الهلال يهزم الجيش ويتصدر

خال ابرار
سلام
مبروك لهلال الامة ومسعول من الخير انت مونتارى لسع ما جاء من عطبرة الزول ده حصلوا سريع برضو ولدنا لازم نسأل منو ونتفقد احوالو ما تنسى تشيل معاك كل اللوازم الطبية الحالة ما معروفه .
والله المنتدى فقد تاج السر جبريل السر لعلك عافى مالك يا زول مسجل غياب الليلة كان اتفسحت فسحة جد.

نقول مبروك للأزرق الدفاق ، ياليت نتوج هذه الانتصارات الداوية بالكأس . ومافى شىء مستحيل اذا ......

مبروك للهلال. بالمناسبه انا أمس نسيت المباره ما اذكرتها الا الساعه2صباحا .دخلت النت لكي اعرف النتيجه دخلت علي كل مواقع الصحف السودانيه وموقع نادي الهلال فوجت الاخبار كلها قديمه وباني عليها العنكبوت كمان.قلت يازول سيبك منهم ديل عالم كساله نشوف المواقع العالميه .مثل موقع الفيفا والعربيه والجزيره فوجتها مهتمه بمبارات الاهلي وشبيبه القبائل والاخبار كلها طازه ووليده اللحظه.في آخر المطاف وبعد جهد عرفت النتيجه من موقع النيلين .موقع متجدد ومتطور.حاجه تكسف يارب الرقابه القبليه علي الصحف عندها دور في المسأله ده ولا في مآمره خارجيه ولا الحاصل شنو؟؟ افيدونا ياشجرابي ويا عرابي الصحافه .قنواتنا الفضائيه منيل بستين نيله وعازرنها لانو إذاعرف السبب بطل العجب . مواقعنا علي الانتر نت كمان ماله!!

دحين الزول ده عرفتوهو ؟-(الصورة من مباراة الامس - الهلال وجيش النيجر )
[ندعوك للتسجيل في المنتدى أو التعريف بنفسك لمعاينة هذه الصورة]

الزول عرفناهو يا مدير( هل يخفى القمر )لكن مالو بعد الكورة ما جاء رفع التقرير مشرف على شنو .

سلاماتنا يا الساكنين مساماتنا
مبرووك ياجماعة وعقبال الكاس_استاذنا الرشيد شكرا ع التهنئه ومونتاري صاحبك نسائم عطبرة جاتو بالساحق والماحق جابتلو التهاب الا حبتين كلو ساعتين والله التقرير عايز ارفعو بالتلفون من جوا الاستاد بس التكارين ديل جهجهونا ف البداية..
ياريس متين لحقت رفعت الصورة بالجد كانت سهرة كروية ممتعة

سلامات الرشيد/استاذخالد/خال ابرار /الفكى/جبريل نقول مبروك للهلال لكن ياخالد
كنا دايرين نشوف صورة خال ابرار بعد الشوط الاول اوبعد اقوان هيسا حالتو كانت كيف ولا عندك لينا صورة لخال ابرار يوم مازيمبى دى مطلوبة جدا جداعلى العموم مبروك للهلال الذى فرح جمهايرو وهو فى الدور التمانية/ الزعيم وصل للنهائى اكثر من مرة فى هذة البطولة/ترى هل يفعلها هلال مازيمبى ويصل للنهائى ام يكتفى بهذا القدر.... امل عطبرة يقاتل من اجل الهلال وليس من اجل جماهير عطبرة...عدنا