مصطفى محمد الحاج.. إزيك يا دفعة

مصطفى إزيك شوق بحر والله.. جياتك للسودان قلت.. لكن زمان كلما أجي إجازة ألقاك جيت قبلي أو جيت بعدي بي وليداتك، الله يحفظهم.. بس مرة إلتقينا في إجازة زمان في بداية إغترابك.أ نا هاجرت بعدها بسنة.. كنا معزومين أنا وأنت عند القامة حسين السيد شفاه الله في حوش فرنيب. وإنت جاي من المملكة كنت تحمل مبلغاً من عثمان السيد لحسين السيد. وإتلاقينا تحت مشرع الحنانين وظللنا ماشين على الأرجل نونس ونتخابر ونتذكر الأيام الحلوة. لغاية ما وصلنا حوش فرنيب
وحسين بعادته الحاتمية طبعاً ضبح.. ودورت الشية والمشاوي.. ودورت الكوتشينة..حتى المغرب.. وانضم الينا نفر آخر كريم.. بعد ما شبعنا شية ويعجبوك خرفان البلد في المشاوي.. بعد ما شبعنا شية .. حسين السيد راح جاب عسل.. وقال دي طريقة بعض ظرفاء بورتسودان.. هل جربتوا الشية بالعسل ؟ كدي جربوها هي بعد ما الزول يشبع شية تاني تنفتح نفسو من جديد للأكل بطاقة جديدة.. وفعلا جربناها ووجدناها صحيحة.. وجاء جربها بعدنا من الوفد الذي انضم للغداء.. جربها الوالد عبد الله وهو صديق شخصي للعم حسين وبيننا علاقة قرابة نسب من جهة الوالد وبعض العلاقات الأخري.. وفضل يحفظه حسين للوالد في إقناع العمدة نعمان بأن يتزوج حسين بت العمدة.. ( أجاويد).. والوالد برضو العمدة يسمع كلمته.. نحن اصلنا حنانين ملاغيم من حوش فرنيب زي ناس سلمان عقيد.. سلمان عقيد من جهة أمو ملاغيم ناس حوش فرنيب.. ومن جهة أبوهو نعوفابي..
كذلك الوالد تربطه علاقة شراكة وبزنس في اللنش. مع حسين. حسين عندو معانا ربع في اللنش وذلك كان لتسهيل بعض المهام وقتها في بورتسودان..
........................ مصطفى محمد الحاج:-
مصطفى محمد الحاج.. هذا ليس إسمو الحقيقي.. لمن يدخل هنا
وإنما إسمه الحقيقي( مصطفى محمد مصطفى)
مصطفى من الناس الذين انضموا الى دفعتنا في رابعة إبتدائي.. وانضم معاهو عمر الهادي الشفيع ابن ناظر المدرسة وكان صديق شخصى عمر لى ولمصطفى وثلاثتنا اصدقاء.. وعمر الهادي صار يزورني حتى بعد أن انتقلت للعاصمة وتخرج هو من جامعة القاهرة الفرع وصار يزورني حتى بعد أن اغتربت هنا..
مصطفى كان ذكياً.. جاء الينا من التلواب.. جهة عطبرة. مع أمو المرأة الراقية المهذبة بت الطيب.. كان يلقب مصطفى بالتلوابي.. تعلم مصطفى من عمر الهادي عمل الصفارة من الحديد الطري. تشبه صفارة ناس الشرطة.طورها مصطفى وعمل فيها إضافات وصار يبيعها بتعريفة في المدرسة.. وجنى منها مبالغاً..
كعادة الشخص الذي يعيد. أو تكبر سنة ويحب أن يتقدم للدخول للمدارس الوسطي عشان الرباطاب ما يزحلقوهو إن قبل لازم يكون عمرو دون 15 عام في التسنين
ولذلك غير الناظر الهادي الشفيع
إسم مصطفى
من مصطفى محمد مصطفى الى مصطفى محمد الحاج وهو تغيير طفيف لم يمس جوهر الإسم لأن مصطفى هو الحاج ايضاً ومصطفى يقال كانوا يقولون له الحاج
ولكن خربط الهادي الشفيع قبلنا في دفع سابقة في إسم ابو القاسم كروم
وسماهو( أبو القاسم عثمان كروم) واسمو الحقيقي( ابو القاسم على محمد كروم) ولايزال ابوالقاسم يتضرر من هذه الظاهرة ويرمي باللوم على الناظر الهادي الشفيع
كذلك غير معلم الأجيال كارس.. جارليس
غير إسم أخوهو بابكر محمد عثمان العمدة رحمه الله
الى أبوبكر محمد عثمان.. ليتمكن من الدخول للمدارس الوسطي
لأنو في الدفع القبلنا كتير كانت هنالك مأساة كبيرة
الرباطاب زحلقوا ثاني اللجنة كلها من 540 طالب جاء الثاني. سرق أول اللجنة بذكائه وشطارته لأول مرة رباطابي نابغة وهو المعتصم عبد الرحيم.. شوف المعتصم وصل وين وخليفة مشى وين.. ولكن المعتصم ظل يحفظ الود والفضل لأبناء المناصير ويوصى بإستيعابهم في مواقع حساسة نسبة لأمانة ابناء المناصير وغيرتهم على العمل العام حتى وإن تمذهبوا لأنو في الكبائر يبقى هم السودان الكبير وتنمحي المذاهب الصغيرة. وابناء المناصير بطبعهم ناس مؤسسية يهمهم العمل المؤسسي لذلك المعتصم لم ينكر فضل المناصير كما عرفهم زملاء دراسة ناجحين في ابوحمد الوسطى وعطبرة الثانوية وجامعة الخرطوم.. عكس الآخرين لم يتنكر.. وقال ليهم بالحرف الواحد( إذا عايزين ناس تلوموني وتشكروني عليهم في العمل المؤسسي المعين ! عليكم بأبناء المناصير المتعلمين.. وجربوا كلامي ده.؟)وفي إمتحانات اللجنة كان دائما الأول من المناصير.. إلا في هذه المرة كان أول اللجنة دكتور المعتصم عبد الرحيم.. في بعض الدفع برضو أول اللجنة كلها كان محمد عثمان حمد أبوروفة..وفي دفعتنا كان أول اللجنة كلها عبد القادر محمد أحمد الصادق وثاني اللجنة كلها حمد عثمان حمد أبوروفة و16 اللجنة هو شخصي.. وهكذا..
و خليفة عمر على محمد ود أب عابش من برتي. كان أول الصف من اولى إبتدائي الى إمتحان اللجنة .. خليفة دفعة حامد نصر الدين رحمه الله.. حامد هو الوحيد الذي نافس خليفة في الأول واخذها منه مرة في الصف الرابع
بعد هذا النجاح ذهب خليفة مزارعا في برتي
إمتدت المأساة وشملت تاسع اللجنة كلها من المناصير وهو عبد الواحد أحمد علي قريب ناس الزين على محجوب وولدو عضو المنبر هنا..
موش معناها نجحت في الإمتحان خلاص للدخول للمدارس الوسطى لا.. لجنة القبول كان ممكن تزحلقك حتى لو ناجح..
..............
مصطفى هذه بعض الذكريات طافت بخاطري مبعثها هو الشوق الجارف لملاقاتكم وبعض رحيق ذكريات من ايامنا الغابرة
لك شكري وودي

الحاجه فاطمه (بت الطيب) او (بت هندى ) رحمها الله رحمه واسعه واسكنها فسيح جناته مع الشهداء والصديقين
دكتور معتصم عبدالرحيم وكيل وزاره التربيه من ضمن طاقم مكتبه اخونا جعفر محمد على الطرشان من الجزيرى بجزيره شررى وهو ابن خال مصطفى محمد الحاج
اردت بهذا اخى صديق ان تتواصل الذكريات بينك والاخ مصطفى ود بت الطيب
وهذا يهمنا جدا
ولان الاخ مصطفى تربطه ةعلاقه بمعظم اعضاء المنتدى اذكر منهم الاخ عبدالغنى الحسن وابن شقيقه اسامه والاخ الباشمهندس هاشم الجزولى ومصطفى عمر والباشمهندس الفكى بليبيا وشخصى وغيرهم
ولك ودى الباشمهندس صديق

لك التحية ومالك غيرت الصورة السمحي ديك وجيتنا (بالينفورم) دا ...دا بشعي لكن صورتك ديك تذكرنا بالحميمية وقربك من البلد.....هههههه
تقبل مروري ولك الشكر

ماك ماشى العيد فى البلد يا صديق الضحية الباقى ليها 16 يوم ؟؟ وكمان المرة دى ما تجى بى كريمة؟؟؟
تعال بى خت الغرب ؟؟؟



تحياتى
ابو مصطفى

يا ربي توريني مصطفى بعد الغيبة والغيبوبة دي؟

شكرا اميرة واوعدك بان اتصل وهاتفيا بالاخ والصديق والدفعة صديق عبد اللة
واتمنى من الله ان يجمعني به والعين تشوف العين والليد تصافحو

أوووووووووه
أميرة علي قريبتي حركت مصطفى ود بت الطيب عشان يرد..
وأكيد تعبت واتصلت تلفون.. وانا دعوت لها بظهر الغيب وقلتا ربنا يحفظا ويحفظ وليداتا وزوجها من كل مكروه..