تهنئه بالعيد السعيد

يا فرحة العيد جوبي أرض وادينا وباركي أهله السمر الميامينا ..
وهنئ وأملئ الآفاق شامخة من السعادة ما يُبقي أمانينـــا . .
أسأل الله في هذا العيد المبارك أن :-

يجعل لباسكم السندس

وعطركم المسك

وشرابكم الكوثر

وبيتكم الجنة

ويفرج همكم

ويوسع رزقكم

ويغلق أبواب الغم والحزن

ويجمعكم من تحبون

ويرزقكم لذة النظر إلى وجهه الكريم

اللهم آميــــــــــــــــــن

اللهم امييييييييييييييييييييييييييييييين يارب العالمين

وكل سنه وانتم طيبين

كل عام والجمبع بخير اخص بالتهنئة سكان المنتدى تحية خاصة جدا للاخ مصطفى والدى له مكانة عندى وهو والحاج شرف عبره تحية للاخ حاتم

كل سنة والجميع بخير ... والمناصير بخير ... إلفة وحبة وخوة للأبد

شكرا استاذ مصطفى

تقبل الله منا ومنكم صالح العمل **عيد مبارك اعاده الله على الجميع بالخير واليمن والبركات

كل عام والجميع بالف خير تقبل الله منا ومنكم الصيام والقيام

كل عام والجميع بخير وعافية وتقبل الله منا ومنكم صالح الاعمال
اخي مصطفي تحياتى لك ولاسرتك وكل عام وانتم بألف خير وربنا يحقق الاماني ويجمعنا واياكم في اسعد الاوقات ويجعلكم الله دائما من المبادرين الى عمل الخير الموفقين فيه

كل عــــــــــــــــــام
والمــــــــــــــناصير بألـــــف خــــــير
والله يحقق الاماني

العيد مبارك على الجميع -

وان شاء الله من العائدين-

-

كل عام وانتم بخير وونسأل الله ان يتقبل صالح الأعمال وان يجمعنا مع بعض في العيد القادم تامين ولا مين ونطلب من جميع الأخوان الدعاء والعفو والمسامحة

كل سنه وانتم طيبين اخوانى واخواتى فى المنتدى

وان شاء الله من العايدين

والسنه الجايه تاميين ولاميين

وربنا يحقق امانيكم

والعفو والعافيه

نزج تهانى العيد واسمى التبريكات لجميع رواد المنتدى بعيد الفطر المبارك اعادة على السودان والمناصير خصوصا على احسن حال

كل سنة وأنتم بخير والعيد مبارك على الجميع والعفو والعافية وربنا يحقق أمانى الجميع _

كل عام والجميع بخير وبلدنا تنعم بالامان والسلام
وديار منصور تنعم بكل خير ياااااااااااااااااااااارب

كل عام والجميع بخير ارجو ان يتوحد بوست التهنئة بالعيد هنا فقط

- القصيدة ادناه كل عيد بنزلا فى بوست التهنئة بالعيد وخاصة العيد الصغير لانها تصور تصوير بليغ العيد فى البلد وتصف طقوسه

وهى من كلمات الاستاذ محمد الحسن قمر الدين فيقول


لو بقيت بالجد زول سعيد
فى البلد يوم تحضر العيد
وتبقى جيت من مدن الصعيد
فى الملابس شايل الجديد
والقروش فوق المليون تزيد
والأهل مبسوطين شديد
كل زول يطلب ما يريد
فى قرايبك حتى البعيد

وتبقى راجى العيد منتظر
وماتحاول تبعد شبر
تتمم الناقص تنجبر
وما بهمك لو كان كتر
ولى حلاوة العيد تحضّر
وحتى للشربات والعطر

ويوم يكون للعيد باقى يوم
ويسهر الترزى مع الهدوم
والفرح مالى الناس عموم
ومن عيونن طيّر النوم
فى الدغش بدرى الحرّوم تقوم
اللقيمات تلقاها كوم
والفطير فى صحنو مردوم
واللبن فوقو سمن يعوم
والشعيرية محضّرة
والشاى كبابيهو متمرة
والفوط سمحة مشجرة
والأكل داك شيتا برا

والخلق قامت بدرت
أتسمحت واتعطرت
وبى ملابس العيد غيرت
والمراتب افترشت
والملايات فوقا ظهرت
والصوانى خلاص أتملت
والخلق جملة استعدت
يتلموا عاد الناس للأكل
داك قاعد وداك ينزل
وداك ياكل وداك يغسّل
فلان وصل وفلان ما وصل
دا الصحن مليان وداك كمل
كل زول يشبع يندبل
ويركب الشارع يقبّل
بى صينيتو سماحى يقدل

والاكل بعدو الزيارات
نمشى للجيران بانبساط
ونرفع الليد لى سلامات
والقابلى عاد ان شاء الله عرفات
المباركة والتحيات
وأحلى بسمات وأحلى موضات \
والترابيز فوقا حاجات
ولى فتايل الريحى جاهزات
وهاك حلاوة وجاى شربات
والفطير حتى اللقيمات
والخبيز تلقاهو مرات
وفى الزقاقات والممرات
داكا جاى وداك قريب فات

ومن بعد دا الحال يصلّوا
والمديح لابد يقولوا
ويرفعوا الفاتحى ويشيلوا
وبى دريبن عاد ينزلوا
يمشوا للماوصلوا يصلوا
وكل زول يرجع محلوا
الاكل راقد يخلوا
ومن قبل من الناس يملوا
يظهروا الخلان يطلوا
وزى بشاير الخير يهلوا
وبى كلامن زين يسلوا
والحديث بالحيل يعدلوا
يطروا للرحلات يدلوا
والمهرجان معروف دا اصلو

تلاته يوم والعيد فات رحل
وكل زول يرجع للعمل
البعيد لى سفرو عدّل
والقريب لى شغلو عجّل
واى زول فى دربو قبّل

كل عام وانتم بخير-

اتمنى ان تتوحد التهنئة بالعيد بان تكون فى هذا البوست -

حتى لاتتفرق التهانى -

وان تتلاقى الناس كلها-

انت يا عيد مرحباً بك ياعيد من جديد
أنت اقبلت زائراً فلبسنا لك الجديد .
كل سنه وانتم طيبين اخوانى واخواتى فى المنتدى

وان شاء الله من العايدين

والسنه الجايه تاميين ولاميين

وربنا يحقق امانيكم
ويتقبل منا ومنكم صالح الاعمال

والعفو والعافيه
عفو الحياة واللمة .

كل عام والجميع بخير ... وان شاء الله من العائدين وتامين ولامين

يارب البسمة تضى وجوهكم والفرح يملا حياتكم والسعادة تبهج قلوبكم يارب عمركم كلة عيد وسعادة وهناء
عيد فطر سعيد ينعاد علينا وعليكم بالخير واليمن والبركات

كل سنة والجميع بخير

كل سنة والمناصير بخير

كل سنة والمناصير أكثر قوة وروعة وجمالا

وإن شاء الله يا خالد عابدين المعايدة الجاية تكون في دار ابناء المناصير في قلب الخرطوم

قول يا رب

ودمتم

العيد مبارك عليكم إخواني بالمنتدى والعيد مبارك على أهلنا في المناصير وفي عشرة والمكابرات والعيد مبارك على جميع أهل السودان العيد في المناصير تجلي في أبيات الشعر التي اوردها الابن سلمان عقيد والله هذه الأبيات ذكرتني الماضي وزرفت الدموع من عيناتي ، والعيد في الغربة صوره كل من أخونا عزالدين محمد علي والابن نور الهادي ومن هنا أحيه والأسره لأنه في غربتين غربة خارج السودان وغربة خارج الوطن العربي والإسلامي له التحية . ونسأل الله أن يعود علينا عودة بعد عودة ونحن في صحة وعافية والجميع بعافية ونسأله اللهم عمرا مديدا وعملا حميدا.

كل سنة وانتم طيبين.
كل سنة وانتم بالف خير واكثر ترابط ووحده وموده ورفعه.
كل سنة والمناصير مصوره بإذن الله.
ربنا يحقق امانيكم جميعا

كل عام وكل اهلي بالف خير نسال المولي القدير ان يتقبل منا ومن الجميع رمضان وان ينعم علينا بنعمة الصحة والعافية وان يبلغنا رمضان ونحن كالجسد الواحد وان يوحد كلمتنا ويجمع شملنا علي الخير ويسدد خطانا (آآآآآآآآآآآآآآآآآميييييييييييييييين)