حان وقت الحساب يا ناس الانقاذ والمؤتمر الوطني وكل المسميات التي ضيعت الوطن.

.
عندما اتت الإنقاذ او حكومة المؤتمر الوطني في منتصف عام1989رفعت الكثير من
الشعارات الفضفاضة وعلي سبيل المثال ناكل من مانزرع ونلبس من مانصنع
وإنهاء حرب الجنوب وكانت تعير علي الحكومة السابقة تدني قيمة الجنية مقابل
الدولار الذي حينها كان يعادل 2جنية سوداني بالقديم والقديم خالص (خلو
بالكم وصحصحو معاي ياناس المؤتمر الوطني)كان انتم نسيبتو نحن
ماناسين،اتفقنا؟،وكمان برضو ما ننسي كانو بيقول التمرد وصل الرنك ولو نحن
ماجينا كان وصل كوستي.من اخذ الاجر حاسبة الله بالعمل وانتم قبطم الاجر وزياده.
نبداء بالزراعة التي وصلت قمتة تدهورها في عهدكم وهي حقيقة ملموسه ولا تغبو علي العين،التدهور الذي وصل الية مشروع الجزيره لم يشهده ومنذ تأسيسة،وهنالك مقولة مشهوره عند اهلنا الدناقله حين كانت تفرض الحكومة ضرائب باهظه علي المواطن هوي كان نجح للزبير ومقصود بالزبير هنا الزبير محمد صالح وكان خاب للطير.
تعالو نمسك الصناعة،الكل يعلم ان مصانع النسيج توقفت عن العمل في عهد الإنقاذ وكذالك مصانع الزيوت التي تناولت مشاكلها قنوات عالمية .
نمشي لإنهاء الحرب نجد ان النظام عمل بنظرية احمد عراف الشهيره والتي موجبها كسر زير السلام وقطع راس ثور الوحده،والحرب الان إمتدت من اقصي الغرب الي اقصي الجنوب،يعني قبل ماتجو انت يا ناس اللإنقاذ كانت الحرب محصوره في الجنوب فقط ،وبدل الحرب ما كانت علي مشارف كوستي بقت علي مشارف ود الحداد حيث سنجة وسنار،وبدل مانقول الامن في جوبا مستتب وهي علي بعد آلاف الكيلو مترات من الخرطوم بقينا نقول الامن في الدمازين مستتب وهي علي بعد مئات الكيلو مترات،وبلد ما تقول نقاتل جون قرن الكافر والعميل اللهم اغفر له وارحمه الدعاء الاخير من عندي طبعا بقيتو تقول نقاتل عقار العميل، طبعا مش حاتقدرو تقولو كافر لان من كفر مسلم فقد كفر.
نجي للاهم هو إرتفاع الاسعار والدولار الذي كنتم تعيرو من سبقوكم بها
طبعا كنتو بتقولو ان الدولار بقي ب2جنية بالعملة القديمة طبعا ولان الدولار ب5.5بالعملة الجديده اي بعد حذف ثلاثة اصفار،ثمن كيلو اللحمة في عهدكم بقي بثمن خروف في عهد من سبقوكم،وكيلو السكر في عهدكم بقي بثمن جوال في عهد من سبقوكم.
في عهد من سبقوكم كان السوداني له مكانه إجتماعية محترمه ،الان يعدو سوا ارهابي او متسول.

الرائع جبريل ... سلام
وما تنسى المحور الإجتماعي

وبجيك راجع ... يا زول يا رائع

شكرا يازعيم علي المرور ومنتظرين طلتك مره اخري.
نأسف علي بعض الاخطاء الإملائية التي لازمت البوست والتي حاولتي تصحيحها ولكن يبدو خيار التصحيح حزف من هذا القسم،لاسباب نعلمها ونقدرها،ونتمني ان يعود قريب،لاننا لم نكن كتاب معترفين ولم يكن لنا زمن حتي نكتب في الخارج ونرجع نكتب علي الجهاز.

ود المناصير كتب:الرائع جبريل ... سلام
وما تنسى المحور الإجتماعي

وبجيك راجع ... يا زول يا رائع

ده محور خطيير ود المناصير

لكن الاخطر منه الدين اين هم منه

اصبة كـــــــــــبــــــــــــــــــد
الـــــــــــــــــــــحقــــــــــــــــــــــــيقــــــــــــــــــــــــــــة
ياجبريل