إن شاء الله يتم مناك يا البلال

عذرا ... صديقي عيسى بروي ..

حتى كلمة .. شكرا

استكثروها

وإن شاء الله يتم مناك .. يدوم سعدك وهناك

يا قمرنا الفي سماك

ود المناصير مخلص لصديقه كالعادة

شكرا ود المناصير على التوثيق الرائع.
ما اجمل جو البلال ,الحنة ,القعيده والبرجى . الغريبه امس كنت فى شرى عرس اعمامى ولاحظت بلال الحبوبات اختفى, والبلال بقى غنا سيره من بنات مرحلة الاساس وكلمات خرطوميه ميه الميه حتى اللهجة واللكنة خرطوميه .اعتقد ابتدت خصوصياتنا تذوب مع باقى الحضارات .
ومتعك الله بالصحة والعافيه سفيرنا ود بروى

هويدا ابوشعر كتب:شكرا ود المناصير على التوثيق الرائع.
ما اجمل جو البلال ,الحنة ,القعيده والبرجى . الغريبه امس كنت فى شرى عرس اعمامى ولاحظت بلال الحبوبات اختفى, والبلال بقى غنا سيره من بنات مرحلة الاساس وكلمات خرطوميه ميه الميه حتى اللهجة واللكنة خرطوميه .اعتقد ابتدت خصوصياتنا تذوب مع باقى الحضارات .
ومتعك الله بالصحة والعافيه سفيرنا ود بروى

ماشاء الله ياجماعه اتاريها هويدا قديمه قدم الكوم شبر
من الحبوبات البعملن البلال انتى موجودهبعدين البلد خشتها التقافه مع التعليم الطرق ةالاتصالات لازم يكون في تطور من جميع النواحي الحمد لله البلد بخيرهتخريمه
هويدا مالك ماجبت خبر السمك قالوا الايام دي البلدراقد علي قفا من يشيل حب طرش

صديق عبدالله علي أبوحنة كتب:ود المناصير مخلص لصديقه كالعادة

تسلم .. يا باشمهندس

الرجل قدم الكثير للمناصير .. الرجل قومي .. الرجل إنسان كريم وأصيل

وسنواصل رحلة التوثيق .. بتشجيعكم وبوقفتكم

تشكرا يا اصيل

بالمناسبة ... ارفع المدايح بتاعت عيسى بروي !!! ههههههه

نورالهادى كتب:القامة ود المناصير والله نعجز عن الكاتبة فى ظل هذا الانجاز الرائع والتوثيق الجميل والاختيار الأجمل للأغانى فعاجزين عن الشكر فالتحية لك مثنى وثلاث والتحية لعندليب الشمال عيسى بروى ونسأل الله أن يوفقه فى رحلة علاجه .

الأخ ود المناصير ان شاء الله نقدر نرد جزء من جمائلك يا رائع .

تشكر ـ سفيرنا ـ الراقي ـ نور المناصير .. ود عقيد

دائما حاضر ـ دائما نجدك حيث نتمنى ـ دائما سباق ـ دائما تحس بالآخرين

نعم الإحساس ـ نعم العقل ـ نعم الأصل

تسلم يا رائع

هويدا ابوشعر كتب:شكرا ود المناصير على التوثيق الرائع.
ما اجمل جو البلال ,الحنة ,القعيده والبرجى . الغريبه امس كنت فى شرى عرس اعمامى ولاحظت بلال الحبوبات اختفى, والبلال بقى غنا سيره من بنات مرحلة الاساس وكلمات خرطوميه ميه الميه حتى اللهجة واللكنة خرطوميه .اعتقد ابتدت خصوصياتنا تذوب مع باقى الحضارات .
ومتعك الله بالصحة والعافيه سفيرنا ود بروى

سلام ... هويدا ..

ونبارك لأعمامك الزواج .. وربنا يسعد الجميع

اما بخصوص البلال ... حليل ايام زمان ايام الحُق والضريرة والبلال بلال

وطبعا التقنيات نقلت الناس وأثرت فيهم كثيرا ولكن يبقى الأصل أصل

تسلمي بت ابو شعر

ود حاج كتب:يا ناس أنا فى حلم ولا علم بت أبوشعر عندها حس فنى أنا كنت قائلها بس همها كله تهجير أهلها وهى معزورة لظروف عمل اسم النبى حارسوا لكن طلعتى والله جدعة وتحبى المناصير وتراثهم حيرتينا والله كع كرع .ومبروك لأعمامك وان شاء الله كان الدنفريس كتير للشفع .

ود حاج ... سلام

بت ابو شعر منصورية أصيلة ـ إختلافنا معها في بعض المواقف لا يقدح في أصلها ولا علمها

** مالك مختفي .. ؟ ما قلت جاي بوست عفوا عيسى بروي ..

أوع تكون خشتك خوفة ؟

تعال .. بلا سكين .. بلا كلاش .. وشوف انا ابشتن وأبشع الزول اليهبشك كيف !!

العارفنو كتير .. ولما يفيض الكيل ـ سنوريهم ـ آيات ربي عز النهار

أبوسفيان خلف الله كتب:

هويدا ابوشعر كتب:شكرا ود المناصير على التوثيق الرائع.
ما اجمل جو البلال ,الحنة ,القعيده والبرجى . الغريبه امس كنت فى شرى عرس اعمامى ولاحظت بلال الحبوبات اختفى, والبلال بقى غنا سيره من بنات مرحلة الاساس وكلمات خرطوميه ميه الميه حتى اللهجة واللكنة خرطوميه .اعتقد ابتدت خصوصياتنا تذوب مع باقى الحضارات .
ومتعك الله بالصحة والعافيه سفيرنا ود بروى

ماشاء الله ياجماعه اتاريها هويدا قديمه قدم الكوم شبر
من الحبوبات البعملن البلال انتى موجودهبعدين البلد خشتها التقافه مع التعليم الطرق ةالاتصالات لازم يكون في تطور من جميع النواحي الحمد لله البلد بخيرهتخريمه
هويدا مالك ماجبت خبر السمك قالوا الايام دي البلدراقد علي قفا من يشيل حب طرش

تشكر ... سفيان .. على المرور

كان يهمني جدا رأيك في المادة المرفوعة ..

وبرضو كتر خيرك ... مرورك يسعدنا جدا .. واصل معنا رحلتنا الرائعة مع عيسانا

م بروي كتب:شكراً ود المناصير
حركت في دواخلنا الكثير المثير
معنا وبيننا شلال من الابداع
ومنجم فرح وألق آخاذ وعطاء بلا حدود
أبقاك الله زخراً لنا وحفظك من كل سوء.

القامة ... الأصل .. الروعة .. التفرد .. النبل .. الكرم الخرافي ..

قصة الإبداع المنصوري الأصيل .. رمزنا .. أميرنا ... حادي ركبنا .. سيفنا ..

محمد بروي ... سلام يا ملك

أنتم آل بروي من سقانا الإبداع مع لبا الأُمات .. أنتم من غرس فينا بذرة الإبداع الرهيب .. أنتم من جعل لنا ـ موطأ ـ القدم في عالم التراث والإرث العظيم

لله دركم ... لله دركم

ود المناصير كتب:

بت ابو شعر منصورية أصيلة ـ إختلافنا معها في بعض المواقف لا يقدح في أصلها ولا علمها

شكرا صاحب البوست المنصورى الكريم

فعلاً هي اصيلة بت اب شعر في اصلها وعلمها.نسأل الله لها عافية الدين والدنيا.

ما شاء الله البوست جره ولروعته تداخل الكثيرون صحيح بنت الأخت هويدا ربما اختفى أو يختفي البلال نهائيا وده كان زمان الخالة بنت طه رحمها الله وأيام زواجنا وطبعا الخالة كانت في مقام الوالدة أيام زمان ومازلت احتفظ بصور الزواج وخصوصا يوم الثالثة والحريمات كلهن مصورات عندي الخالات والعمات وحتى البنيات اللاتي اصبحن أمهات.

الأخ ود المناصير طبعا حبك لعيسى فنان المناصير القامة أنت محق فيه وعندي بلال كارب من عيسى في حفلة زواجي لأن عيسى كان الفنان رقم 1 ويليه الفنان عادل السيد ومن الشعراء شاعرنا القامة الصديق الدمري وحبيبنا عثمان سلمان ومازلت احتفظ بأشرطة الكست وكل مرة أديها تبنة وأسمع منها البلال بصوت الخالة بنت سلمان لكن العبرة تخنقني والدموع تغلبني وأقوم أطلع الشريط وأدسه وهو مازال من الوثائق السرية التي لايكشف سرها إلا بعد خمسين عاما حسب القانون البريطاني ولك الشكر ودالمناصير

مصباح محمد مصباح كتب:ما شاء الله البوست جره ولروعته تداخل الكثيرون صحيح بنت الأخت هويدا ربما اختفى أو يختفي البلال نهائيا وده كان زمان الخالة بنت طه رحمها الله وأيام زواجنا وطبعا الخالة كانت في مقام الوالدة أيام زمان ومازلت احتفظ بصور الزواج وخصوصا يوم الثالثة والحريمات كلهن مصورات عندي الخالات والعمات وحتى البنيات اللاتي اصبحن أمهات.

الأخ ود المناصير طبعا حبك لعيسى فنان المناصير القامة أنت محق فيه وعندي بلال كارب من عيسى في حفلة زواجي لأن عيسى كان الفنان رقم 1 ويليه الفنان عادل السيد ومن الشعراء شاعرنا القامة الصديق الدمري وحبيبنا عثمان سلمان ومازلت احتفظ بأشرطة الكست وكل مرة أديها تبنة وأسمع منها البلال بصوت الخالة بنت سلمان لكن العبرة تخنقني والدموع تغلبني وأقوم أطلع الشريط وأدسه وهو مازال من الوثائق السرية التي لايكشف سرها إلا بعد خمسين عاما حسب القانون البريطاني ولك الشكر ودالمناصير

دكتورنا ـ الراقي ـ الذواق ـ المرجع ـ اللغوي ـ مصباح محمد مصباح ... سلام يا مهول .

كم شوقتنا وكم أثرت فينا ـ لواعج ذكرى قديمة ..عن تلك المناسبات الرهيبة التي ـ تلم ـ كل الناس ـ يجمعهم البلال ـ وتلمهم ـ القعيدة ـ والحُق والضريرة

وكم تميت نسخة من تلك الذكريات او الوثائق السرية التي بحوزتك ..

ولكني ـ اقدر جدا ـ هذا الحرص وهذا ـ الكنز ـ واقول لك ـ زده دسا أو أهكره عديل .. فلا زال التوثيق عندنا ـ مهملا

ولا زلنا نوثق بلساننا ـ وعندما يُقدم أحد على التوثيق لا يجد تشجيعا ولا مساندة

لك الشكر دكتور مصباح .. ونسأل الله أن يديم عليك نعمائه ظاهرة وباطنة

يديكم العافية جميعا
ويسلم ود المناصير هذا ديدنه