نكات وفكاهات الهدندوة يا عازة ويا عبد الحفيظ ويا ناس وقر

يا أخونا موش ملاحظين بعض فصايل الهدندوة تشبه المناصير في الشكل والذكاء.. وحتى في الشلوخ الطولية؟ بعض الباحثين ذكر أن لهذا الموضوع دلالة وترابط في سابق الأزمان بين الهدندوة والمناصير..
عشان كدة رحلة الشرق وهجرة الشرق الطوعية دي ما جات ساكت للمناصير؟
العرق يحن؟
والدم يجبد
واحد عندو كتاب عن القبائل النيلية بجيب اسمو منو وقال شنو بالتقصيل.. ذكر علاقة المناصير بالهدندوة قبل 1000 سنة.. الغريبة بعض المؤرخين قالوا لهجة الهدندوة دي كانت سائدة في الجزيرة العربية قبل الميلاد.. وكانت هي إحدى فصايل قبايل الجزيرة العربية.. وينك يا دكتورة عازة؟
ودكتور مصباح
تعالوا أتروا لينا الكلام ده؟

الغدر برضو..
المنصوري إذا قصدك؟ ممكن يوديك في داهية؟ الغدر صفة مشتركة بين الهدندوة وبعض فئات المناصير موش كلهم..
واحد جعلي معي هنا في أبوظبي قال لى أنا الممناصير ديل عاشرتهم في مناطق كتيرة.. وكانوا زملائي في جامعة الخرطوم
المنصوري ممكن يكتلك عديل كدة ويطلع منها زي الشعرة من العجين؟
بعدين أقول ليك حاجة يا صديق؟ الموضوع ده عن دراسة موش ساكت؟
الرباطاب هم شايلين وش القباحة ساكت..
لكن اللماطة الجد واللولوة والمكر والخداع؟ هي حقت المناصير.
أقول ليك حاجة لكن بالرغم من ذلك
عندهم الضكرنة والشجاعة والفرسنة موش مكر مكر في أي حاجة ؟
لا
عندهم مبادي للمكر وعندهم مبادي للصعلكة ذاتا.. وعندهم قيم..
كان الله أداك يكون صديقك منصوري؟
وكان الله قال بي قولك يكون عدوك منصوري؟
.........
لكن بأمانة برضو بقدر هذا الزخم يا صديق؟
لاحظت نسوان المناصير مسكينات جدااااا وغالبا هاديات.. برضو طموحن موش كبير زي الرجل المنصوري؟ لكن في فلتات منهن..

بوست مبالغه في الرووعه والله ياخالي الليله ضحكتني شديد بي نكتة ادروب والشكري الله يعطيك العافيه وفعلا يوجد تقارب كبير بين القبيلتين والقاسم المشترك الاثنين لايحبو التعقيد في الامور وعلي سجيتهم واذكياء جدا يفهموها وهي طايره واكثر مايعجبني فيهم هو عدم الاستعجال في قراءت الامور يعني التأني .واديك دي ادروب مشي الدكتور بي وجع بطن الدكتور قال لي ادروب اكلته شنو ادروب قال ليهو 6 صندوق بسكويت ابو ديك اكلنا قاصد طبعا مرقة الدجاج

هههههههه يعني أكل صاحبك الماجي؟ هههههههههه

ظهرت حكاية الشغالات الفلبينات في السودان.. والممرضات الفلبينات.. الهدندوي في بورتسودان شافن؟ لأول مرة؟
طبعا الفلبينيات عموما نخرتهم زي النوبة كدة ووشهم بس على لون أصفر..
واحد زميل الهدندوي سألوا؟
قال ليهو: أدروب البنات ديل شنو؟ وجايين من وين؟
طبعا هم في بورتسودان يا عرب.. يا تكارين؟
فقال ليهو: أوشيك أخوى.. الله أعلم ديل تكارين اوروبا

ههه ظريفه هاك دي ادروب عجبوهو بنات الثانوي شديد فكر يفتح مدرسه في قريتوا مشي للوزير قال ليهو نحن المدرسه نبني مرتبات المعلمين نصرف انتك الطالبات جيب

ههههههه عايز طالبات الثانوي أدروب.. هههههههههه

أدروب راكب لوري من كسلا.. ماشين بورتسودان.. في نص الطريق السواق كان ماشي شديد.. اللوري اتلقب ماتوا فيهو 20 واحد..
قام سواق اللوري قال لى أدروب يا أدروب هاك دي نص مليون.. لما القضية دي تجي المحكمة أشهد قول اللوري ده ماشي بسرعة 50 كليو في الساعة وما ماشي شديد..
أدروب قال لى سواق اللوري والله أنت نص مليون تجيب!
أنا أقول للقاضي اللوري ده! كان واقف واتقلب!
جيب مليون
مسك المليون وربطو في توبو
جابوهم في المحكمة
 القاضي قال لى أدروب أحلف القسم، قول ما أقول غير الحق؟
أدروب قال: نحن كتاب الله ما نحلف.. شيخ تاج السر نحلف!
القاضي قال ليهو نحن مالنا ومال شيخ تاج السر؟ يا تحلف يا نختك في الحراسة كشاهد زور؟
أدروب قال: نحلف وندى السواق نص المليون بتاعو
هاك يا سواق نص مليون بتاااءك
بسم الله كتاب الله نهلف
أولا يا هضرة القاضي
اللوري ده كان ماشي بسرعة شديدة شديدة الله أعلم كان ما اتقلب؟ كان فات بورسودان ووقع في البحر الأهمر.. من شدة سرعتو
هو ماشي اللوري عمود تلفون تشوف تاني ما تشوف
شدر عشر تشوف زي الجرجير

هههه قطعت مصاريني بالضحك برأ زمتو برضو قالو اروب مساعد في لوري السواق جعلي ينفخ ساي في ادروب نحن جدنا المك نحن فرسان دار جعل وادروب النفخ دا ماعاجبو بعد شويه وقفوهم ناس نهب مسلح قالو للسواق الا ترقص ولي ادروب يدق الدلوكه ادروب اتكيف بي صحن الاكل يدق للجعلي بعد رقص تمام فكوهم في نص الطريق جاعو الجعلي قال لي اروب جيب صحن الاكل ادروب الله نسيناهو في مكان قطع الرحت

ههههههه
قطع الرحط دي كويسة... أدب الجعلي

أدروب لما يتعلم ويتحدث لغة الوسط كما هي  برضو تظل الفكاهة متابعاهو؟
عمي عمر في وقر الله يرحمو بيكرههم شديد.. ومسميهم( ولاد الجن اللبيض)
...........
دي قصة حقيقية واحد أنا بعرفو من أولاد الشرق دخل جامعة الخرطوم وتخرج في كلية القانون.. وطبعا كلية القانون يا تشتغل قاضي، يا تشتغل محامي..
قال شنو؟
نحن شغل بتاع مناتلة وشحدة ما ندور.. يقصد المحاماه.. نتشغل مع الحكومة قاضي. راتبك يجيك وخلاص..
هو صار يتحدث لغة الوسط تماما. لكن فكاهته ظلت مبارياه
أها أشتغل في المحاكم الأولية في بورتسودان مسقط راسو فترة.. بعد كدة نقلوه الأبيض قاضي مديرية..
سافر بالقطر نزل مع عذابة دفعتو شغالين في المديرية وملخبطين فيهم ناس شمالية وفيهم ناس عاصمة وفيهم ناس شرق.. عذابة مجيهين كل يوم خميس وجمعة يضبحوا ويشربوا ويهيصوا.. شأن العذابة زمان
 أحمد أدروب بكل أسف كان يسكر. وقد تاب الآن ومن تاب تاب الله عليه..
والعذابة طبعا ياها حالتهم
 مشوا اتلقوه في القطر جابوه البيت. لامن الحكومة المحلية في الأبيض تخصص ليهو سكنو وتديهو عربية حكومة نزل مع العذابة البي يعرفهم ديل..
أها العذابة متقرصين شوية.. يا ربي أدروب لسه يشرب والله خلى الشراب..! نحن من زمن الجامعة تاني ما شفناه.. يمكن الراجل بعد بقى قاضي يكون خلى الشراب..
وضبحوا تاني لى أدروب خروف.. بالليل فرشوا ليهو سرير براهو في حوش الصالون.. وختوا ليهو تربيزة وعليها كورية لبن مفور .. الكورية المكتوب عليها رمضان كريم ديكا..
وقفلوا باب النص بالمفتاح ويلا دوروا قعدتهم والشية والشراب والونسة.. وخلوه هو بي هناك

ههههههه قاضي مسخوت ذي ماقالت محاسن هاك دي أدروب شغال حارس في مخزن دقيق يوم شاف في التلفزيون في ساحات الفداء واحد مجاهد بيقول : والله كتلنا الخوارج و كانت معركة شرسة و كنا جيعانين ، بس فجأة السماء نزلت فينا دقيق و قمح . أدروب رجع المخزن وشال القمح باعو و نام في عنقريبو . ناس الحكومة جو تاني يوم لقو الدقيق مافي ، سألوه : يا أدروب الدقيق وين . قال ليه : أدروب ليل كلو أمبارح ما نام ، الملائكة تشيل دقيق تودي جنوب 
 

هههههههههههه ملايكة تشيل دقيق تودي جنوب ههههههههههههه
والله أدبهم

ههههههههههه دي زعله شديده خلاص ها ك دي يوم الكشة في كسلا بيكون معروف مافي زول يجي يسكر , وكسلا معروفة بالتهريب , اها يوم في كشة ادروب ما عارف جاء اتملاء عرقي فل , فجأة الكشة كبست لاندكروزرات جد ادروب قام مشتت لاقاهو لاندكروزر قدامو رجع الشارع التاني لقي واحد قدامو حاول يرجع اتحاصر بين تلاتة لاندكروزرات , الضابط نزل مسكو قام ادروب قال ليهو : شنو يا جنابو انا شكران ولا تهريب

ادروب مسطول مشي البحر الاحمر يصطاد سمك
قام اصطاد سمكة زينا ملونه
قال يا سلام سمكه راهاااااااات جاي من السعوديه ؟؟؟

يحكي لى أبوى قال هو وحسن الفكي من شري. كانوا شغالين في القاش فترة كدة.. ( الفم) ردم التراب.. ساعة الفطور قعدوا في ضل شدرة كدة.. وعندهم قفة ود لقاي تمر رسلوها ليهم من المناصير.. وود لقاي طبعا أحلى تمر في العالم..
والعرب بي يحبوا التمر شديد.. وغالبا التمر الجيد جدا ما بيبيعوه ليهم في وقر.. تمر عبد رحيم.. قرقودي.. بركاوي تعبان شوية النوع الصغار داك
والعرب يشربوا القهوة بالتمر ولا يحبوا السكر..
حتى في دكان بت عمتنا فاطمة الصمد يجوا يشتروا التمر.. وفي دكان ابن عمنا علي سليمان أب حنة وبقية دكاكين المناصير في وقر
أها أبوى قال العربي ده جاء قعد في شدرة كدة موش بعيدة منهم... وهم البن يصروه في طرف هدمهم.العرب. العربي تلقاهو سروال طويل( سروالوك) وتوب يتلفحو بس بدون عراقي.. وفي طرف التوب يكون صاري البن
أبوى قال جاء طلق البن ده من هدمو وسواا جبنتو وبدا يشرب فيها مرة
قال حنينا عليهو وشلنا تمرات كدة قدر هين ود لقاي أديناها ليهو؟
قال ابوى شرب جبنتو دي وأكل ود لقاي ده؟ لقاهو حلو حلاة شديدة خلاص
قال جاء لى ناس أبوى مندهش
قال: أنتن التمر ده! جبتنوا من وين؟
حسن الفكي قال ليهو.. رسلوه لينا من البلد؟
زي ده هناك عندنا كتييير ولا بتحتاج من الواطة ساكت تلقط وتاكل
العربي ما صدقهم
وقال: الله أعلم أنتن كدابات,, تكدبن ساكت! لو عندكن زي ده! ما بتجن تهومن( تحومن) عندنا هنا بي كريعاتكن ديل؟ الله أعلم أنتن كدابات

عازة دي جبناها ليك من  عمر بابكر.. عضو المنتدى.. جنابو جنبكم في كسلا.. وراجل زول ضيوف.شقيق فقيدنا حبيب 



طالبات مدرسة  ثانوية فى بورسودان  أيام نميري طلعوا مظاهرة
البوليس أعتقل مجموعة من البنات وركبن الكومر .
أدروب لقى الكومر واقف ملان بنات
فقرر أن ينضم للمجموعة المعتقلة بأى طريقة , وبدأ يهتف :
"عاش الحزب الشيوعى السودانى .. عاش نضال الطبقة العاملة"
الأمباشى مشلخ شايقى , واقف جنب الكومر , عرف ليك لعبة أدروب قصدو شنو!!! عاين لأدروب وقالو :
"يا زول أمشى من هنا .. والله إن بقيت لينين .. ما بتركب"

ههه هم ساخرين شديد قالوا ادروب عرس شماليه ختت الدلكه في كوريه ومشت لما جات راجعه قالت ليهو ادروب الدلكه وينه قاليها الدلكوب أكلنا

هاك دي قالوا ادروب متشاكل مع فلسطيني مع ترحيل الفلسطينين في جبيت الفلسطيني ضرب ادروب ضرب صاح لما غلبو يقوم قاليهو فلسطيني اسرائيل كيف

قالوا برضوا في ادروب مشاكل مع صيني طلع السفروق والسيف والدرقه بعد دا كلوا الصيني قدر عليهو طبعا مدرب كراتي ادروب لقي فرصه في الصيني قبضو خنقوا الناس ياادروب فكوا الزول دا حايموت قاليهم الزول دا كان فكيت يطير .

الدلكوب أكلنا دي زي حكاية علبة مرق الماجي الأكلا كلها..
 هي السبب ختت الدلكة وماشي تجيب الدهن والله شنو؟
 هي ذاتا عروساً مسخوته!
مالا ومال تدليك أدروب..
 نحن طبعا زي ما عارفة يا عازة كمناصير أختلطنا مع الهدندوة في القاش.. وتزوجنا منهم وتزوجوا منا..

ههه قدر لي بتاع الامن قالو ادروب شايل بوهيه بيضاء مطلعه من الميناء ناس الامن سألوه ادروب دا شنوا قاليهم ذبادي بارد

ادروب عجوز جاري من كشة الالزاميه قالوا ليهو ماتجري الناس ديل دايرين شباب قاليهم مامعروف يمكن يقولوا دايرين ضباط

أدروب جاء ماري بي ديم مدينة في بورتسودان.. شاف ليهو  لمة بتاعة صيوان عرس!  بعدين على حظو شاف ليهو أمريكي زنجي شغال في بورتسودان قاعد يطلع شغلو في إحدي الشركات العاملة كل يوم الساعة تمانية.. الخواجة يعرف شوية عربي..
 أدروب قايلو سوداني
  سألو قال ليهو ( ده عرس منو ؟) الخواجة قال ليهو I dont know?
  ..........
 أدروب كمان في نفس مواعيد الخواجة الأسود قاعد يجي طالع ماشي يعتل في مكان شغلو..
 في نفس الشارع لقى ليهو عنقريب جنازة؟
 سأل الخواجة قال ليهو ( المات منو )؟
 الخواجة قال ليهو :I dont know?
 أدروب قال : سبحان الله؟ عرس البارح ومات الليلة؟ العروس عملت ليهو شنو؟ الله يرهم آي دنت نو.. هظو كعب ما داق للعرس طعم!
 هو مفتكر آي دونت نو ده إسم زول..

ههه ظريفه والله ادروب همه طبعا عندهم الاسبار والتطير وفي نفس الوقت ممكن يقتنعوا بان فلان بركه