في ناس كتار قالوا لى عايزين نشوف صورتك هسي دي

مشكور عمنا .. بس تحت الطاقية في شنو ؟ شكلها صلعة كبيرة
والاشبال الحلوين ديل ربنا يحفظهم ويحفظك ليهم

ود المناصير هسي دي ناس صغار في المنبر ده عندهم صلعة
نعم شوية صلعة بس ما أكبر من صلعة سلمان عقيد.. ونحن وناس سلمان عقيد ده نلعب سواا ونطينا( القرو..) و( مزيرقي من سنطة ساقية النعوفاب سوااا..)
ننط القرو ملط.. ميطي.. عشرين تلاتين ولد.. وأماتنا يحشن القش جنبنا والله يقطعن ليهن في ليمون من ليمونة على ود ابيد والله ليمونة الطرشان وزول بي يعاين لى زول مافي والبنوت يلعبن جنبنا.. شوف البراءة دي عليك الله البي تشبه براءة ابونا آدم وامنا حوة.. تربية خطيرة وبراءة وفطرة طبيعية غير ممسوخة..شوف أحكم الحاكمين قال شنو!!(يَا بَنِي آدَمَ قَدْ أَنزَلْنَا عَلَيْكُمْ لِبَاسًا يُوَارِي سَوْآتِكُمْ وَرِيشًا ۖ وَلِبَاسُ التَّقْوَىٰ ذَٰلِكَ خَيْرٌ ۚ ذَٰلِكَ مِنْ آيَاتِ اللَّـهِ لَعَلَّهُمْ يَذَّكَّرُونَ ) شوف فاصلة الآية جات في شنو!( ولباس التقوى ذلك خير) يعني لو مافي تقوى.. اللباس برضو ما بينفعك! اسع تلقا واحدات محجبات، برضو الناس يعاينوا ليهن في عيونن ديل، الجزء الباقي من الحجاب ظاهر..

أكتر من كدة.. ناس حمود بروي ده. يجوا بالحدريبة من شري ملط ميطي عشان يقطعوا ليمون ليمونة الفكي علي ضقولي في الغرب ويطلعوا عادي الصنهارية ما الناس ضاربي البيوت مافي زول بي يشوف.. وعادي كان جات مرة تمعط لها ليف.. والله تربط لها حمارة في ضل تمرة عادي.. ولاد دون العاشرة مافيها شئ..
عيسى بروي قال مرة نسوي في الحدريبة ركزنا في الضقولة ملط.ز قطعنا الليمون بتاع الفكي.ز الفكي حشكنا وقطع ليهو سلميي ويلا فوق ضهورنا ونحن جري على البحر.. قال عيسى لحقني قشطني سلميي فوق ضهري لسه ولى يوم الليلي اثرها باين

عشان كدي قلنا وبعيدا عن ساس يسوس انو نحن خيارنا محلي .. وبعدين بلدنا لا زالت بخيرا ولسع الراجل ولي امر الحلة كلها
واسع نحن في المدينة ان جاك جناك باكي تقوم تمرق وتشوف الدقا منو وهاك يا مشاكل
لكن في البلد ..
الولد دقاهو منو ؟
دقاهو ود ابو حنة
وبكل براءة نقول صديق دا لو ما الولد غلط ما كان دقاهو

صاااااااااح يا ود المناصير

يا عمك .. الليلة الحاصل شنو ؟ فتشت المنتدى وما شاء الله لقيتك مصبح ومقيل وممسي كمان .. باقي الناس وييين ؟
الله يديك العافية

نسوي شنو؟ الحكومة بتاعتي راحت الشغل يوم الجمعة خلتني ومافي حاجة أتسلى بيها.. بعدين نعمل شنو؟ الله إبتلانا بي مجموعة من الناس المسجلين هنا في المنتدى تستهلك ولاتنتج.. قلنا نساهم عشان المنبر ما يكون طارد. ما شايف في بوست كان مفتوح بيقول( كاد منتدى المناصير بلدي أن يصبح مملاً).. طالما انا عضو فيه.. تقع عليا شئ من هذه النظرة بتاعة صاحب الموضوع في الملل.. مذنب في الملل. عشان بحاول أنو الناس لما يفتحوا يلقوا حاجة جديدة.ز وبروض مقصرين..

ود المناصير ما تسحرني روح زور صاحبك عيسى كان فايق!!!

فى البدء تضارب انطباع من لا يعرفك بين صورة ذلك الشاب اب شال وكتابات الرجل الذى اثقلته التجارب والذكريات الماضيه
فكان لا علاقة للصوره بصاحب الكتابات الثرة المفعمه بالخبرات والتجارب
فهكذا افضل أميرة على كتبت

لسه شباب يا أميرة وقلبي شباب شديد وجسدي يقول ذلك.. قلبي قلب زول في العشرينات ملئ بالحنان والود والدين والعاطفة لامن يدفق.. الرب رب قلوب وقال صلى الله عليه وسلم يا أميرة..( ألا إن في الجسد مضغة، إذا صلحت صلحت سائر الأعضاء وإذا فسدت فد سائر الجسد)

صديق عبدالله علي أبوحنة كتب:ود المناصير ما تسحرني روح زور صاحبك عيسى كان فايق!!!

الصلاة على النبي ... وعيني باردي

نور الهادي
بسحروك يا السمحة خايف يسحروك
في رقيص الحفلة خايف يسحروك
هكذا قال عادل السيد
.....
تتذكر آخر مرة قابلتك وين يا نور الهادي؟
في شركة البرجوب في شارع البلدية. نحن مغتربين نجي نبدل الدولارات
قبلها وقبل فترة جيت في إجازتي وأنا مغترب قابلتك راكب حمارتك جنب الترب ماشي في إتجاه السلمات.. وانا راجع من القبلي كنت اسلم على أخوالي في الشرق.. سألتني قلت لي صديق صورتي ديك وينا.. قلت ليك برسلا ليك

المرة دي في إجازتي راح نعدي يوم مع أبومصطفى... البركة فيكم ياخي