كمان فنانكم عيسى بروي كتب دي في نور الهادي ورسلها لى على الموبايل

يا المشغول بي وشايل همي
ويا الأحنه على من ود أمي
يا الحبك جاري مع دمي
شكرك صار ليا حديث فمي
يا جاعل السما مليان بالمى
لابيقع ولاشيتاً يرمى
وقش الخلا غير تيراب ينمي
وياجاعل الكون بالليل ظلمي
نور الهادي يعيش في عافية ونعمي
وتحفظوا من كل كربة تحمي
وتكسيه العافية قميص وعمي
...............
ما ضروري طبعاً نعرف نور الهادي عمل شنو حتى حرك مشاعر الشاعر الفنان؟ مجرد تحريك المشاعر نحو المريض خير كتير..

من طرف **نورالهادى** السبت 11 يونيو 2011, 5:52 am

استاذنا الكبير الباشمهندس صديق تحياتى لك وللقامة عيسى بروى وانا والله انحنى خجلا ان أتحدث عن القامة عيسى بروى الانسان قبل الفنان وانت موجود لانك انت أكثر الناس معرفة به ويكفى انك غنيت معه ثنائى شيرى الخضراء .

فى البداية انا الاخ عيسى بروى تربطنى به علاقة قوية جدا بحكم علاقتى بالاخوان موسى الامامى وعبد القادر عبدالحميد والجيلى . وللذين لا يعرفون عيسى بروى فعيسى بروى أغنية منصورى موقد نار فصلت له تماما فكل الصفات المنصورية الوردت فى الاغنية نجدها فى الاخ عيسى ولذلك أبدع فى آدائها .بالاضافة الى ذلك عيسى بروى انسان حساس جدا لدرجة غير عادية ويخشى ان يضائق الآخرين فهذه الصفة زادت عنده احساس اللطافة فلذلك تجده دائما لطيف فى حديثه , لطيف فى تعامله مع الآخرين وهذا مما زاد من شعبيته .أما ما لا يعرفه الجميع فعيسى بروى انسان حنين لدرجة دمعته على خده ابسط المواقف تبكيه ,فما بالك فى انسان بهذه الرقة ان يصدم فى أهله الذين غنى لهم ورفع اسم القبيلة فنيا وتعريفيا ففى السودان ناس كتار جدا عرفوا المناصير من خلال عيسى بروى .ولذلك كل هذه العواطف الجياشة والرقيقة هيجها اتصال بسيط من منصورى ناجع يسأل عن صحة قامة من قامات بلاده , وللجميع والله العظيم عيسى بروى ما محتاج من المناصير اى شى سوى ان يشعر بأنه عنده عزوة واهل .وحتى فكرة العلاج فى الخارج التى اخترعتها فعيسى بروى عنده من العلاقات ما تكفى لعلاجه فى اى بلد يريد واضافة الى ذلك اخونا محمد بروى مهنته الاساسية دكتور فممكن يعمل لعيسى دعوة ويعالجه فى أرقى المستشفيات السعودية ولكن انا حبيت المبادرة ان تكون باسم ابناء المناصير لكى نرد لهذا الرجل جزء من جمائله على كل اهل القبيلة . ونسأل الله ان يمتع القامة عيسى بروى بالصحة والعافية ولى عودة فى هذا الموضوع للكتابة عن اسبوع التضامن مع فنان المناصير الاول عيسى بروى .

من طرف **م بروي** الأحد 12 يونيو 2011, 5:05 pm

صديقنا نور الهادي
سلامات
تشبهك هذه التصرفات الدالة
على نفس مشحونه بكل جميل
وعامرة بحب تراب البلد وأهل
البلد وكل تفاصيلها
شكراً أيها الزول السمح الزين

من طرف **م بروي** الأحد 12 يونيو 2011, 5:08 pm

صاحبك عيسى ده كل ما نشتري
اقامة ويجي هنا ياخد اياماً
قصيرة ويسافر بتأشيرة خروج وعودة
يقولك عودة شنو؟؟؟ الحج وحجيناهو أكتر
من مرة ويمشي ويقعد لامن فترة الإقامة تخلص
ويرفض يجي وأنا لما كنت معاهو في الأردن
عرضت عليهو يجي يكمل علاجو عندنا ورفض
نسوي شنو؟؟ الشكية لله

كمان فنانكم عيسى بروي كتب دي في نور الهادي ورسلها لى على الموبايل

كمان فنانكم عيسى بروي كتب دي في نور الهادي ورسلها لى على الموبايل

رد: كمان فنانكم عيسى بروي كتب دي في نور الهادي ورسلها لى على الموبايل

رد: كمان فنانكم عيسى بروي كتب دي في نور الهادي ورسلها لى على الموبايل

رد: كمان فنانكم عيسى بروي كتب دي في نور الهادي ورسلها لى على الموبايل