دبايب وعقارب وكربة وجنيبات ودفان وثعابين ودقرا في منطقة وادي المكابراب
2 مشترك
صفحة 1 من اصل 1
دبايب وعقارب وكربة وجنيبات ودفان وثعابين ودقرا في منطقة وادي المكابراب
حكى لي أعرابي من بادية المناصير..( وادي الهريوب) قال سنة كتلت ود سانداى .. الناس البيعرفوا قالوا سنة 35.. أنا كنت وليد مرفغ..مرفغ.. بفتح الميم والراء وكسر الفاء وتشديدها..معناها بلهجة مناصير الخلاء.. فتى دون سن البلوغ.. أنا وأبوي كانت عندنا ( منداجة) منداجة بفتح الميم وتسكين النون وفتح الدال وفتح الجيم.. ( منداجة) تعني دكان متحرك على ظهر جمل أو حمار.. يحمل بضاعته في ( خرج) عندنا منداجة.. نمندج.. اي نتاجر.. لمان بضاعتنا كملت علينا مشينا( بالجري) بكسر الجيم وتشديد الراء وكسرها.. اي مشينا بالمجرور غير راكبين قطر.. مشينا( بالجري) لامن وصلنا أم درمان.. نرعى ونمشي.. لمان جينا في منطقة المكابراب دي الرحلوا ليها جماعتنا هسه، كان عندنا فيها مناصير.. واحدين في الخلا.. واحدين في البحر.. أها قيدنا جمالنا في البكان نفسو.. دا الرحلوا فيهو جماعتنا.. المحل فرسيب وادي كبير.. شدروا أخدااار.. ( التوشيقا) فيه قايمة تطمس كراع الجمل( التوشيقا) بضم التاءوكسر الشين بلغة مناصير البادية هي فصيلة من فصايل الملوخية.. تشبه الملوخية تماماً... إلا أن طعمها فيهو مرارة بعض الشئ، يعملونها أهل البادية المناصير ملاح يأكلونها مع نوع من العصيدة تسمى( البلعيبي) هي عصيدة الذرة مع تخمير لدرجة معينة تختلف عن العصيدة العادية.. و( البلعيبي) تؤكل بالملاح أو أم رقيقة.. وعندهم في البادية عصيدة أخرى تسمى( الرغيديي) والرغيدية لاتؤكل بالتوشيقا.. ولا بأي ملاح آخر.. وإنما تؤكل باللبن العادي المفور.. وعصيدة فطيرة نسبة التخمير فيها أقل شديد.. طعمها جيد جداً..
.........
أها ياود حاج عبدالله المنطقة دى إما في أساسا منطقة جعليين. لكن ناسنا أصلهن هناك( البطون مطايبي) عايشين تمام... أما البكان دا.. بكان.. جنيبات.. ودفان ودبايب.. والدبايب الفيهو ماليهن عدد.. زرق كدة وقصار وصغار.. أماني عاد بالحركة وطول الزمن يرحلن.. ونحنا العرب نربط عود العقرب وعود الدبيب في كراع الجمل.ز ( الدفان) لايقربوا ولايجي جمبو.. يشم ريحة العرق يشرد.. وبي حركة الناس الدبايب تعرف وتهرب وتشرد.. أماني المنطقة دي سمحي بالحيل...
.........
أها ياود حاج عبدالله المنطقة دى إما في أساسا منطقة جعليين. لكن ناسنا أصلهن هناك( البطون مطايبي) عايشين تمام... أما البكان دا.. بكان.. جنيبات.. ودفان ودبايب.. والدبايب الفيهو ماليهن عدد.. زرق كدة وقصار وصغار.. أماني عاد بالحركة وطول الزمن يرحلن.. ونحنا العرب نربط عود العقرب وعود الدبيب في كراع الجمل.ز ( الدفان) لايقربوا ولايجي جمبو.. يشم ريحة العرق يشرد.. وبي حركة الناس الدبايب تعرف وتهرب وتشرد.. أماني المنطقة دي سمحي بالحيل...
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 45295
تاريخ التسجيل : 14/07/2010
رد: دبايب وعقارب وكربة وجنيبات ودفان وثعابين ودقرا في منطقة وادي المكابراب
انت مالك على كدى امشى ابو شام والعرقوب المناصير مالك عليها ولا انا غلطان
صلاح الفحل- عضو جديد
- احترام قوانين المنتدى :
عدد المساهمات : 32
نقاط : 24915
تاريخ التسجيل : 16/10/2010
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى