صور زيارة الاستاذ كركاب

من طرف **خالد عابدين** الإثنين 19 يوليو 2010, 7:52 pm

ادناه صور للزيارة التي قام بها الاخوة لزيارة استاذ الاجيال كركاب متعه الله بالصحة والعافية ونأسف جدا لتاخير رفعها لكم لبعض المشغوليات

الجميع في الطريق وبداية الدخول للحي (اشلاق سيرو)

صور زيارة الاستاذ كركاب 746769377

لحظـــــــــــــات الوصول
صور زيارة الاستاذ كركاب 618641108

الرشيد - والحاج شرف على اليمين والمنصوري في معية الوفد (مطلوب معرفته لغير ناس شري)
صور زيارة الاستاذ كركاب 972585699

لحظات انتظار البقية للتوجه نحو المنزل
صور زيارة الاستاذ كركاب 704685671

لحظات الاستقبال خارج المنزل
صور زيارة الاستاذ كركاب 913151654

الرشيد وسلمان
صور زيارة الاستاذ كركاب 536345745

من الشمال الاستاذ مدني - يس مصطفى - (مطلوب اسم الشخص الثالث)
صور زيارة الاستاذ كركاب 880670175

ابومصطفى يشرب مايروى- باقي الزول اخدلو ضهبة في خور عمر -داير يتفلهم يشاقق من الجرافة لي عند خور عمر قام ضهب - اها الا بعد اتصالاات وفتيش لمينا فيهو ويظهر جواره في الصوره صاحب الحاج شرف ومدير مطعم شري الاستاذ احمدون
صور زيارة الاستاذ كركاب 872107804

استاذ الاجيال في الصورة
صور زيارة الاستاذ كركاب 717298132

سلمان متحدثا للجميع
صور زيارة الاستاذ كركاب 958649023

الجميع يستمعون
صور زيارة الاستاذ كركاب 333075914

الحاج شرف وحديث مع الاستاذ الجليل كركاب

صور زيارة الاستاذ كركاب 672467116

بقي ان اقول ان الجلسة امتدت الي مابعد صلاة المغرب وتناول الجميع الشاي ابلبن والزلابية وفي ناس دبلو وفي ناس كملوا صحنن زي البرق علِي لحقوهن بي زيادي
وديل أكان لقولن فطير بي لبن من قولة تيت يقعدو يكوركو (حفت وجفت والمصران قام يتلفت )
ونسبة لحلول الليل فقد فات علينا توثيق هذه اللحظات لبعض الاخوة
قبل نصل في واحدين شافو شدر خور عمر - علقوا يسووا في الياسلاااام عاني دا الشدر عاينو الوادي دا كبير كيفن ماخلاني لقيت لي معيزات وسدر بهن لافوق - ووو
(سدروبه ياسدروبة )
وواحدين من سمعوا اسم خور عمر عاد (رجفن عضاي كرعي مالن وماتبن ) خوسيي ناس الهايس جات فوقنا تسوي فو واشرولنا بايديهن ورانا سريع وماتقيفوا ونحن لوحنالن وكنتكنالن

امرقو - امرقو الناس الورانا ديل ماترجوهن هنا- اسع يشوفوكم بتاع ........ يقولو الناس ديل يخططولن لي انقلاب (خور عمر مشهور بميلاد الانقلابات)

ونحن وقفنا في خور عمر عشان نلاقي ابومصطفى الضهب وبقية العربات الورانا

التمنيات بوافر الصحة والعافية لاستاذنا كركاب وشكرا جزيلا لاسرته وابن اخته على كرم الضيافة وحفاوة الاستقبال

من طرف **خالد عابدين** الإثنين 19 يوليو 2010, 9:36 pm

مشاهدة طيبة

شكرا الزعيم الكبير خالد على هذا التوثيق المطعم بالكلام الحلو—وهذه الصور سوف تكون فى أرشيف المنتدى مدى الهر بإذن الله لتسهد على هذا العمل الجديد –التحية لكل الاعضاء والتحية الخاصة للأعضاء خارج حدود الوطن الذين شجعونا لذلك ---

--بخصوص الشخص الثالث –افتكر هو –خليفة حسن احمد الفكى –(ود الفيل)

بعدين حكاية الوادي ابشدر –انا كنت اديهو عين عين –السيال والسلم –وغنم الاشلاق يقولوا مفتحات لكن فى المدينة بس-كان رعنو-—وانت ياخالد اصبر لى شوية –القطر بقى فيهو مفتش---ايام كده ونسال (القاموس) صديق ونسالو من اهلك فى الخلا بداية –بى عيسى الضييب وبله---وحبوبتك الجاز—لكن بينى وبيك بعدين بى تفاصيلو ديك يمرقنا ولاد اعم

من طرف **ودالبلد** الثلاثاء 20 يوليو 2010, 3:35 am

شكرا ياعمدة على التوثيق وزيارة ان شاء الله تكون فى ميزان حسنات الجميع

من طرف **النفر** الثلاثاء 20 يوليو 2010, 4:56 am

شكرا الأخ /خالد على التوثيق لهذا العمل الطيب والشكر موصول لرفاق المنتدى وكل الحضور الكريم 0وأن شاء الله فى ميزان حسناتكم00

العوييد من شرري راجل نكتة.. جاء لي حسن القاضي في سوق النعوفاب كان يبيع في دكان سليمان القاضي
قال ليهو يا حسن حقتي فاضيي ومتقريف، صعوطك كيفنو!
رد عليهو حسن القاضي قال ليهو
يا خال العوييد
صعوطي نوع الكعب داك!
رد عليهو العوييد
أول الكعب ويين نودي
ماني دايرنو
والعوييد مستهبل يعرف قصد حسن القاضي إنو نوع الكعب داك يعني الناجم يعني البي يخلي الراس يدور
.........................
دحين هسه العمل الرائع ده!
نوع الكعب داك
يعني قمة الروعة
زيدي الروعة زيديها الصبابة
إنت كلك روعة يا زينة الصحابة... وقيل الصحافة

من طرف **خال ابرار** الأربعاء 21 يوليو 2010, 5:16 am

شكرا كتير الاخ خالد ع التوثيق والومك فى حتة واحدة فى عدم تصويرك للحاج شرف واستاذ احمدون وهم ع انفراد يتناقشو فى موضوع كان يكون لينا دليل ادانة..وياربى ماتندمنى ع الغياب

بيكون بتناقشوا في مطعم شري السياحي!!
.......................بيكون عايزين يفتحوا فرع في الجرافة
ياخال أبرار يا محوومد إنت مالك مضايقن كدة الجماعة ديل.. أنا بقترح عليهم يسكتوك بي فطور كارب في رمضان.. وإن قلتا الحكاية إتأخرت في الرد على طلبك زمان أنا بقترح يكون فطور وسحور بس افطر وخليك قبلك في المطعم لغاية السحور كدة تضرب عصفورين بي حجر.. تكون فطرتا واتسحرتا وتاني بي سماعتك تكشف على كل واحد أكل عندهم. نحن المناصير ديل ما بنفرط فيهم لكل من هب ودب لأنهم قبيلي شوييي
...........
إنت عارف حكاية خالد عابدين ما صورهم، عابدين ده حصيف وعرفهم بيتناقشوا في الموضوع إياه.. عايز يسترهم.. وعايز يفوت الفرصة عليك عشان ما تشيل حالهم، وبرضك إنت وراهم.. إذن الوجبة ليك ضرورية.. بس الوجبة لازم تجواا إنت والخطيبة.. ويومها خالد عابدين بيكون لابد بي كمرتو

من طرف **خال ابرار** الخميس 22 يوليو 2010, 4:16 am

باشمهندس سعدت جدا بتعقيبك واكيد هو موضوع نقاشهم انا زمان كنت عايز اقلع حقوق الاعلان العملو الحاج للمطعم لكل افراد المنتدى وحاولو يسكتونى ويطنشونى بس انا واصلت..لكن من هنا ولى قدام فى احتمال ابيع القضية مادام الناس الواقفين معاى بدو يتملصو الرشيد وخالد هل تسمعونى؟؟؟
طبعا يا الحاج بتجيد فن التطنيش وفن الرشاوى والحكاية جابت ليها خطيبة والمنتدى عددو كبر ورطت يا اخوى .

من طرف **خالد عابدين** الخميس 22 يوليو 2010, 5:16 am

الباشمهندس صديق والدكتور خال ابرار
كنت متابع جدا
الحاج جلس جوار ابومصطفى عند وصولنا
احمدون جلس جوار الحاج بعد المغرب وعجزت الكاميرا المسكينة بي فلاشا عن الالتقاط وبيني وبينك الفلاش ذاتوا فضيحة من ماتوجهو على واحد بكون عمل حسابو فمابالك بالحاج . ولومك بي ياهندسة مابسترن - حق اعلان يضيع شمار في مرقة آه
نحن لن نبيع هذه القضية ابدا ولا نقبل التقسيط اوالتطنيش والدفع كاش والصرف قالو قريب - وللا شنو يالحاج ؟
خال ابرار ياهندسة الشغلانية لمن تكون فيها خطيبة وبرتوكولات لن يذهب الي شري السياحي فحتما يتواجد بكل سهوله مابين فندق منتصر بامدرمان ومدينة منتصرللرشاقة بشارع العرضة - ويمكن اصطياده بكل سهوله وبدون فلاش وصرير كاميرات

من طرف **خال ابرار** الجمعة 23 يوليو 2010, 5:47 am

دا الكلام يا ريس لن نتنازل عن حقوقنا..
بس خوفتنى بى الصرف قالو قريب دى خفت تبقى زى حقوقنا..
الله يجيبا الخطيبة بس بى نمرقبها بره البلد دى ما تقول معارفنا كترو بره نور الهادى وفارس الزين وباشمهندس صديق والهندى وغيرهم وان درنا الحج نقبل على ناس بروى وعون الله ووووو
لكن حقوقنا البى تمرق العند الحاج والخزان خاطبالنا تب

من طرف **(الحاج شرف)** الأحد 13 نوفمبر 2011, 5:41 am

هكذا كنت بيننا

نسال الله لك الرحمه

من طرف **عادل شرري** الإثنين 14 نوفمبر 2011, 10:32 pm

اللهم اغفر له وارحمه
واجعل الجنة مثواه
وانا لله وانا اليه راجعون

شكرا الريس علي التوثيق

من طرف **عباس محمد** الثلاثاء 17 يوليو 2012, 8:45 pm

اللهم اغفر له وارحمه واجعله من اصحاب اليمين

فعلا زيارة كريمة قل مثيلها وانا كنت في حينها
من مستقبلى الضيوف بالمنزل قبل وصول الوفد
كما ظهر ذلك فى اول صوره

صور زيارة الاستاذ كركاب

صور زيارة الاستاذ كركاب

رد: صور زيارة الاستاذ كركاب

رد: صور زيارة الاستاذ كركاب

رد: صور زيارة الاستاذ كركاب

رد: صور زيارة الاستاذ كركاب

رد: صور زيارة الاستاذ كركاب

رد: صور زيارة الاستاذ كركاب

رد: صور زيارة الاستاذ كركاب

رد: صور زيارة الاستاذ كركاب

رد: صور زيارة الاستاذ كركاب

رد: صور زيارة الاستاذ كركاب

رد: صور زيارة الاستاذ كركاب

رد: صور زيارة الاستاذ كركاب

رد: صور زيارة الاستاذ كركاب