البنت الحديقة

بوست راااااايق



طبعا ضحكت ضحك للمقطع دا

خلى يمشى لى ربو حاضن عودو ده عشان يكسروا ليهو فوق راسو

الله يرحم موتى المسلمين



ربنا يجعل خاتمة ايامنا فى الدنيا دي

رفقاء للمصحف والمسجد

الله يرحم طلال مداح

كلام جميل
انا شفت طلال المداح لمن كان بغننى بالعود وهو قاعد فى الكرسى
منظر مؤثر شديد خلاص
والله يرزقنا حسن الخاتمة زى الزول المات وهو ساجد

الله يخلي الحكومات البي الاخلاق دي
ماهي دي الصفات البتخلينا بنحب اهلنا وبلدنا ناس واثقين من نفسهم ميه في الميه وانشاءالله حسن الخاتمه
زي خالنا المات في صلاه الصبح في المسجد
وبنه عمتنا الماتت في الحج
وغيرهم كثر نسال الله ان نكون مثلهم

البنت الحديقة..جمال خلقة واخلاق.. وزيها اشبه بالحديقة ذات الألوان.. وكمان من اي موضوع عندها فيه ثقافة..حديقة تجمع ثقافة العصور كلها.كما الحديقة الغناء فيها جميع الأزاهير، ذات الألوان الفاقعة والغامقة.
إذا جالستها يطالعك الفكر والتدين وقوة الشخصية منذ الوهلة الأولى.. تستفيد منها.. عصرت تجارب علومها في قلمها.. حديقة غناء.. وارفة الظلال، يستظل بها الزوج والاخ والوالد والزميل، يستظل بها من وهج الشمس.ووعثاء السفر.( ووراء كل عظيم إمرأة)
ذات وداد مسكوب
وطلح ( دخان) منضود
وظل ممدود
لا بارد ولا حرور
صُهرت فيها علوم الأولين والآخرين، فسالت في ملاعب جـُنة ، لو سار فيها سليمان، لسار بترجمان.
...............
رجعنالك

البنت الحديقة
يعني وهبها الله سبحانه وتعالى جميع الصفات الحسنة.

أهسه الزول القالتو انتصار ده يعملوا ليهو فطور عريس وهيلمانة وكدة
لو لقا ليهو بنت حديقة، مكملة من صفات الدين والدنيا معقول يرفضا عشان يقول ما عملوا لى فطور عريس؟
بالله فطور عريس شنو؟ وكلام شنو؟
الرسول صلى الله عليه وسلم قال : ( أحسن النساء بركة أقلهن مهورا )
وقال : أظفر بذات الدين تربت يداك..

نجلاء زمراوي كتب: الله يخلي الحكومات البي الاخلاق دي
ماهي دي الصفات البتخلينا بنحب اهلنا وبلدنا ناس واثقين من نفسهم ميه في الميه وانشاءالله حسن الخاتمه
زي خالنا المات في صلاه الصبح في المسجد
وبنه عمتنا الماتت في الحج
وغيرهم كثر نسال الله ان نكون مثلهم

لك التحية أخي .. صديق أبو حنة .. والله العاجبني فيك الصراحة والوضوح مع حكومتكم.. وشكراً على الشفافية.. مش بتاعة ناس حكومة المؤتمر الوطني. الشفافية الأصلية.. على أي حال لقد تذكرت واقعة مرت بي حبيت أن أذكرها.. والله والله أتذكر يمكن قبل سنتين أو ثلاثة جاء أخونا سفيان من جنوب المملكة الحبيبة مع عمه (الفنان عادل عثمان الطيب) وكما يحلوا هنا للمغتربين الواحد يسمي مديرك أو كفيلك أو من يكون له فضل عليك وهلما جرا. وكان عادل عنده حفلة واتصل علي مساء ووصف لي الإستراحة وأيضاً بلغني بها الأخ الدكتور الشاعر الشايقي صلاح الرشيد رجل كريم وطيب وهو صديق عيسى بروي ومعروف للجميع في الرياض باسم الإستراحة وعندما بلغت أهلي أنا ماشي أقابل الأخ سفيان ونتونس - والله بصدق قالوا لي يا أخي دي ليلة الجمعة تمشوا تسهروا مع الطرب والغناء.. . وبالفعل ذهبت وأنا ساعتين بلف حول المنطقة بالرغم بعرفها جيداً ولم أجد الإستراحة.. لله في امره شئون .. ورجعت بخفي حنين.

نسأل الله العفو والعافية.

والتحية لك صديق مرة أخرى وللمعاك كلهم في المنتدى (والأستاذة نجلاء خاصة) وخارجه.

فعلا قصة عجيبة يا الزعيم عبد الغني..

السلام للخال أولا وقبل كل شئ والتبجيل وكل فروض الولاء والطاعه والتعلم...
(طيرو فوق العرجون صدح)...
فاهمنى يا خال طبعا!!!!!!!!!!
لأن نبيح الكلاب لا يتناسب مع البلابل الصادحه والصدوحه التى تصدح بالغناء وتنثر الأفراح...
(بلبلى الصداح..زينه كلو سماح مالو ما جا؟)
(فتيل الرش لونو أخدر قش)مالو ما جا؟؟
العبير الفاح..بهجة الأفراح..
لك الود والتحايا...
بعثت بدواخلى هذه النبحه لما يجرى الآن فى (المناصير) الخيار المحلى من نباح غير مجدى..ويحمل إساءات بالغه لهذه القبيله العزيزه المحبوبه للنفس والإنتماء الحق!!!!!!!!!!!

أعرف أن الموضوع قديم متجدد مثلما أنك تحافظ على بهاءك وجمالك وشبابك يا خال صديق!!!!!!!!!!!!!!

تسلم ود الأخت
الذي يحصل في المناصير الآن
غاغة
أو صـلّبة

من غير تحيز ....

اروع البوستات وانقا ءها

ويزيدها نقاء وجمالا مرور الاستاذ الرائع عبد الغني

والدفعه التائب ود الحمود

واصلو يا مبدعين ..فالمواضيع الجميله المثمره هي التي تجذب الاعضاء الي المنتدي.....قايتو اكان سمعو راي يكون في منتدي خاص بالقضيه فقط يتكافتو فيهو زي ما دايرين...

اكثر ما تعجبني مداخلات الاخوه المغتربين ..مداخلات صادقه ...حنينه...عفويه ...لا يجرحوا لا يزعلو...رد الله غربتكم وانشاء الله ترجعو ا سالمين غانمين

تسلم الاستاذ عبد الغني

البنت الحديقة مكملة من كل شئ
خلقة. وخلق. ودين