ترحيب بالرائع .....ودبروى

سامى احمد محمد كتب:أفتحى أحضانك يا بلد وضمى زولاً جاك من بعيد

من زمان حباك مجدك وليكى غنا وصاغ النشيد

 ديمة فى بالو وما نساك فى اغترابو وبلدو البعيد

بى قدومو ديارنا فرحت واصبحت ايامنا زى عيد

راقى رايق ويوت مبتسم طيب الأخلاق زول فريد

سامى احمد محمد كتب:أفتحى أحضانك يا بلد وضمى زولاً جاك من بعيد

من زمان حباك مجدك وليكى غنا وصاغ النشيد

 ديمة فى بالو وما نساك فى اغترابو وبلدو البعيد

بى قدومو ديارنا فرحت واصبحت ايامنا زى عيد

راقى رايق ويوت مبتسم طيب الأخلاق زول فريد

منك انتى محال يبتعد با بشارة العيد السعيـــــــد

نظمو فيكى وفى جمالك زاهى زى العقد النضـيد

يا عيال ود قمر الرقد هد كبد القيقر شهيــــــــد

أبعدوا إبليس ما يقرب والعنوهوا الشيطان طريد

تعالوا هموا ووحدوا الصف واسمعوهوا الرأى السديد

 الكبار بالـرأى والفهـم والشباب بالـزنـد الشديـد

وحدوهوا الصف للعمل شان نعمرا تانى ونشيـد

شان هدفكم يبقى معروف ليهو نسعى وعنه ما نحيد

البلد يعمرا ساكنا بإجتهادوا وعزموا الأكيـــــد

لو سما وخلا الإختلاف البضر حتماً ما بيفيــد

يلا يلا نضم الصفوف وإيد على إيد تجدع بعيد

يلا يلا نضم الصفوف وإيد على إيد تجدع بعيد

عباس محمد كتب:لافض فوك الاخ سامى

قصيدة مليانة اتت فى  وقتها

ربنا يقوييك ويخدر ضراعك

ترحيب رائع لنسيبنا ودبروى

سهام علي محجوب كتب:القصيده تحمل معاني ساميه وياريت كلنا نبقي ايد علي ايد ونخلي الجدل المبيفيد وفي كل انسان بذره خير اكيد بس كيف نحن نخلي الجدل ونقيف للصفقه ونسمع للبعيد دا اخوك وداك عدوك واطردو للشيطان اللعين نحترم بعض وندحر كيد الكائدين

سامى احمد محمد كتب:أفتحى أحضانك يا بلد وضمى زولاً جاك من بعيد

من زمان حباك مجدك وليكى غنا وصاغ النشيد

 ديمة فى بالو وما نساك فى اغترابو وبلدو البعيد

بى قدومو ديارنا فرحت واصبحت ايامنا زى عيد

راقى رايق ويوت مبتسم طيب الأخلاق زول فريد

نجلاء زمراوي كتب:تسلم السامي...
لايعرف قدر الكرام الا الكرام...
تقبل مروري...

abuahmed كتب:تسلم سامي السامي ومعك نرحب بالزعيم وكلماتك ونظمك فيه اثلج صدورنا ودعواتك للم الشمل وصف الصف وتوحيد الكلمة لها عندي وقع خاص خاصة ندما تاتىبدون رتوش
لك وللجميع التحية
مسئول من الخير؟!!! وين صاحبنا ود عون الله؟!!!!!!!!!!!!

نصرالدين ابوزيد حامد كرار كتب:ابدعت اخى سامى , والزعيم ودبروى يستحق منا كل تكريم واروع ترحيب فالرجل بحجم قبيلة .

د/ حسين النافعابي كتب:شكرا كتير الزعيم سامي وشكرا بلا حدود على هذه القصيدة الرائعة من شخص رائع مثلك وملك فقاعة ود البروي يستاهل الكتير لأنه قدم الكتير وهل جزاء الإحسان إلا الإحسان فالذي قدم وأبدع ووقف ألفا أحمر ينافح ويدافع عن أرض المناصير التي رضع حبها من دابه درفون صغير غنى لها وشدى بها شخص قامة من قامات بلادي السامقات وملك سليل ملوك كرام يستاهل ما قلته وأكتر أخي سامي فلك الشكر الجزيل وجزاك الله خيرا

شكرا لكم أيها الرائعون وتقبلوا مروري

النفر كتب:لا فض فوك ولا جف ينبوع شعرك  أخى سامى السامى .... نظم رائع من شاعر مبدع لقامة سامقة تستحق التكريم _

ابو مصطفى كتب:يا سلام يا سلام ؟؟؟؟؟؟؟؟؟؟؟؟؟؟؟؟ جنابو ؟؟؟؟؟؟؟ انا كنت فاكر يوم باسقات تقول ارفع التمام ؟؟؟؟؟
حضرة الصول ابو مصطفى ؟؟؟؟ ارفع التمام ؟؟؟ وكان كل شى تمام التمام  تحت مظلة الاحتفال بشاعر القبيلة ؟؟؟
عم الفرح وشاع نور القبيلة  ودق حس الوتر الحزين وراح الصول فى دهاليز الحضور الكريم ؟؟ ونسى ان يرفع تمامه لكنه سوف يعود مرة اخرى لكى يرفع التمام لى سعادتو مرة اخرى لان كل شى بى نظام والجيش نظام ؟؟
تحياتى
لكل الاهل بدون فرز ومنكم وبكم وفيكم نسعد ونلقى نفسنا
الهنا والهناك نتلم نتوحد يارب ؟؟؟؟
تحياتى
ابو مصطفى

نورالهادى كتب:أول مرة أشوف هذا البوست الرائع وأبحث عن بوست يخص شاعرنا الكبير ود بروى لأرفعه ولم أجد يا جنابو سامى  أجمل ما قلت فى شاعر البلد ولم أجد أجمل ما قاله شاعر البلد فى أمثالك .

السامي تجده عند تسامي الرؤى(نضم الصفوف وايد على ايد تجدع بعيد)
صدقني يا سامي احتقر نفسي عندما اقارنها بما قدموه ناس حميد لقبيلتهم
وصراحه لو كنت متفرغ قليلا لما خذلتكم ... والحمد لله البلد فيها شعراء أفذاذ
مثلكم تجيدون التعبير و النظم المموسق  ولا تنقصكم الغيرة ..نحمد الله انكم منا وانا منكم
هذا تواضع منك يا شاعر القبيلة .فالرحمة والمغفرة لحميد الانسان البسيط الطيب
ـــــــــــــــــ
سفيرنا الرائع نور الهادى
لك التحية ونشكرك على المرور والكلام الطيب
أخى قلنا نضحك خير من صمة الخشم
هى كلمات شعث تتقازم فى حق شاعرنا الهمام ولا توفيه ما يستحق
ولكنه جهد المقل
أخى ليتنا كنا نجيد النظم ونتقن تطويع الكلام ، حينها كنا قلنا فى
حقه ما يستحق بقدر ما أعطى لبلده ودافع ونافح
يسلم لنا وتسلم يا زعيم

عادل شرري كتب:تسلم اخي سامي السامي
كلام جميل في حق الخال وشاعرنا وحبيبنا ودبروي
شري الغرة شيري النضارة (شباب الذوق والنضارة ) وكفي ......................
تسلما ................................

مصباح محمد مصباح كتب:غاب محمد بروي عن المنتدى والراجل من حق الناس أن تسأل عنه رجل بهذه القامة والشامة والمكانة ولكن سؤالي عن محمد بروي يختلف لعل الذي غيبه خيرا ولخير وما أظن تمر الهبوب بهذه الدرجة الراجل نجع ويحتاج إلى قفر ( محمد أخوي وين راح ) أعلك شديد وياسامي كدي أقفر لنا الزول ده.

ود عون الله كتب:الأخ سامي ---سلام
 والله مشتاقون والدرب راح علينا 
  لكن ياخوي زولك دا ما شرم الجبادة --نجع ---أي والله نجع
لامرسال ---لامس كول ---قطع المصاريف ---والشفع يهاتو ---يا قمرة اقلبي السنسني الحمراء
 الزول ضرب الصعيد ----والله داير القفرة والنفرة ---وينو صديق ما يشوف لينا حبوبتم ديك البيتجيب وليدا من دنقلا ----إنت يا سامي ما تعتقلو ---والتهمة جاهزي---تدخلو الكريزمة بي مزاج  ---الزول حرامي ---وحات ضمتي حرامي ---وكمان تلب ---ود بروي سرق القلوب ---سرق الإبداع ---تيراب ماخلاهو لينا ----الواطة اصبحت بور ----
 تعريجة :ـــــــــــــ
 اوعي تقول لي إنت ذاتك ناجع ---ياخوي ما شايفني اشيل في الفواتح ----اصلو خيمة البكاء بقت أكبر مكان في المنتدي ---حتي فكرت أنسخ التعزية ---واعزي بإسم كل الأعضاء ---والله أحيرم ليك حيرة ----أها تاني يسوا شنو ----ود بروي شركولوا بكثرة الإبداع والمشاركات --اصلو صوت الموية قرب يطرشو---(نغمة الواتس  )
  تحياتي

م بروي كتب:كل المتداخلون  وسامينا الجميل وصديقي د/حسن
أعجز تماماً عن شكركم وجاييكم