النجومي علم في البلاد للمناصير ما سوي عيب

صديقنا محمد أحمد عبد الرحمن النجومي رمت به أقدار الحياة أن يكون موظفاً من ضمن موظفي سد مروي وقد انتاشته كثير من الاقلام بما فيها قلمي فقط لانه ينفذ تعليمات مروسيه -غفر الله لنا
ولكن انبري لنا أحد شعراء المنطقة معدداً ماثر الرجل وذاكراً فضله _فقال محمد عثمان فضل


النجومي علم في البلاد **** للمناصير ما سوي عيب
والنجومي قمر بالنهار **** ماهو زي القمر البغيب
التواضع منو ويقيف **** وفي المرح زي الهمبريب
وفي الكرم ما عزلو زول **** كان صديق كان زولاً غريب
كرمه زي الميناء مدفوق **** الظلط ماشي مع القضيب
عمره في وش زول ما عبس**** ما بقول بعدين بس يجيب
في الفتيحاب بيته مفتوح **** وفي كريمة العجب العجيب
ان نزل بالمستشفي طاف **** يشفي ما لا الدواء والطبيب
ساعة بس تتعافي وتقوم **** حتي كان لادغاك ام جنيب
النشاط يملاك والامان **** ما بتدور تاني العنقريب
أسأل اللمباي الضعاف **** من زمانه اللكان رقيب
يقرأ طالب بالجامعات **** ومطره كل يوم زايد صبيب
من ولد مدخور للتقيل **** ضرعه ما جف من الحليب
في رجال بالجد هم رجال **** وفي رجال ساكت جلاليب
سجل التاريخ للرجال **** والايام مرت دواليب
والزمان غربال للرجال **** ختمه فوق الفاسد صليب
وختمه فوق الصالح الصاح**** طوله طول خط الانابيب
كم صلح ود أحمد رجال **** في الزمان القاسي الرهيب
رحل الحامداب من الضيق **** لي وساع الكون الرحيب

النجومى علم حقيقى لمن يعرفه وحدلله على السلامة الظهرت يا ود حبيب

شعر يوقف الشعره علي العنقريب الكرابه نازل
له ولك ولكل الاخوان السلام والتحيه
وربنا يلم البلد وولاد البلد لبلد تطرش من الغراق وسكين اعدائها تسوي الصر
ربنا يجمع الشمل وفوق حجارنا التي تصارغ الغراق والاغراق ندق الرتوتي
للمابينا والشمتان
مشكور زعيم الهبارمه
خلاص مباصره المحن البي تفوت الفرض خليته

الاخ كرم الله والاخ ود القبايل (العيد) لكم التحيه والود والله يا ود القبايل المناصير حنان شديد لدرجة أنه الواحد يشيل همك وهو عمره بالعميري ما شافك ولا دفعلك عانه ولا قطعك بي مركب ولا فزع معاك في كركي_والحقيقه يا ود القبايل أنا زولاً طماع شديد ومابدور الورانيي عشان كدي تلقاني دايماً أسوي في الفر

قد تعرفت على الاخ النجومى وهو كما وصفة الشاعر محمد حسن فضل اخا عزيز خفيف الروح ابن بلد اصيلا تواضعا وادب جم ويكفى ان من فتح البوست الاديب الاريب الشيخ كما يحلو لود المناصير وصفة محمد حبيب هبرم

شكرا الاخ محمد حبيب على رائعة
مربى الاجيال محمد عثمان فضل
النجومى رجل مرح نعرفه من زمن الجامعة
وقد تخرج من جامعة القران الاان ظروفه وضعته بين المطرقة والسندان
فالسلام الحار له ولابن عمه حمزه عبدالرحمن زميلنا بجامعة الخرطوم
فهم رجال افذاذ من ابناء القناويت
تقبل المرور