علي الكليس لعل المانع خير!!!!!!!

اميره على كتب:التحية لكي نجلاءوانت تتفقدين اخوتك
فاختلاف الراي لا يفسد للود قضية
والتحية للرجل المناضل نقيئ السريرة
لعل غيابة لخير ويرجع ينور الساحات وفعلا افتقدناه
فلن نحتمل ان غاب او اعتذر احد اخوتنا ونامل ان يعودوا الحردانين ليجولوا ويصولوا بمنتدى دارهم
حتى وان عانو ولاقوا المشاق
الكليس اين انت هل تسمعني؟

نعم اسمعك اختي الفاضله اميره واشكرك كثيرا علي سؤالك واطمئني تماما انني لست ممن يفرون من الساحات وان احتدم الوغي ولكنها الظروف ولتكن استراحة محارب استجابه لنداء اخوه اعزاء يعملون لجمع الصف ووحدته وامل ان نري عبرهم مايجمع كل ابناء المناصير ويؤلف بين قلوبهم ..ولقناعه شخصيه ان قضية المناصير عصيه علي الحل في ظل هذا التشرزم والخلاف والاختلاف وسط قياداتها ..اكرر شكري

نصرالدين ابوزيد حامد كرار كتب:شكرا اختى نجلاء على تفقدك لاخوانك .
وعلى الكليس ان اتفقت معه او اختلفت معه يظل رجل مهم جدا ويضفى حيويه لهذا المنتدى ويثرى النقاش , والرجل خبرة كبيرة فى مجال العمل الادارى ووجوده فى اللجنة فى فتره من الفترات اكسبه اضطلاع واسع على اسرار القضية . نتمنى ان يعود الكليس باسرع ما يمكن لاثراء المنتدى .
تقبلى مرورى

شكرا اخي نصرالدين وكلامك اثلج صدري وهذا يدل علي معدنك الاصيل وطيبتك وحبك للاخرين ..انا بالمناسبه نشـأت في ودالحوري وكنا جيران لخالتك زينب وعمنا عوض الكريم شنان واعرف كل ابناءه وبناته ومازلت حتي الان علي اتصال مع بعضهم مثل محمد وابراهيم والجيلي الذي هو احد اعضاء لجنتنا ..اكرر شكري وامتناني وربنا يحفظك واسرتك في غربتك ويعيدك الي السودان سالم غانم

.

صديق عبدالله علي أبوحنة كتب:علي الكليس
مالك كل مرة تفط تعليقاتي؟؟؟
سمعت والله جابوهو ليك؟
......
قلت ليك طبعا أكيد بتعرف قريبنا أحمد الدقير التاجر الغليد في ود الحوري رحمه الله..
ياخي عندو كان واحدة من بناتو متزوجا زول ما منصوري، أظن شايقي.. وهي بت متعلمة
لما سافرت قالوا ليها عندك قريبك في أبوظبي.. الكلام ده قبل عشرة سنين.. واتصلت بيها.. وحتى لما جيت مسافر وقتها السودان، طلبت منى عمتها في السلمات ملابس.. عمتها دي أنا أبقى ليها ود خالا..
أها أدتني ليهن. شلتهن ليها.. أها تاني انقطعوا وما عرفناهن وين؟ وتلفونا وتلفون راجلا اتغيروا أظن هم رجعوا السودان. بالله لو تعرف لهم خبر ورني..
....
أنا قعدت في ود الحوري سبعة أيام عام 1976 كانت جنة.. سبعة أيام ما بين أحمد الدقير، وصاحبنا مدير مدرسة ود الحوري الابتدائية.. معتصم محمد الحسن.. تعرفو

الباشمهندس والانسان الروعه والموسوعه الشامله ..احيانا احس اني اقصر قامه من الرد عليك او الكتابه عنك لذالك تتبعثر كلماتي حين الكتابه عنك اواليك لعلمي انك تحمل كل الشمائل الجميله والخصال الحميده و العلم والادب الرفيع والثقافه العاليه والتواضع الجم والقلب الكبير الذي يسع الجميع ...تأخرت في الرد لسببين الاول احببت ان ارد علي جميع من سألوا عني حسب الاسبقيه وثانيا اردت ان تكون مسك الختام

قريبتك هي امنه احمد الدقير متزوجه شايقي من كسلا يعمل في مجال الصحافه في الامارات ..ساوافيك ببقية المعلومات لاحقا

معتصم محمد الحسن اعرفه ولكن اخباره مقطوعه عني

علي عسكوري يسال عنك سؤال الضهبان وطلب مني ان ارسل له رقم ايميلك

!