المناصير بلدي
الزائر الكريم مرحبا بك في منتدى المناصير بلدي
ان لم تكن مسجلا فيرجى الضغط على زر التسجيل وملء بياناتك لقبول عضويتك

ونـَـسـِـي في بـَـاشـِـي

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي اذهب الى الأسفل

ونـَـسـِـي في بـَـاشـِـي

مُساهمة من طرف صديق عبدالله علي أبوحنة في السبت 12 فبراير 2011, 1:30 pm


محمد: نحن عاد أخوا ل العريس، مفروض نمشي الباشي من عشيي.
أحمد: يلومونا تب كان ما مشينا، نسوق حريماتنا ونمشي،محوماد، حمارتي فاردي، لو أديتني دحشتك مشيت بيها؟؟
أحمد: تستاهل يا ود أخوي، لكن من البارح مديني نضمت فيها، أصلا دحشتاً دغلي وبشعي..
خلاص خلاص، ما مشكلة، أسوق حمارتي، كنت خايف من دحشا ياكل زرع الناس، دحشاً شقي أصلو...
محمد: والله ماني عارف أسوى كيفن، باكر الموية هولي.. وعيشي عطشان.. الشربة كل سبوع ، الليلي اليوم التاسع، شايفو مهضلم ومرمي ريشو.. والعيش لبانة وفقاعة ولواية..
أحمد: يا زول هيي الناس يلوموك تب والعريس ود أختك..
محمد: أيي أيي.. ما بقعد تب، كان عدم القندولة..
أحمد: قرنا في بعضا وأطلق فيها الموية
محمد: يازول هيي، عيش البار بتقرن أو
أحمد: ما وريتونا عشيي نتلما كيفن؟
محمد: نتلما كلنا عند السبيل.. العندو حمار والماعندو.. شايف ناس أم الحسن قالن ما شات بي كرعيهن..بعد ما الحريم يجن من الكداد ويعشن غنمن ويحلبهن، نطق العقبة بي فوق..
أحمد: خلاص يا زول
سعد: أها يا ناس الناس كلهن إتلموا.. إتوكلوا.. وينا مرتك يا حسن..جات..
حسن: مرتي وحريم الحليي كلهن تراهن ديك طلعن العقبة.
محمد: فوق دربن
أحمد: شايف لى نور رتاين باهر شديد، اصلو الناس ديل مولعين لهن كم رتينة؟
محمد: ها ها ها أيا سجم.. في نور رتاينن ضوهن بهارو قدر كدي؟
ده جنريتار... جنريتار.. البركة في ود ضونة، يخدموا في الضهرة في الصعيد.. الطين كان معاهم سمح السنة الفاتت.. الضراع وصل جنيهين.. تراهو جاب لهن الجنريتار ده؟
حسن: أها يا جنا.. وصلنا.. حميركن ديل ربطوهن في العشرة ديك.. وواحدات ربطوهن في السلمي دي..
أحمد: أها حريمنا يطلقن الزغاريت والله كيف؟
مديني: هيي يا رجال ضهلانين والله شنو؟ زغاريتاً كيفنو بالليل..؟ نزغرت باكر في اللعب..
محمد: لا له.. اصلى قلتا يمكن كدي تاخديلك رقصة فوق ود أختك..
مديني: هيي يا موحومااد ما تبحت القديم رقيصاً مالي بيهو. خلاص كبرنا.. الرقيص للفتوات المشرط ديل..
محمد: لاله يا مديني عسكر قديم ده، ماهو رقيصو طعمو براهو.. يدقولك الطامح أب دفار قولن لو بخيت عليك.. والله الجبنة تبقبقي.. ويلا..
مديني: هييي يا موحومااد هييي أرعى بالوتد..
حسن: هيي ريحة الكشنة ضربتنا.. وريحة سواطة البصلة.. من بعيد شميناها..
فاطني: سجمنا ما جينا ساعدناهن في حش البصل.. ريحة بصلن ضربت وريحة الكشنة، اصلو تلقاهن مقعدات زينب بت أب دوكة عند الناشف. أريتا تدي العوينون ديل شموماً فيهو فايدي..إيدا ناشفي وكعبي..
........................
أيييييوي... أييييوي... يوي.. يوي.. أيوي..
محمد: شفتا رفاقتك؟ قبيل قالن ما بيزغرتن.. ها ها ها.. شمن ريحة العرس ده! شالتن الهاشميي!
سليمان: أهلاً. اهلاً أخوال العريس وصلوا إتفضلوا على الخلوة..
محمد: زاد فضلك.. سلام عليكن.. هوووي..
سالم: مووحوماد: يازول هيي! مالك إتأخرت كدي؟ قلنا خال العريس يجي من بدري. يساعد في المجهاد.. وكسير الحطب.. وورود الموية..
محمد: موية كيفنها يا سالم أنا كراعي دي من السنة الفاتت من تايتنا ديك المعاكم وكنا نخدم في الضهرة في ود الفادني واقع لى من ساريقة من يوما بقت مافي محلها.. لاني قادر لى على ورود موية ولا شيل جوز ولا كسير حطب..خلى الولاد ديل أمان طواقياً حمر وسراويل يردوا الموية.. إنتو حبسكن وينو؟ ماكن مسوين لكم حبس يردوا منو؟
أحمد:هوي يا جماعة العشااا جاء.. الصبيان جابوا القداحي
حسن: إتفضلوا يا جماعة .. ابقوا نازلين.. لاتكتروا... خمسي..خمسي.. الخير باسط..خمسي خمسي فشان الشموم يكفيكن ويفضل.. الليلي العريس حالف يشبعكم لحم..
محمد: تعالوا جاي يا ناس على قدحنا ده! ماهو تام الخمسي..
محمد: بسم الله.ياكافي ياشافي.. هيي الناشف ينوا.. الدمعة والفطير يينن!
أحمد: هي موحومااد جنيت أو.. عشاء يوم الباشي فيهو فطير أو.. مي قراصة ومكبوب فوقا شموم!! إنت السنتين القضيتن في الضهرا وخدمة الطين نستك الملمات أو! بقيت عربي جزيري!
محمد: هوي يا زول خل النقار.. بقا لك بعد الحال ده! ابقى عربي جزيري.. ناس أب قوتة وود راوه بي ينسوني أهلي؟
سعد: الحمدلله خيراً دايم. إن شاء الله فال الجنيون عاد..
محمد: سعد تعال بي جاي أعقد لى في الواطة دي.. إتفرجخ.. كدي النسعلك من حاجي.. باقي هاميك.. وقلبي ماكلني من الحاجي دي..
يوم داك جيت أسقي دحشي في حبس بابوركن.. أعاين للوطيي الفوق لى ساقتكم ديك، شايف لى اثر حفر وطواري وأربل، زي العايز تطوعا وتكاشن الحجيرات منها والدبورة الفوقا ديك.. وبعدين قلة خير الحفر وقف!! إستمحنتا وقلتا إن شاء الله خير..!
سعد: والله ما شاء الله عينك نجيضي.. الخبر ياخوي.جات المرة المجنونة دي مرة المرحوم سيد أحمد ولدي وقالت إلا يفرزوله حق راجلا.. والله توقف الحفر وتفتح بلاغ.. وجابت معاها ولدا العوير داك.زولاً تجم؟
أنا أصلي يا موحومااد مكره الحجي والحجي حاجي. بعد العمر ده ماني قادر لى على وقوف محاكم.. لكن عارفا غلتاني؟
قول لى كيف؟
الحق حقي والساقي ساقتي.. واللشو تحتا حقي.. وجرف السلوكة تحتا حقي.. بعاااد ناس ود أبراهيم ساقتن مني.. كان في كلام عن الوطييي دي! كان مفروض يقولوه ناس ود أبراهيم..
أما هي اصلا ما عندها حق.. حق راجلا مرقناهو ليها لله في الله.. أكتر من حق القسييم..
أديتا بي تحت قطعة فاطني أمي.. واديتا جرف الوزين كلو. زارعاهو دخن ما شاء الله..تكش. يوم واحد ما طرتني وقالت لى يا عمي هاك القندولتين ديل علوق لى حمارتك.. تكش في الدخن بالأرباع وتطلع السوق وتدوعل. يوم واحد ما جابت لى نص طاسي. خليك من ده! مديدة دخن ساكت ماجات قاطعي علينا بيها..
أقولك يا موحومااد أنا عارف الشرع شرع الله وعارف القسيم.. وعارفا مرة ولدي وعندو منها ولاد وبنات معرسات. هي ماها عارفي الشرع..
مافي ولد بي يارث في أبوهو وأبوه حي والولد مات قبل ابوه. ده يسموه فطيسي.. ما عندو حق! أنا أجواديي مني ساكت قسمت ليها وأديتا وقدر ما أسافر أكسي الولاد.. ياهن ولاد ولدي..
محمد: ها ها ها المرة ولدك مات خلاها في شبابا. ناقصالا شربة.. عيشا ناقصلو شربة.. كان رميت فوقا الحبل.. ما كان ده كلو حصل..المرة دايري العرس
سعد: أها اااا .. جبت فهم جماعتك وجيت.. ما بتتعرس لى مرة ولدي؟ عليك الله تتعرس لى كيفن؟ قبيل أنا ما قت لك فاهم الشرع.. والله شيخنا علي الحسن العديرقاوي قدر ما يمشي ملم والله بكا والله صلاة جمعي أنا أسمع منو وأسجل في مخي ده.. ما خليت لى شيتاً ما نضمو إلا أنا فهمتو في كلام الشرع..
سعد: يازول هيي.. كدي خلنا من المرة المنجوهة دي، خبر الطين شنو؟ والضراع كم؟ أنا مورين صيفي ده، وقايم.. السياقي بقت مافيها فايدي.. شوالين وثلاثة بقن ماهن طاردات لهن عطش.. محمد: يا زول إنت تحسبا كيفن! السياقي بي خيرا وبركتا.. تسوق لك حوضين بصل معاها.. حوض جرجير.. حوض ويكي.. المرة تدوعل لها خروف خروفين تطلعن السوق.. تخش لها طاسي نص طاسي.. طاستين سمن تطلعن السوق... تمرمت.. وترمرم من هنا وهنا.. تلقى نفسك طلعتا بي فايدي..
سعد: أيي أيي .. ده ماني ناسيهو! كلو مسويهو.. بس قالوا في أب قوتة وود راوة.. الضراع جنيهين ونص.. عيلي الموية أبيار.. عشان كدي رافعين سعر الضراع.. والله نشل الموية كان شفتو يا موحومااد صعب صعوبيي.. أنا من تايتنا ديك المع موحومااد ود الخير.. لليلي أيدي مدبري..
سعد: أنا غايتو أياني مورين الصيف ده وقايم.. وود حمد سعيد السني دي ماني سايقنوا معانا في تايتنا..
محمد: مالو؟
سعد: زولاً خمله.. ومباري نفسو.. ويريد النوم.. السني الفاتت. كنا شغالين في الكلاكلة.. أنا أعجن الطين واردي الموية.. واقطع الطين.. وارميهو في العربيي.. واقوم أصحيهو بعدين أنا ماسك لهن الميز.. وكت ندقق القمح، زي فهم البلد اقول لى بتاع الطاحونة فك النمرة شوية للحجر.. خليهو دراش شويي.. وقبيل وكت إشترى ربع القمح، إشتري لي معاهو ملوة اللت دخن أخلتا فوقو.. الدخن يشيل الزول حيلو.. والله قسماً عظماً.. وكت جا العيد الكبير وبقينا نازلين البلد.. كل واحد إتلقن عندو ميتين جنيه.. قسم السيد هارون في السوق العربي. يسجل لنا في الدفتر.. أها يا زول جينا السوق العربي، اللشتري رادي واللشترى مسجل.. واللشترى ضهب لى مرتو.. أنا غايتو سويت نصها في عيش.. وشحنتو.. اردب صفراا.. واردب مقد.. واردب أب زريزيره..
خدمتنا ديك يا موحومااد أنا عايش فوقا سني للحول ما اشتغلت، بس جيت البلد إتمسح وارقد للصباح، ومسوي لى جبادة.. اشرك للحوت.. وعندي مريكب معيشاني.. غايتو خدمتنا ديك.. نفعتنا جنس نفع، تاني ما أظن نلقا زيها.. أها يا سعد، تاني منها ما قلتا حي العافي.. تراهو قامت على الكراع دي بقيت أهزع.. لحظنا ود فاطني. كانوا تايتن جنبنا، زولاً عينو كعبي خلاص..
سليمان هيي يا ناس هيي ماكن دايرين تنوموا والله شنو؟ الخلوة جواا فرشناها.. والصالون مفرش.. قوموا نوموا باكر بيصحوكن بدري لى كسيير الحطب..
محمد.. سعد.. سليمان.. :- أها يا جنا تصبحوا على خير صباحات الله بي خيرن..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف عبدالرحمن محمود النعيم في السبت 12 فبراير 2011, 3:09 pm

م/ابوحنه
الان حصحص الحق
كلمه ارت اقولها لك منذ اشتراكى فى هذا المنتدى
اى موضوع تكتبوا انا بقراهو من الاول للاخر وبى تدبر وفهم لكن لن يزعفنى الحظ ان ارد الا فى هذه الباشى والونسى الكاربى لانو هذا واقع عشناهو وماجمله وانت تلتمس مواضيع شيقه وممتعه تزكرنا الزكريات الجميله وانت ذكرت فى بوست الاخ على عسى المحطه الكاب نزول انك تعرف الوالد والجد والاعمام جذاك الله الف خيرعلى هذا وهذا شرف عظيم

عبدالرحمن محمود النعيم
عضو نشيط
عضو نشيط

احترام قوانين المنتدى : 100

عدد المساهمات : 152
نقاط : 11333
تاريخ التسجيل : 19/12/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف صديق عبدالله علي أبوحنة في السبت 12 فبراير 2011, 4:40 pm

عبد الرحمن محمود كيف ما أعرف الوالد والجد؟؟ ديل علم في رأسه نار.. أول ما شفتا إسمك عرفتك؟ جدك النعيم راجل فارس متدين.. زول نكات هادفة.. ناس كرم.. ابوك محمود زكي.. زول دين.. وكلام كتير حلو عنو.. يسعدني. أن اقول لك أني حاضر عقد والدكم محمود على والدتكم في كسلا,... أبوك جانا عند ناس عثمان صديق.. في كسلا. كنا جايين أنا والوالد وعلي سليمان ابوحنة من وقر.. وابوك عندو معزة خاصة للوالد عبد الله.. عرف ابوي مع ناس عثمان صديق جاهو.. كلنا مشينا العقد.. الحقيقة محمود النعيم رجل يملا العين لامن تفضل. بس الدنيا ما مهلتو.. شد حيلك في الحياة وشكرا على التعليق الراقي عن البوست


عدل سابقا من قبل صديق عبدالله علي أبوحنة في السبت 12 فبراير 2011, 11:57 pm عدل 1 مرات

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف صديق عبدالله علي أبوحنة في السبت 12 فبراير 2011, 6:19 pm

باشي
ونسي في باشي رقم(2)
ضكوري: ياجنا هيي لازم ننظم نفسنا.. يتعرف اللكل منو! والما أكل منو! الصواني تطلع من الخس مرة واحدي، تمشي الخلوة، وناس يودوا صواني في ناس قاعدين في صالون علي، تتمموا على القداحي.. تتمموا على الفطير.. طبقة كسري من تحت وطبقتين فطير من فوق، تقيفوا على الحريم البرصن الصواني في الخس، مافي صينيي تقوم ناقصي.. صحن الناشف وصحن الدمعة في كل صينيي.. خلوا بالكن في صواني حرفن مشقق، وكت تشيلا تنجمك من حرفاتا تدفق صحن الدمعة، الفطير ما يترشا بالدمعة قبل ما يصل الناس من صحن الدمعة البدفق.. صواني الناس اللقطناها ماها كتيري.. نحن الحلال ديل البي هنا.. عاملين تعاون. صوانينا والكبابي والبراريد كلها تعاون أي صينيي أو براد أو برش، تلقوا عليهو ماركة ( شع) بالبوهية الخضراء معناه دي من التعاون.. شوية صواني شاحدنها من حلة الجبل.. وصواني جات مع أخوال العريس.. الموية. عايزين جناياً سريع نهمة. كل ما الأزيار تفضا، البراميل ملاني، يشيل يعبي في الجراري عشان الموية تبرد للناس.. الجنيون والولاد البغسلوا للناس يمسكوا اللباريق.. مافي زول يطلق خدمتوا يروح اللعب.. العايز يروح اللعب يحدثني، عشان نبدلوا بي واحد غيرو.. الصابون جنب السبيل، قطعناهو النص.. النص.بالسكين. من البارح..
أها بعد ما الناس يفطروا ويشربوا الشاي.. تاني ماني مسعولين منهم.. فشان الخلالة بيمشوا بيوتهم معاهم ناس البقنيي.. والمراسة بيمشوا بيوتهم.. الفقره لميناهم مع ناس البقنيي.. كر آمني الهناك داك، فيهو الخرفان.. كل بيت يشيل الخرفان البي تكفيهو، قدر عدد الناس البشيلوا خرفان أكتر من واحد مخيرين، براهم بشدوا حيلهم في العانة..الحلل الكبيري نوزعا ليهم، كل بيت حلتين كبار. وبراد الشاي، والحطب كسرناه ليهم كل بيت نديهو حطبو البي يسوي بيهو السلات,,, بعد نتهي دي.نكون خلاص ضهرنا انطلق.. وعدينا باشتنا على مايرام.. فاهمين يا شباب
يلا هسي زمن الفطور جاء.. أرحكم نشوف رص الصواني في الخس، وندي الحريم تعليماتنا دي...
ضكوري: هي حريم الخس.. الللاجوه.. أصبحتن تمام..
المنا: ضكوري.. اقيف هنا في بكاني ده.. وشوف حريمك ديل البي يرصن..
ضكوري: هيي فاطني الكمشة أمليها شموم للناس، آ تجيبيلنا الفضيحي؟
فاطني: ياهي يا ضكوري، اللحم ده بعدين بكمل عليا، وبعدين أسويكن في الضبيحي تاني!
ضكوري: هييي يا فاطني، أبشري بالخير.. الخير باسط.. الكر ملان حملون.. عيني باردي بت حسن ما ها مقصري في ولدا تب. تحش وتدوعل من زمان.. من زمان تعدي على بوني..
سعديي: كدي يا ضكوري ضوق طعم دمعتي دي، باقي لى ملحا مقق!!
ضكوري: عاد اقولك شنو يا سعديي، دي لحقت إنضبحت، كان مقق، كان عديل..
ضكوري: مريم ... مريم... اسرعي عوسي الفطير.. الكسري إترصت من تحت، دايرين الفطير يترصا من فوق..!
مريم: هيي يا ضكوري، سجمي دوكة فاطني دي قدر ما سويت لها طايوق ابت تقوم.. الدوكي ابت تقوم.. اصلها أم الحسين الصباح، بطنا مغلباها، سوت لها فوقا حتيتاتن ناشفات هي وبت حسن أكلنهن مع الشاي.. أسع دي قدر ما مسحتها بالبسديق الدوكة أبت تقوم. غايتو باصرتها بي جاي وبي جاي تراها بدت تقوم..
مريم: ضكوري عاد إن شاء في جديدك وعرسك.. عاد اليوم داك الله يورينا ليهو..!
ضكوري: والله يامريم أنا كان بي مرادي باكر دي أعرس! عللي البت تقرا.. وسليمان قال ما بمرقا من المدرسة، حالف عللي أخليها تمشي المدارس الكبار!
مريم: هييي يا ضكوري شد الحبل.. الزمن ده البدفروا يقع لو فوق بت.. قراية الشنو كمان للبنوت؟ البت وكت يجيها العرس وبيت الحلال ينزل .خلاص تاني في شنو؟
فاطني: مريم.. سعديي: أي أي سمحي السترة للبت.. قول يامين يا ضكوري السني الجاي..
ضكوري: يايمين
ضكوري: يلا يا شباب ابقوا داخلين على الخس شيلوا شيلوا
أم الحسن: أيووووووي.. ايوووي... يوي.. العريس جاء..
مريم: ابشر يا محومااد ابشر.. الله يتم لك يا ولدي.. ويسعدك بيها..
محومااد: ابشري ابشري بالخير يا خالتي..
سكينة: كدي تعال يا محومااد أفتح أيدك دي!
سكينة: سجمي يا موحومااد حنتك من جوة مجربطة. سودا زي السكن.. لكن مجربطا. الحننتك البارح مني دي؟
موحومااد: فاطني وسارة حنني. حنتن ماعندها عوجي.. عللي أنا نم بها بدري تراها إتجربطت كدي
مريم: عللي باكر أطبقا ليك يا موحومااد قبل ما تمشي عروسك، اصلهن نسبابتك شيالين حال يا ولدي.. عندهم حريماَ لسانن طول كدي، يقولن ما عندهم بنات حننو.. كلهن عجايز..
سكينة: هيي لا تطولي لسانك في الناس.. مالنا عجايز. بري يا يمة موحومااد الشباب عندو.. كدي بعدين وكت الخدمي تنتهي أنزلي اللعب.. شوفي شبابنا كيف؟ والله من الدارة ما يمرقن.. اللعب يعمروه أهلو.. يايمة بناتنا كتار وشعرن طوال ورقاصات.. إنت وكت حسن أخوكي يعرس؟ البرقص لك منو؟ زول ما عندك..
مريم: سكينة هوووووي.. حسن يايمة.. تجينا المشرقيي والمغربييي وناس الجزاير يحرروا اللعب.. حسن مالو يايمة فوق عديلو، لامي قبيلة المناصير كلها، كدي شوفي بعدين البلال البسويهو ليهو. لسانك ده؟ بدخلوا ليكي في جحروا بعدين؟
بت طه: هيي يا حريم هيي. خلن النقار. نعيش ونشوف كلامكن ده بعدين عند عرس أخوانكن..
ضكوري يلا يا شباب الصواني جاهزي. شيلوا شيلوا
بت طه: صلاة النبي... الصلاة على محمد.. الولاد إتخاتفوا الصواني زي السراتي. وشالوها... كدي ..كدي.. الرجال يحضروك عن قساك.. ما يحضروك عن عشاك... إن شاء الله في عرسكن عاد يا جنا...
مريم: إنتي يا آمني. الوليد اللصيفر ده الشال الصينيي اللخرانيي ده! ولد منو.. ما عرفتو..!
آمني: هيي ما عرفتيهو كيفن.. الولد سرك.. ده مي ولد سليمان الجابو في مرتو اللت الصعيد وطلقا..هيييي صلاة النبي عليهو..
مريم: يشبه أخوانو ديل ولاد سارة..
آمني: مرة الصعيد ما تقدر تعيش معانا هنا في كجاجنا ده.. واصلوا قبيل ود خالك تراهو معرس بت أعمو.. وملان في الولاد والبنات لى راسو.. عللي هن يخدموا زمان قالوا في الجزيري. وأم الولد ده الشفتيهو مدرسي.. أها دخل في مزاجا سرك ده؟ قالت ليهو عرسني. رما فوقا الحبل.عللي اصلا من يوما عودي.. وما رضت تجي معاهو المناصير.أتاريها قايلاهو بيخلي مرتو هنا في المناصير ويقعد معاهن.. وسرك وكت عقلو رجعلوا وضرب خماسي في سداسي لقا الحكايي ماها راكبي عدلا.. طلقا.. وجاب منها الوليد ده رباهو مع أخوانو. بت حسن ربتو. تراه شال ريحة أخوانو. وشال ريحة المناصير.. بت حسن ربتو زي ولادا ما فرزتو منهم.. هسه دي كل ما يدفروهو يقولوا ليهو أمش سلم على أمك يابا يمشي!
مريم: صلاة النبي بقا ولييد.. عللي هدم البيوت ماهو زين..
آمني: هيي يا مريم. إنتى هسع ترضى راجلك يمشي الضهرة ويعرس فوقك؟
مريم: بري يايمة نبرا.. نقرنا المرق!
آمني: رجالنا يشربوا ويبقا مخهن مافي محلو.. وحريم الصعيد عينن قويي
مريم: عاد خدمة الطين جابت لها هوايل وهتك.. كان كدي إحمااد يقعد في ساقية ابوه قبلو.. الله لاجاب لنا فضايح على آخر عمرنا
بت طه: هيي يا حريم الصواني الفاضيات جنكن.. يلا عبن عبن.. ديل كمان للناس القاعدين في ديوان بابكر. يلا شدن حيلكن شويي
ضكوري: أها جيناكن. يلا عبن عبن.. الناس شكروا الناشف. ويسعلوا من السوتوا مني دي؟
مريم: أها قلتا ليهن مريم!! أنا عارفي لسانك وخفتك!! عايزين يكسروني ينجهوني عاد ناس الجبل؟ الليلي هويي يا مريم الله يوديكي لى أهلك ووليداتك بالسلامي.. نتهي باشة الناس دي بالسلامي ونستر حالنا ونروح أهلنا.. غنيماتنا مريقات..
ضكوري: والله لساني بالتقطعوا لى. ما جبتا ليهن سيرتك ولاقلت ليهم الناشف عملتو مريم..بس شافوا القرفة.. والهبهان فيهو.. قالوا ده شغل صعيد مني السوت الناشف ده . إلا تكون مريم!!
مريم: هيي يا ضكوري ارعى بالوتد. الصعيد عندو مرة براهو! ماهي مرة زي حريمكن ديل.. عللي حريمكن مبدلات..
فاطني: بت طه.. سعديي: هي يايمة جابت لها خبر بدلة لينا وجات.. ضكوري عليك الله اسكت منها المرة دي؟
ضكوري: يلا يا شباب شيلو شيلو.. ود سليمان أوع طاقيتك الحمراا دي تدنقر لى الصينيي تقع في الدمعة..!!!

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف صديق عبدالله علي أبوحنة في الأحد 13 فبراير 2011, 9:36 am

الفقرات الآتية:-
الحريم ما أكلن
الناس نزلوا اللعب
البيوت
القعيدة
السيرة
أهل العروس
قطع الرحط
السبوع
الأربعين
الشوف
وغيرو

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف صديق عبدالله علي أبوحنة في الأحد 13 فبراير 2011, 2:37 pm

هنالك بعض الإختلافات الدقيقة في الباشي . بين باشي في الكاب.. وباشي في برتي وباشي في عصمة وباشي في شري.. وباشي في أم سفاية أو العال..
خط رفيع جداً يعرفه كل منصوري دقيق.حتى في تحوير بعض مصطلحات اللهجة..
يعني من برتي والجروف ودار تور...لغاية سور. تلقي ميلان آخر الكلمة وبعض المصطلحات..واحدي
2 من خارج سور ولغاية شري والعشامين والعمارين لغاية عقيبة اللمين..تلقي ميلان اللهجة واحدي
3 من عصمة وكبنة لغاية أم سفاية والعال.. تجد ميلان الكلمة في بعض المصطلحات.قل شوية. خاصة أم سفاية والعال. والعادات تعدلت في الأعراس أو البكا.. او سائر الإجتماعيات
ثلاث جواهر ودرر منظومة في عقد المناصير في جيد محلية البحيرة
من الجروف ودار تور لغاية سور ( درة)
ومن خارج برتي لغاية عقيبة اللمين تقريباً ( درة)
ومن عصمة ولغاية أم سفاية ( درة كبيرة)
منظومة عقد المناصير( مين خلاني متلك يا عقد.. لا بتسعل ولا بتنشد!!)

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف ابو مصطفى في الأحد 13 فبراير 2011, 5:43 pm

التحية لك ابحنة يا رائع ؟؟؟؟؟

تحياتى
ابو مصطفى

ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18299
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف mustafa omer Elhassan في الأحد 13 فبراير 2011, 6:16 pm

الاخ الرايع ودابوحنه
زمان وقت الزمن السمح والناس الزنين
ابن عمنا احمد علي الحسن لمن دقت الطنبور تعجبي
يقيف في نص الداره ويقول كفرت يا مؤمن
يعني غايه في الابداع والجمال والروعه
وانت كذلك يا باشمهندس والله نترنح طربا زي الشبعانين من ذلك النضمي الجميل
مازال اليل طفل يحبي ونريد المزيد ميسنا بعيد تب

mustafa omer Elhassan
ملـــــكي
ملـــــكي

احترام قوانين المنتدى : 100

عدد المساهمات : 2024
نقاط : 18050
تاريخ التسجيل : 19/10/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف صديق عبدالله علي أبوحنة في الأحد 13 فبراير 2011, 7:25 pm

مصطفى عمر الحسن عثمان. والله الرايعين إنتو برضو... قريت ليك حاجات كتيرة هنا.. في المنبر.حاجات محكمة ومسددة.. زادك الله.. في حاجات كتيرة كدة عايز أسألك منها برسل ليك رسالة خاصة.


عدل سابقا من قبل صديق عبدالله علي أبوحنة في الأحد 13 فبراير 2011, 7:32 pm عدل 1 مرات

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف صديق عبدالله علي أبوحنة في الأحد 13 فبراير 2011, 7:31 pm

الطيب عبد الرحيم.. تشكر على المرور بي جاي...
ياخي ممكن تسلم لى على الباشمهندس محمد عثمان ساعد.. ورقية.. قضينا معاهم أجمل الأيام في كوستي في بداية إغترابي إشتريت بيت في كوستي جنبهم في مربع 28 لأنو تعرف أخو زوجتي كان عندو نسبة في التجارة مع ناس برتي جعفر عثمان.. خليتهم هناك معاه لمدة سنة..لغاية ما جبت أولادي هنا.. محمد عثمان ساعد ده من المهندسين الرائعين القابلتهم في حياتي.. تقول زول خواجة.. منضبط غاية الانضباط.. وزول دقيق.. سلم عليهو بالله

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف mustafa omer Elhassan في الإثنين 14 فبراير 2011, 2:20 pm

الاخ الرايع صديق
بكل رضا نحن تحت الخدمه وجاهزين
وفي انتظار رسالتك علي احر من الجمر
مع اجمل المني وارق تحياتي

mustafa omer Elhassan
ملـــــكي
ملـــــكي

احترام قوانين المنتدى : 100

عدد المساهمات : 2024
نقاط : 18050
تاريخ التسجيل : 19/10/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف نورالهادى في الثلاثاء 15 فبراير 2011, 3:53 am

أستاذنا الكبير الباشمهندس صديق تحياتى لك وللاسرة الكريمة ولك فائق الشكر على هذا الابداع الدرامى الدقيق فى السرد و المنظم فى التسلسل وما فى حاجة نقولها سوى نتابع بقية الحلقات .

نورالهادى
V.i.P
V.i.P

احترام قوانين المنتدى : 100

عدد المساهمات : 4904
نقاط : 26498
تاريخ التسجيل : 11/05/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف صديق عبدالله علي أبوحنة في الثلاثاء 15 فبراير 2011, 6:46 am

النور الهادي.. وبقية شبابنا..هاكم بقية الحلقات

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف صديق عبدالله علي أبوحنة في الثلاثاء 15 فبراير 2011, 6:56 am

ونسي في باشي3
أحمد: كدي ياجنا أمسكوا اللباريق غسلوا للناس، غسل ياولد لى عمك سليمان داك، وإنت شوف رفاقتك وأمشوا أمسكوا اللباريق..
سليمان: أها يا ولد جيب صابونتك وتعال جاي..
سليمان كب كب ياولد.. أتك ضهرك لاترشني بالموية,, ابوك ما علمك الكب!
سالم: ايي علمني..
إنت ولد منو!
سالم: ولد موحومااد ود علي
سليمان: ما شاء الله.. ابوك وين!
سالم: ابوي يخدم في الطين في الكلاكلة
سليمان: ما قلت لى يا جنا، ابوك علمك تمسك اللبريق كيف؟
سالم: أول حاجي اللبريق ما أملاه شديد، عشان ما يدفق فوق جلابيتي، وبعدين أتكي ضهري وأنا بكب.. وأكب شويي شويي، لامن الزول يبل إيدو،بعدين أناولو الصابونة، يدعك، يدعك لامن الصابون يرغب في إيدو، بعد كدي أزيد سرعتي في الكب لامن ينضف إيدو من الصابون،أكب أكب لامن يملا إيدو يوديها على خشمو الزول ، يمصمص، بعد كدي أشيل منو الصابونة، وكان قال لى جنا شوف لى قشقيشايي أنضف بيها سنوني! أشوفا ليهو، ونكون خلاص إنتهينا.
سليمان:طيب إنتا قلتا لامن إيدو ترغب، النفرض إيدو ما رغبت ملاني قش ماعط ليهو بيها عروق لوبا، ابت ترغب.قدر ما دك ودعك بالصابونة. تسوي كيفن!
سالم: اسكت أكب لامن ترغب..
سليمان : ماشاء الله.. ما شاء الله.. ابوك علمك تب..كدي خلوا تعليم الغسيل، تعليم المدرسة كيف؟ وصلت وين لوحك وصل وين!
سالم: أنا في سنة تانية ياعمي
سليمان: نتحوكن. أدوكم إمتحان! طلعت كم! بتل رفيقك داك يرعى في الغنم، والله لوحك طلع فوق!كان ما شديت حيلك خدمة الطين راجاك.. والطوريي راجاك.. و البوغة راجاك,,
سالم: إمتحنونا، وطلعت التاني..
سليمان.. ما شاء الله. شد حيلك عشان تروح المدارس الكبار تطلع مدرس زي ود حليمة، تريح ابوك شويي من خدمة الطين!
سليمان: هوي يا ناس هوي، العندو صعوط كدي يجدعنا بي حقتو جاي
بكري: هاك هاك يا عمي سف.. سف
سليمان: بكري يا زول.. الصعوط الناجم ده جبتو من وين! داسي علينا بكانو والله شنو؟
بكري: ها هاها.. المهم إتكيفتا.. مالك بي بكانو
سليمان: وحات مديني أمك.. عللي أعرف بكانو!
بكري: إنت قايلو صعوط من ناس بي هني ديل!
سليمان: أها من وين!
بكري: ده صعوط سورج من الخرطوم يا حاج.. أنا من أجي ولامن اقوم ما بسف من دكاكين بي هني ديل.. ندبغ شلاليفنا ساكت عطرون! ديل يجيبوا الصعوط نمرة تلاتة ويملوهو عطرون.. شن عرفن بالصعوط، هسع ود سليمة ده فاتح دكانو الصعوط ما بيعرف يمطرو. ولاهو قاعد يسف!
بكري: تعرف ياحاج سليمان. يقولك رطل الصعوط الناشف يشيل تمن رطل عطرون، ده الصعوط الناجم، كان زدتو يدبغ شلاليفك.. أنا عادتي أول ما أنوى السفر على المناصير، طوالي أروح ناس سورج في الخرتوم، أسوي لى تلات ارطال في شنطتي.. أول البارح شطبتا حسابي عند قسم السيد هارون في السوق العربي وشلتا قريشاتي وطوالي مشيت على ناس سورج.
سليمان: خليناهو سورج، إنتو الحقق السمحي دي بي تجيبوها من يين! حقق شاي البحاري دي! أنا لليلي حقتي علبة طحينيي!
بكري: ها ها ديل مجدعات زي الشي الكعب فارشين قدام دكان ولاد ملاح..
سليمان: أها يا جنا النقوم نمشي نخبر بكانا. قالوا البيوت قسموهن.. الأخوال براهن.. وناس القبليي براهن.. وناس المغربيي براهن.. وناس الجزاير براهن..
بكري: أها إنت ياعمي سليمان مع الخلالة والله مع المراسة
سليمان: ها ها ها.. خليها مستورة. بعدين وكت النهار يحمى تعال فتشني! والله تلقاني في اللعب، كراع الحاجي دي الهزعة تخليها.. ونسوي الصفقة دنقير لامن نجيب الموية نرقص في بنات الشيخ

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف صديق عبدالله علي أبوحنة في السبت 19 فبراير 2011, 2:10 pm

مصطفى عمر الحسن.. وين أحمد علي الحسن الآن.. زمن ما شفتو!!! راجل فعلاً مرح جداً...
أها عايزين نستعد نكتب من جديد
ونسي تاني
حكاوي في البوش
بالإضافة للحاجات التي ذكرتها
يا ربي مهيلي.

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف صديق عبدالله علي أبوحنة في الثلاثاء 15 مارس 2011, 1:38 pm

الرجال أكلوا..
والصواني ودوهن بيوت الحريم.. والحريم أكلن والناس بعد شويي راح تنزل اللعب في التمر..
وراح يتوروا المراسة والخلالة من بيوتهم .عشان يعمروا اللعب.. ويحرروا اللعب. وينقزوا لامن يجيبوا الموية.. يسووا الصفقة دنقير.. زي ما بيقول سلمان عقيد عثمان

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف صديق عبدالله علي أبوحنة في الأربعاء 16 مارس 2011, 5:52 am

روقوا كدي أدوها صنة
مافي عسل زي عسلنا

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف بلسم في الأربعاء 16 مارس 2011, 6:51 pm

تسلم يا بشمهندس لكتابتك الرائعه
ربنا يوفقك وفى انتظار المزيد

بلسم
عضو متميز
عضو متميز

احترام قوانين المنتدى : 100

عدد المساهمات : 611
نقاط : 12436
تاريخ التسجيل : 15/12/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف صديق عبدالله علي أبوحنة في الجمعة 18 مارس 2011, 5:59 am

أختنا بلسم دي ظاهر عليها زولة ذواقة وحساسة ودقيقة وذكية وذات خلق.. ربنا يحفظها..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف صديق عبدالله علي أبوحنة في السبت 19 مارس 2011, 10:28 pm

(إدريس الصادق... جاب الطش)

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف محاسن في الإثنين 21 مارس 2011, 2:39 am






دايره اعرف الكلام دا رصيتو كدي كيفن



ماشاء الله عليك

مخ تمام

محاسن
عضو متميز
عضو متميز

احترام قوانين المنتدى : 100

عدد المساهمات : 496
نقاط : 11758
تاريخ التسجيل : 16/03/2011

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف صديق عبدالله علي أبوحنة في الإثنين 21 مارس 2011, 5:28 am

محاسن.. لأني عشت الحكاية دي كلها في البلد.. مافي باشي بي تفوتني أو طهاري. أو بكا.بعدين نحنا ناس يفقدونا في الملمات..مافي طريقة زوغة.. بكل تواضع اسرة معروفة في المناصير من العال وحتي برتي، لما قدمناه من خدمة للمنطقة في ترقيتها والعمل على تطويرها..
الوالد رفع مستوى المناصير من السفر بالحمير الى السفر للكاب باللنش
الأخ عمر صاحب باص ترحيلات المنصوري.. المناصير أم درمان.. ثم العمل في خدمة اللواري لعشرين سنة رحمه الله
خلوة بلا فخر تطعم المناصير وضيوفهم بالليل والنهار لمدة90 سنة.. جميع وجباتنا نأكلها مع الضيوف حتى لحم السوق.. نصيبنا فيهو زي نصيب الضيف.. مناصير عتمور مناصير بحر يمروا علينا ونسمع أحاديثهم وكلامهم..
عشان كدة ما كنا نغيب عن افراح الناس.. والكشف والعانة.. الدفع يعني..
يلومونا الناس
عشان كدة خفضنا لهم الجناح
حتى ندخل قلوبهم..
قليل من يدخل قلب المناصير
لأنهم أذكياء
الوالد مرات يكون مشغول
يا محاسن...............
اقوم أنا بمجاملة الناس في أفراحهم وأتراحهم
لى برتي مشيت
وللجزاير
اتوكرت جزيري جزيري شرق وغرب مشيت
للعال والشمخية مشيت
لى مناصير نهر عطبرة
ومناصير كسلا ووقر وأروما وتندلاي والسراي ودرديب وهمشكوريب وصابون مشيت
مافي عذر
امام مناسبة كل منصوري
الناس يلومونا
عشان كدة يا محاسن
هذا السرد
الذي تسمعينه ليس خيالا
ولا من نسج القصص
ولكنه الواقع المعاش

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف ابو مصطفى في الإثنين 21 مارس 2011, 2:48 pm

تعيش يا خالى صديق ابحنة وليك وحشة ؟؟؟؟؟



مشغول شوية وليك رجعة طال الزمن او قصر


تحياتى
ابو مصطفى

ابو مصطفى
اداري
اداري

الأوسمة مــــــــــــــالي

احترام قوانين المنتدى : 100

عدد المساهمات : 2518
نقاط : 18299
تاريخ التسجيل : 22/06/2010
العمر : 44

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف مصباح محمد مصباح في الإثنين 21 مارس 2011, 6:52 pm

يا أخونا صديق لك التحية عمي إدريس الصادق ده مالك ذكرته كده وخليتو مثل الشايب المعلق (لناس الكتشينة ناس شرري) وماك عارف إنه الصادق ود إدريس شقيق حبوبتي أم أبوي زينب إدريس حوري وهي ابنة عم الحوري في الباوقة وزوجة جدي مصباح رحمهم الله جميعا وإذا غابت عليك قصة جاب الطش أسأل عنها ناس محمد بروي ناس فقاعة بيذكورها لك.

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 16246
تاريخ التسجيل : 14/08/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف صديق عبدالله علي أبوحنة في الإثنين 21 مارس 2011, 11:20 pm

مصباح ها ها ها
.........
والله لسه أنا محتار في حكاية ناس الحوري دي. حوري في فقاعة وحوري في أم لقاديب.. وعندهم طرف في ناس أم حصى المتيرة. وطرف في ناس ود عيسى.. وأذكر الحوري الاستاذ الله يرحمو.. فترة طويلة عايش برة المناصير
.........
قلتا لى كيف؟ إدريس الصادق جاب الطش!!!
متذكرا والله. لكن انشغلت شوية
عيسى بروي جزاه الله خير.. في الونسات الخاصة قاعد يقول: ( رفع وضع المناصير في لعب البوش من الطش)
إدريس الصادق جاب الطش دي قصتا.. وادريس الصادق فيهو روح المرح والدعابة..
دي القولة الولاد بي يكون أكلوا في الباشي ونزلوا التمر.. والحريم يطردنهم من البيوت عشان يوفروا الضل للكبار. وعشان ما يشربوا موية الأزيار يكملوها... يقولن ليهم يلا يلا أنزلوا التمر اللعب بدا..وورود الموية صعب والناس وردوها من عشية والصباح الناس تكون مشغولة
أها الحريم يطردن الولاد. واحدين يمشوا يعوموا.. ومرات تحصل حسرة تمسخ باشة الناس طفل يغرق. تتقلب الباشي الى حزن.
أها الأولاد البي يحومو في التمر
قبيل الحريم قالن ليهن. يلا روحوا التمر حرروا اللعب عشان الحريم يجوكن للرقيص.. و( ادريس الصادق جاب الطش) دي إيذان للعازف الكبير عليه محجوب في أنه طريقه الى ساحة اللعب... وهو بمثابة فنان الحفلة. يقعد في قعر التمرة.. وتلقى حاكومة وبعض المعجبين باللعب قاعدين جنبو..زي ناس السرة رحما الله في أم لقاديب.. أو فاطني بت كواب مرة علي ود الشيخ..
الأطفال يقودوا حملة ودعاية لإفتتاح اللعب ويهتفوا( إدريس الصادق جاب الطش) وغالبا ما يجيبوا ادريس الصادق. في فقاعة والله شري معظم قراها. وغالباً يقود هذه المظاهرات في فقاعة عبدو الأمين الحسن رحمه الله.. ومعاهو يوسف عثمان مصطفى.. ومرات ناس حمود ذاتهم.. وناس القاضي الأمين الحاج كان راس هوس. وفي المتيرة يقودها شلة ناس بخوته زوجة قسم الله..وولادا.. وهي تتنوع ويتنوع الكوراك حسب المكان والباشي في شري
صارت هذه القولة دلالة على أن اللعب بدا والحريم جن . البي يعوموا يسمعوا هذه الصيحة يوقفوا العوم والكاك. والبي يلعبوا في البرود يجوا.. والطالعين في التمر يلقطوا في أم راس وأم نص.ز ينزلوا... وكدة يا شيخ مصباح

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف مصباح محمد مصباح في الثلاثاء 22 مارس 2011, 1:37 am

حليل هذه الأيام ياصديق وحليل زمن اللعب في التمر وذكريات العوم والرمرمي وشيل الهدوم وبت قيقة والنحاس الشفناه في طهارة أولاد الرشيد لو تتذكرها الباشي كانت 15 يوم وما شاء الله عليك حافظ ناس شري كويس. أما ناس الحوري فقرية الودة في شري هذه يسمونها ودة الحوراب . ناس الصادق ود إدريس حوراب، وناس بنت أهلنا والدة ناس القاضي الحاج وإخوانه من الحوراب. في ودعيسى ناس بنت خليفة زوجة حسن الفكي من الحوراب أضف إليها ناس الطنبوري، وفي المتيرة ناس ود النعمة من الحوراب وفي أم لقاديب المصابيح من الحوراب، وفي بهية خدوم بنت صادقابي من الحوراب، وفي الودة خليفة ود إمام من الحوراب، وما تنسى ناس حليمة بنت أحمد، وناس البحاري، وزهرة بنت صالح يعني باختصار ديل كلهم أهلنا واحسب من فيهم بالمنتدى.

مصباح محمد مصباح
كبار الشخصيات
كبار الشخصيات

احترام قوانين المنتدى : 100

عدد المساهمات : 1897
نقاط : 16246
تاريخ التسجيل : 14/08/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف صديق عبدالله علي أبوحنة في الثلاثاء 22 مارس 2011, 10:38 am

ذكرتني الرمرمي..محمد حسن الكاب.ز هو كان لما يجي من وقر بيكون راس الهيصة ومن الناس البي يكوركوا ( ادريس الصادق جاب الطش) وكان هو حريص أي إجازة صيفية يقضيها في شري .عشان العوم والصفوري وأم راس وأم نص.. والمعصود. والبوش..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف ودالبلد في الثلاثاء 22 مارس 2011, 5:07 pm

ياابوحنه سلام ومحنه:
والله دى ماها ونسى فى باشى دى الباشى ذاته وماها صورة طبق الاصل دا الاصل ذاتو
انا متأكد تماما ان كل من مر من هنا وقرأ ونسة الباشى هذه عاش معها بكل احاسيسه كأنه كان حضورا فى هذه الباشى بشحمه ولحمه.
حرام ان يضيع ماتكتبه من غير توثيق
تقبل مرورى.

ودالبلد
عضو فضي
عضو فضي

احترام قوانين المنتدى : 100

عدد المساهمات : 869
نقاط : 14027
تاريخ التسجيل : 25/05/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف صديق عبدالله علي أبوحنة في الثلاثاء 22 مارس 2011, 5:14 pm

مرورك مقبول يا ود البلد يا ذواقة
.....
الإنترنيت يا ود البلد مقروءة أكثر من طبع الكتب.
الزمن سرعة الإيقاع
كاد أن ينتهي الكتاب.. موجود بس موش بنفس قوة زمان


عدل سابقا من قبل صديق عبدالله علي أبوحنة في الإثنين 02 يناير 2012, 1:50 pm عدل 2 مرات

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف صديق عبدالله علي أبوحنة في الإثنين 09 مايو 2011, 6:56 pm

الونسي دي عايزة ليها كلام لسه ما نزلنا التمر .. اللعب في التمر.. الحريم لما يزهجن من عوين الباشي ويكملوا موية السبايل والجراري يطردنهم ويقولن ليهم يلا يلا أجروا التمر اللعب بدا..
دحين أنا عايز أكتب عن اللعب.. والسيرة والقعيييدة وحاجات تاني.. وماني قادر مشغول .. ربنا يسهلا...

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف خالد عابدين في الإثنين 09 مايو 2011, 7:25 pm

أب حنة سلامات
عودا حميدا بعد الغياب

كل مرة قاعد أديها قصة (عيينة ) وارجع دار الشوف اللعب بدأ وله لا - تراهوقرب عاد نقوم نقيف في الصف عاد
تسلم على الموضوع التوثيقي الشيق جدا








أنت الزائر رقم لمواضيعي


خالد عابدين
Admin
Admin

احترام قوانين المنتدى : 100

عدد المساهمات : 2561
نقاط : 19028
تاريخ التسجيل : 22/03/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف هويدا ابوشعر في الأربعاء 25 مايو 2011, 6:42 pm

الاديب الحنونى
اجمل ما فى هذه الونسة تقسيم الفصول
الفصل الاول :الاستعداد للباشا والذى اظهر تعاون وتكاتف اهلنا المناصير فى مناسباتهم ومن خلاله ادرج اديبنا صور اجتماعيه لحياة المناصير.مشكلة الارمله مع نسيبها وحياة الطيانة (الحياة الزرزورية كما يسميها احد فلاسفة المناصير البسطاء ) اى تجمع كميه من الطعام وترجع لاولادك حتى تكمل ما جمعت ثم ترجع مره اخرى.
والفصل الثانى:اكرام المدعوين :وهنا اظهر اديبنا كرم وحفاوه اهلنا المناصير وتقوية الروابط الاجتماعية ودعم التعارف من خلال المناسبات الاجتماعية وعظمة المرأة المنصوريه كتلك التى تحتضن ابن زوجها. ايضا ثقافات المناصير الخاصة مثل نظام (البيوت) فى الاعراس الذى اعتقد انه خاص باهلنا المناصير .
الفصل الثالث:ما بعد الوجبة وفيه اظهر اديبنا كيفية كرم المناصير واهتمامهم بالضيف لاخر لحظة وهو علم الاتكيت الذى يدرس حديثا .
يظهر انه اديبنا كان من من يديرون المناسبات فى المناصير

هويدا ابوشعر
عضو فضي
عضو فضي

احترام قوانين المنتدى : 100

عدد المساهمات : 949
نقاط : 12447
تاريخ التسجيل : 21/04/2011

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف هويدا ابوشعر في الأربعاء 25 مايو 2011, 6:45 pm

الضيف عند المناصير بالذات بالغرب ما بيتحير قبل ما يسال عن حاجته يجد من يوفرها له

هويدا ابوشعر
عضو فضي
عضو فضي

احترام قوانين المنتدى : 100

عدد المساهمات : 949
نقاط : 12447
تاريخ التسجيل : 21/04/2011

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف اميره الحومرى في الخميس 26 مايو 2011, 2:04 am

جزاك الله خير على هذا السرد الجميل ونتمنى المزيد منكم هذا هو التوثيق الجميل للمناصير اللى كلنا نعتز بيهو ونفتخر فيهو

اميره الحومرى
عضو فضي
عضو فضي

احترام قوانين المنتدى : 100

عدد المساهمات : 717
نقاط : 11946
تاريخ التسجيل : 24/05/2011

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف صديق عبدالله علي أبوحنة في الخميس 26 مايو 2011, 7:29 am

هويدا حللتي الموضوع تحليل رائع!! إنت اتخرجتي من الجامعة بتاعة آداب والله شنو؟
أميرة الحومري أضافت.. وسلام لى كل ناس الحومري في البلد وفي الجيلي والكدرو والعاصمة وسلام خاص لعبد الله علي الحومري.. أستاذ الأجيال..


عدل سابقا من قبل صديق عبدالله علي أبوحنة في الإثنين 02 يناير 2012, 1:52 pm عدل 1 مرات

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف هويدا ابوشعر في الخميس 26 مايو 2011, 3:48 pm

(ضهلانين)
قبلتها يمين شمال ما عرفتا معناها

هويدا ابوشعر
عضو فضي
عضو فضي

احترام قوانين المنتدى : 100

عدد المساهمات : 949
نقاط : 12447
تاريخ التسجيل : 21/04/2011

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف (الحاج شرف) في الخميس 26 مايو 2011, 11:22 pm

بدون تعليق يكفى نتابع حتى لا يكون بيننا وسردك الجميل الرائع فاصل ونواصل ولكن واصل ونحن لك نتابع

(الحاج شرف)
اداري
اداري

الأوسمة مشرف المنتدى العام



احترام قوانين المنتدى : 100

عدد المساهمات : 1785
نقاط : 17064
تاريخ التسجيل : 22/04/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف ود المناصير في الجمعة 27 مايو 2011, 4:05 am

الرائع الأديب الأريب ود ابحنة .. أعجز عن التعليق على الموضوع .. فملامسة الواقع دائما تلامس الدواخل ..
ونحن ايام المدرسة المتوسطة في شري كان يستهوينا المديح ونستمتع بتوليع النار لتحميس الطار لاولاد حاج الماحي عند زياراتهم الدورية للمنطقة ونستمتع جدا برقصة عمنا العوض والد الاستاذ المربي ( ود العوض ) وهو رائع جدا في تعاطيه للمديح
ياللا ورينا حاجات عن المديح وحلقاته وذكرياته

ود المناصير
مشرف
مشرف

الأوسمة مشرف منتدى الاغاني والصور

احترام قوانين المنتدى : 100

عدد المساهمات : 3371
نقاط : 20837
تاريخ التسجيل : 06/04/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف صديق عبدالله علي أبوحنة في الجمعة 27 مايو 2011, 5:29 am

بجيك للمديح يا ود المناصير.. لكن تلقى طائفة عن المديح في بوست أحمد الحسن عثمان
نورة
قلبيها جنوب غرب تعرفي معناها..
( ضهلان وضهلانين) وردت في القاموس

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف مونتارى في الخميس 09 يونيو 2011, 10:17 pm

الرائع دوما المهندس صديق ابوحنة ماوصفتة فى ونسة الباشى يترسم فىدواخلنا حنين و ذكرة ولهفة للبلد واللمات واالله من باشة البلد نحن كنا فى الزمن داك نلعب صغار مع الجنون وداخلين ومارقين من الخس الفى يدو لحيمة وعضم ذى ما تقول والحروم والحبوبات يقوللن ياولاد ماتحوصو وتبوصو شكرا الرئع صديق لكن يادى الصديق انت بالرغم الغيبة فى دول المهجر الكلمات ديل كيفن مايهفن عليك. لك الود والحترام عشت ذخرا للاهل

مونتارى
عضو متميز
عضو متميز

احترام قوانين المنتدى : 100

عدد المساهمات : 501
نقاط : 12930
تاريخ التسجيل : 15/06/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف صديق عبدالله علي أبوحنة في الثلاثاء 14 يونيو 2011, 1:23 am

نفيق نواصل في الونسي دي

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف صديق عبدالله علي أبوحنة في الخميس 20 أكتوبر 2011, 12:45 am

عايزين ننزل التمر، نسوي الرتوتي... اللعب بدا..

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف صديق عبدالله علي أبوحنة في الإثنين 02 يناير 2012, 1:31 pm

راح ننزل التمر. الولاد والبنوت نزلوا التمر.
اللعب بدا
راح نبدا اللعب في التمر
نسوي الصفقة دنقير
نسوي الرتوتي
نجيب الموية
زمان ظهرت موضة في شري في الصفقة. صفقتين ونقرة كراع والزول يطير لافوق وينزل تاني
وكانت موضة عجبت الشباب
وكان حريف فيها
سليمان محمود توم
والشمباني عليه الرحمة
ومن الغرب
حسن محمد علي القاضي
ومن الكاب
الطيب سر الختم. افتكر هو من أم سيال
ومن العرب عرب العتمور عمر سعد
ومن برتي خلف الله محمد علي كباشي
ومن قرية الكحولة احمد الحسن احمد كحيل
ومن سور. عمر ود السلومي امو الكمندة
...............
اها لمان ظهرت نوع الصفقة الجديدة دي
وهي شئ اشبه بعمل الكورس في غناء الطنبور الآن
الحكاية دي
سرقت الاضواء من الصفاقين المعهودين في البوش
اللي هم الطيانة( الغباش)
قوة وضرب كف ورتوتي لامن اضانك تسوي الصووو
اها الكلام ده ما عجبهم الطيانة
........
عمك محمود الملك من فقاعة
كورك مرة في اللعب في عرس الدمكي في شري
يا ولاد هووووي
خلونا من صفقة ناس الكابلي وابراهيم عوض دي
دقوا الكف
جيبوا الموية جيبوا الموية
والله اطلعوا من الدارة لى اسيادا
الغباش طبعا مثقف
رائد الثقافة لأنو كان بيمشي الطين ويعرف الخرطوم وثقافتا وفنانينها قبل الناس
لمان كانت الخرطوم قبلة الانظار
لمان كانت الخرطوم ترمي قشة تسمع صوتا من الهدوء
لمان كانت الخرطوم ورقة واقعة ساكت مافيها من نضافتا

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف صديق عبدالله علي أبوحنة في الأحد 20 مايو 2012, 9:11 pm


إشاعة الفرحة وإشهار عقد القران عند المناصير من التقاليد الإسلامية الصحيحة، ونرى دائماً أن الأعراس تقام في موسم الدميرة وموسم حصاد البلح، لما يجلبه هذا الموسم من خيرات وفيرة، ثم الذين يعودون من مرافئهم وأماكن عملهم خارج منطقة المناصير( الطيانة) والذين يعملون في صناعات وأعمال جانبية في المدن.
الناس نزلوا اللعب:-
الحريم لما يزهجن من الأولاد والبنات، ويحين وقت القيلولة، ويصعب كفاية الأولاد والبنات بالموية يصرفونهم بأن يبدوا اللعب في التمر، ( يلا يا ولاد ويا بنات روحوا حرروا اللعب في التمر الناس نزلوا) وهكذا يفرح الشباب، ويبدوا اللعب في التمر..أصلاً هم يشعرون بأن الأولاد والبنات جيش مستهلك لوليمة العرس بدون ( عانة) أي إعانة.. وهم يرجحون بكفة الموائد في الأعراس ولذلك يصرفونهم عشان ينزلوا التمر يبدؤوا اللعب..
ومهرجان اللعب في الأعراس قد يختلف قليلا ما بين مناطق المناصير المختلفة خاصة في الستينات من القرن الماضي عام1950 وحتى عام 1980.. ففي شري مثلا، تجد أن اللعب في التمر يمتد حتى القعييدة أو قبلها بقليل.. وفي الكاب وكبنة وعصمة مثلاً، قد لايكون هنالك لعباً منظماً، وإنما المداح والدراويش تلاميذ الشيخ الجعلي، قد يكون لهم برنامجاً من الذكر والمديح بالطار، في الخلاوي أو المساجد، أو( البـَرَوِدْ) ثم ( القعييدة) نفسها قد تكون سيرة بالطار والذكر، بدون( بلال).. وقد تكون بيوت( المـَرَّاسة) أو ( البـَقـَّانة) معدومة في بعض مناطق المناصير، وهي التى تحرر اللعب في التمر عندما يشتعل أوار اللعب..
اللعب بدأ..
وعازف الطنبور أو عازف الإيقاع على الطش جاء.. وبدأ اللعب.. يبدأ اللعب عادة بالأولاد من الصفاقين وبعض البنات اللاتي قبل سن الزواج.. شوية شوية يتدخل الصفاقين من الناس الكبار وينحسر مد الأولاد..
يبدأ عازف الطنبور بعزف المقطوعات الموسيقية المتداولة
1 الضو خزينا
2 الطامح أب دفـَّار
3 الجبنة تبقبقى
4 الحامدابيي
5 من يين جاتك يا مـَشـَّاطـَه
6 النـِـقـَىْ
7 سوقني معاك يا ود سـَقـَدَلـِّي
8 الحمام
يكون اللعب عادة وسط مجموعة( حومة) تمر وهيطة الظل.. أو تحت دومة غزيرة الظل..
منظر عام لساحة اللعب:-
الرجال يقفون جانباً.. وكذلك النساء في الجانب الآخر.. والصفاقين صفين في حلقة اللعب( الدارة) والمرأة أو البنت التى ترقص في وسطهم.. تقل عادة أخذ الشبال من مرأة أو بنت داخل الدائرة وذلك للحمية الشديدة عند المناصير والغيرة وشدة الباس، ولذلك قد لايتجرأ شخص عادي بعيد من دائرة العريس، لايتجرأ أن يأخذ شبالا ، اللهم إلا مجازاً العريس، أو أخ أو ابن عم البنت التى ترقص، لايتجرأ أحد في ذلك.. خاصة إذا جاء الناس من البيوت.. وبيوت( المراسة) خاصة.. غالباً ما يكونون في حالة عدم سيطرة على انفعالاتهم، وقد يأتون بما لايحمد عقباه من تعكير صفو اللعب وابتهاج الناس بهذه المناسبة، ولذلك لايتجرأ أحد بعيد من دائرة أهل العريس بأخذ شبال من اي بنت أو إمرأة ترقص..
الناس كلهم وقوف في اللعب.. الأطفال يتشعلقون شجر النخيل حول منطقة اللعب، ليتمتعوا برؤية جيدة للحلبة.. وغالباً ما يسقط ولد تتملخ بيهو كروقة تمرة يسقط داخل حلبة اللعب، مما يكون مجالا للسخرية والضحك من العامة، بعض الأطفال خلال اللعب يحبون ممارسة العوم و( الحدريبة) وينظرون لساحة اللعب من البحر، خاصة إذا ساحة اللعب مكشوفة على البحر مباشرة..
هذه بعض معالم اللعب في المناصير، وبمفهوم الآن( الخيار المحلي) وهي بالطبع قد تغيرت بعض الشئ الآن.. ولكنها سوف تكون اقل تغييراً من مناطق التهجير الجديدة، التى سوف تنطمس فيها معالم هذا التراث الخالد، حيث سيختفى اللعب تحت التمر. وسوف يختفى العوم في مناسبات الاعراس، وسوف يختفى زمن ( الباشي) الممتد من الصباح وحتى المساء وينتهي بالقعييدة والسيرة.. أما هذا الأصل وهذا التراث فسنحافظ على إرثه في منطقة المحلي، وسوف ينشأ ويقوم نخيل من جديد وسيظل النيل، حاضرنا وماضينا..
يبدأ اللعب يزدهر عادة، عندما يجي العريس، ويجوا معاه ناس البيوت..بمجرد وصول ناس البيوت ينداح معظم الصفاقين وتكون الدارة لأغلبهم..والناس تعمل حسابا من أي غلطة.. واحد يحاول ياخذ شبال، واحد يحاول يصفى تار قديم مع مجموعة، في بعض الأحيان تحصل مشاكل، وقد يحصل فيها ضرب.. لكن نجد من مهام وزير العريس أن يصفي هذه المشاكل قبل اللعب وقبل العرس عادة، حتى لاتحصل مشاجرات بين أفراد، أو تصفية حساب قديمة، لتمر باشة الناس بسلام.
إيقاع اللعب:-
بالطبع هو ليس إيقاع الدليب الحالي، ولكن مرحلة منه، دقة الطش وصفقة الصفاقين، كانت مرحلة من إيقاع الدليب الحالي قبل أن تختلط المنطقتين مع بعض وهما الشايقية والمناصير، ويرجع اختلاط الإيقاع إلى المد الحضاري والى تداخل المناصير والأمـّارة والحامداب والشايقية مع بعض، وهم أصلاً لهجتهم تكاد تكون واحدة ومسمياتهم واحدة وتراثهم واحد وثقافتهم واحدة وسحنتهم واحدة ولونهم واحد، ومزاجهم متقارب، خاصة أمري والحامداب والمناصير..وأنا حينما قلت أن الشايقية بالنسبة لناس أمري والمناصير والحامداب، أكثر من أبناء عمومة! كنت اقصد هذا التداخل الجبري.. بالرغم من أن لنا مصالح مشتركة مع الرباطاب، ولكن طبيعة إيقاعهم العرضة، كان مثاراً لإختلاف أشياء كثيرة معهم، ولم تدخلنا ثقافتهم، لافي إيقاعنا ولافي عاداتنا، بالرغم من احترامنا لهم. ولكن هذا الشئ الحاصل.
من خلف كواليس اللعب:-
بالرغم من أن اللعب مستمر.. والرجال وقوف.. والنساء وقوف.. كل في صفوف، ولكن تجد اثنان من ناس الشمار مثلاً يجلسون على حجر، ويصورون الملعب بكامله، أكثر من الذي يقف محادياً لمسرح اللعب_ هم يجلسون على حجر أو جذع تمرة قريباً، ولكنهم يصورون كل شئ بكاميرة عقلهم الواعي، فهم أصلا لم يذهبوا لاي بيت من البيوت حتى يغيب عقلهم الواعي..
موحوماااد:
إنت البي ترقص دي بت منو! ومالا رقصت مرتين في عرس الناس؟
عثمان:
هييي جنيت أو.. دي العريس خالا طوالي، وبعدين ياخي هي مارقي في السوق ترقص مرتين تلاتة أربعة.. ما عندك عريس! ده زمنن عاد البنات، خلهن يرقصن، يمكن يلقن لهن عريس، ( السـَبـَّابـَة) حايمين.. ( الغـَباشْ) حايم و( الطـَيـَّانة) حايمين..
موحومااد:
يا زول هييي البنوت بقن ماهن دايرات الطيّانة! دايرات المدرسين!
علي:
هيي يا سجم.. أول المدرسين يحوقوا في منو! ياهن البارن عاد
محومااد:-
صلاة النبي شعرا طوال.. وأديبي.. شوف خـَتـَّتْ كراعا.. جايي مع الطنبور شوكة وشنكات.
علي:-
يازول هيي الجماعة ديل الرقيص هولن.. والشعر عندهم! جابداهن حبوبتن فاطنى.. شفتا حبوبتن لامن ماتت الله يرحما شعرا طوال كيف!
موحوماااد:-
الشـَعـَرْ.. واللدوبيي والحـَمـَراْ.. العريس ما شاء الله عندو حريم يرقصن.. ناس واحدين يسووا عرسن.. وزول واحد يتلقى يرقص ليهن مافي! وحريمن كلهن مـَطـَلـِشـَاتْ ومجنونات.. اللعب ما بيبقى بلا العريس يكون عندو حريم يرقصن، ويحررن اللعب.. الناس ديل ناس لعب.
علي:-
شوف شوف الناس ديل صفقتن حرت كيفن.. والزغاريت كتر. النزلت منى دي!
عثمان:-
دي أم العريس ذااااتو... عسكر قديم. ما شايف الطنبراوي غير دقة الطنبور. ودقالا على كراعا..( الجبنة تبقبقي) ( الشدر الكبار فيهو الصمغ!) عسكر قديم ده ماشاء الله( نفروا .. برا)..
علي:-
والله ما شاء الله عليها لليلي بي شبابا. ما تقول جايبي السبع بنات وخمسة أولاد ديل.. ده عسكر قديم يا زول شاربات دهن وسمن ولبن وفطير أصلي ماهن زي حريم الزمن ده!
عثمان:-
أنتا اللتك وينا يا علي. العريس ده ماهو في الحـِسـْبي خالا! خلها تجي ترقص! خايفي منك أو..
علي:-
خوفن كيفنو يا زول.. الزمن ده في خوف أو.. الحريم قاعدات يخافن أو.. تراها ديك ماسكي ولدا وواقفي في الصف التاني!
علي:-
يازول خلها اللتي أنا.. اللتك وينا! الناس ديل جيرانكم، ماتجي تاخد لها رقصة!
عثمان:-
يا زول التى تلقاها تسوج بالبيوت، قاعدالا فوق قدح ( دنفريس).. شاعر ساني قال شنو!( يا دي ناس باريني فوق الجفني عاقلات.. ترقص البنورة ناس كتلونا واقفات.. يا دي ناس باريني فوق الجفني عاقلات.إنتِ فاطرك غُرّة اللخد المكافات.. والعلي أركان الحرب مكانتو جارَّات..) ناس باريني ديل يسوجن بي بيوت الباشي..
علي:-
طيب ما تعرس!
يازول هيي.. عرساً كيفنو! هسع حالتي دي حالة عرس!
عثمان:-
ما شاء الله الليلي اللعب ده فيهو كوم دقاقين طنبور! يدق ده ! يمرق يدي ده!
اسع أنا أعاين من قبيل الطنبور ده مسكوهو كم واحد.. تراهن ديل واقفين صف!
علي:-
أهل الباشي كراعن واصلي، مقرنيين القبايل من برتي لى أم سفاية.. الزول مفروض يلخبت النسب من جاي ومن جاي القبيلي واسعي.. عشان الحكايي تطعم.
عثمان:-
يا جنا دقاقين الطنبور واقفين صف. يدق ده يدي ده!
قول بسم الله.. ريس دقاقين الطنبور جايي مخصوص للباشي دي من شري! النفر ولد بت الشاعر..
أول بت الشاعر جابدا أبوها بالشعر.. قالت:
أولادي التلاتي خصارة
واحد ماسك النقارة
وواحد أول الطنبارة
وواحد يلوص في الدارة

تاني شايف بي هناك حوماااد علي ود فطين.. جايي من الحيبي للباشي دى؟
علي:-
يا زول هيي حومااد علي ود فطين ماهو جايي من الحيبي.. ليهو كم قاعد بي جاي في العمارين.. إنت ماك عارفو مناسب العمارين أو!
علي:-
برضو شايف في دقاقين الطنبور خليفة ود الجدي من السلمات.. ده عاد بي ينقرش الطنبور جنس نقريش.. ومتخصص في الدق القديم.. يدق لى عسكر قديم.. الجبنة تبقبقي والطامح أب دفّار.. والضو خزينا..
عثمان:-
يا زول هيي لسه إنت ما شفتا شي.. ياما حا تشوف.. هسع الباشي دي قالوا فيها واحد من العرب، ليهو شنب كدي.. يقولوا لو.. الجعلي ود عيسى ود القـِلعِ.. زمنو كلو طاش على جيهة الشايقيي.. يدق الطنبور ده جنس دق.. يـَقـَـلـِبْ خـَلـَقـُوْ..
وكمان أقول لك حكايي عاين في الصف داك.. شايف الزول اب جلابيتاً ظهريي داك! ده ود الجابيقة ذاااااتو.. جايي بي دلوكتو.. الناس ديل عندهم معاه سـَرَارَه..( قورييق طه في جابيقة بوني.. مجبد سلكو والناموس ينوني) هييع ما شاء الله اللعب عمر عاد... ظهروا فيها بـَرَّاته.. وناس شرق القـَنـَاجـْرَه..
بس الخوف هسي دي العين الحمراا تجيك من تالا البيوت القبليي ديك توقف اللعب ده نار!
عثمان:-
بقا ليك يا علي باشة الناس دي بي تمر بدون شكلة وعيطة ودم! الله أعلم!
علي:-
يازول هيي الناس ديل ناساً مسالمين ما عندهم مشاكل مع الجيران ولا الحلل الجنبهم..
علي:-
يا زول هيي انت ناسي عـَمـْنـَوَّل العصي الوقفت ألفاً أحمر في كير بلولة.. أصلوا عندهم حقيق حبوبتن هناك. وناس سليمان ديل أكلو حق حبوبتن. وزرعوا ليهن فوقو شتيلات بور.. إلا ولد المنجوهة ديك.. مريستن دي تلعب بي راسو! ويفتش ليهو سبب يوقف بيهو لعب الناس ده! ويسوي ليهو كـَعـَّه!
عثمان
لا لا ما بقا لى..
عثمان:-
لا لا لا إنت عارف الشكلة بي تجي من وين! والعكاكيز المضببة تقيف ألفاً احمر!... تجي من ناس البيوت لما ينزلوا اللعب.. ويقوم واحد مطموس دايش يحاول ياخد شبال ويكون غريب من ناس الباشي..! الناس ديل حريمن يرقصن صاح.. لكن واقفين عليهن ألفاً أحمر..
عثمان:
تعال يا سعد وينك.. تعال اقعد جنبنا فوق قعر التمرة دي وأدنا الأخباريي
سعد:-
ده منو المعا ك ده! عثمان أو... عان ده الجن !.. خلاص الكلاكلة صنقت طينا كمل؟
سعد:
كدي أدني سجارة يا عثمان نطعم بها خشمنا ده ونضوق سجاير الخرتوم. اصلك قبيل حقنا في السفر ما أديتنا ليهو! كدى على حس البنوت ديل نجر لينا نفس نفسين أللات روثمان كنج صايز فلتر! ونرتاح شوية من البرنجي..
علي:-
هييي هييي سعد جابت ليها روثمان كنج صايز فلتر. والله ما شاء الله خدمة الطين دي علمتك الثقافة!
عثمان:
علي:-
يازول إنت تمعط في كروق قعر التمرة مالك! جنيتو أو.. هسع دي تطلع ليك شوارب عقرب من قعر التمرة دي! بعدين تسونا في أخـَرَاا...!!
علي:-
ود الشمباني من شري جاي برضو يدق الطنبور. وسليمان محمود توم ود الحاكومة..وولد ود صالح المداحي عبد الرحمن شايفو في اللعب..وقالوا كمان في دقاقين طنبور من ناس شرق القناجرة ديل..
سعد:-
ياجنا خلنا من ده! إنت شيخنا علي الحسن العديرقاوي يوم داك قال لى ناس سور في اللعب شنو بعد صلاة الجمعي في جامع سور قال ليهم شنو؟! حللو والله حرّمو!!
عثمان:
أهااااااا.. داير تجيب لك كلام دين! وكلاماً آخر.. خل الفقير في حالو يا زول.. ماتجيب لنا كلام الله قال والرسول قال: هسي دي ترم لك فوقنا صاقعي! كمان ماك شايف القبليي سحابا مزرقن الليلي.. والله ماشاء الله العريس كراعو خـَدْرا..ياهو وادينا سايل سايل..
علي:-
كراعو خدرا العريس والله لاحس الحلة؟ يا زول المطر خلها تمشي لافوق على عتاميرا ديك.. عربا راجنها.. نحن بلا تخرب لينا التمر آب تسوي شئ!!!
سعد:-
قـَلـَبا.. قـَلـَبا.. قلب دقة الطنبور!
عثمان:
شنوا قلبا! يكون عسكر قديم وقع في الدارة! دقالا على كراعا الطامح أب دفـَّارْ....
دي مديني ما شاء الله لسه موجبا تقضي.. عاد هي ماها خالة العريس!
عثمان:-
أها ما قلت لى شيخنا على الحسن العديرقاوي قال شنو في اللعب لى ناس سور بعد صلاة الجمعي؟ ما ياهو واعظ المنطقة عاد..
ابراهيم:-
سلام عليكن هوووي ناس قعر التمرة الناس المن خلف الكواليس
علي:-
شوف صاحبك جابلو كواليس وجاء.. أصلو عيشة الخرتوم دي خربت طبعو؟
ابراهيم:-
شايفكم توسوسو من قبيل قلت أجي عليكم نسمع الشمار
عثمان:-
نوسوس مالنا ما نوسوس. هي الصلاة ذاتا فيها سر وجـِهـِرْ. صلاة الله ذاتا الله سواا فيها سر وجـِـهـِرْ.. نحن البحمينا نوسوس شنو! يا ود حليمة!
عثمان:-
ما قلت لى شيخنا علي الحسن العديرقاوي قال شنو في اللعب، حللو والله حرمو.. والله مكروه؟ هو شيخنا علي الحسن ده ما زمااان كان عندو صولات وجولات مع ناس سور ديل ، داير لهم الهدايي، وبقوا عاد يقطعوا الغناء فوقو.. ياخي زمان في شري في جامع شري .. حرّم تمر الهبوب تبْ.. الراجل ما شاء الله واعظ لكن كلامو يندار ما بيتوبي تب. فيهو روح النكتة من واقع البلد، عشان كدة نحن المناصير ديل ناس الشؤون الدينية كان جابوا لينا واعظ غيرو! كان زمان دقيناه.. هسي دي زيتنا في بيتنا..
علي:-
أها كمـّلْ لينا قصة تمر الهبوب دي..
عثمان:-
يازول بعد خطبة الجمعة في شري خطب فيهم.. قال: تلقطوا تمر الناس وتقولوا تمر الهبوب؟ الهبوب بي وين سوت لها تمر؟
أكتر الهبوب في العقبة والله بي تحت في التمر والجرف.. اكتر من هبوب العقبة وين قاعد؟ مالا الهبوب في العقبة ما جابت لها تمر؟
تلقطوا تمر الناس وتقولوا تمر الهبوب؟ حكايتكن حكايي يا المناصير! يا زول ماشاء الله الراجل كلالالام وراسو مليان.. إلا براه زول مخلص ومتدين. قعد معانا هنا. والله لو مشى لافوق على الخرطوم ومرق من مناصيرنا ديل..؟ كان سوهو وزير؟ اصلو قاري هو القرايي مكمل حدها للأزهر حام وجاب شهادتو..
سعد:-
قلبتوها دين، وخليتو اللعب. الله يهديكم أنا قايم أكحل عييناتي ديل يمكن ربنا يديني عروس من البنات البي يرقصن ديل؟
عثمان:-
أها يا زول بركة القام سعد. أكمل ليك حكاية الفقير.. قالوا كانت في باشي في سور.. ولد بت السلومي عرس، قالوا في لعبو دقاق الطنبور كان يدق دقة الحريم يطلبنها جابا عبد الرحمن ولد ود صالح المداحي من لاتحت من الشايقيي..( وزين جانا عام بي صدرو.. وزين يا خلايق تـِرِّ وا.. وزين يتنفض لى ضفرو؟) أها والله عاد الحريم يتهجكن فيها.. والصفاقين يولعوا نار.. الباشي بتاعة ود بت السلومي أكانت يوم خميس صبحاني جمعي.. الناس ( بـَدَّالين الروب) ناس الشمار يعني شالوا الخبر ودوهو لى شيخنا على الحسن العديرقاوي، قالوا ليهو طالعي غنيي جديديي. اسمها وزين جانا عام بي صدرو؟ وهو طبعاً إمام جامع سور وخطيبو يصلي بيهم الجمعة والجماعة..
أها بعد صلاة الجمعة قال لهم: عندي ليكم سؤال يا ناس سور! قال ليهم صلوا على الحبيب... قالوا عليه الصلاة والسلام..
قال ليهم:-
إنتو مسعولين من الخير.. الوزين قاعد يعوم وين؟
ردوا عليهو قالوا ليهو بسم الله الرحمن الرحيم.. مالو سعالك ضهلان كدي؟
الوزين من الله خلقنا يعوم في البحر والخويات..
واحد نطا منهم قال ليهم هوييي ما تجاوبوا سؤال شيخنا ده شـَرَكْ ماهو سؤال ساهل أبداَ..
قالوا كدي أصبر أصبر..
أها قام قال ليهم شيخنا علي الحسن العديرقاوي..
حصل شفتوا ليكم وزين قاعد يعوم في التمر؟ وفي ضل التمر؟
قالوا:- يطرشنا..
قال ليهم البي يعوم في التمر يبقى ديل بناتكم وحريمكم وأخواتكم.. ما تخافوا الله.. وتتقوا الله في نفسكم! تضيعوا آخرتكم بي دنياكم..
يلا الجامع ده قال: قرررررررر من الضحك؟ ومن يومها اللعب في سور بقا محدود لامن تلاشى..
يووي.. اييوي... يوي.. ايوي..
ياجنا دي زغريتت مني دي! اللعب حراا..
علي:-
دي زغريتت خادم الله بت سعيد!
عثمان:
يا ناس الله يهديكم حتى زغاريت الحريم حافظنوا بي إسمو.
مقطع آخر للعب من جانب الحريم:-
يا بت نـَزّلى الطرحة.. عينك في جمارة التمرة.. أكْـتـُلـِي عينك..
فاطني:
واشري عليها يا يمة دي بت المرحومة خالتا تعلم فيها في الرقيص
أم الحسن:-
يا حليلا يا يمة أمها أماني ما كانت مرةً فالحي.. غايتو الدنيا دي، العريس خالا يا ديل تسوي كيفن! كان ما اتعلمت في عرس خالا تتعلم وين؟
سليمة:-
والله يا حريم الجبل، والله الما بتجاملني في عرس حسن وتاخد لها رقصة، تاني لاني فوقا لاتحتا.
سليمة:-
سعدييي نزلي مـُقـْنـَعـِكْ.. يا بت.. بـَتْبـَتْ حيلك الدارة دي عمياني منها.. يلا بلا دلع بنات..
فاطمة يلا يا بت جاملي ود خالتك هيي..
يوووووووووووووووي
سكينة:-
هيي مرة الصعيد دي منى الما بتعرف زغاريت بلدنا؟ خَرَبَتُو تب، أصلهن بناتنا ديل البودوهن على المدن الكبار لافوق يجن قاطعات الدرجي.. التوب ده ما بيعرفن يلبسنو! خليك من الزغاريت؟
آمني:-
ماشاء الله دي الفي الدارة هول منو يا بنات؟
هي دي بت أم زين الجايبا سليمان في مرتو اللت الصعيد؟
سليمة:-
صلاة النبي عيني باردي بقت بـِنـَيي.. سماحةً بري.. هسع تلقالا كـُوُر يبلعا وتعرس..
فاطني:-
هيي يا سليمة الزمن ده لافي كور ولافي سحيلي الولاد ماهن دايرن لهم عرس؟ آخر الزمن.
مقطع عـَرْ ضـِي لحلبة اللعب ( الدارة من الداخل)
هووووووووووووي يا ناس... عمي.. وينك يا عمي... عمي تعال لى بي جاي.. تعرس لى بتك ؟ أنت نوع السماحي دي ما بتعرفوا تلدو؟
( هنا للأمانة والتأريخ نقطع رد عملو عليهو.. عشان فيهو إجحاف عموماً في حق المرأة.. لكن تقتضي الأمانة التأريخية أن نورد سؤال ابن اخيه فقط.. مع تحفظنا لرد عمه)
فاطني:-
هييي ده جنا منو ده البي يتنبر في الدارة ويقول ليهو ياعمي جنس ده ما بتعرفوا تلدو؟ الولد بي يجيب لى نفسو الدق؟
سليمة:-
ده ود حسنة.. جاء راسو مليان من تلا البيوت الفي القبليي أصلو جبروه وعرسوا ليهو بت عمو سليمان.. وما كان دايرا.. دايرلو مرة صعيداً من لافوق أكانت تقرا معاه. وقبيل قالوا ليهو تغتي ماعونك؟
سعديي:-
والله بعد كدة مفروض العادات القديمي دي الناس يخلوها.. كان الواحد ما اقتنع براهو ما حقو يجبروه على بت أعمو.. هسع أخير جنس الكلام ده! بري يايمه.
هووووي يا ناس قالوا ليكم زمن القعييدة قررب.. اسدروا على البيوت.. السليقة مرقت والغدا مرق..
العريس:-
جزاكم الله خير إن شاء يسدوكم في اليوم الزيو.. شكرا يا بنات شكرا يا شباب..
أييييييييوي.. ايوي.. يوي

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف ود المناصير في الإثنين 21 مايو 2012, 5:00 am

نتابع ـ نقرأ ـ نرشف ـ نهضم ـ ونقول الحمد لله

الله يديك العافية ـ باشمهندس ود ابو حنة

ود المناصير
مشرف
مشرف

الأوسمة مشرف منتدى الاغاني والصور

احترام قوانين المنتدى : 100

عدد المساهمات : 3371
نقاط : 20837
تاريخ التسجيل : 06/04/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف صديق عبدالله علي أبوحنة في الإثنين 21 مايو 2012, 5:19 pm

رد: تـنبيه هام
من طرف سلمان عقيد النعوفابى أمس في 8:39 pm

.+
----
-شكرا الصدوق—(لكن اسع
القباضة دى نختها بى هنا واللا نمشى بى غادى-)
فقد ذكرتنا تلك الايام—وفعلا عندما تكتر الناس وتملأ الضللة والولاد يكملوا الموية يلزوهم على
التمر كما ذكرت –حتى يتفرغ الناس (حريم ورجال المجهاد) لاعداد الغداء—وهذه ايضا تحدث عندما
تكتر الناس فى الغداء(وليست من قلة الاكل ولكن لان كل الناس تأتى فى وقت واحد من
اللعب فى التمر) وتدور صحون وصوانى الدنفريس—فيحدث بعض الارتباك لناس المجهاد
فيحسم دائما بان يطلعوا العنقريب والبرش (ويعد العريس نفسه بالحمام ولبس زى القعيدة والسيرة)-فخروج العنقريب يعنى
بداية القعيدة ويسارع الكل لحجز مكانه –وغالبا ونحنا كشباب ما كنا نركز على الغداء
–واحيانا قد يكون هنالك عداء اخر او شربات لدى اهل العروس لو كانت قريبة-
اما اللعب فى التمر
فقد وفيت وكفيت فى الشرح—وجاييك راجع

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف صديق عبدالله علي أبوحنة في الإثنين 21 مايو 2012, 5:20 pm





رد: تـنبيه هام
من طرف ود المناصير اليوم في 12:52 am

.+
----
-الباشمهندس ... صديق ... سلام

والله ذكرتني ... اللاعب البلعب ضربة الكورنر ... ويجري يحصلا في خط ستة ويضربا هد ويجيب قون

صدقني مرات نحس بي كدا ..

تلقى الموضوع جميل وشيق .. والناس تتفرج عليه ..

وكلمة عوافي ما في ..

على كل حال اظنو في مشكلة في كيفية متابعة المواضيع بالمنتدى

وكتير من الناس ـ تجوط ـ عليه الحكاية وما يشوف بعض المواضيع

تشكر يا باشمهندس على التذكير والتنبيه ـ ونمشي بي غادي ـ تغدى دنفريس في الباشي ـ ونسمع الأخبار ـ من الجاي والماشي.
ود المناصير
عضو هام




عدد المساهمات: 2839
نقاط: 11181
تصويتات لمشاركاتي: 22
تاريخ التسجيل: 05/04/2010





.

صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف صديق عبدالله علي أبوحنة في الإثنين 21 مايو 2012, 5:20 pm





رد: تـنبيه هام
من طرف عباس محمد اليوم في 12:44 pm

.+
----
-والله يا ودالمناصير نمشى بى غادى ونتغدى تنفريس فى الباشى
ونسمع الاخبار من الجاى والماشى دا كلام جميل
لقد اندثرت تلك الكلمات مع العولمة.





صديق عبدالله علي أبوحنة
كبار الشخصيات
كبار الشخصيات

الأوسمة



احترام قوانين المنتدى : 100

عدد المساهمات : 7523
نقاط : 31685
تاريخ التسجيل : 14/07/2010

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف عباس محمد في الإثنين 21 مايو 2012, 6:56 pm

رائع يا باشمهندس صديق
وشكرا على التنبية
دا كلام دايرلوا رقده فى البيت بعد الدوام
وتفتح الموبايل وتتابع وتقرأ وتستمتع لمن عيونك يصرصرن
وترقد تنوم وهاك ياصباح خروج للعمل وتمشى تتابع الباقى فى المكتب
هذا هو الاصل الثابت فى موطن اجدادى





عباس محمد
مشرف
مشرف

الأوسمة مشرف منتدى شعراء المناصير

احترام قوانين المنتدى : 100

عدد المساهمات : 2245
نقاط : 16167
تاريخ التسجيل : 27/07/2010
العمر : 43

الرجوع الى أعلى الصفحة اذهب الى الأسفل

رد: ونـَـسـِـي في بـَـاشـِـي

مُساهمة من طرف عباس محمد في الإثنين 21 مايو 2012, 8:54 pm

ما وثقتموه عن اهلكم من تراث وثقافة محلية
ارجعتنى تماما لما كتبه القامة الاديب الطيب صالح
والذى نال به الجوائزالعالمية فى الادب.
كتاباتكم تذخر بالكثير من المفردات المحلية وتحكى عن واقع المنطقة
اجمل مافيها الحوار الذى يدار بين الاشخاص يجعلك تعيش الواقع كما هو
ارجوا ان توثق هذه الكتابات لكى تجعل منها كتابا عن المنطقة يحكى عن ثقافتها وتراثها

لك التحية والتجله
هذا التعقيب من الاخ صلاح ابوعاقلة
صديق لابناء المناصير





عباس محمد
مشرف
مشرف

الأوسمة مشرف منتدى شعراء المناصير

احترام قوانين المنتدى : 100

عدد المساهمات : 2245
نقاط : 16167
تاريخ التسجيل : 27/07/2010
العمر : 43

الرجوع الى أعلى الصفحة اذهب الى الأسفل

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى