لـِـقـِـيـِـتــِكْ

لـِـقـِـيتـِكْ وبرضى ما اتـْوَدَّرْ
برغم قساوة الأيام والزمن الصبح أغبر
.................................
لـِقـِـتـِكْ في مسارب الليل جريحة خطاكي تتعثر
تلملمي ماضي ذكرانا من فجر الدجى الأسفـر
وتزرعي بذرة الآمالْ على درب الهوى الأخضر
بليلي مجرجري اللوبا.. مقالدي سبايب القـنـقـر
لقيتك وبرضي ما اتودر أنا
.........................................
لقيتك غنوة في الخرطوم وعاجـِّي صداها في البنـدر
شدهني جمالك المصلوب على عجل الزمن مـُـجْـبـَرْ
رجعت حسب سنين عمري ، لقيتن والضياع أكـتر
عشان خاترك أعيش منصوري والمابينا يتمنصر
براعم إسمك المنقوش على وتر الغـُنـَا الـبـَـحْـتـَرْ
لقيتك وبرضي ما أتودر انا
.....................................
لقيتك مـِثـْـبـَرْ الآهات تضمدي في جدار الروح
تجددي بركة الأحزان من عمق الأسى المجروح
ملامح وجهك الضواي مـَوَتـَّـرة في معالمو جروح
بـمُـحـْبـَطْ موسى في الأحزان مشاركة وجيهك البـَـهـَّرْ
لقيتك وبرضي ما اتودر
..................................
لقيتك بـَـحـَّـة في الدوبيت مجدولة بي غناوي النم
وممرجحة في صدى الأحزان بليغة لسانك الأحكم
................................................
فـِتـْـقـَةْ توبك المختار مـَشـَقـِـقـَا بي خيوط الهم
بتشربي من حميم مهجور برغم منابع الكوثر
لقيتك وبرضي ما اتودر أنا
...................................
لقيتك ودعة محتارة مكنتلة بى عـَبـَلْ درويش
تهز أعصابـِك النوبة ومخربـِشـِكْ الزمن خربيش
برغم جناحـِك المكسور تطيري كأنو فيكي الريش
بس إلا مشانق الأيام دواليب لافي في محور

من طرف **ود المناصير** الإثنين 09 يوليو 2012, 6:33 am

صديق عبدالله علي أبوحنة كتب: بليلي مجرجري اللوبا.. مقالدي سبايب القـنـقـر
.........................................

يا الله

من طرف **ود المناصير** الإثنين 09 يوليو 2012, 6:35 am

كواريك شفع المغرب يقلبوا في الجمر قنقر

من طرف **نورالهادى** الإثنين 09 يوليو 2012, 6:44 am

ود المناصير وضع النقاط على الحروف
ونور الهادي وضع الحروف على النغم
وود النصري وضع النغم على الطنبور
......................
قالوا الزول ده سر ابداعو ده! فيهو عرق مناصير ود النصري ده!
زول عندو شهامة تشبه شهامة ود المناصيرورجالة وضكرنة وفراسة..
عندو رميات ود النصري مسجلة في شريط.. الجبنة تبقبقى... الطامح اب دفار والحامدابيي..

من طرف **عباس محمد** الإثنين 09 يوليو 2012, 3:32 pm

وانتم فى الخاطر دوما
باشمهندس صديق وودالمناصير ونورالهادى
بكم يتجذر الابداع ويتواصل فقدناكم فى اللقاء الاسرى
فانتم اهل الروعة والجمال

لـِـقـِـيـِـتــِكْ

لـِـقـِـيـِـتــِكْ

رد: لـِـقـِـيـِـتــِكْ

رد: لـِـقـِـيـِـتــِكْ

والله يا هندسة كنت قايلك تقصد لقيتك لسع فى الخاطر للنصرى !

رد: لـِـقـِـيـِـتــِكْ

رد: لـِـقـِـيـِـتــِكْ