توقيع عقد كهرباء المناصير

الله اكبر والنصر لنا والحمد لله
جزاك الله خيرا الاخ خالد على هذة البشارة
ومزيدا من النصر والتقدم انشاء اللة

اقبال كتب:الله اكبر والنصر لنا والحمد لله
جزاك الله خيرا الاخ خالد على هذة البشارة
ومزيدا من النصر والتقدم انشاء اللة

شكرا الريس خالد

شكرا أقبال

فقد ادخلت السرور الي نفوسنا

الله يبشرك بالخير

بعد التحيه أهلي : الحمد لله وربنا يزيد ,,وانشاء الله التنفيذ يكون سريع وتتبعه بقية المشاريع من سكن وطرق وزراعه ,,,شكرا الريس علي الاخبار الجميله ,,,,

أيييييييويْ........ يووووووويْ
يا أخوانا وين بنات المنتدى!
وحدي ساكت تزغرت مافي!
إلا نزغرت نحنا الرجال!
اوع هسك يسمعونا الجماعة ديك
يقولوا لينا ( عفواً. فأنت لست رجلا)

الله يبشرك بالخير يا خالد
وان شاء الله تتوالى الافراح وتعم ديار منصور

تخريمة : اضحكتنى يا ابو حنه والله

الحمد لله اولا واخيرا
والف مبروك لاهلنا المعتصميين
وعقبال ما تتنفذ كل المطالب يارب


مشكور خالد عابدين
فانت دايما تبشر بالخير

الله يبشرك بالخير الريس خالد ... التهانى نزفها لأهلنا المعتصمين ... نسأل الله أن يرفع الظلم والغبن عتهم ويعودوا إلى ديارهم سالمين غانمين ويعم الخير والفرح كل ديار منصور _

واللة ياخالد دى خطوة مهمة فى الاتجاة المهم حقوق اهلنا المعتصمين قبل الكهرباء والظلط وهو انتظروا كثيرا ربنا يوفق

ويغرد القمري ويهدل الحمام فرحا بالخيرات

وين قمري وحمام..!!!
إلا نجيب قمري وحمام مستورد!!!
لكن الآن موجود بكثرة
1 دباس
2 بليب
3 ختيفي
4 كرجة
5 علج حداد
6 علج كودري
7 علج حومري
8 علج صوقعي
9 علج صعيد
10 حريري
11 لبودي
13 ترتار( الترتار ود مديني.. ياكل الدودي السميني)
14 ضكر كروري
15 بارقيطي
16 سرييير النوبة
17 صليعي
18 برره
19 حمييير طين
20 سقدي( شوفو السقدي.مابي تنوم. تاخد رقدة تاني تقوم. ندهتا الواحد القيوم.. تحس لامت القيامي تقوم)
21حاجي أم قيرقدن( حاجي أم قيرقدن يا الحاجي.. البحرك شرد يا الحاجي.. الدودك رقد يا الحاجي... عند أمان بقر يا الحاجي)
23 سرتويي
.............
حمام وقمري ده إلا على جيهة ناس ود المناصير لاتحت وكدة!

أول الغيث قطرة .. وعقبال توقيع عقود بقية الخدمات إن شاء الله

والله من وراء القصد ،،

عبد الوهاب
شيخ عبد الوهاب
الطيور دي ما شايفا!
مالك ما علقت عليها؟
والله ما بتحب لحم الزرازير!
الطيور دي ماها راح تنزل على أسلاك الكهرباء.ز بعدين نشرك ليها تحت الأعمدة بتاعة الكهرباء
لأنو مولانا أميرة علي قالت عايزة حمام وقمري
وقلت ليها الحمام والقمري نفقت يا عبد الوهاب..

شكرا الاخ خالد على الخبر المفرح ، ولكن فى نفسى شىء من حتى؟؟؟؟؟؟

نريد منك ان تفصل كثيرا وتفصح لينا عن ما بداخل القودات واسماء الشركات التى نتمنى ان لاتكون شركات وهميه

بالرغم من ان شغل الورق ده جربناه كتير كلام هوى فى هوى وتخدير ونتمنى ان لايكون كذلك .

امس قدمت وحدة تنفيذ السدود للمراجع العام حسابات 2011

يا ربي يكون جواها شنو ؟

شكرا الاخ الريس خالد--
وان شاء تتحلل كل بقضية الملفات الشائكة --
زمان الناس تتهم اهلنا العرب يعنى عرب الخلا بانهم ما بقولوا الحمد لله وخاصة فى ايام المحل --وذلك بان تكون هنالك امطار وتسألهم الخريف كيف يقولوا ليك نشيغاتا هينات --ان شاء الله نشرب--تذكرت هذه المقولة بعد قراءة خبر الكهرباء--دحين نحنا ان شاء نشرب --(نضوى)
وياصديق القمرى راقد (ما عندو حد) وبقى يقبضوه بالشبكى )--

والله لكن ماشاء الله يا سلمان. كهرباء بالسلك وقمرى بالشبكة وسفر باليامها والفايبرقلاص.
لاله شربنا تب الحمد لله. النتايل سالت. الشئ ده ماهو نشيغاً هين. ده خريف ساري بابوري عديييل
يا سلمان
الكربكان سال
والعيتنوب سال يمشى تلاته يوم
والمديسيس
وخور حنون قلع قصب المريق السايقنو رماهو في شري. حتى خور سحارة سال... بي جنب الضكر داك الموية تسوي في الخوووووو
ووادى عصمة جاب قعور الشدر
يا زول هي نحمد الله خريفاً سماحتو بري
والكهرباء جاتنا
وكان جاينا الظلط لى كريمة
يازول هييييي
الباقي بي نتمو برانا

يعنى خريف ركبى-
-الضحوى ليهو بروق --
فاطرا الفوق ابسباع خلا البلد طين
انحدر فوق ابقطب نجد المزارعين-
او --سنونا الرفا فوق عد ام شديدة من شيلة الشمس لاعن غميدا-
او--
ياللا نسكن فى العيتنوب
نسرح الضان ونشرب الروب
لاغبار فتنى ولاهبوب --
والهبوب هنا ليست الا (المشاكل) وليست الهبوب العادية وما احلاها هناك لكن الهبوب المقصودة كما يقول الناس الان -(ماتجيب لنا هوى )
الصدوق ماتمرقنا من الخط باقى نحنا ناس نحب الكلام فى التاريخ والشعر واصلنا من الخلا -
بعدين ماسمعت قالوا فى جدى سمد شنو عندما كان يمتلكثروة كبيرة واعداد لاتحصى من الجمال :
جمالا عند سمد ماضاقن القيد
ضاربات الحجاز يرعن مع الصيد
بعدين ما تنسى اعمدة الكهرباء تنزل وتبت عليها السراتى والرخم استعدادا للسوق بدل تمرات عشى

ها ها ها
سلمان إنت في التراث ما بتتلحق!
يا زول هي قالوا الكهرباء كيبل وليس اعمدة.. الكهرباء جاي بالشرق عشان كلو رمال.. يدفنوها تحت. شديد ركبي تحت الرمال
...........
غنت عارف يا سلمان العرب اذكياء شديد!
ليه بيقولوا نشـّغت)
عشان خايفين ناس البحر يسحروهن.. أو ما يدوهن تمر كتير
عشان في المحل ناس البحر قاعدين يحنوا عليهم زمن قطوع التمر
....
الكهرباء انا خايف مناصيرنا ديل ما يقدروا على عداد الجمرة الخبيثة ! لسه ما عندهم تصور لى العداد
زي زمان ما عندهم تصور لى سلفيات البنوك
ولما جاء بنك شري الزراعي والكاب جاب خبرن
نوصيهم باسترشاد الإستهلاك

الله اكبر كم في النصرمن عجب
ياخالد المنصوري جدد خالد العربي
كلاكما ياتي بالنصر المبين الخبر الاكيد والنصر الموكد

يارائع وانت تجيب الروائع والاخبار المفرح ذات العموميه
التي يستفيد منها الكل
لك مني الاف التحايا والسلام

عبد الواحد جبريل كتب:امس قدمت وحدة تنفيذ السدود للمراجع العام حسابات 2011

يا ربي يكون جواها شنو ؟

دى حاجة جميلة جدا وانشاء الله لجنتنا التنفيذية تقدم حساباتها للمجلس باسرع ما يمكن .

شكرا سعادة المدير.

وصدقت مازالت هنالك لكثيرمن الملفات التى ننتظرها -

اخوتى الواضح ان ادارة السدود كما قال النائب تعطى منحا وتتبرع للخيار المحلى اى عطية وليس حقوقا ولم يفتح اللة على اللجنة باى بيان تستنكر هذة العطايا والمعلوم ان الاعتصام قام من اجل حقوق وليس منح وهو كما ذكرت الاخت اميرة يجعل عدد من التساؤلات تطرح هل ارتضت اللجنة ان تستلم عطية ادارة السدود كما فعلت فى بدل الترحيل ام ان هناك البيع الذى ظللنا نذكر المعتصمين بة من هذة اللجنة .

الخبر يزعل !!!!!!!!!!!!!!!!!!!!!!!!!!!!!!!!!!!!!!!!!!!!!

العجيب ان تصمت اللجنة حتى هذة اللحظة لم يصدر بيان من اللجنة يوضح رؤيتها لما يجرى