أفراح الحنانين بالمحلي

سيتم بحمد الله وتوفيقه ثاني أيام العيد بالمحلي، بالحنانين والجزيرة شري مراسم زواج ود أختنا  العريس هشام محمد عيسى.. ود عاشة بت عبد الله علي أبوحنة، شقيقة عضو المنتدى صديق المعروفة بالـ ( الحاجي ) والعريس المعروف بهشام جمعة
 على  كريمة عطا الشمباني.. بالجزيرة شري.. والدعوة عامة

مبروك مقدما لإبن أختك يا صديق ومبروك لكل الحنانين وربنا يتمم علي خير

آمين يا ود عون الله

ربنا يتمم على خير
وان شاء الله دايما دياركم عامرة بالافراح

تشكر انتصار على مشاركتنا أفراحنا

ما شاء الله العيال كبرت يا صديق ألف مبروك وربنا يتتم على خير والظاهر صاحبك سلمان سيكون من الحاضرين مرة ثانية ألف مبروك وان شاء الله بيت مال وعيال .

ربنا يتم علي خير ويديم الافراح والليالي الملاح لكل الاهل والعرسان مبروك باشمهندس وعقبال جميع الطايرين .
بالمناسبة الحنانين دي من المحنه والحنيه ولا من المحنة والمحن

الف مبروك مهندس صديق لود اختك وربنا يتموا على خير , بارك الله لهما وبارك عليهما وجمع بينهما على خير وبالمال والبنين.

نصر الدين والرشيد ونور الهادي.تسلموا على المباركة.ربنا يتمم للعرسان على خير
.............
 نعم يا الرشيد الحنانين من المحنة.. بس طلعت الحكاية عكس كدا  معظم الحنانين صعبين وراسهم قوي.. كان حنانين البحر وكان حنانين كسلا والشرق عموما.. هم عموما المناصير راسهم قوي.. وغالبية الحنانين  عايري ومدنها سوط زيادي فوق حرارة المناصير.. طلعنا منهم  ثلاثة الحنانين يختلفوا عنهم.. محمد سليمان أبوحنة الأستاذ.. وزعيم الحنانين الآن بكسلا. علي سليمان أبوحنة وشخصي الضعيف..
.........
 أيوه يا نور الهادي  صاحبي سلمان لازم يشرف على التجهيز والمشاركة في الغرب ويرفع راسنا وسط ناس شري ضروري.. وهو معيد في البلد بحول الله سلمان..

الف مبروك مبروك عليك يا عريسنا الله يباركوا ليك
وانشاء الله بيت ومال وعيال
وبالتوفيق وبالرفاه والبنين

تسلم على المباركة يا حسون. ربنا يسعدهم..

أول العرس قاسي يا حسون  يو..!!!
 مي الكلام الدرشة  في الدرشة؟ ( القفة )..
 الكلام الإستمرارية.. ويكون الراجل حكيييم يقود السفينة  سفينة الحياة كربان مااااهر ، يقودها الى بر الأمان.. لأنو الرحلة طوييلة..وشاقة..
 زي حبة الدواء تكون من فوق مغلقة بي طبقة سكرية وتحتها الدواء الذي يتفاوت في مروريته من بنت لأخري..
 يا بقيت راجل حكيم بعد ما تمص طبقة السكر المغلفة بها الحبة، تقدر تصنع للحبة طبقة أخرى حلوة
 يا تكون راجل عارف تحول طبقة المروريي كلها الى حلاوة أو اعتدال
 يا تكون راجل صبور تصبر على مرورية الحبي لامن تذوب في معدتك؟
 وغالبا طبقة الحلاوة المطلية بها الحبة من و فوق! غالبا تنتهي بعد بما يعرف بشهر العسل.. وبعد كدة تبقى الحكاية عند البعض
مجاملة
 سترة
 حفظ عرض
.. ولكن الرجل الحكييم والمرأة الحكيمة يتعاونان في شعاب الحياة ودروبها سويا.. فيتحول كل شئ بقدرة قادر الى بهجة وسعادة ومرح ومحبة وهذا قليل بطبع فطرة الحياة الناقصة الآن وهي تطلب الكمال المطلق..
....
 نسأل الله أن يكون عرساننا هنا من السعداء ثم السعادة لكل منصوري ومنصوريي

شكرا هندسة  -وسوف نقيف الفا احمر--(اشق العود واشيل الجوز واساسق فوق العرض حفيان--اقابل الزملاء والضيفان--) وشايل معاى جهازين موبايل وكاميرا--تصوير شديد--

تهانينا القلبية وألف مبروك لكل الحنانين وعلى رأسهم الباشمهندس صديق ولآل الشمبانى
والتهنئة خالصة للعريس وعروسته ، ربنا يتم لهم على خير ويبارك لهما ويسعدهما ...

هنئة حلوة منك يا الفكي.. أهلكم ناس أم حصي وناس الشمباني يا الفكي عشرتنا معهم كتيرة.. والصداقات عبر الأزمنة.. بحكم الجور والقرب ..  ودي تعتبر تاني مرة تزاوج بين الحنانين وناس الشمباني..
 المرة الأولى أظنك ما عارفا
 يا الفكي
 وهي بنت محمد عمر علي أبوحنة.. والسيد سليمان الشمباني من وقر. السيد بالمناسبة عضو معنا هنا في المنتدى
...

لازم تقيف ألفا أحمر يا سلمان.. ا
 بالإضافة لى حنانين البحر
 الليلة نزلوا حنانين من العاصمة وأسر من كسلا.. ومن وقر.. ومن المكابراب.. نزلوا استعدادا للعرس في المحلي..

الف مبرووك مقدما وبيت مال وعيال انشاء الله

تسلم عباس زولنا

يعنى عندنا باشى ليها ضَل لكن أنا وين وين إنت ؟
ربنا يتمم ليهم بالسلامه ونحن فى إنتظار سلمان ودعقيد
يتحفنا بالصور ويدينا المزيد وهو مابقصر طبعا أكيد ...

بس المشكلة يا باش مهندس الفكي سلمان عقيد زولي وأنا بعرفو.. صاح قال عندو  3 كاميرات.. لكن البي يصور بيها منو؟
 سلمان رافع البيرق.. وكان مشى لى هنوكا كاتيي.. لازم يأخذ إذن ويتمم تمام جيش..تقييد حركة

نحن طبعا (أهل الباشى)كان باركنا وما باركنا أصّلنا سوف نتولى (التدان) وغدا الضيوف..
إحتمال ننزّل الشف زاتو..
وبالتأكيد طنبور القعيده مسؤليتنا..
رحم الله الخال عمر عبد الله الحنونى جا فى باشتى بى بندقو وضاربلو عشرين طلقه مع بت عمتو!!
مبروك للحنانين كلها يا خال والصغيراب والسلمات والضقولة

ياخي يا ود  اللخت  ود الحمود أنت واعدني بي خالك وبت عمتو  تجيب لى صورهم في عرسك!
 قلت ليك طبعا أنتو أهل الباشي كان نزلتا العيد..  بي طنبورك وبي ضراعك وبي مجهادك.. ومعاك ولاد عمر أخوي.. محمد ومحمود ناساً يحبوا الهجيج.. وجابدن المرحوم بالونسي والضحك..
 كان نزلتا شد حيلك مع أولاد خالك؟ وأوعكم من الشرّاية يشيلوا حالنا.. أخمجوها  خمج طينة وموية.. وبت عمتي الحاجة قول ليها صديق يسلم عليكي وقال ليك تعالي من أم عطرون من عشيي..
 نحن عاد خايفين من الشـرّاية ديل ما عايزين نقصر.. باقي الشراية كان شالوا حالك؟
 الله قال بي قولك..

وبعدين عروسنا ماها ساهلي بت جامعية.تستحق التشريف والتكريم وعرسا لازم يكون فوق فوق..

يا سلام يا خال يا حنين يا أصلى..
سوف تأتيك الصورة خلال اليومين القادمين بإذن الله

وبعدين يا ود اللخت محمد ود عمر أخوي دا ذاتو مرشح للعرس.. وراسو قوي قوة راس مناصير زايد قوة راس حنانين. قدر ما رشحنا ليهو عروس.ما عجبتو.. والقروش عندو والحق عندو.. رفيقو تومو محمود معرس  عند ود الملكي عندو خمس بــِطـِن ا. وهو لليلي يحوم بين العبيديي والقمبارات.. عمرو36 سني..

كان بتكلم معاى قبل يومين بالتلفون.ههههههههه.
مشى دردوق كان شايل بهايم ضحية لبعض المناصير فى دردوق
ود أخوك راجلا ضكر ما تهمو شديد

ربنا يتمم ليه علي خير يا هندسه

الف مبرووووووووووووووك يازعيم وجمع الله بينهم علي خير 
وارزقهم بالزرية الصالحة والرفاهية والمال يارب ياكريم 
وعقبال عيالك ياهندسة

يا هندسه الف مبروك وبيت مال وعيال وربنا يتم على خير للعريس والعروسة وجميع اهلنا بالحنانين والجزيره شرى

الف مليار مبروك وانشاء الله بيت مال وعيال
وربنا يتمم علي خير
اللهم اسعدهم وارزقهم الزريه الصالحه
‏"تهانينا للاسره الكريمه "