حازم وود المناصير وودالقبائل ولقاء الجمعه

ما لا نتوقعه قد حصل فعلا

قبل لقاء الجمعه

حازم يسافر جنوبا خارج البلاد

وود المناصير لم يؤكد حضوره للبلاد حتى هذا المساء

وود القبائل يهاتفنا معتزرا لامر يتعلق بطبيعه عمله

الاخ سلمان لم يتاكد من حضور الاخ الباشمهندس ود ابو حنه

وود الفكى طال غيابه ونتمنى ان يظهر بالباسقات مع ابنه وكاميرته

هذا اللقاء يفتقد وجود الارباب عثمان محمد حامد النفر

والدكتور مصباح محمد مصباح

الحضور حتى الان من الاخوه المغتربين

محمد احمد محمد الامين بروى

عزالدين الضقولى

فارس الزين على محجوب

وربما

دكتور حسين الناقعابى

المتواجد الان وسط الاهل بالجزيره شيرى

من الولايات تاكد حضور القامه الفنان عيسى احمد محمد الامين بروى

وضيوفه من الفنانين والشعراء

خلف الكواليس يعمل الجميع ويتسابقون مع الزمن

حتى يرضى الجميع ويكون فى مقام الساده المكرمين

نتمنى يوم اسرى رائع

ازيك ياود الفقراء
وسلام لكل القامات التي سوف تتشرف اللقاء الجامع
ودالقبايل ياود الفقراء قاعد بين جنبات الباسقات ومع عصفوره ودالمناصير متحكر
يعاين ويتاوق في تلك الوجوه التي لطالما احبها المنتدي والرفاق
احببنا صديق ابحنه الفي حبه محنا
احببنا قامه بلادي الرائعه محمد بروي كما يحلو لحازم والرفاق
احببنا دكتور حسين النافعابي ومداخلاته
واحببنا فارس الفارس كما يسميه الرشيد وابومصطفي الدفاق
فياود الفقراء انت والذين سيحضرون يمثلون بلد
فالعبره في القلوب المعلقه بالحب الاخوي لتلك لطيور الآئبه
اما ود المناصير ان حضر فنعم القعده والبهجة
وان لم يحضر فأن حفيف كتاباته ستظل اوسمه علي اعناق الحاضرين
اما حازم فأبو مصطفي والرشيد سيسدون الفرقه ويوسعون الفرقه
فياريت ياود الفقراء تلحقنا بدعاء الصلاح والفقراء البقوموا قبل النباه
ياجنا افتل فوق حبل ابواتك الزمان البيريبو المويه
وياريت القامه بروي يحكي لينا عن الزمان الزين وقت الشعر مغطي الاضنين
وزمن الريال ابوطاره والسجاره في ضنب السجاره
وصديق ابحنه يورينا الفرق بين البصاره والصباره
والمسوق والحكر واللحم المابطلع من الضفر وعن العلائق والنسائب والسبب في زيادة المصايب
اما فارس فله القبعات تنحني وسنصر علي عصفور ود المناصير ان لاتبارح ذلك الوجه الذي احبه القابعين علي الحجار النائمين علي الرمال وأكيد دعواتهم ستصله ليل نهار فكم كانت البسمات تنطلق لذلك الابن البار
شكرا فارس فلقد حفرت أسمك في الجميع والمجاميع والصليعي والجماميع وفي برتي وجبل الصقاقيع ( دا ياود المناصير اسم الجبل الذي صعد اليه ابن نوح )سأوي الي جبل يعصمني من الماء) ماتقول ود القبائل دستر وبستر

ود القبائل والقبائل والشابي شايل جميعهم يرفعون الاكف ان يكون اللقاء مطروا سايل
وصدقوا باين و جوه عائل حتي ينعدل الحال المايل وحينها تقر عين ود القبائل
يلا ياود المناصير طرق القلم الخطير
للقاء الفي الباسقات شد العصيفير
ود القبايل من الفرح عايز يطير
اصلو مسخوت يدودر بالتناقير
دواه شعر بروي الامير
ومابتنفعه الا قعدات الطنابير
سلك ينقرش يفك الدساتير
دساتيرا موكره جنس وكير
مايمرقه الا فقير الحواجنير
يلا ياود المناصير سطر القلم الخطير

يا الله يا الحاج شرف ... والله لك مني أجمل تحية

وانت تعرف كيف تضط على كل زر ينير المنتدى شعرا ونثر ...

واليوم تضط على الزر الخطير فجاء ود القبايل عدال المايل .. جاء بدوزنة ملؤها سجع وجناس بديع مثير ... حير ود المناصير

التحيك لك الحاج اونت تعرف من أين وكيف ومتى تأتي بالألق الجميل

والتحية لود القبايل ..ذلك الشاعر الذواق ... والقاص الرهيب ... صاب القلم الساحر .. الكلام الجميل

والتحية لكل مبدعي بلادي

شكرا لكم

وجزاكم الله خيرا ... ولا أزيد

ود القبايل وود المناصير كلامكم سمح بس كان اسمح من كدى حضوركم...

انا من ما نزل الحاج البوست كلما مرة اتاوق عشمان فى واحد فيكم ياكد حضورو بس خسارة وكمان حازم شكلو برضو ما عندو طريقة....عزاؤنا فى البقية

تاكد الان غياب صديق ابوحنه

وتاكد حضور ود القبائل لللقاء

وقد هاتفنى بانه سوف يكون حضورا وبصحبه ابنائه

مشكور ود المناصير

ومشكور خال ابرار ياجنا نحن مبسوطين منك بسط جد

مبسوطين لأنك اول دكتور منصوري يتذوق اهله خدمه ضراعه

ومبسوطين لأنك شايل هم بلد وهم قبيله

ياجنا التاريخ يسجل والناس تسجل وودالقبايل يقيد في دفاتر الزمن ان خال ابرار ابنا بارا بوطنه الصغير

الله يحفظك من العين ياجنا

لكن انا زعلاااان منك شديد معقوله العيد قرب ياجنا وانت لسع تسوي في التيرن ويرن العرس ياجنا

ام قرين يادكتور

المنتدي يريد خال ابرار عريس

هي كلمات لمن احببناه بتفانيه

غايتو ود الفقراء دا يجيب الزول من المقابر

الحكايه شنو ياود الفقراء متين انا اتصلت عليك افو ياود الفقراء مالك داير تجيبلك وراري

بأذن المعبود انا وود المناصير سنكون حضور اذا سمحت لنا الخيول والسهول

للاذكياء فقط



يا الحاج 2+1 تساوى تلاتة لكن هنا 2+1 تساوى اتنين

الرشيد طه كتب:للاذكياء فقط



يا الحاج 2+1 تساوى تلاتة لكن هنا 2+1 تساوى اتنين

طبا يا الرشيد الكلام موجه للحاج ... لانو بصراحة نحن الذكاء فارقنا وفارقناه زمان

.. وبقينا من الحجرة ونكورك

لكن شغلك تمام ... بطعم الحرجل والمحريب ... ونيابة عن ود الفقراء

يا الرشيد .. 2 +1 = 3 لكن انتو دايرنها كم ؟؟

خال ابرار كتب:الله عليك يا ود القبايل دايما" عادل المايل...

الليلة كمان جاى تعدل مايل خال ابرار...خال ابرار ذاتو يريد خال ابرار عريس بس العين بصيرة ومرتب الحكومة قصير...

الله يخضر ضراعك يا ود القبايل بس شوف زى ديل (الريس ..الرشيد وودالمناصير) زى الما شافو المنتدى يريد خال ابرار عريس

الله يا دكتور ... ود المناصير شاف الكلام ... ولكنه قطع عهدا ألا يسبقك أبدا أو يتقدم عليك حتى في الكلام

فأنت الجوهر واللب ونحن القشور ..

نبارك ونثني ونتبنى دعوة والقبايل عدال المايل ... المنتدى يريد خال أبرار عريس

لك شكري وتقديري