ياخوانا حسون وين! حسن سليمان نصر الدين

افتقدك المنتدي حسن سليمان

وافتقدتك ساحات المنتدي الرياضي

طال غيابك

صديق عبدالله علي أبوحنة كتب:إزيك وأعلك عافي
يا دهب الجنيه الصافي
إشتقنا لى ونستك يا حسون. ونستك الطاعمي.. وينك يا زول.. في شرقة والله غرقة.. طمسة والله همسه.. ياخي بقينا نتقريف لى طلتك يا زول.ناس صلحة.. ناس ام هتيرة. ناس أم عطرون. ناس الكلاكلة.. ناس دفعتك.. كلهم يسألوا عليك. يا زول اعلك عافي.. شوق بحر

ياباشمهندس سلام
والله إفتقدنا الأخ حسن سليمان ومناكفاته فى المنتدى الرياضى
المقطع الأول إزيك وأعلك عافى يادهب الجنيه الصافى ..أغنيه جميله جداً والأداء أروع من أروع بالعود وجدتها مسجله فى اليوتوب وعملت ليها إنزال وبقت عندى ذى جبنة الصباح طول اليوم مدوره فى الحاسوب لكن والله فنان بالجد فن وهندسة وعين الحسود فيها عود.

تسلم ساري الليل
عن حسنا وحسنكم
.........
هييي يا ناس جبنة الصباح
ود البلد
ياخي طلتك بقت قليلة وانا اشتاق ليك وسألت عليك سؤال الضهبان.. بعدين عرفت الحاصل.. وقدرت الظروف كلها
تسلم وجزاك الله خير
والله يا شباب بالجد افتقدنا حسون
حسون ده انا ما بحمل فراقو خالص
زول مبدع
ووناس
وضو قبيلي
وصداقاتنا منذ 90 سنة مع ابوه وابوى واخوانو وأخواني وأنا وهو

منتصف الاسبوع القادم حسن سليمان حضورا بالخرطوم انشاء الله

طال غيابكم