليمونة علي ود اب أبيد الجنب السنطة أو ليمونة الطرشان المنها غادي؟
ونحن طبعاً حضرنا زمن ساقية النعوفاب وسقنا فوق تكلا..
والبقر جنبنا مربطة في التمر وواحدات عجول يأدبوا فيهن مسوين ليهم الصريمي.. كل مرة تسمع نحيح التيران والعجول..
ولما نجوع تاني نروح نفلع الدومي التحت صالح ود عسكوريي..
بعد كدة أماتنا يجوا يكوركوا لينا للغداء وينهزرونا عشان إتأخرنا على الغداء وابوك منتظرك للغداء.. وتكون أختك والله أمك جايي شايلا ليها قزازة أصلا جاية دايرة ليها زيت من الدكان..
ونحن ننط في القرو يكوركن لينا( الليلي ابوك كتلك؟ ابوك حارسك للغداا).. كنا لانشعر بالزمن.. ونتمنى أن لاينادونا

الاخوين صديق وسلمان نقول شنو نقول بدون تعليق لكن انا زمان سمعت لي كلمات اغنيه ترددها حبوبتي الله يرحمها وتقول ( حالي حال الفاقد جناه عاينو لي بين الموجات وما لقاه صفق ايديه ورجع بلاه )

وبصوت جميل جدا داير اعرف التكمله وهل هي في قصيده ياقميريه قوز رجب

هذه الكلمات نقشت في الذاكره وهي معبره جدا لكن صديق دايما يربط المطلوب باالبنوت يعني ماضروري النفس طوالي مفكره في البنات

[quote][حالي حال الفاقد جناه /quote]
تأويل المعاني في كلمات الأغاني
برضو الشاعر المنصوري مشا وجاء للبنوت يا هاشم
هو حالو زي الفاقد جناهو؟ من شدة الوله، والهيام، والتتيم، والعشق، والغواية، والصبابة، والجوى
لكن هو ما فاقد جناهو
وقد قال قال الشعر ذلك
هو فاقد حبيبو..
يعني حالو زي الفاقد جناهو
يشبه يعني.. وعمرو ما بيكون المشبه زي المشبه به..
يعني مثلا( البنت كالقمر) عمرها البنت ما بتكون قمر ولا القمر بيكون بنت ولكن بلاغة التشبيه..

عاينو لي بين الموجات وما لقاه

مشى يزيد في الوصف والحسرة..
بين الموجات مابين الرفض والقبول إنو يدوها ليهويعرسا والله لا.. وهنالك مدارك وصعوبات كتيرة لاقتو.. ورمز لها بين الموجات

صفق ايديه ورجع بلاه

لم يحالفه الحظ في أن يتزوجها
برضو مشى وجاك يا هاشم الشاعر المنصوري للبنوت
لاحظ الفرق الدقيق يا هاشم
ده ما أنا
أنا زول تراث بس بروي تراث أهلك بس؟
و وموش ضروري أتقمص كلام الشاعر
يعني زولك مشى وجاك صاد للبنوت.. يا هاشم..

صديق داير القصيده التكمله الابيات التي ذكرتها لو امكن مع الشكر

اما عن الوصف فهو وصف معبر وفيه حنيه كما انه يرجعني الي البلد مباشره واتخيل الصوره وفي خيالي الموجات هي تلك المنطقه بين سور وتبت ( النيل في هذه المنطقه بين سور وتبت له سحر خاص في نفسي )

نعم بفتشا ليك عندي أوراق كثيرة فيها حاجات يا هاشم
لكن هاك من اشعار سليمان ود نصر
في العوم والبحر
يا دييسة شلال تبت
موجا بالحجرات يكربت
نحن في ريدك ندسدس
وإنتى سويتيلك عرس؟