عايزين يرضعوا فيها(صورة)

يبدو إنو أمهم مخلياهم جعانين!
قال صلى الله عليه وسلم ، يولد الطفل على الفطره....
أبرياء
.....
يبدو إنو الصورة أخذت في الـخـُـسْ.. التكل.. المطبخ... جذبت انتباهي حفرة الدخان.. وجنبها كفايتا البي تكبت الدخان، بعد ما المرة البي تتدخن تقوم من حفرة الدخان! الكفاية في البلد عندنا مصنوعة من الفخار يسموها ( الدحلوب ) ولو عايز يشتمك يقول ليك : شوف كيفن عامل راسو زي الدحلوب.. وفي ناس مسمنهم أولاد دحلوب..
كفاية حفرة الدخان هنا المرة دي عاملاها حلة فلاتة
برضو لاحظتا في الصورة، المرة ما شاء الله عيني باردي راجلا كمان عامل ليها مقعد من الأسمنت جنب حفرة الدخان ، تفرش وتقعد عليهو بهدوء.. ربنا يحفظهما..
..........
بعدين العز دي ماها عز بلد.. ماها عز محلي..؟ عز صعيد..
تصدق المناصير حتى غنمهم يعرفوهن؟
وعنز المناصير تلقاها فااارعي في الطول.. وضرعتا كبيري ولـبـّانة.. ودائما غنمنا سوود . أو مبرقطات. بالابيض شوية وباقي جسمها اسود... قصيري وحمرا والله غبشا دي ما بيشتروها وطوالي يقولوا غنماية صعيد..؟
غنماية صعيد؟
مرة صعيد؟
كلام ناس الصعيد المايع؟
أنا ما عارف ناسنا الصعيد ده عامل ليهم شنو؟
لكن والله عندنا مـِـيـَـز
نخاف عليها تتغير.. عشان كدة طوالي نفرز حاجاتنا من حاجات الناس![ندعوك للتسجيل في المنتدى أو التعريف بنفسك لمعاينة هذه الصورة]

الصورة دي جبناها من بي هناك... أجرها للمناول..