تشكيل وزارى حجار سيجه

من طرف **(الحاج شرف)** الثلاثاء 15 يونيو 2010, 2:43 pm

التشكيل الوزارى الجديد ومايلينا
اسامه عبدالله للكهرباء والسدود (الخزانات) والسيد الصادق محمد الشيخ وزير الدوله وجه جديد (المنطقه الوحيده المافيها كهرباء يا الصادق نشوفك ودكتور عوض الجاز لوزاره الصناعه( لمن نفكر نعمل مصانع ساردين الله كريم) السيد على محمود عبدالرسول للماليه (لينا اربعه سنين منتظرين فى الشباك) د فيصل حسن ابراهيم وزيرا للثروة الحيوانيه والسمكيه والسيد اسماعيل خميس وزير دوله بذات الوزاره )تعالو ابدو من عندنا السمك راقد
د عبد الحليم المتعافى وزيرا للزراعه (الراجل ده صاحب النائب واكتر من كده بالحساب الجديد
ام سرح وام طنيدبه والحويله مشاريع الاكتفاء الذاتى من القمح نحن جاهزين
السيد جوزيف ملوال دونق وزير الشئون الانسانيه رايكم شنو نتبع للوزاره دى نجرب فى مانع
ونواصل [ندعوك للتسجيل في المنتدى أو التعريف بنفسك لمعاينة هذه الصورة]

والله يالحاج مافي اي جديد وكما توقعته الصحف , فقط في تلاته غتسوا من المؤتمر الوطني وما معروفين يبنقروا وين سبدرات , الزبير وسامية وزيرة الرعاية
أما تابيتا وزيرة الصحة فقد تاهت في خضم ازمة الاطباء التي عجلت برحيلها رغم حضورها الانيق وعدم خوضها في مشاكسات الشريكين ناس نقر ونقير
مايهمنا وزارة المالية وخيرا خرج عوض الجاز منها الي وزارة اقل اهمية حسب رايي .
قد يكون الهدف الدفع بالصناعة السودانية التي لازالت تعتمد على التجميع مثلما في جياد والصافات وغيرها
ولازلنا نستورد كل شي ونتفاخر بما هو مستورد واصبح الشعار فلناكل ونلبس مما نستورد بدءا من (السكر والفول والبسكويت وحتى اللبن الحليب وعالبية المنتجات الزراعية وهنالك تضارب وتداخل ما بين الاستثمار والصناعة .
اما الوزارة الجديدة العجيبة _ وزارة الكهرباء والسدود ووزيرها اسامه عبدالله فكأنما تم تفصيلها لصاحبها وكلنا يعرف قصة الكهرباء والسدود أوبالأصح مكاوي واسامه عبدالله والتي انتهت بالتضحية بالاول في سبيل السدود وكهربتها الولود وشيخها النافذ الودود _
وقد التزم مكاوي بيته الي اليوم وعندما سأله احد الفضوليين (انت ماسك شنو اليومين دي ) - أجاب الرجل أنا ماسك خشمي . وبس وحسنا فعل لأن المسكوت عنه كثير وكبير .
المتعافي يالحاج - دا زول استثمار وبس _ يكسب ويربح كم في المشروع ويتوكل بعد مايضمن ولا اعتقد .
لي عودة للكهرباء وكهرباء المناصير المتوقع لها نهاية مايو القادم ... اقصد مايو الماضي و ووزارة الثروة الحيوانية السمكية والحيوانية واعتقد ان لها ثلاثة وزراء (ديل دايرينهن يسرحوا ولا شنو؟

من طرف **(الحاج شرف)** الثلاثاء 15 يونيو 2010, 4:45 pm

سبدرات تحرك الى القصر مستشارا مع الساده العائله المالكه سمو الامير بكرى ومصطفى اسماعيل وامين حسن عمر
لاحظ معاى

امنه ضرار وزير دوله بوزاره العمل
يعنى خرجت من القصر

وحسب الترتيب المراسمى للدوله عوض الجاز حايجلس شمال المتعافى فى القاعه الرئاسيه

اما الاستثمار موجود كاداره فى كل وزاره ولكل وزير الحق فى ممارسه الاستثمار داخل وزارته يعنى ممكن المتعافى يمارس الاستثمار الزراعى فى المناصير (ما عندنا مانع )
وهذا مانريده من اخونا البرجوب ان يستفيد ويفيد وان يمارس الاستثمار فى المنطقه بكل انواعه الزراعى والصناعى والتعليمى والصحى والطرق والجسور والاتصال والمواصلات

ونحن نفتخر ونشير بايدينا لللافتات الموجوده فى كل شبر مكتوبا عليها بالبوند العريض مجموعه شركات البرجوب
البرجوب للطرق والجسور على طريق ابوحمد كريمه
البرجوب للبناء والتشيد على مداخل ام سرح وابو حراز
وهكذا بلدنا تتصلح وقروش الاستثمار المخصصه للمناصير فى جيوبنا وعند ولدنا مامشت بعيد بدل ماتمشى لى ناس بعاد
المانع شنو [ندعوك للتسجيل في المنتدى أو التعريف بنفسك لمعاينة هذه الصورة]

نان وييييييييييييييييييييين مــــــــــــــــــــع ناس سويتش ؟
والكهرباء اساس الاستثمار راحت لمين ؟
اعطني ارضا اعطيك كهرباء!!

من طرف **يس مصطفي** الثلاثاء 15 يونيو 2010, 8:52 pm

غايتو الجماعه الطيبين ديل عملوها واضحه0

من طرف **عادل شرري** الأربعاء 16 يونيو 2010, 2:31 am

الاخوان الحاج وخالد ويس
تحياتي لكم هذه هي حكومة ترضيات فقط
اما عن المناصير انني متشائم من ان السيد اسامة لن يوصل الكهرباء للمناصير واذا مافي كهرباء مافي استثمار
لكن الله غالب

من طرف **zoooba** الخميس 17 يونيو 2010, 3:00 pm

ما في جديد الحال ياهو الحال وكونو نقول غيروا الوزير الفلانى بوزير جديدو كلو زي بعضو والبلد دى ماسكينها ناس معينين وانتو عارفين
اقول ليكم قول نحن أولاً نكتب خطاب اعتذار للإنجليز لأنو نحن الطلعنا روحنا من السودان كان قبيل اجدادنا يقوموا بمناصرتهم لأنو السودانيين نسو نضال المناصير ضد الإنجليز من أجل نيل الإستقلال
وبعدو ما في حل غير ندعو عشرين أربعين منظمة اجنية يمشو يشوفو البلد ومعاناة أهلنا وبعداك انشاء الله بتتحله
والله رايكم شنو

من طرف **ودالنمر** الإثنين 21 يونيو 2010, 6:18 pm

السلام جاكن
شيلوا الصبر ياجماعة الباقي شهور والجنوب يروح والحرب تدورتاني بعدين الليلقوا ناس تحارب معاهن ‘ من دارفور ماظن من الشرق ماظن ،مننا نحنا هههههههه ، الباقي جنا ام درمان الوصلولو الكهرباء عشان يضوى ونحن نغرق ههههههههه خلوا يمشي يحارب ؛ حس النحاس بدق قريب واليوم داك يومنا نقعد فراجة والسيجة حجارة بي يكملن

من طرف **الهيثم** الإثنين 28 يونيو 2010, 9:37 pm

دى اسمها حكومة السبعة والسبعين وزير

يا اخوانا نحنا عايشين على امل شارع دائرى وكهرباء وتنمية واستثمار وغيرو يعنى نقنع ولا شنو ؟
سخانة الحجر هرتنا هرى وصابرين . (لكن يمكن البرجوب تجيهو ليلة القدر ويعمل كل دا )

من طرف **ود المناصير** الإثنين 05 يوليو 2010, 5:45 am

شكرا يا الحاج أخوي .. الناس الجدد ديل عايزين كم سنة عشان يشبعوا ؟ والناس الأترعوا مشو البرلمان عشان يلوكوا البلعوه ..والجنوب رايح رايح ودارفور رايحة رايحة .. ومع ذلك أولاد
المناصير لازالوا هناك وكان آخرهم الشهيد طالب محمد الحسن صلاح الذي استشهد قبل أيام بدارفور وترك ثلاثة أطفال لا زالوا منتظرين جماعة زمراوي عشان يحلفوهم وبعد كدا يشطبوهم
حاجة تجنن..

تشكيل وزارى حجار سيجه

تشكيل وزارى حجار سيجه

رد: تشكيل وزارى حجار سيجه

رد: تشكيل وزارى حجار سيجه

رد: تشكيل وزارى حجار سيجه

رد: تشكيل وزارى حجار سيجه

رد: تشكيل وزارى حجار سيجه

رد: تشكيل وزارى حجار سيجه

رد: تشكيل وزارى حجار سيجه

رد: تشكيل وزارى حجار سيجه

رد: تشكيل وزارى حجار سيجه

رد: تشكيل وزارى حجار سيجه