المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

الخيار المحلي الامل المرتجي

استعرض الموضوع السابق استعرض الموضوع التالي اذهب الى الأسفل

الخيار المحلي الامل المرتجي

مُساهمة من طرف mustafa omer Elhassan في الإثنين 21 مارس 2011, 3:05 pm

محمد الامين علي الحسن العدرقاوي
الجزيره سور
دخلنا الجنه قبل الموت
وجدنا المطلب القاصدن
البسط والله كملنا
باقي الخق ده ما دايرن
وقالو الخير لسع ماشي
باقيلك يكون كيفن
الشقا والتعب خلين
وشنو الجاينا ما خبرن
اول شئ الخدار راقد
حتي بطنا طمت منو
ناكل في الطماطم يومي
وباقيها انقطع شران
انا سايقلي فرع ويكه
ويوماتي الملاح فاركن
وفي النز زارعلي قرعت ريف
علي سليمان انتهت منو
ثلاثين غير الباعو
ممكن تسالو الشايفن
راقدات الخريم في الضل
الحش والزرع خلنو
الغاز جايهن بالمراكب
وكسير الحطب هفنو
الساعيلو فد غنمايه
لبنا زهج الحالبنو
ولبنا ماداب الشاي
وكل ليل الفطير عاطننو
وكتير الفي نيتو يخش
من قل السعن شاربنو
والسمك القبيل معدوم
في كل بيت يجيك شاونو
ناكل في البياض والبلطي
والدبس اصلو ما دايرن

mustafa omer Elhassan
ملـــــكي
ملـــــكي

احترام قوانين المنتدى : 100

عدد المساهمات : 2024
نقاط : 18060
تاريخ التسجيل : 19/10/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى