الحريم عندنا في المناصير يذهبن للعزاء كما يذهب الرجال

الحادث المؤلم الذي راح ضحيته ستة من شباب المناصير تألم وحزن كل من سمع بهذا النبأ وهرع الناس يعزون حريم ورجال بالذهاب لمكان العزاء أو بالهاتف أو عبر منتدى المناصير أو الفيس بوك أو وسائل التواصل الاجتماعي الأخرى ، ولكني ألاحظ أن العزاء من العنصر النسائي ضعيف جدا فعبر هذا المنتدي لم تعز إلا نجلاء زمراوي . سامح الله إخوانتا وبناتنا ونسأل الله ونتمنى أن يكن في خط واحد مع الرجال. والله نسأله أن يرحم ويغفر للمتوفين ويلهم أهلهم الصبر وحسن العزاء وإنا لله وإنا إليه راجعون.

دكتور مصباح السلام عليكم ورحمة الله وتحية صباحية جميلة.
اولا نعزى انفسنا واياكم فى هؤلاء النفر الكريم وعوض الله شبابهم الجنة والهم ذويهم الصبر الجميل .
بخصوص اخواتنا بالمنتدى انا شايف انهن فى حالة غياب وانقطاع شبه تام عن المنتدى والبركة فى اختنا العضوه الجديده سهام فمرحبا بها .
اختنا نجلاء دايما سباقة وما بتتوصى على الواجب وربنا يعينها على ذلك .
هنالك حالة فتور عام يمر بها المنتدى يظهر ذلك فى قلة الموضوعات المطروحة وفى عدد الدخول اليومى للمنتدى وفى اختفاء الكثير من الاسماء .
شكرا دكتور مصباح وتقبل المرور.

تسلم دكتورنا
فيك الخير
ملام جميل من زول كبير
نعترف بتقصيرنا ولكم العتبى
والاخ نصر الدين شكرا كتير
وفعلا زي ماقلت كنا في حالة غياب ويمكن اغلب الاخوات
نتمنى عودة الاخوات بالسلام
ولكم منا الامتنان الجميل

تأثرت بالحادث كثيرا فاختل قلمي وفقدت بنات منصور والفيس ده أصله موية مقارنة في محل ثاني، وعن طريق الفيس أو المنتدى نتواصل وإن شاء نتواصل في الأفراح . عفوا انتصار ولك شكري وتقديري.

الدكتور مصباح...لك التحيه والاحترام....
زي ما بقول المثل الما لامك ما دارك
شكرا لك لتفقدك اخواتك ...
الاخ الكريم نصر الدين لك الف سلام واحترام ...تشكر كتير
اختفاء اخواتنا او احجامهن عن المشاركه اكيد له اسباب فحواء بطبعا لا تحب الكفتي ولاتحب الجدل الغير مجدي ...اي والله....واري ان منتدانا والذي نعشقه حتي الثماله طابعه وشعاره كفتي موت والفاظ ردئيه..من بعض الاعضاء..والله تعفي الاذن من سماعها...






















احببنا اهلنا وتعرفنا علي ملامح بلدنا والفضل للمنتدي وهذا ما يجعلنا نواكب ونستمر حتي ولو من علي البعد..
نامل ان يعود المنتدي كسابق عهده ويعود معه كل الاعضاء وتعود حواء كما كانت.

مازلت الضيف الذى يجلس على طرف السرير ويبحلق فى البيت مره وفى الناس مره واستنى على شويا

الاخت سهام...مرحبا بك في بيتك وانشاء اللله تجدينا عند حسن الظن
اختي انشاء الله ماااايطول بحليقك وتدخلي تووووش وتلقي الغرفه البتحبيها وتجلسي فيها بارتياااح وهنا في بيتنا اي غرفه عندها زول بيقوم بواجب الضيافه والونسه وخلافو كدي مرعلي كل الغرف وشوفي الغرفه التي تروق لك لكن اوعك تمشي بعدلك وتطلعي بالباب الخلفي..باقي بيتنا عندو باب دخول يسع الكل ومليان ضيوف ولكن فجاءه من غير احم ولادستور الضيوف ينسحبوا من الباب الخلفي...التقول البيت مسكون.

ولولا الاخوه المغتربين كان البيت انهجر من زمااااان فالتحيه والتجله لهم وعلي راسهم الاستاذ عبد الغني
فلكم كل الاحترام اهلي في بلادالغربه ورد الله غربتكم سالمين غانمين الي ارض الوطن

شكرا اختى نجلاء اه ان كدى يادوب حاقعد فى وسط السرير واخلى البحليق ناس البيت طلعوا ناس حبوبين وعقبال الباقيين ما يقوم واحد يحمر لى باقى انا شفتا لى هوايل والحاجات الزى دى بطفشنى

الصدمه كانت كبيره جدا الي كل المناصير نسأل الله ان يتقبلهم قبولا حسنا

الى مصباح طبعا الحادث المؤلم دى عمل ضجه عندنا وفى واحد قريبنا اسموا الزين ود بشير حضر الوفاه دى هناك وساهر فى العزاء دى وطلع الصباح طوالى نحو المحلى وفى الطريق اخذتوا غفوه فعمل حادث هو الاخر ولم يتضرر احد غير ابنه الذى تضرر ضرر بالغ ويرقد الان بمستشفى شرق النيل واجريت له عمليه خطيره والناس ديل كانوا ضيوفنا وعرفتا منهم انو اخو زميل لنا وهو فضيل كان معهم نسال الله لهم المغره ولزويهم الصبر وان لله وان اليه راجعون

انتن عارفات يابنوت...د كتور مصباح داير يجرجركن بطريقه غير مباشره...غايتو المناصير ديل عليهم جنس ذكاء.

انت وين يا دكتور مصباح ما تجى تجرر الباقين انا الجيران قالو لى اتغيرت وبقيتى ما قاعدى تجينى قلتلم انا قاعدى فى البيت التانى وخجلانه اسع اقولهم ناس البيت الجيتم خلونى قاعدى ومشوا خلونى يا مناصير ورونا ذكاكم فى لم الشمل وبعدين نجلاء طرحت موضوع جمع الكتاب المدرسى عاوزين نتكلم فى الموضوع شويه لانو الموضوع سمح شديد وعايزنكم تجمعوا معانى لعيال منصور الكتب المدرسيه القديمه يعنى عادى جدا تقول لى اصحابك فى الشغل لمو لى كتب اولادكم القديمه