.. معلومة عجيبة ..... بحير الحارة

معلومة عجيبة ويا ناس دماج وأوس عوووك :
الأستاذ الحسن أحمد الحسن الله يطراه بالخير كان في أحدى حصص الجغرافيا بالمدرسة يردد عبارة يقول فيها
كل الأنهار في السودان تجري من الجنوب إلى الشمال إلا بحير الحارة في منطقة أووس
وعند زيارتي في إحدى المرات تذكرت عبارة الأستاذ الحسن وسألت عن بحير الحارة وذهبت إلى هناك ورأيت فعلا أن هذا النهر يجري من الشمال للجنوب فعلا كما قال الأستاذ
وللمعرفة أقول إن بحير الحارة هذا يتحول في الشتاء عتدما ينزل النيل من الشمال للجتوب ويجري بعنفوان وسرعة شديدة وعند الدميرة يرجع من الجتوب للشمال .
وبحير الحارة هذا جزء من النيل فقط يتحول في جريانه بين شطري النيل عند جزير أووس وهو يفصل بينهل وبين دماج
وفعلا حاجة عجييييية
ويا ناس دماج وأووس زيدونا مما تعرفونه عن بحير الحارة

الاخ ود المناصير والخال محمد بروى التحية لكم وارد الله غربتكم وما كفاية يا خال اغتراب والله كلنا فى شوق شديد لروية بحير الحارة بعد الغرق واقول ليكم الان بحير الحارة جارى من الشمال الى الجنوب بعد ما نزل البحر شديد والتمر الغرقان مرق وخت طين وطمى مبالغ فيه وبهذه الصورة وبفعل الخزان ومايتركه كل عام سوف يقفل تماما المجرى النهرى بين جزيرتى اوس ودماج والخاص بهذه الظاهرة الجغرافية المخالفة لانهار العالم والتى قضيت فيها كامل طفولتى وما لايذهب من ذاكرتى وانا طفل ولشدة التيار مرة من المرات غرقت فيه وفقدت ملابسى وقعدت فى حجرة البحر اكورك حتى اتى الجماعة بملابس
الى ولحسن الحظ تم التوثيق لبحير الحارة قبل الغراق وسوف اقوم بتنزيل صورته على المنتدى انشاء الله

السلام ياابو مصطفى
تلفونك الكتبتو لي دة مايجى ماعارف المشكلة عندي ولة عندكم

سلاامنا للجماعة كلهم من غير فرز

شكرا الرائع دوما ومفخرة المناصير ود بروي وشكرا ابو مصطفى ونحن في إنتظار المزيد

اها يا ابو مصطفى ويا ود ابو حنة ــ رأيكم شنو

كان زمان يا ود المناصير بحير الحارة يجرى من الشمال للجنوب
لكن بعد العملوا اسامة عبد الله استوت كل الانهر فى الجرى ناحية الشمال