شعار المناصير

ياغرة ام منصور... وصل الصبر للحد............

ليه دون جميع الناس...مظلومة بت احمد......

بكرة الزمن بيعيد ..تاريخك الامجد....

في ام دويمه هناك والكربكان تشهد

..باكر يبين بالجد ...لعب البطان بالشد.....

تظهر حقيقة المال ...ماكولة باسم السد ...

قالو الحكم تتزال ...قصرية التهجيير ...

دايريييين يبيدو الناس ...العرق والتطهير ...

من جاه حكم ظلام .من طه ولا بشير ...

خيرات بلدنا تروح ...في غيرا بالتعمير ...

اصلو النعامة محال ...لو تجري مابتتطير ...

وقلبك موع نار ...ياغرة بت منصور ...

بكرة الجال بتثور ...لابرة لاسانتور...

والخالة بت احمد ...في بيتا تضبح تور ...

حنداقة للجعان ...اسامة يا مااجور ...

تعرف براك ياشيخ ..وكت البلد تمرق من قبضة العسكر ...

والحاجة بت احمد في مشيا تتبختر ...

حامين حماك اسود كيفن تخافي الشر ..

طير الرهو مخلوع بيطير بقولا كر ..

السوسة مابتقدر ناسا قلوبا حجر ...

بي كلمه استفزاز نرحل نسيب الدار ...

ولو مارضينا نقوم بالموية زي الفار ...

نسكن وسط صحراء لا امن لا استقرار ...

مسكين وحات امك وقوللك حجا السمار ...

فاكرنا نحن يهود من حقنا الف خيار ...

ما كان زمان قولك ايه لازم العزار ...

شكرا على التهميش الكابي فوقنا سنين ...

صوت النضال بالحق لابد بكرة يبين ....

غشوك بت احمد مغشوشة باسم الدين ...

ياصابرة صبر ايوب الليلة حان الحين ..

قادرين نرد الكان بدل الظلم ظلمين ...

يرخص يهون الدم لفداك والعينين ...

ساندنا رب الكون البنصر المظلوم ...

حالفين يمين بنشيل كل حقنا المهضوم ...

يا امة عشرة حقوق نلقاها في فد كوم ...

يا في اعتصامنا نعيش لما القيامة تقوم ..

لو فاكر انت خبيث قولك ده ما معقول ...

داير قعادنا يطول نزهج نفوت فاضين ...

قاعدين تجينا هنا القال قبيل مسؤل ...

مافينا زول بيعود غير فوق ضهر مكتول ..زز

خليك مطنش تب زي سدك انت نقيف ..

مابينا ما بينك ماظني واقف سور ....

باكر نجيك هناك ضوق الظلم والجور ...

والفات بحرنا زمان الليلة عاد مغبون .....

مين البفوت النيل غير يبقى زول مجنون ...

كم مرة قلنا خلاص لعبت علينا دقون ؟؟؟

والليلة حقنا كاااااااااااااااش مابنرضى بالعربون ...
.