في زول في البااااااب

[b]

مرحب بالاخت راحيل
طبعا الاسم يهودي هل للاسم علاقة باسرائيل ؟؟ ، انا شخصيا لا مانع لدي من انضمام اعضاء من اسرائيل للمنتدي ، بس مشكلتنا مع اليهود السودانيين !!!!!!!!! اعملي حسابك من علي هدوري قايم في حملة عنيفة علي الموساد
مرحب مرة اخري

حبابك وحباب الجابتك
أدخلي لاجوة نديكي ( تـُـرْمـَه) لاتقدي في خشم الباب

الخبير شكرا علي المداخلة .

الأسم يهودي بس ست الأسم منصورية موقدة نااااااار .
وانا بحب الأسم ده .

حيرتونا الأسم ده مالو . ما تقدونا ياخ

صديق عبدالله علي أبوحنة كتب:حبابك وحباب الجابتك
أدخلي لاجوة نديكي ( تـُـرْمـَه) لاتقدي في خشم الباب

ابوحنة ازيك بسط .
انا واقفة في خشم الباب لي 8 أيام وياداب حنيتو علي .

اهلا بالقادمه راحيل
ونرحب بيك بالمنتدى وننتظر مشاركاتك

اهلا بنت البلد المنصورية والف الف مرحبتين حبابك .

باسم كل منصورى اصيل مرحب حبابك يارحيل
من كل شبر فى بلادى من الجبال مما تبقى من النخيل
من كل عضو هاهنا انتى ونحن نعمل سويا للعودة للزمن الجميل
اما انك قد وقفت على الابواب من زمن طويل
فمثلك لاتوصد دونه ونحن فى انتظارك لقهر المستحيل

وحكاية الناس تتساءل عن الاسم لاتنزعجى لانه كلما كان الاسم معروفا يكون احسن نسبة لان من اهم اهداف هذا المنتدى الترابط الاجتماعى
-----حبابك مية والف------

مرحبيك اختنا راحيل ومرحب بكل حواء المنصورية التي نتمني ونتطلع لمساهماتها .

الف مرحبتين حبابك .وبك نسعد ونتمنى مشاركه اكبر عدد من المنصوريات لان النساء كل المجتمع لانصفه كما يقال....

مرحبتين حبابك و اليوم السعيد الليلة الجابك يا أخت راحيل و ان شاء الله يجيب عقابك و تكتر نون النساء فى الدار الرحيبة دى و نكون أغلبية كمان ...ادخلى لى جوة اكلى ليك لقمة و اشربى ليك كاس شاى صاموتى على الطريقة المنصورية ....حبابك و الله و الدار نورت يا حبيبة

غايتو عندى شعور غريب ان راحيل دى من دخلت يبقى لى ما بتقعد كتير لكن حبابك واليوم السعيد الليلة جابك ؟؟؟؟

ابو مصطفى

ابو مصطفى كتب:غايتو عندى شعور غريب ان راحيل دى من دخلت يبقى لى ما بتقعد كتير لكن حبابك واليوم السعيد الليلة جابك ؟؟؟؟

ابو مصطفى

ليييييييييييييييه يا أبو مصطفى . تصدق انا من تخرجت من الجامعة ببحث عن أهلي والعم قوقل ده شكى مني وانا ببحث يوماتي
عن منتدى يحمل اسم قبيلتي التي أحبها وافتخر بها في كل مكان . وما صدقت لقيت والفضل يرجع للعضو جبريل . وانا الآن انطط فرحا هكذا [center]

انت عارفه ياراحيل بس شفت الشعار طيره طائره والاسم رحيل او راحيل والله جانى الشعور انت سوف ترحلى ما بتطولى معانا وتدخلى فى المعمعة دى ؟؟ لكن اسع خلاص قلب ثبت خلاص ؟؟؟ وعلى فكرة جبريل عبد الرحمن من وين ؟؟ وانت من وين ؟ ومناصير وين ؟؟




تحياتى
ابو مصطفى

اسف جدا والله انا بقيت ما بشوف شفت شعار او صورة ودالفكى فى تعليق وما عاينت كويس وخلاص قلت دى رحيل والله يا حليلك يا ابو مصطفى الكبر لم خلاص اول دايرين نقعد لابتين ؟؟ وبعرف ناس برتى ودربى وبونى كويس بالذات عندى اهلى فى بونى فى دار دقيس مع ناس السيد ودقيس رحمه الله واولاده وعندنا حق هنالك ياراحيل ؟؟؟؟

حبابك
ومرحبا بك
وفي انتظار مشاركاتك الجميلة


بس ما قولتى راحيل والدة سيدنا يوسف ولا التانييين

خليك قريبة ومشاركة علي طول يااستاذه , والدار دارك , حللت اهلا ووطئت سهلا فاهلا بك بين اهلك وعشيرتك .

مرورك أسعدني وانشاء الله اكون عند حسن ظن الجميع .
بس ما قولتى راحيل والدة سيدنا يوسف ولا التانييين[/quote]

ايوة هي والدة سيدنا يوسف وأخيه بنيامين . أسألوني من هناء بس تاني .
[center]

native guy كتب:ههههههههههههههههههههههههههه والكلام الكتيييييييييير دا في موضوع الاسم .المهم المشاركه المفيده
مرحبا بالضيف

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟[/center]

وحكاية الناس تتساءل عن الاسم لاتنزعجى لانه كلما كان الاسم معروفا يكون احسن نسبة لان من اهم اهداف هذا المنتدى الترابط الاجتماعى
-----حبابك مية والف------

أخونا سلمان عقيد قال كدة
صحيح الإسم الكامل مهم
لكن بما أنه الإنترنيت لايزال ليس مفهوما بالقدر الكافي عند اطراف مجتمعنا الغليظ، وأنه مجتمع من بعض أطرافه، موغل في التقليدية، بما أنه كذلك، الخصوصية لازمة من لوازم النت الآن، خاصة فيما يخص أخواتنا وبناتنا..
المناصير اكثر من يحترم المرأة ويتعامل معها الند بالند في الزراعة والعمل والحياة، تضري وتنورق وتزرع وتنقح وتساعد.. ولذك انتفت في المجتمع نظرة الدونية للمرأة عند المناصير في عهد مبكر..
لكن كل واحدة تقدر الظروف من ناحيتها في اسرتها وفيمن يحيط بها من الناس المتمسكين والتقليدين..
حتى واحدة عضوة ( بت علي بيك) لمان حاولت في الأول التسجيل في المنتدى وما توفقت، لأسباب الشبكة، ظنت أننا لانسجل الحريم أو البنات في منتدانا..
ولكن العكس صحيح
نحن هنا ليس لتزجية الفراغ كما يفهم البعض. ولكن للترابط والمعلومات والمعرفة النظيفة الشريفة والتواصل.. والعلم.. وكل وحدة دخلت هنا هي من الشرف والأخلاق العالية بحيث أنها ترفع راسنا. ونقدرها ونحترمها وهي اخت وإبنه قبل كل شئ..
لذلك خاصة البنات.. كل واحدة لها مطلق الحرية تدخل بإسم متخفي أو إسم كامل حسب ظروف اسرتها ومن يحيط بها..

أبو حنة إزيك
كلامك علي العين والراس
انا ما كان عندي مشكلة كون ادخل بإسمي بس تعودت ادخل المنتديات بإسم مستعار دي كل الحكاية .
ومن ناحية الاهل برضو دي ما فيها مشكلة .
ودي المحرية فيكم .

زينة ابراهيم انت وين شايفك تتاوقى وعين جوه وعين بره ؟؟؟ شنو مالاقيتى صاحباتك والله شنو ؟؟؟؟ لكن اطمئنى صاحباتك كلهم مشو عرس روعة ؟؟؟ روعة بت هاشم الشيخ استاذ اللغة الانجليزية كل البلد عارفه ؟؟؟؟ دحين اخذى ليك قعدة بسيطة بى جاى واشربى ليك كباية قهوة فى صالون ابحنة وجماعتو وبعد شوية نخلى الواطة تبرد عندنا قطعة فى جرف ودبروى الروكة عايزين نزرعها وتحتاج الى غربال ؟؟ اما تغربلى ام ترمى التيراب يا امة تسلكى معانا ؟؟؟ اصلو ابو مصطفى زول مصيوب وجنه خدمى حتى الضيوف ما بخليهم يقعدوا عليك يالله ؟؟؟؟؟
بعدين فى الجرف برضو بى تلاقيك زوبا واخواتها وبى جاى بى جاى نشوف خبر ناس ود عقيد يبقى لى ان ما خفت الكذب سمعت قالوا ناس الحلة القدام ( ناس شرف الدين ود غلام وجيرانه ناس ودعقيد عندهم لمة كبيرة يوم 3 فى شهرى اتنعشر دا ؟؟؟؟؟ دحين الواطة غابت نقوم على زرعنا ونكمل الونسة بالليل ؟؟؟؟؟



تحياتى
ابو مصطفى